Sipas asaj që raportojnë mediat në Kosovë, pronari i kompanisë ka deklaruar se janë grabitur rreth 50 mijë euro.
Sipas tij, hajdutët janë futur në ambient nën kërcënimin e armëve. Për fat të mirë nuk raportohet për asnjë person të plagosur.

“Sot rreth orës 10:00 është raportuar për një grabitje të ndodhur në një këmbimore në lagjen Tophane në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se nën kërcënim të armës është grabitur një shumë parash”, ka thënë zëdhënësja e Policisë së Kosovës, Flora Ahmeti.

The post Momente tmerri, grabitet një pikë këmbimi valutor në Prishtinë, flet pronari appeared first on Albeu.com.

Monedha evropiane sot do blihet me 107.1 lekë dhe do shitet me 108.1 lekë, ndërsa franga zvicerane do blihet me 111.4 lekë dhe do shitet me 112.8 lekë.

Ndërkohë paundi britanik sot në tregun shqiptar të këmbimit valutor do blihet me 124.2 lekë dhe do shitet me 126 lekë.

The post Kursi, me sa këmbehet dollari dhe euro sot appeared first on Albeu.com.

Gjithashtu, në ditët e fundit të muajit dhjetor, sipas agjentëve, ka pasur edhe një rritje të kërkesës për Euro. Kjo kërkesë mund të jetë nxitur nga lëvizjet jashtë vendit të shqiptarëve për festa, por edhe nga sjellja oportuniste e aktorëve që kanë nevojë për Euro dhe që kanë shfrytëzuar kursin shumë të ulët për të blerë. Këtu mund të përfshihen bizneset, por edhe shumë familje që kanë kredi apo shpenzime të tjera të planifikuara në Euro.

Ndërhyrja e Bankës së Shqipërisë dhe rritja e kërkesës në ditët e fundit të vitit 2022 sollën një ringritje të shpejtë të kursit të Euros. Agjentët e tregut besojnë se efektet e këtyre faktorëve po vijojnë edhe në ditët e para të janarit. Bankat dhe institucionet financiare që kanë shitur Euro në fund të dhjetorit, për t’iu përgjigjur kërkesës nga faktorët e mësipërm, tashmë mund të kenë kaluar në blerje, për të mbyllur pozicionet e hapura nga shitjet në volume të mëdha. Nga ana tjetër, agjentët besojnë se lëvizjet e forta në një kah të caktuar të kursit krijojnë zakonisht një efekt të fortë psikologjik në treg, për shkak se krijojnë pritshmëri se kursi do të vazhdojë të lëvizë në të njëjtin drejtim. Gjithashtu, pasiguria e lartë bën që agjentët e këmbimit valutor të rrisin ndjeshëm marzhet e tyre të këmbimit.

Agjentët mendojnë se, në mungesë të faktorëve të tjerë nga ana e kërkesës apo ofertës, efektet e zhvillimeve të fundit të vitit 2022 priten të përthithen gradualisht gjatë ditëve në vazhdim dhe kursi i këmbimit Euro-Lek të stabilizohet.

Vitin e kaluar, kursi i këmbimit Euro-Lek shënoi nivelet më të ulëta historike, duke arritur kulmin në fund të muajit dhjetor. Sipas ekspertëve, rënia e Euros ka ardhur për shkak të një oferte të lartë të shkaktuar nga burime formale, si turizmi, remitancat apo investimet e huaja, por gjithashtu edhe nga prurjet e larta informale nga jashtë. Mbiçmimi i Lekut në kursin e këmbimit me Euron e ndihmoi ekonominë shqiptare të përthithte pjesërisht rritjen e fortë të çmimeve të importit, duke ndikuar (veç faktorëve të tjerë) në nivele më të ulëta të inflacionit krahasuar me Eurozonën dhe ekonomitë fqinje./Monitor

Burim: Banka e Shqipërisë

The post Euro e nis vitin 2023 me revansh ndaj Lekut appeared first on Albeu.com.

Raportohet se shtetasi me iniciale F. M. u kap në flagrancë nga autoritetet përkatëse duke ushtruar aktivitetin si kambist pa licencën e nevojshme, ndërsa në kuadër të operacionit u sekuestruan rreth 20 milionë lekë të vjetra dhe 15 mijë euro, para të cilat i shërbenin aktivitetit të paligjshëm.

Sakaq, materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

Njoftimi i policisë:

Durrës / Vijon operacioni policor i koduar “Informaliteti”, goditet një rast tjetër i paligjshmërive në fushën e krimeve ekonomiko-financiare.

Ushtronte në mënyrë të kundërligjshme, aktivitetin e këmbimit valutor, si dhe fshihte të ardhurat e përfituara prej tij, vihet në pranga 61-vjeçari (kambist).

Sekuestrohen rreth 2 000 000 lekë të rinj dhe 15 000 euro, që i shërbenin kësaj veprimtarie të kundërligjshme.

Specialistët e Seksionit për Hetimin e Krimeve Ekonomiko-Financiare të DVP Durrës, në vijim të kontrolleve, me qëllim parandalimin, evidentimin dhe goditjen e krimeve ekonomike dhe vënien e autorëve të tyre, përpara përgjegjësisë ligjore, në vijim të operacionit policor të koduar “Informaliteti”, konstatuan dhe goditën një rast tjetër të fshehjes së të ardhurave dhe të informalitetit.

Si rezultat, u arrestua shtetasi F. M., 61 vjeç, banues në lagjen nr. 4, Durrës, për veprat penale “Ushtrimi pa licencë i veprimtarive financiare”, “Fshehja e të ardhurave” dhe “Mospagimi i taksave dhe tatimeve”, pasi u kap në flagrancë nga shërbimet e Policisë, në rrugë, duke ushtruar veprimtarinë si kambist, pa licencën përkatëse.

Në cilësinë e provës materiale, u sekuestruan rreth 2 000 000 lekë të rinj dhe 15 000 euro, që i shërbenin kësaj veprimtarie të kundërligjshme.

Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

The post Kishte hapur exchange pa leje, arrestohet kambisti në Durrës, i sekuestrohen 20 mln lekë dhe 15 mijë euro appeared first on Albeu.com.

Sa i përket paundit britanik, ai vijon të fitojë pikë kundrejt lekut. Gjatë ditës së sotme raportohet se një paund u këmbye me me 139.28 lekë kundrejt 139.06 lekëve që u këmbye të premten.

The post Vijon rënia e euros, dollari e pëson keq rritjen e javës së kaluar, paundi qëndron në krye appeared first on Albeu.com.

Sipas kursit zyrtar të këmbimit të Bankës së Shqipërisë, Leku fitoi terren sërish në kursin e këmbimit me Euron dhe u këmbye me 120.4 Lekë, duke qëndruar pranë niveleve më të ulëta historike.

Agjentët e tregut valutor shprehen se tregu nuk po shfaq shumë kërkesë për monedhën europiane, ndërsa oferta e saj në treg po shfaq një rritje të mëtejshme në javët e fundit, me afrimin e sezonit turistik dhe me rritjen e flukseve hyrëse të vizitorëve të huaj.

Një ndikim pozitiv besohet se po jep rritja e eksporteve gjatë muajve të fundit, e nxitur sidomos nga rritja e çmimit të lëndëve të para dhe sidomos e naftës bruto në tregjet e huaja. Deri tani, inflacioni i lartë që ka mbërthyer ekonominë botërore nuk ka dhënë goditje në kursin e këmbimit të Lekut me Euron, megjithëse në dy tremujorët e fundit është shënuar një rritje e deficitit tregtar të vendit.

Ekspertët hipotizojnë se një pjesë e mirë e nevojave për importe financohen me huamarrje direkte në Euro nga sektori bankar, siç ndodhi në fund të vitit të kaluar me huatë për blerje energjie të grupit të Operatorit të Sistemit të Shpërndarjes. Më tej, shlyerja e këtyre detyrimeve bëhet në mënyrë të shpërndarë në kohë, duke e zbutur efektin e këtij faktori në tregun valutor vendas.

Duke qenë se tashmë jemi në prag të sezonit veror, pritshmëritë e agjentëve të këmbimit janë në kahun e një mbiçmimi të mëtejshëm të Lekut, në rast se tregu valutor nuk do të ndikohet nga faktorë të papritur.

Zakonisht, kursi i këmbimit Euro-Lek i shënon nivelet më të ulëta vjetore në periudhën korrik-gusht, ndaj është shumë e mundshme që këtë vit Euro të prekë një minimum të ri historik në kursin e këmbimit me Lekun.

Ditën e mërkurë Leku u mbiçmua edhe ndaj të gjitha valutave të tjera që kuotohen në tregun financiar vendas. Dollari Amerikan humbi pothuajse 0.6 pikë dhe zbriti në nivelin e 114.44 Lekëve, ndërkohë që Paundi Britanik humbi gati një pikë e gjysmë dhe u këmbye me 141.91 Lekë.

Kursi i valutave të tjera ndaj Lekut kryesisht reflekton lëvizjet e tyre ndaj Euros dhe nuk ndikohet nga faktorë të brendshëm. Duke qenë se volumet e këmbimit të valutave të tjera në tregun vendas janë shumë të vogla, kursi ndaj Lekut pasqyron lëvizjet e tyre ndaj Euros, që është edhe valuta e huaj orientuese për tregun financiar dhe ekonominë shqiptare.

Në muajt e fundit, valutat kryesore globale kanë ndjekur një tendencë mbiçmuese kundrejt Euros dhe kjo është reflektuar edhe në kursin e tyre kundrejt Lekut. Banka e rëndësishme qendrore, si Rezerva Federale apo Banka e Anglisë, kanë nisur rritjen e normave të interesit, ndërsa Banka Qendrore Europiane nuk e ka bërë ende një gjë të tillë.

Ky është faktori kryesor që ka përcaktuar nënçmimin e Euros dhe, si pasojë edhe Lekut në kursin e këmbimit me valutat e tjera.

Por, së fundmi pritshmëritë për një rritje të normave të interesit nga BQE po forcohen dhe ndoshta një gjë e tillë do të ndodhë brenda verës. Kjo ka bërë që Euro të rifitojë kuotë në tregjet ndërkombëtare të këmbimit valutor, tendencë që reflektohet edhe në kursin e këmbimit të Lekut kundrejt valutave të tjera./monitor

The post Leku fiton pikë ndaj të gjithë valutave kryesore, tregu nuk shfaq shumë interes për monedhën europiane appeared first on Albeu.com.

Gjatë kontrollit fizik dhe në banesën e këtij shtetasi u gjetën dhe u sekuestruan, në cilësinë e provës materiale, shuma të konsiderueshme parash, të prerjeve të ndryshme.

Njoftimi i policisë:

Durrës

Finalizohet operacioni policor  i koduar “Valuta”, për goditjen e informalitetit.

Fshihte të ardhurat e përfituara nga veprimtaria e këmbimit valutor, vihet në pranga një kambist.

Sekuestrohen një shumë e konsiderueshme parash.

Specialistët për Hetimin e Krimit Ekonomik dhe Financiar në DVP Durrës, në vijim të punës për evidentimin dhe goditjen e informalitetit, bazuar në informacionet e marra dhe punën   profesionale hetimore disajavore, kanë organizuar dhe finalizuar operacionin policor të koduar “Valuta”

Në kuadër të operacionit u arrestua në flagrancë shtetasi H. A., 60 vjeç, banues në Durrës, për veprat penale “Fshehja e të ardhurave” dhe  “Mospagimi i taksave dhe tatimeve”.

Ky shtetas u kap në flagrancë nga Specialistët e Seksionit Për Hetimin e Krimeve Ekonomike dhe Financiare në DVP Durrës, duke ushtruar në mënyrë të paligjshme dhe të vazhdueshme  veprimtarinë e këmbimit valutor.

Gjatë kontollit fizik dhe në banesën e këtij shtetasi u gjetën dhe u sekuestruan, në cilësinë e provës materiale, shuma të konsiderueshme parash, të prerjeve të ndryshme.

Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

The post Sekuestrohen shumë të mëdha parash në Durrës, në pranga kambisti appeared first on Albeu.com.