Kjo gjë konfirmohet edhe nga rasti i fundit i komedianit-kryebashkiak të Kolonjës, Erion Isai, i njohur ndryshe si “Çuçka”, për shkak të një roli që ka luajtur para disa vitesh kur ishte humorist i “Portokallisë”.

Isai është nën hetim nga SPAK për abuzimet me fondet e rrugëve dhe një rast ujësjellësi për Bashkinë e Kolonjës, madje është thirrur dhe për t’u marrë në pyetje, por kjo gjë nuk e ka ndaluar për skandalin e radhës.

Kryebashkiaku i Kolonjës, në listën e re të programit për strehimin social, ka futur si përfitues edhe disa prej vartësve të tij, për t’iu dhënë banesa me lekët e qytetarëve.

Rasti është denoncuar nga avokati Esmerald Xhafa, i cili sipas tij, duke e faktuar dhe me dokumente, nj prej përfituesve të banesave është Enea Jorgji, i cili mban postin si drejtor i Ujësjellsit, teksa dhe bashkëshorten e ka sekretare të Këshillit Bashkiak të Kolonjës.

Të pastrehë janë shpallur dhe Petro Kristo, i cili ka pozicionin si drejtor pyjore dhe bashkëshortja e tij që po ashtu punon në Bashkinë e Kolonjës.

Gjithashtu edhe Administratori i Njësisë Administrative të Leskovit, Leonard Konica është shpallur i pastrehë.

Sipas dokumenteve të mëposhtme, emrat tyre janë miratuar si pjesë e listës së personave që përfitojnë programe strehimi social nga kryebashkiaku Erion Isai.

“Ky është turpi i rradhës. Të gjithë punonjësit e Bashkisë Kolonjë duke nisur nga Zv.Kryetari paskan qenë të pastrehë. Nisur nga ky turp dhe qokë e rradhës do nis kallëzim të ri në SPAK, i treti për këta abuzues të paskurupullt me pushtetin. Do vijë një ditë që do ti villni të gjitha, sa për Ilustrim.

Enea Jorgji – drejtor i ujësjellsit.

Bashkëshortja e Eneas është sekretare këshillit bashkiak.

Petro Kristo është drejtor pyjore,bashkëshortja punonjëse në Bashki.

Leonard Konica Administrator i Njësisë Administrative Leskovik.

Dhe gjithë të tjerët me rradhë”, shkruan Xhafa.

Sipas dokumenteve të mëposhtme, emrat tyre janë miratuar si pjesë e listës së personave që përfitojnë programe strehimi social nga kryebashkiaku Erion Isai. /oranews

The post Erjon Isai bën “humor” me kolonjarët/ U jep banesa vartësve, shpall të pastrehë drejtorët e Bashkisë appeared first on Albeu.com.

Me pasuri të shumta natyrore, mikpritjes së banorëve të zonës, Kolonja po tërheq gjithnjë e më shumë vizitorë nëpërmjet zhvillimit të turizmit, jo vetëm në verë, por edhe gjatë stinës së dimrit.

Rama thekson gjithashtu, se Kolonja magjike, e bekuar nga natyra dhe e zhvilluar prej potencialit njerëzor, ju mirëpret për këto festa fundviti.

Postimi i Ramës:

“MIRËMËNGJES

dhe me Kolonjën magjike, të bekuar nga natyra dhe të zhvilluar prej potencialit njerëzor, që ju mirëpret për këto festa fundviti, ju uroj një të diel të paqtë”, shkruan Rama.

The post Kryeministri Rama ndan pamje nga Kolonja: E zhvilluar prej potencialit njerëzor appeared first on Albeu.com.

Berisha e quajti kryeministrin Edi Rama si “pushtues”, ndërsa vuri theksin te shpopullimi i vendit.

Ndër të tjera, ish-kryeministri u kërkoi qytetarëve që të angazhohen për të bërë të mundur çlirimin e vendit nga ajo që ai e quajti “klik” pushtuesish.

Komentet Berisha i bëri në një takim me qytetarët në Kolonjë.

“Ky po sillet si një pushtues i vërtetë me shqiptarët. Ndihet më afër me Vuçiçin se me Kurtin. Sepse Albin Kurtit nuk pranon Ballkanin e Hapur. Marrëdhëniet shqiptaro-serbe nuk mund të jenë kurrë të vërteta nëse ato nuk kalojnë nga Prishtina.

Unë dëshiroj të dëgjoj mendimet tuaja , por edhe t’ju ftoj të angazhohemi me përkushtim në debat, në diskutim, dialog me çdo qytetar të Kolonjës. Vendi është në rrezik. Cilido që thotë jo le të paraqesë argumenta. Një vend që po shpopullohet me shpejtësi marramendëse. Vitin e kaluar kishim më shumë vdekje se lindje në vendin tonë. Ato do merren parasysh nga PD”, tha Berisha.

Berisha theksoi më tej se me ngritjen e bordeve të çmimeve, Rama ka vjedhur qytetarët përmes rritjes së TVSH, mbi 400 milionë euro.

“Me bordet që ka vendosur ka vjedhur nga xhepat e qytetarëve përmes rritjes së TVSH 400 e ca milionë euro. Nafta është 80 euro për fuçi sot në treg, më e lirë shumë se sa ishte në fillim të luftës, këtu vijon mbi 2 mijë eca. Të tjerët thonë që ky është aksioner, por 250 mijë tonë naftë futën kontrabandë, me statistika kjo gjë është e sigurt”, u shpreh Berisha.

The post Berisha në Kolonjë: Rama sillet si pushtues dhe vjedh shqiptarët nga xhepat, jemi në rrezik appeared first on Albeu.com.

Ka qenë surprizë marrja e këtij titulli për Zenelin, ku pjesë e saj ka qenë dhe kolegu i tij i njohur Agron Llakaj e të tjerë humoristë shqiptarë.

Xhevahir Zeneli ka një galeri të gjerë në rolet e tij në estradë, teatër dhe kinematografi.

The post Aktori Xhevahir Zeneli shpallet “Qytetar Nderi” i Kolonjës appeared first on Albeu.com.