Shumica e kollës largohen vetvetiu brenda tri javësh dhe zakonisht nuk ka nevojë të vizitoheni te mjeku, sipas NHS-së.

Kolli është në përgjithësi normal dhe ndihmon trupin për të larguar mikroorganizmat e dëmshëm ose pluhurin.

Por, ju duhet të vizitoni mjekun nëse keni kollë të rëndë, dhimbje në gjoks, ose keni kollë për më shumë se tri javë.

Mjaltë

Kombinimi i limonit me mjaltë mund të ndihmojë të liroheni nga kolla, sipas NHS-së.

Mënyra më e mirë është prerja e një gjysmë limoni dhe hidheni në ujë të vluar.

Shtoni dy lugë të vogla me mjaltë dhe përzieni duke e konsumuar derisa është i ngrohtë.

Por, limoni me mjaltë nuk duhet dhënë fëmijëve, paralajmëron NHS.

Ananasi

Kombinimi i lëngut të ananasit, mjaltës, kripës dhe piperit redukton kollën deri pesë herë më shpejt se sa barnat tjera, ka bërë të ditur një studim.

Trumza

Thelbi i trumzës mund të përzihet me dredhkën, bimë barishtore, për të ndihmuar në lehtësimin e simptomave të kollitjes, pohoi një studim.

Gjethet e trumzës përmbajnë përbërës të quajtur flavonoide, të cilat njihen si një antiinflamator natyror. Gjethet e saj relaksojnë muskujt e fytit të përfshirë në kollitje.

Ju mund ta bëni çajin e trumzës në shtëpi duke përdorur 2 lugë çaji me trumzë dhe 1 filxhan me ujë të valë. Mbulo kupën, lini për 10 minuta dhe më pas përdoreni.

Menta

Menta ndihmon për të zbutur fytin dhe mukozën. Ajo po ashtu përdoret të lehtësojë ftohjet, sinusin, astmën dhe bronkitin.

Jamballi

Rrënja e jamballit përdoret për të trajtuar një dhimbje të fytit ose kollë, pasi është një ekspektorant i fuqishëm. Ajo liron dhe e përjashton mukozën nga gryka, ndërsa gjithashtu përmban vetitë antivirale dhe antimikrobe.

Përdorni ekstraktet e jamballit në pikat e kollit, shurupe ose çaj për efektin më të mirë.

The post Si të largoni kollën e thatë në mënyrë natyrale appeared first on Albeu.com.

Me të mund të bëni fare mirë një shurup natyral i cili do të luftojë bakteret, do të ndalojë kollën e thatë, madje do të eliminojë edhe sekrecionet (nëse keni të tilla).

Ky shurup prej borziloku do të kombinohet me pak sheqer, për ti dhënë një shije më të mirë.

Do ju duhen:

1. 2 lugë gjelle lëng borziloku (meret nga zierja e një tufe majdanoz)
2. ½ lugë gjelle me sheqer

Udhëzime:

1. Në një enë të vogël bashkoni të dy përbërësit dhe i përzieni mirë
2. Konsumojeni shurupin gradualisht.

Gjatë periudhës që vuani nga kolla, shmangni ambientet me pluhur, konsumin e cigares dhe stresin. /neps/

The post Si të shpëtoni nga kolla e thatë me shurupin prej borziloku appeared first on Albeu.com.

Mjaltë

Ju rekomandojmë që të gëlltisni një lugë mjaltë një deri në tre herë në ditë. Shmangni përdorimin e këtij ilaçi tek fëmijët nën dy vjeç dhe tek fëmijët e vegjël, doza mund të ndryshojë derisa të gjeni se çfarë funksionon për ta. Nëse kolla ndikon në gjumin, merrni një lugë mjaltë pak para gjumit. Mjalti është një qetësues natyral kundër dhimbjeve dhe nëse kolla juaj është për shkak të të ftohtit, një lugë gjelle mjaltë në stomak bosh do t’ju ndihmojë të hiqni qafe gëlbazën.

Qumësht i nxehtë dhe mjaltë

Ky kombinim jo vetëm që ndalon kollën, por shërben edhe për të lehtësuar dhimbjen e gjoksit që ndonjëherë shoqëron një kollë të vazhdueshme. Lajmi i mirë është se nëse nuk jeni adhurues i qumështit të lopës ose nëse jeni intolerant ndaj laktozës, ky ilaç funksionon shumë mirë me qumështin e bajames ose qumështin e orizit. Është mirë të pini qumësht të ngrohtë me mjaltë pak para se të shkoni në shtrat për t’u zgjuar nga kolla.

Gargarë me ujë të kripur

Një tjetër trajtim popullor që bën mrekulli, sepse uji i kripur ndihmon në reduktimin e inflamacionit në indet e dhimbjes së fytit. Gjithashtu ndihmon në largimin e gëlbazës. Do t’ju duhet pak ujë të nxehtë dhe një lugë çaji kripë. Përziejeni përzierjen derisa kripa të tretet plotësisht. Më pas bëni gargarë për 15 sekonda dhe përsërisni derisa të përfundojë e gjithë përzierja. Në fund, shpëlajeni gojën me ujë të rregullt.

Limon dhe piper i kuq

Limonin mund ta përdorni në mënyra të ndryshme për të kuruar kollën, sepse limoni është një anti-inflamator i shkëlqyer dhe një burim i fuqishëm i vitaminës C. Do t’ju nevojiten dy lugë lëng limoni, një lugë mjaltë dhe një majë piper kajen. Kombinoni këta tre përbërës për të bërë një shurup që mund ta merrni disa herë në ditë.

Çaj trumze

Çaji i trumzës është një zgjedhje e shkëlqyer për të luftuar kollën dhe për të reduktuar ndjenjën e mbytjes. Do t’ju duhen disa degë trumzë të freskët ose dy lugë trumzë të thatë, ujë dhe opsionalisht mjaltë ose limon. Thërrmoni trumzën dhe vendoseni në një filxhan. Hidhni ujë të vluar mbi trumzë. Mbulojeni dhe lëreni për 10-15 minuta. Më pas shtoni limon dhe mjaltë. Përsëriteni të njëjtën procedurë dy ose tre herë në ditë.

Provoni recetat shtëpiake të sugjeruara nga gjyshet dhe hiqni kollën e bezdisshme lehtësisht dhe pa shumë mundim./albeu.com/

The post Si ta luftoni kollën? 5 trajtimet e rekomanduara në kushte shtëpie appeared first on Albeu.com.