Lajmi u bë e ditur nga juristja e mediave, Flutura Kusari. Ajo e quajti këtë një vendim “historik” nga KPM, duke shtuar se promovimi i dhunës ndaj grave, denigrimi i komuniteteve dhe dëmtimi i fëmijëve përmes përmbajtjes televizive, nuk kalojnë.
“Big Brother tani ka marrë epitetin e emisionit që promovon dhunën ndaj grave. A do të ndryshoj qasjen Klan Kosova apo do të vazhdoj avazin e njëjtë?”, ka shkruar Kusari.

E fituam rastin kundër Big Brother dhe Klan Kosova! 30,000 euro gjobë për Klan Kosova që përmes Big Brother promovoi dhunë psikologjike ndaj një viktime të dhunës, lejoi gjuhë denigruese dhe lejoi përdorim të fjalorit vulgar pankodim për t’i mbrojtur fëmijët.

Ky është një vendim historik i KPM-së, bazuar në tetë ankesa, që tregon se në Kosovë nuk kalon promovimi i dhunës ndaj grave, denigrimi i komuniteteve dhe dëmtimi i fëmijëve përmes përmbajtjes televizive.

“Big Brother tani ka marrë epitetin e emisionit që promovon dhunën ndaj grave. A do të ndryshoj qasjen Klan Kosova apo do të vazhdoj avazin e njëjtë?”, ka shkruar Kusari.

Bravo KPM! Ky është një hap i madh për shoqërinë tonë! Modeli i Shqipërisë për rritje të shikueshmërisë përmes dhunës nuk kalon në Kosovë. Pikë. Vendimi do të publikohet në të ardhmen dhe nëse kam kohë e analizoj detajisht.

P.S për të interesuarit rreth bazës ligjore, KPM ka përdorë pikërisht nenin 3.1 të Kodit të Etikës në të cilën e kam bazu ankesën dhe poashtu edhe nenin 4 dhe 5 të Kodit.”

The post Dënohet me 30 mijë euro Klan Kosova për shkak të promovimit të dhunës në BBV, po në Shqipëri? appeared first on Albeu.com.

Në vendimin e marrë më 2 gusht, është thënë se ekzekutimi i vendimit shtyhet deri në marrjen e një vendimi përfundimtar nga gjykata për këtë rast.

Më 28 korrik, Ministria e Industrisë, Ndërmarrësisë dhe Tregtisë (MINT) e ka konfirmuar pezullimin e licencës së biznesit të Klan Kosovës.

Ajo e ka rikonfirmuar një vendim të 14 qershorit që ia pezullon licencën këtij biznesi me “pretendimin se në certifikatën e biznesit, te ndërrimi i pronarëve, figuron Pejë – Serbia dhe Gjakovë – Serbia” dhe diçka e tillë shkel Kushtetutën e Kosovës.

The post LIVE| Klan Kosova nuk mbyllet, Gjykata Komerciale vendos në favor të televizionit – kundër MINT appeared first on Albeu.com.

Protesta me moton “Demokracia vdes në errësirë”, do të fillojë në ora 12:00, në Sheshin Zahir Pajaziti.

Asociacioni i Gazetarëve të Kosovës i fton kolegët gazetarë, kameramanë e fotoreporterë, t’i bashkohen protestës paqësore

Reagimet

Ambasadorët e vendeve të Quint-it të akredituar në Kosovë, në të cilët bëjnë pjesë Gjermania, Franca, Italia, Britania e Madhe dhe SHBA dhe Bashkimi Evropian shprehen shqetësimin e thellë, me vendimin e Ministrisë së Industrisë, Ndërmarrësisë dhe Tregtisë, që i konfirmoi pezullimin e licencës së biznesit televizionit Klan Kosova. Kjo ministri e hodhi poshtë ankesën e televizionit kombëtar Klan Kosova për shfuqizimin e pezullimit të certifikatës së biznesit të këtij mediumi privat.

“Ne jemi, në veçanti, të shqetësuar për heqjen e licencës së biznesit të Klan Kosovës me një vendim joproporcional, i cili do të ketë pasoja në pluralitetin e medias në Kosovë”, thuhet në një komunikatë të përbashkët të QUINT-it dhe të BE-së. Heqja e licencës së cilido mediumi është hap i rëndësishëm që kërkon rishikim rigoroz, dhe liria e shprehjes dhe informimi janë tipare thelbësore të shoqërive demokratike’, thuhet në reagimin e Quint-it. Ambasadorët e Quint-it dhe BE-ja presin proces ligjor të drejtë dhe transparent për zgjidhjen e kësaj çështje.

Në përputhje me ligjin

Një komision brenda ministrisë MINT rikonfirmoi në fundjavë se Agjencia Kosovare për Regjistrimin e Bizneseve (ARBK) kishte “vepruar në përputhje me ligjin kur e pezulloi certifikatën e biznesit të Klan Kosovës, medium ky që kishte nisur punën më 17 shkurt të vitit 2009.

Për të sqaruar më tej në njoftimin e ministrisë thuhet se “vendimi i Komisionit e përmbyll këtë rast brenda ministrisë”, ndërsa “pala ankuese gëzon të drejtën për të parashtruar padi në gjykatën kompetente”.

Në qershor të këtij viti Ministria e Industrisë, Ndërmarrësisë dhe Tregtisë, ngriti kallëzimi penal ndaj shoqërisë tregtare “Klan Kosova” me “pretendimin se në certifikatën e biznesit, tek ndërrimi i pronarëve, figuron Pejë – Serbi dhe Gjakovë – Serbi”.

Klan Kosova e cilësoi të padrejtë pretendimin e ministrisë, duke thënë se “Klani i ka si dëshmi të gjitha dokumentet që konfirmojnë se pronari i kompanisë është i regjistruar në komunën e Gjakovës të Republikës së Kosovës”.

Goditja më të rëndë ndaj lirisë së medies në Kosovë

Asociacioni i Gazetarëve të Kosovës, tha se është i tronditur me vendimin e qeverisë Kurti për mbylljen e Klan Kosova, duke e cilësuar si “goditjen më të rëndë që i bëhet lirisë së medies në Kosovë që prej kohës së luftës”.

“Me këtë vendim ministrja Rozeta Hajdari, e cila është pjesë e qeverisë Kurti ka finalizuar të gjitha veprimet administrative të nevojshme për të mbyllur televizionin Klan Kosova. Ndonëse vendimi mund të apelohet në gjykatë, ky vendim duhet të kuptohet si vendim i Lëvizjes Vetëvendosje dhe kryeministrit Kurti për të mbyllur një medium për herë të parë që nga përfundimi i luftës në Kosovë”, thuhet në reagimin e Asociacionit, “duke e cilësuar këtë proces të motivuar politikisht”.

Proces i motivuar politikisht

Edhe organizata ‘Gazetarët pa Kufij’ u shpreh se “pluralizmi i informacionit kërcënohet rëndë me refuzimin e ankesës së medias më të madhe private në vend, Klan Kosova”.

“Duke mbajtur në fuqi pezullimin e certifikatës së biznesit, qeveria e Albin Kurtit po e çon atë drejt mbylljes. Ky vendim duhet të zhbëhet”.

Ditë të zeza censure shtetërore

Kurse sekretari i përgjithshëm i Federatës Evropiane të Gazetarëve, Ricardo Gutiérrez, shkroi në reagimin e tij se “ditët e zeza të censurës shtetërore janë mbi Kosovën”. “Qeveria më në fund ia doli që të mbyllë kanalin televiziv Klan Kosova. Qeveria e Albin Kurtit po e zhyt vendin në joliberalizmin më konservator, me përbuzjen më të madhe për vlerat e Bashkimit Evropian”.

Presidentja e Kosovës, Vjosa Osmani, në reagimin e saj, bëri thirrje që “çdo dilemë ligjore rreth rastit të licensës së mediumit Klan Kosova, duhet të sqarohet deri në fund nga instancat përkatëse të sistemit të drejtësisë të Republikës së Kosovës”. Sipas saj, “liria e mediave nuk është privilegj, por një e drejtë themelore që mbështet funksionimin e një shoqërie demokratike”.

The post Heqja e licencës për Klan Kosovën nxjerr gazetarët në shesh appeared first on Albeu.com.

“Ne jemi, në veçanti, të shqetësuar me heqjen e licencës së biznesit të Klan Kosovës me një vendim joproporcional, i cili do të ketë pasoja në pluralitetin e medias në Kosovë”, thuhet në një komunikatë të përbashkët të QUINT-it dhe BE-së të premten vonë.

Të premten pasdite, MINT-i e hodhi poshtë ankesën e Klan Kosovës për shfuqizimin e pezullimit të certifikatës së biznesit të televizionit privat.

Në komunikatën e përbashkët tutje thuhet se heqja e licencës së cilido medium është “hap i rëndësishëm që kërkon rishikim rigoroz”, dhe se liria e shprehjes dhe informimi janë tipare thelbësore të shoqërive demokratike.

Ambasadat e huaja në Prishtinë presin proces ligjor “të drejtë dhe transparent për zgjidhjen e kësaj çështje”.

Komisioni për Shqyrtimin e Ankesave për Regjistrimin e Bizneseve vendosi të premten se Agjencia Kosovare për Regjistrimin e Bizneseve (ARBK) kishte “vepruar në përputhje me ligjin kur e pezulloi certifikatën e biznesit të Klan Kosovës”.

Vendimi i Komisionit e përmbyll këtë rast brenda Ministrisë, ndërsa pala ankuese gëzon të drejtën për të parashtruar padi në gjykatën kompetente, njoftoi MINT të premten.

Më 14 qershor Ministria e Industrisë, Ndërmarrësisë dhe Tregtisë (MINT) ngriti kallëzimi penal ndaj Shoqërisë Tregtare, Klan Kosova.

Kallëzimi penal u ngrit me “pretendimin se në certifikatën e biznesit, te ndërrimi i pronarëve, figuron Pejë – Serbia dhe Gjakovë – Serbia”.

Më 21 qershor, ARBK-ja e kishte shfuqizuar përkohësisht vendimin e 14 qershorit për pezullimin e certifikatës së biznesit të televizionit privat, para se ta kthente në fuqi atë menjëherë më 22 qershor.

Televizioni kombëtar privat, Klan Kosova, ka nisur transmetimin më 17 shkurt të vitit 2009.

The post QUINT-i dhe BE-ja: Jemi të shqetësuar me heqjen e licencës së Klan Kosovës appeared first on Albeu.com.

“Organizatat e nënshkruara ndërkombëtare për lirinë e medias dhe gazetarët shprehin sot alarmin për masën e paprecedentë të autoriteteve të Kosovës për të pezulluar certifikatën e biznesit të transmetuesit kryesor televiziv privat, Klan Kosova, dhe për të ngritur kallëzime penale kundër përfaqësuesve të tij”.

“Veprimet e Ministrisë së Industrisë, Ndërmarrësisë dhe Tregtisë janë jashtëzakonisht serioze dhe paraqesin rrezik serioz për ushtrimin e lirisë së mediave në Kosovë. Kjo është hera e parë në historinë e vendit që certifikata e biznesit të një transmetuesi pezullohet në një mënyrë të tillë. Tërheqja e certifikatës së biznesit, e cila mund të çojë në heqjen e licencës së transmetimit, është një masë shumë ekstreme dhe duhet të merret vetëm në rrethana të jashtëzakonshme dhe në përputhje të plotë me shtetin ligjor”.

“Organizatat tona janë të shqetësuara se urdhri për pezullimin e certifikatës është arbitrar dhe nuk është marrë mbi një bazë të qëndrueshme ligjore. Njoftimi është bërë pa paralajmërim paraprak, procedura e përdorur për të justifikuar pezullimin nuk duket të jetë e zbatueshme në legjislacionin përkatës kombëtar dhe Agjencia e Regjistrimit të Bizneseve nuk ka kompetencë për të pezulluar në mënyrë të njëanshme një certifikatë”.

“Më tej theksojmë me shqetësim se ky akt i presionit të dukshëm politik ndaj një stacioni televiziv të madh nga Lëvizja Vetëvendosje minon progresin e Kosovës në lirinë e mediave në vitet e fundit, gjë që organizatat tona e vunë re së bashku pas një misioni të fundit ndërkombëtar në vend në nëntor 2022”.

“Më 14 qershor, Ministria thirri përfaqësuesin e kompanisë mëmë të Klan Kosova për një takim të paspecifikuar gjatë të cilit ministrja informoi se certifikata e biznesit të stacionit do të pezullohej. Gjithashtu u zbulua se në Departamentin e Krimeve të Rënda ishte nisur një kallëzim penal ndaj televizionit dhe personave brenda strukturës së tij pronësore. Arsyetimi i masës së pezullimit përfshin adresën me të cilën pronari i kompanisë mëmë të Klan Kosova, KGO Media Investments Holding, kishte regjistruar bizneset e tij”.

“Pas vlerësimit të kujdesshëm të këtyre zhvillimeve, ne nuk besojmë se arsyetimi për pezullimin e certifikatës ka baza të mjaftueshme ligjore. Përkundrazi, ndajmë qëndrimin e Asociacionit të Gazetarëve të Kosovës (AGK) se ky veprim i Ministrisë paraqet një përpjekje shqetësuese për të ushtruar presion politik ndaj Klan Kosovës dhe pronarëve të saj. Ne shprehim solidaritetin tonë me redaksinë e kanalit dhe gazetarët gjatë kësaj periudhe pasigurie”.

“Tani për tani, kanali televiziv dhe radioja mbeten në transmetim dhe faqja e saj e lajmeve vazhdon të funksionojë. Nëse certifikata e biznesit do të tërhiqej zyrtarisht pas një urdhri gjykate, licenca e saj e transmetimit do të revokohej dhe do të detyrohej të pushonte së funksionuari. Klan Kosova e kritikoi ashpër masën dhe po përgatitet për ankesë, e cila do ta shtynte masën deri në njoftimin e dytë. Mediumi tha se po përgatiste gjithashtu përgjigje të mëtejshme ligjore”.

“Më vonë sot, më 16 qershor, Komisioni i Pavarur për Media (KPM), i cili mbikëqyr mediat transmetuese të vendit, do të mblidhet për të diskutuar këtë çështje. Nisur nga pikëpyetjet serioze lidhur me ligjshmërinë dhe procedurën e vendimit, organizatat tona bëjnë thirrje që çdo vendim lidhur me Klan Kosovën të shtyhet deri në zbardhjen e situatës dhe kryerjen e një vlerësimi të plotë ligjor”.

“Tutje, ne gjithashtu i bëjmë thirrje kryeministrit Kurti dhe ministres Hajdari që të sigurojnë që pezullimi i certifikatës së biznesit të Klan Kosovës të anulohet menjëherë dhe të ndërpriten të gjitha format e presionit ndaj mediave – politike, administrative dhe rregullatorë”.

“Organizatat tona do të vazhdojnë të monitorojnë nga afër këtë situatë dhe do t’i përgjigjen zhvillimeve të mëtejshme. Ne vazhdojmë të mbështesim ushtrimin e papenguar të lirive gazetareske në Kosovë”.

Organizatat nënshkruese:
International Press Institute (IPI)
European Federation of Journalists (EFJ)
International Federation of Journalists (IFJ)
European Centre for Press and Media Freedom (ECPMF)

The post Katër organizata botërore për liri të medias, bashkë reagojnë për rastin e Klan Kosovës appeared first on Albeu.com.

Mehmeti tha se dispozita e parë është Klan Kosova, në afat prej 30 ditëve obligohet ta plotësoj dokumentacionin e nevojshëm për mbajtjen e licencës.

“Duke marrë parasysh faktin se vendimi për pezullimin e certifkatës së biznesit Klan Kosova, vë në dilemë ligjshmërinë e regjistrimit të këtij biznesi, nga zyra ligjore e KPM-së kemi një rekomandim i cili ka dy dispozita”.

“E para, obligohet ofruesi i shërbimit medial, Klan Kosova, që në afat prej 30 ditësh nga pranimi i këtij vendimi ta plotësoj dokumentacionin e nevojshëm për mbajtjen e licencës së transmetimit, konform rregullores për ofruesit e shërbimeve mediale të KPM-së të vitit 2021”.

“Dy, dështimi për të vepruar në pajtim me rregulloren për ofruesit e shërbimeve mediale, brenda afatit të përcaktuar do të rezultojë me masa sanksionuese të përcaktuara me nenin 30 të ligjit të KPM-së”, tha Mehmeti, njofton Klankosova.tv

The post KPM i jep 30 ditë afat Klan Kosovës për plotësimin e të dhënave si biznes appeared first on Albeu.com.

Në dokumentin e lëshuar theksohet se në certifikatën e biznesit ëhstë regjistruar Pejë-Serbia dhe Gjakovë-Serbia, duke shkelur në këtë mënrë Kushtetutën e vendit.

Çfarë skruhet në Dokument:

Duke u bazuar në datën 14 Qershor është iniciuar kallëzimi penal në departamentin për krime të rënda në kuadër të policisë së Kosovës me pretendimin se në certifikatat e biznesit tek ndërtimi i pronarëve figuron vendpanimi Pejë-Serbia dhe Gjakovë-Serbia, meqë nuk lejohet regjistrimi i një biznesi ku vendbanimi është në kundërshtim me parimet themelore të Kushtetutës së Republikës së Kosovës, pasi që në bazë të këtij dokumentacioni vërtetohet se qyteti i Pejës dhe Gjakovës është nën administrimin e Republikës së Serbisë, në bazë të nenit 85 të Ligjit nr. 05/L-031 rë Procedurës së Përgjithshme Administrative u vendos si në dispozitiv të këtij vendimit.

The post DOKUMENTI/ Mbyllet Klan Kosova, qeveria: Ka regjistruar adresën sikur Peja dhe Gjakova janë qytete serbe appeared first on Albeu.com.