Ngjarja ka ndodhur ditën e djeshme, rreth orës 23:00.

Fillimisht gruaja është çuar në spitalin e Bilishtit për ndihmë mjekësore dhe më pas në spitalin rajonal të Korçës, ku ndodhet në gjendje të rëndë shëndetësore, e shtruar në reanimacion.

Familjarët kanë deklaruar para uniformave blu të Devollit se gruaja ka ngrënë kërpudha, po ashtu edhe sipas bluzave të bardha, ajo është helmuar prej tyre.

Policia po kryen veprimet për zbardhjen e rrethanave, pasi nuk dihet se ku i ka konsumuar kërpudhat 41-vjeçarja./albeu.com 

The post Dyshohet se u helmua nga kërpudhat, 41-vjeçarja nga Devolli në gjendje të rëndë shëndetësore appeared first on Albeu.com.

Me ta ishin edhe nipërit dhe dy të ftuar të tjerë. Për drekë kishte kërpudha të egra, por që rezultuan… vdekjeprurëse. 4 persona u detyruan të shkonin në spital me simptoma helmimi: 3 humbën jetën ndërsa tjetri është në gjendje shumë të rëndë. Tashmë policia po heton rolin e nuses, e cila gatoi kërpudhat për të gjithë.

Mediet raportojne se ngjarja ka ndodhur të shtunën e 29 korrikut. Që atëherë komuniteti vendas, e më pas i gjithë vendi është duke folur për këtë drekë të mallkuar. Shumë kanë hedhur dyshime për rolin e mundshëm të nuses. Kërpudhat e gatuara – sipas policisë – ishin të llojit Phalloid Amanita, shumë helmuese.

Ato shkaktojnë dëme të pakthyeshme në mëlçi, por pothuajse gjithmonë çojnë në vdekje nëse nuk trajtohet në kohë. Megjithatë, gruaja mohon çdo akuzë dhe shpjegon se nuk e di se çfarë mund të ketë ndodhur. Ajo thotë se e ka dashur gjithmonë familjen e saj dhe se nuk do të kishte bërë kurrë asgjë kundër tyre.

Disa orë pas drekës, të katërt e kuptuan se diçka nuk po shkonte mirë. Ata filluan të kishin simptoma të gastroenteritit të rëndë. Më pas ata shkuan në spitalin lokal për të marrë ndihmën e parë. Por situata u përkeqësua më tej dhe ata u transferuan në spitalin e Melburnit, rreth 2 orë larg.

Megjithatë gjyshi, gjyshja dhe motra e kësaj të fundit humbën jetën. Nga ana tjetër, bashkëshorti i motrës është shumë rëndë, në gjendje kritike dhe në pritje të transplantit të mëlçisë.

The post Tragjike/ Nusja gatoi kërpudha, vdesin 3 familjarë, policia po heton të renë appeared first on Albeu.com.

“Candida auris” është një kërpudhë e pikasur për herë të parë në vitin 2009 në Japoni dhe më pas u përhap në vende të ndryshme të botës.

Infeksionet e “Candida auris” zakonisht shoqërohen me djegie, vështirësi në gëlltitje, dhimbje trupi, ethe dhe lodhje.

Duhet të theksohet se lëkura dhe pjesët e tjera të trupit mund të kolonizohen edhe në mungesë të shenjave dhe simptomave.

Kërpudhat mund të transmetohen nëpërmjet kontaktit me sipërfaqe të kontaminuara ose përmes kontaktit mes njerëzve të infektuar.

The post Një burrë vdes në spital pasi u infektua nga “kërpudha vrasëse”, mjekët bëjnë thirrje për shumë kujdes appeared first on Albeu.com.

Megjithatë, ka disa ushqime që nuk kanë nevojë për larje edhe nëse mendojmë kështu. Një prej tyre janë kërpudhat e bardha.

Të shijshme dhe të shëndetshme, ato përdoren në shumë receta. Pra, mësoni se nuk kanë nevojë për njomje, as larje me ujë të bollshëm. Sipas shefave të kuzhinës , për shkak se kërpudhat thithin shumë ujë, humbasin shijen e tyre gjatë gatimit.

Ajo që mund të bëni është t’i shpëlani shpejt dhe më pas t’i fshini mirë me një peshqir letre. Ose mos i lani fare dhe thjesht fshijini me një peshqir të lagur. /albeu.com

The post Ushqimi që nuk duhet ta lajmë, por të gjithë bëjmë të kundërtën appeared first on Albeu.com.

Organizmat që zakonisht shkaktojnë infeksion mykotik në thonjtë e këmbëve quhen dermatofite. Sporet e kërpudhave hyjnë në lëkurë përmes prerjeve të vogla në lëkurë, ose përmes çarjeve shumë të vogla që ekzistojnë midis thoit të këmbës dhe shtresës së saj të lëkurës.

Më pas zhvillohen dhe krijojnë vatra të vogla kërpudhash që shkatërrojnë thoin nga ana e poshtme (e brendshme). Këto lloj infeksionesh janë më të zakonshme në thonjtë e këmbës sesa në thonjtë e duarve, ndoshta sepse thonjtë e këmbës ekspozohen shumë më lehtë ndaj një mjedisi “pjellor” për kërpudhat, siç e përmendëm më lart.

Fillimisht, infeksioni mykotik shkakton një shenjë të vogël që mund të shihet edhe nga ana e sipërme e thoit. Megjithatë, me kalimin e kohës shkakton eksfolim në thonjtë, i cili merr një pamje shumë të shëmtuar dhe sipërfaqja e tij bëhet e ashpër dhe e pabarabartë, ndërsa në thonjtë mund të shfaqen edhe çarje të dhimbshme.

The post Pse kurrë nuk duhet të shkoni zbathur në banjë appeared first on Albeu.com.

– 1 kg kërpudha
– 2 dl uthull
– 2 dl ujë
– 1 lugë e vogël kripë
– 1 lugë e vogël sheqer
– piper kokërr

Përgatitja:

Kërpudhat lani mirë dhe lini të kullohen.

Në një tenxhere hidhni ujë, uthull, kripë, piper dhe sheqer dhe zieni derisa të vlojnë.

Në lëngun e vluar shtoni kërpudhat dhe kulloni tre deri në pesë minuta.

Vendosni kërpudhat në kavanoza të pastër, më pas hidhni lëng të nxehtë mbi to që të njomen dhe mbyllni me kapak të pastër.

Shkundni mirë kavanozat dhe lërini të ftohen.

Mund të hani kërpudha të marinuara në këtë mënyrë të nesërmen.

The post E keni provuar? Kjo është receta për t’i bërë kërpudhat turshi appeared first on Albeu.com.

Ndërsa ora po afron, qeveria ka filluar të marrë masa. Nga pamjet e siguruara nga Albeu.com shihet se po hiqet kërpudha e famshme para Kryeministrisë.

Objekti është vendosur për herë të parë në 2015. Ajo u dëmtua gjatë protestave për vrasjen e Klodian Rashës

Aso kohe, pas vendosjes sërish në vend, Rama këshilloi qytetarët të mos e ngacmojnë më./albeu.com

The post Nesër protesta e Berishës, qeveria heq kërpudhën e famshme (VIDEO) appeared first on Albeu.com.

Të tillë janë:

Pula

Pula ka salmonelë, për këtë arsye sugjerohet që të gatuhet shumë mirë. Proteina që përmban pula, ndryshon kur pula e ftohtë nga frigoriferi, ngrohet për herë të dytë. Ky fakt mund të shkaktojë probleme me tretjen, kështu që nëse mendoni që një pulë do ta konsumoni disa herë, sigurohuni që e keni gatuar shumë mirë herën e parë.

Patatet

Patatet janë të ndërlikuar. Në qoftë se patatja lihet të ftohet në temperaturë ambienti, në vend që të futet menjëherë në frigorifer, temperaturat e ngrohta mund të nxisin rritjen e Clostridium botulinum (botulizmit), një bakterie e rrallë.

Orizi

Orizi është një ushqim që zakonisht mbetet, por është një ushqim nga i cili mund të helmoheni fare lehtë nëse e ringrohni. Kjo për faktin se orizi përmban një bakter që shkakton helmim. Kur oriz gatuhet, kjo baktere mund të mbijetojnë dhe nëse lihet në temperaturë ambienti, mund të shumëfishohet dhe të shkaktojë helmim të tillë si të vjella ose diarre.

Vezët

Veza është një ushqim i rrezikshëm dhe kurrsesi nuk duhet ringrohur. Veza ka avantazhin që mund të konsumohet edhe i ftohtë, kështu që le të mbetet ashtu, kurrsesi mos e ringrohni.

Këpudhat

Kërpudhat duhet t’i konsumoni sapo t’i përgatisni, ky është rregulli i vjetër që duhet respektuar. Nëse i ringrohni, mund të helmoheni.

Spinaqi

Spinaqin kurrë mos e lini për të nesërmen, aq më tepër ta ngrohni. Sidomos te spinaqi, materiet shëruese shndërrohen në kancerogjene.

The post Kujdes! Këto ushqime bëhen kancerogjene nëse ringrohen appeared first on Albeu.com.

Megjithëse në raste shumë të rralla, kjo simptomë mund të paralajmërojë një gjendje serioze, infeksion ose kancer i hershëm. Kjo është arsyeja pse është e rëndësishme t’i kontrolloni simptomat tuaja dhe nëse e bardha nuk largohet për dy javë, bëni mirë të telefononi mjekun.

Por pse bëhet gjuha e bardhë dhe si ta trajtoni?

Kjo lidhet më së shumti me higjienën e gojës. Gjuha juaj mund të kthehet në të bardha kur gungat e vogla (papillae) që janë në rresht, fryhen dhe bëhen të përflakura.

Bakteret, kërpudhat, papastërtitë, ushqimi dhe qelizat e ngordhura mund të futen mes papillae-ve të hapura. Mbetjet e mbledhura aty mund ta bëjnë gjuhën e bardhë.

Gjuha e bardhë shkaktohet edhe nga: larja e paktë e gojës, goja e thatë, dehidratimi, kur hani ushqim të butë, kur acarohet, për shembull nga skajet e prehtë të dhëmbëve, ose sendet dentare, nga temperatura, pirja e alkoolit dhe duhanit etj.

Gjuha e bardhë mund të tregojë edhe se mund të vuani nga ndonjë sëmundje e rëndë si:

Lichen planus oral: Një problem me sistemin tuaj imunitar bën që të çara të bardha të formohen në gojë dhe gjuhë. Së bashku me gjuhën e bardhë, mishrat e dhëmbëve mund të jenë lënduar.

Mund të tregojë se vuani nga një infeksion i gojës i shkaktuar nga Candida. Ky infeksion shfaqet nëse keni, diabet, sistem imunitar të dobët të shkaktuar nga HIV ose SIDA, mungesë hekuri, ose vitamine B.

Sifilizi: Ky infeksion i transmetueshëm përmes marrëdhënieve seksuale mund të shkaktojë plagë në gojën tuaj. Nëse sifilizi nuk mjekohet, copa të bardha të quajtura leukoplakia sifilitike mund të formohen në gjuhën tuaj.

Trajtimi!

Gjuha e bardhë mund të mos ketë nevojë për trajtim.

Por nëse doni ta largoni, merrni një furçë dhe butë dhëmbësh dhe pastrojeni me atë, ngadalë dhe lehtë. Gjithashtu pini më shumë ujë për të larguar bakteret.

The post Gjuha tregon shumë për shëndetin tuaj. Ja çfarë duhet të keni parasysh appeared first on Albeu.com.

Për cilën bëhet fjalë?

Kërpudhat. Sipas hulumtimeve të reja nga shkencëtarët e Kolegjit Mjekësor të Universitetit të Pensilvanisë, jo vetëm që reduktojnë rrezikun e kancerit dhe vdekjes së parakohshme, por gjithashtu kanë rezultuar të jenë të dobishme për shëndetin mendor të një personi.

Studiuesit përdorën të dhëna ushqyese, si dhe të dhëna për statusin mendor të 24,000 të rriturve në Shtetet e Bashkuara, midis 2005 dhe 2016. Më në fund, ata zbuluan se ata që hanin kërpudha kishin më pak të ngjarë të ishin në depresion.

Pse kërpudhat kanë veprim antidepresiv?

Kërpudhat përmbajnë ergothioninë, një antioksidant që mbron nga dëmtimi i qelizave dhe indeve në trup. Sipas studimeve, antioksidantët ndihmojnë në parandalimin e sëmundjeve mendore (skizofreni, çrregullim bipolar dhe depresion).

Aminoacidi ergothionina është anti-inflamator dhe nuk mund të sintetizohet nga trupi i njeriut. Kur është në nivele të larta, mund të zvogëlojë rrezikun e stresit oksidativ. Rrjedhimisht, redukton edhe simptomat e depresionit.

Kërpudhat e bardha përmbajnë kalium, i cili mendohet se redukton stresin. Hericium erinaceus mund të stimulojë shprehjen e faktorëve neurotrofikë, duke parandaluar kështu çrregullimet neuropsikiatrike si depresioni.

The post Kjo perime ju mbron nga depresioni appeared first on Albeu.com.