Fillimisht ishte ylli i Liverpool, Dominik Szoboszlai që do të zhbllokonte rezultatin në minutën e 58’, ndërsa në të 86’ ishte Nagy që vulosi fitoren e vendasve.

Trajneri Franco Foda pëson kështu humbjen e parë në drejtimin e Kosovës. Dardanët mbyllin miqësoret e marsit me një fitore ndaj Armenisë dhe disfatë ndaj Hungarisë.

Goli i 1:

Goli i 2:

The post VIDEO / Kosova nuk ia del në Hungari, trajneri Foda pëson humbjen e parë me Dardanët appeared first on Albeu.com.

Pjesa e parë i takoi tërësisht Kosovës që e dominoi kundërshtarin me raste, duke mos i lejuar që të rrezikojnë seriozisht portën e Aro Muric.

Gjatë 45 minutave të para vlen të theksohet paraqitja fenomenale e Edon Zhegrovës i cili duk mjaft i disponuar për lojë, dhe me driblimet e shpejtësinë e tij, i shkaktoi probleme të mëdha mbrojtjes së Hungarisë.

Rasti i parë serioz për ‘Dardanët’ në 45 minutëshin e parë të kësaj sfide erdhi në minutën e nëntë me Edon Zhegrovën, i cili në një hapësirë të ngushtë dribloi mbrojtësit kundërshtar dhe bëri një goditje e cila shkoi fare pranë shtyllës së portierit kundërshtar.

Teksa koha kalonte, Kosova vazhdonte të tregonte forcën e saj në këtë takim duke mos u treguar aspak inferior ndaj kundërshtarit.

Një tjetër rast shumë i mirë shënimi u krijua në minutën e 22-të, kur Blendi Idrizi dribloi brenda zonës së rrezikshme dy mbrojtës kundërshtar, por pasimin e tij nuk arriti ta shfrytëzojë siç duhet Vedat Muriqi, i cili nuk ia doli ta godasë topin siç duhet.

Duke e parë ritmin e lojës së Kosovës, me shumë mundësi do të shohim gola në pjesën e dytë të takimit./Telegrafi/

The post Përfundon pjesa e parë: Dominim absolut i Kosovës ndaj Hungarisë appeared first on Albeu.com.

Dy ekipet përfaqësuese hyjnë në këtë ndeshje pas dy fitoreve që morën katër ditë më parë, ku hungarezët mposhtën Turqinë me rezultat minimal 1-0, ndërsa ‘Dardanët’ po ashtu me rezultat 1-0 morën fitore ndaj Armenisë në udhëtim.

Përzgjedhësi i Kosovës, Franco Foda, ka bërë disa ndryshime në përbërje në krahasim me ndeshjen e kaluar ndaj Armenisë ku në formacion rikthehet kapiteni Amir Rrahmani, Donat Rrudhani, nga minuta e parë e nis Blendi Idrizi.

Faza e sulmit në anën tjetër nuk ka ndryshuar nga ndeshja e kaluar, dhe Foda i ka besuar përsëri Florent Muslijës i cili do luajë mbrapa sulmit që përbëhet nga Milot Rashica, Edon Zhegrova dhe Vedat Muriqi.

Formacionet zyrtare:

Hungaria: Dibusz, Lang, Dardai, A.Szalai, Bolla, A.Nagy, Styles, Zs.Nagy, Gazdag, Szoboszlai, Adam.
Kosova: Muric, Vojvoda, Rrahmani, Aliti, Rrudhani, Idrizi, Berisha, Muslija, Zhegrova, Muriqi, Rashica.

The post Formacionet zyrtare, Hungari – Kosovë: Foda me disa ndryshime nga ndeshja e kaluar appeared first on Albeu.com.

Dueli mes Hungarisë dhe Kosovës do të zhvillohet në stadiumin Puskas Arena në kryeqytetin hungarez Budapest.

E në këtë sfidë pritet të jetë një atmosferë spektakolare, pasi tanimë të gjitha biletat janë shitur dhe stadiumi pritet të jetë ‘Sold Out’ për të parë nga afër duelin Hungari – Kosovë.

Ka qenë faqja zyrtare e Federatës së Futbollit të Hungarisë që ka njoftuar se stadiumi do të jetë i stërmbushur.

“Shtëpia do të jetë plotë sonte në Puskas Arena. Janë shitur të gjitha biletat për ndeshjen miqësore Hungari – Kosovë që fillon nga ora 19:00”, ka njoftuar Federata e Futbollit të Hungarisë.

Puskas Arena është stadiumi më i mirë në Hungari, derisa ka një kapacitet prej 67,215 mijë ulëseve.

Ky stadium për herë të parë ka hapur dyert më 15 nëntor të vitit 2019, derisa vlera e ndërtimit të tij ishte 533 milionë euro. /Telegrafi/

The post “Asnjë vend i lirë” – Federata hungareze njofton se për ndeshjen me Kosovën janë shitur të gjitha biletat appeared first on Albeu.com.

“Dardanët” stërvitën në stadiumin “Puskas Arena”, aty ku edhe do të zhvillohet ndeshja, shkruan Gazeta Express.

Federata e Futbollit e Kosovës (FFK) njoftoi se “për shkak të lëndimit në stërvitje mungoi Leart Paçarada, paraqitja e të cilit mbetet në dyshim për ndeshjen e nesërme”.

FFK gjithashtu shkroi se “Dardanët janë të përgatitur e motivuar maksimalisht për këtë përballje” dhe se “atmosfera në grup është tejet pozitive”.

Ndeshja mes Hungarisë dhe Kosovës do të zhvillohet nga ora 19:00.

The post Kosova kryen stërvitjen e fundit para ndeshjes ndaj Hungarisë, Paçarada në dyshim për nesër appeared first on Albeu.com.

Mbrojtësi qendror i skuadrës qipriote Omania do të jetë titullar edhe në ndeshje miqësore ndaj Kosovës, derisa ka folur në konferencë për shtyp para përballjes me Dardanët.

Edhe pse fituan ndeshjen miqësore ndaj Turqisë 1-0, hungarezët nuk ishin të kënaqur me paraqitjen që bënë.

Kësisoj mbrojtësi 31-vjeçar Lang ka thënë se përballë Kosovës duhet të luajnë duke bërë sa më pak gabime të jetë e mundur.

“Një ditë pas ndeshjes me Turqinë, kemi analizuar gabimet dhe kemi diskutuar se çka duhet të ndryshojmë. Nuk ishim kohë të gjatë së bashku dhe duhet kohë që gjërat të automatizohen përsëri”.

“Ne reagojmë mirë në këto situata, kur gjërat nuk ecin si duhet, dhe kjo tregon forcën e ekipit. Natyrisht, jemi të lumtur për fitoren. Por ndaj Kosovës duhet të luajmë me më pak gabime”, ka deklaruar në konferencë për shtyp mbrojtësi qendror i Hungarisë.

Hungaria dhe Kosova luajnë të martën mbrëma me fillim nga ora 19:00 në Puskas Arena në Budapest. /Telegrafi/

The post Mbrojtësi hungarez: Nuk duhet bëjmë gabime ndaj Kosovës appeared first on Albeu.com.

Për të dyja ekipet përfaqësuese do të jetë ndeshja e dytë miqësore në muajin mars, derisa është edhe përballje e parë mes vete.

Para kësaj përballje ka folur trajneri italian i Hungarisë, Marco Rossi duke thënë se do të bëjnë ndryshime nga ndeshja e kaluar me Turqinë, por nuk do të eksperimentojnë pasi do të jenë futbollistë në të cilët llogaritë për Euro 2024.

“Çdo gjë që bëjmë ka qëllim të caktuar. Ne nuk eksperimentojmë. Do të ketë ndryshime në krahasim me ndeshjen ndaj Turqisë. Por do të jenë lojtarë në të cilët llogarisim për Kampionat Evropian”.

“Nuk do të provojmë elemente taktike apo formacione që nuk na shërbejnë për Kampionat Evropian. Synimi primar është përgatitja për turneun në Gjermani, ndërsa qëllimi afatgjatë është zhvillimi i mëtejmë”, ka trajneri italian Marco Rossi.

Trajneri italian u pyet nëse loja e Kosovës është e ngjashme me të Zvicrës duke marrë parasysh historinë e dy ekipeve përfaqësuese dhe lojtarët që Kosova ka të lindur dhe rritur në Zvicër.

“Janë në nivele të ndryshime dhe stili i tyre i lojës ndryshim. Loja e Zvicrës është më dominuese. Zviceranët e kanë posedimin e topit, shikojnë për hapësira, të cilat i fitojnë me driblim, duke fituar duelet”.

“Kosova në anën tjetër luan më shumë futboll direkt. Kështu që mund të flasim për dy ekipe të ndryshme përfaqësuese, sa i takon personalitetit dhe stilit të lojës”, ka deklaruar ndër të tjera Marco Rossi. /Telegrafi/

The post Trajneri i Hungarisë flet para ndeshjes miqësore: Kosova luan futboll direkt, nuk do të eksperimentojmë appeared first on Albeu.com.