Në ceremoninë e varrimit do të marrë pjesë edhe ministri i Brendshëm, Taulant Balla.

Ky i fundit ndërhyri edhe për të sjellë në Shqipëri trupin e të riut, ndërsa shpenzimet u mbuluan nga bashkia e Lushnjes.

Bitriu përpoq të shuante një konflikt të çastit midis shokut të tij italian dhe një algjeriani, por ky i fundit e goditi në gjoks me një shtizë peshkimi.

Pas rezultateve të autopsisë, mediet italiane bëjnë me dije se shtiza i shpoi zemrën dhe mushkëritë.

Një hetim i kryer nga mjekja ligjore Loredana Buscemi, konstaton se shtiza i dëmtoi dy organe vitale të cilat i shkaktuan vdekjen e menjëhershme.

The post Mbërrin në Shqipëri trupi i Klajdi Bitrit që u vra në Itali, në ceremoninë e varrimit edhe Taulant Balla appeared first on Albeu.com.

Ai ndërhyri për të shuar sherrin mes shokut të tij dhe një algjeriani që u konfliktuan për një parakalim, por u sulmua nga 27-vjeçari i huaj i cili ra në pranga katër orë pas vrasjes.

Një “shembull i përsosur i integrimit”- kështu e përshkruajnë mediat italiane të riun shqiptar, Klajdi Bitri.

I riu punonte në port dhe ishte i integruar mirë në realitetin e Ankonës, qytetit ku jetonte.

“Unë dua drejtësi. E pashë vëllain të vdiste para meje, të vrarë me indiferencë totale, pa e kuptuar as pse. Pa pasur kohë për të kuptuar se ai po vdiste. E pashë të zbehej gjithnjë e më shumë, krejt papritur, dhe nuk më përgjigjej më sepse kishte vdekur. I vrarë”, thotë vëllai i shqiptarit.

I riu kërkon të kthejë trupin e vëllait në Shqipëri, ku jetojnë prindërit e tyre: “Nuk do të mund të vijnë në Itali. Ndihem i detyruar të zgjidh të gjitha dokumentet e nevojshme dhe ta sjell atë në shtëpi”. Dhe përsëri, ai kujton: “Ai nuk ishte vetëm vëllai im, ai ishte edhe babai im. Ai ka punuar gjithmonë dhe vetëm për të më çuar në Itali, për të gjetur një jetë më dinjitoze”.

Këshilltarja rajonale e Lidhjes Lindita Elezi, një shtetase italiane me origjinë shqiptare, e cilësoi 23-vjeçarin e vrarë si “shembull perfekt integrimi” dhe aktualisht po mbledh dëshmitë e dhimbjes dhe ngushëllimet nga komuniteti shqiptar.

“Ai dha gjithçka, dha jetën, për mua është edhe një dëshmi e natyrës së popullit tonë, të guximshëm dhe gjithmonë të gatshëm për të mbrojtur ata që kanë nevojë”, shtoi ai. Ata që e njihnin viktimën flasin për të si një djalë i lidhur me familjen, i cili i telefononte çdo ditë nënës së tij.

The post “E pashë vëllain të vdiste para meje”! Familja e Klajdit kërkon drejtësi për 23-vjeçarin e vrarë appeared first on Albeu.com.

Ai është i riu i akuzuar se pasditen e djeshme ka qëlluar me shtizë në qendër të Sirolos në Ancona duke vrarë 23-vjeçarin shqiptar Klajdi Bitri.

Nga videoja e publikuar prej mediave italiane duket momenti i arrestimit të algjerianit.

Karabinierët e bllokojnë direkt, njëri i thotë “zbrisni, zbrisni”. Polici tjetër i thotë “ke vrarë një djalë”. Në atë moment algjeriani e mohon dhe bërtet “noo, noo” në dëshpërim.

I arrestuari, sipas audios së videos, duket se nuk e ka kuptuar se kishte kryer një vrasje. I drejtohet të dashurës së tij, një vajzë italiane, jo shumë larg tij, i thotë “e dashur, shko në shtëpi”. Më pas ai i përsërit asaj “dashuri më fal, më fal”. /alb

The post VIDEO/ “E vrave të riun! -Nooo…më fal!” Fjalët e të riut pasi kuptoi se kishte kryer një krim, si u vra shqiptari në itali appeared first on Albeu.com.

Mediat italiane shkruajnë se i riu u godit në mes të rrugës me shtizë nga një 30-vjeçar algjerian. Ky i fundit është u kap pas 5 orësh nga policia. Në makinë iu gjet dhe shtiza me të cilën kreu krimin e rëndë.

Shkak dyshohet u bë situata e krijuar me makinat në rrugë. Algjeriani u konfliktua me shokun e Bitrit, që shkaqet në pamjet e mediave italiane duke qarë pranë trupit të viktimës.

Ky i fundit teksa u përpoq të zbuste sherrin mes të dyve u vra me shtizë. Bitri mori goditje në gjoks dhe mbeti i vdekur në vend. /albeu.com

The post FOTO LAJM/ Shoku italian vajton mbi kokën e tij, shqiptari u vra duke e mbrojtur appeared first on Albeu.com.

Bëhet fjalë për 23-vjeçarin Klajdi Bitri, i cili u vra me shtizë peshkimi duke mbrojtur shokun e tij pas një mosmarrëveshjeje në rrugë.

Autori, i cili fillimisht u arratis, u ndalua nga karabinierët mbrëmjen e djeshme rreth orës 21:00, shkruan albeu.com.

Ai është një 30-vjeçar algjerian me banim në provincën e Ankonës.

Ngjarjet ndodhën në via Cilea, pikërisht në qendër, përpara syve të habitur të shumë kalimtarëve që ktheheshin nga deti.

Çfarë ndodhi?

I riu shqiptar u qëllua për arsye banale, pas një mosmarrëveshjeje mes shokut të tij dhe autorit.

Klajdi vdiq duke mbrojtur shokun e tij. Mes shokut të tij dhe shoferit të një makine “Polo” nisi një sherr fizik. Më pas algjeriani u kthyer në “Polon” e tij dhe mori një shtizë peshkimi nga bagazhi duke gjuajtur në drejtim të tyre. Klajdi u qëllua në gjoks dhe humbi jetën në vendngjarje, shkruan albeu.com.

Menjëherë pas tragjedisë, autori u largua por u lokalizua disa orë më vonë dhe u arrestua.

Karabinierët po mbledhin dëshmitë e personave që kanë qenë të pranishëm në zonë dhe kanë sekuestruar pamjet nga kamerat e sigurisë./Albeu.com/

The post Klajdi vdiq duke mbrojtur shokun, kush është 23-vjeçari shqiptar që u vra në Itali appeared first on Albeu.com.