Ndryshe nga se jemi mësuar më parë, ku Çomo lyente flokët me ngjyra të ndezura, së fundmi është shfaqur në ekran me flokë të lyera me ngjyrë kafe.

Ajo ishte e ftuar në TvKlan mbrëmjen e sotme, ku është shfaqur ndryshe përpara fëmijëve të emisionit “Në kurthin e Piter Pan”.

Noemy: Ku do vijë doktoreshë Najada?

Alketa Vejsiu: Doktoreshë Najda ja ku është zemër…

Noemy: Jo-jo-jo nuk është doktoreshë Najada, se është me flokë të kuqe, sepse unë vetë e pashë dje tek provat.

Alketa Vejsiu: Ti ke shumë të drejtë, por gratë i lyejnë flokët vazhdimisht dhe doktoreshë Najada i ka bërë flokët me një ngjyrë tjetër, ngjyrë lajthie…

Najada Çomo: Ishim dje në prova bashkë ne… Sa mbaruam provat, erdhi anija fluturuese për të shkuar tek ishulli i Piter Pan. Shkova, frynte një erë e madhe dhe para pak kohësh më solli anije fluturuese direkte këtu dhe unë nuk e di akoma si jam bërë. Ju mendoni se kam ndryshuar? Se mos nuk më pranojnë dhe aty të spitali kur të shkoj.

The post Pa vetulla të zeza e buzë të kuqe! Fushata ndryshon rrënjësisht Najada Çomo (FOTO LAJM) appeared first on Albeu.com.

Minatori i cili kandidon si kandidat i pavarur është njoftuar se është gjobitur me 50 milionë lekë nga komisariati i Bulqizës.

Me anë të një statusi, Debreshi bën me dije se ky është sulm politik pasi Partia Demokratike nuk ka marrë asnjë gjobë dhe pse ka zhvilluar mitingje në turma njerëzish.

Postimi: 

50 MILIONE LEKE GJOBE.- Sot komisariati i Bulqizes me njoftoi se jam gjobitur me 5,000,000 leke te reja per shkak te tubimit te dates 26 mars.

Per shkak te vendimit te Gjykates Kushtetuese dhe mosbotimit te rregullave te reja ne fletoren zyrtare, takimi ne Bulqize ka qene krejt i ligjshem.

Autori i vertete i kesaj gjobe eshte Edi Rama. Ai dhe partite e tjera kane frike nga mbeshtetja e madhe qe po marrim ne cdo fshat dhe qytet te Dibres.

Fakti qe per te njejtat tubime PD nuk gjobitet, tregon se te gjitha partite jane bashke. Dje ishin bashke kunder greves dhe protestave tona, sot jane bashke kunder kandidimit te nje minatori. Mua nuk me frikeson nje gjobe. Nuk frikeson as mijera minatoret dhe qytetaret qe po na japin besen kudo. Kjo cope leter do te hyje ne historine e turpit te kesaj qeverie. /albeu.com/

The post Basha asnjë vërejtje, gjobitet me 50 milionë lekë minatori që kandidon për deputet: Sulm nga Rama! appeared first on Albeu.com.

Koalicioni ABEOK të fut në listat e tij për kandidatë për deputetë nën logon e Partisë së Pensionistëve të Bashkuar të Shqipërisë pa qenë asnjë ditë anëtare e kësaj partie.

Plotësimi i formularëve të KQZ-së për kandidatë për deputetë të këtij koalicioni bëhet në zyrat e Kuvendit të Shqipërisë.

Fiks Fare, pak javë më parë transmetoi një kronikë lidhur me partitë e “vogla”  që do të marrin pjesë në zgjedhjet  parlamentare të 25 prillit 2021. Nga vëzhgimi i Fiksit rezultoi që pranë Komisionit Qendror të Zgjedhjeve këto  parti kanë dhënë kryesisht adresa fiktive dhe  selitë  i mbajnë të mbyllur.

Kjo situatë vazhdon prej vitesh, por rreth dy vjet më parë, pas daljes së Opozitës nga Parlamenti ato që përfituan ishin pikërisht partitë e “vogla”. Të vendosur në lista si aleatë të PD, kryetarët e tyre e gjetën vetën rastësisht deputet në  parlamentin shqiptar.

Sot në prag të zgjedhjeve të reja parlamentare, katër prej tyre kanë formuar edhe një aleancë, ABOEK. Si pjesë të kësaj aleance, Fiksi intervistoi Selami Jenisherin, aktualisht deputet dhe kryetar i Partisë së Pensionistëve të Bashkuar të Shqipërisë. Ky i fundit që në takimin e parë me bashkëpunëtoren e Fiksit i propozoi asaj, ta bëjë kandidate për deputete të partisë së tij.

Pas këtij takimi, vijuan edhe shumë takime të tjera. Gazetarja  e Fiksit u prezantua pranë koalicionit, dhe vetëm pak ditë më vonë plotësoi edhe formularin e kandidimit për deputete pranë zyrave të Kuvendit, me ftesë të koalicionit ku është pjesë edhe partia e deputetit Selami Jenisheri.

Nuk kaloi shumë,  kur deputeti Jenisheri i kërkon gazetares së Fiksit që u kandidua për deputete, një tjetër shoqe që ta vendosë në listë. Që në takimin e parë edhe gazetares tjetër të Fiksit ai  i kërkoi menjëherë të dhënat për të plotësuar formularin e kandidimit. Të dyja “kandidateve” u premtoi që do të punonte fort për t’i bërë deputete.

Më datë 23 mars, Komisioni Qendror i Zgjedhjeve miratoi listat për deputet të koalicionit ABOEK. Bashkëpunëtoret e Fiksit ishin pjesë e kësaj liste, si kandidate për  deputet të Partisë së Pensionistëve të Bashkuar të Shqipërisë, përkatësisht në qarqet Tiranë dhe Berat. Në qarkun e Tiranës  gazetarja  e Fiksit ishte  e 15-ta në listën shumë emërore te koalicionit ABEOK,  ndërsa  gazetarja tjetër e Fiks Fare është e 4-a në listën e kandidatëve për deputetë të koalicionit ABEOK qarkun e Beratit.

Menjëherë pas këtij miratimi zyrtar, Fiksi intervistoi deputetin Selami Jenisheri, kryetar i Partisë së Pensionistëve të Bashkuar të Shqipërisë. Ai deklaroi se këto kandidate i njihte prej vitesh, madje e kishin ndihmuar të ndërtonte edhe programin e partisë së tij.

Ai i bën thirrje shqiptarëve të votojnë kandidatet që ai ka zgjedhur, pasi del vet garant për pastërtinë dhe integritetin e figurës së tyre duke i “shitur”si figura shumë të rëndësishme dhe me kontribut të çmuar në partinë e tij.

Në këto zgjedhje do të votohet për herë të parë me lista të hapura, ku zgjedhësit përveç partisë do të kenë mundësi që të përzgjedhin dhe emrin e një kandidati për deputet.

The post Skandal me listat për deputetë, si u futën gazetaret kandidate në Tiranë appeared first on Albeu.com.

Mësohet se gruaja e shoqeruar në komisariat është Elona Guri, kandidatja e Lëvizjes Socialiste për Integrim në Durrës për zgjedhjet e 25 prillit.

“Më datë 24.03.2021, rreth orës 14:30, në lagjen nr.4, Durrës, shtetasja E.G, është konfliktuar me shtetasin Ç.K.

Në vendngjarje kanë shkuar shërbimet e Policisë të cilët kanë shoqëruar në ambientet e Komisariatit të dyja palët në konflikt për veprime të mëtjeshme.

Grupi hetimor në drejtimin e Prokurorisë Durrës, vijon punën për sqarimin e rrethanave dhe të shkakut të konflikit,” njoftoi me heret policia. /albeu.com/

The post U rrah fizikisht me një burrë, kandidatja e Kryemadhit për deputete përfundon në polici appeared first on Albeu.com.

Anduena Qefalia, kandidatja e PD në Tiranë, ka habitur jo pak kur në një postim në rrjetet sociale, njofton se ka hapur një llogari bankare ku i kërkon njerëzve që ta ndihmojnë me para që ajo të futet në parlament.

“Për të më mundësuar këtë rrugëtim, për të ngritur/forcuar zërin tonë në parlament në dobi të komunitetit tonë, mirëpres mbështetjen tuaj në llogarinë bankare…”- shkruan kandidatja për zgjedhje.

Statusi i plotë:

“I/e dashur mik/e! Unë jam duke garuar në zgjedhjet e ardhshme për Kuvendin e Shqipërisë. Për herë të parë, një grua myslimane praktikante do të ulet në karrigen e ligjvënësit, në institucionin më të lartë të vendit.

Që zëri ynë të dëgjohet nga çdokush që do të donte të përfaqësohej nëpërmjet kandidaturës time, është e rëndësishme të bashkojmë energjitë dhe kapacitetet tona.

Prandaj më nevojitet ndihma juaj për ta përmbushur me sukses këtë mision!

Për të më mundësuar këtë rrugëtim, për të ngritur/forcuar zërin tonë në parlament në dobi të komunitetit tonë, mirëpres mbështetjen tuaj në llogarinë bankare më poshtë:

Banka: Credins Bank

Mbajtësi i Llogarisë: Anduena Qemal Qefalia

Nr. i Llogarisë: 00001500343

IBAN: AL25 2121 1401 0000 0000 0150 0343

SËIFT: CDISALTRXXX

Me mirënjohje të thellë,

Anduena Qefalia”.

Ajo renditet e 29-ta në listën e Tiranës.

The post Ndodh edhe kjo! Kandidatja për deputete u kërkon shqiptarëve para që të futet në Kuvend (FOTO LAJM) appeared first on Albeu.com.

E ftuar në emisionin “Real Story” në News 24, ministrja Xhaçka tha se zhvendosja e saj në Korçë, duke lënë Dibrën ku ishte më parë, nuk është bërë e imponuar, ndërsa shtoi se çdo lëvizje bëhet për të mirë të partisë në këtë proces zgjedhor.

“Jam në një detyrë të nderuar, që e kam pranuar me shumë përgjegjësi, një detyrë që e ushtronte vetë kryeministri. Jam shumë e privilegjuar për këtë mundësi. Sa i takon lëvizjes nga Dibra në Korçë, është shumë e natyrshme për mua. Karriera ime politike ka nisur nga kandimidi në Korçë, kam pasur dy mandate atje. Origjina ime është në Korcë. Pra është një kalim në origjinën time.

Nuk ishte aspak e imponuar. Është një proces që ka shumë diskutim, kryesisht mes drejtuesve politikë dhe kryetarit të partisë. Unë nuk kam shkuar në atë kohë në Dibër, por kam qenë drejtuese politike atje, e emëruar nga kryetari i partisë, për të sjellë riorganizim të strukturave tona atje. Kemi të identifikuar shumë personazhe, aktorë apo faktorë të rëndësihëm, përfaqësues për komunitetin e Dibrës, që pa asnjë siklet mund t’iu kalojmë stafetën sot për të përfaqësuar Dibrën dhe për të marrë rezultat të pritshëm.

Në këtë kuptim, rikthimi im në Korcë është i natyrshëm. Ka qenë produkt i një diskutimi mes meje, kryeministrit, strukturave të partisë. Të gjitha ndryshimet bëhen në funksion të punës. Tërheqja ime nga Dibra nuk erdhi e imponuar nga kryetari i partisë, dhe as nga mospranimi i strukturave vendore atje. Kemi bërë zgjidhjen më të mirë, për të pasur një rezultat më të mirë”, u shpreh ministrja Xhaçka.

E pyetur nga gazetari Balla nëse kanë lidhje me largimin e saj ngjarje që lidhen me Dibrën dhe ngjarje të caktuara me zgjedhjet lokale, ministrja u shpreh se:

“Shkurt dhe qartë, nuk kanë asnjë lidhje. Historia e dosjes së Dibrës dhe ish-kryetarit të bashkisë, sot drejtues politik i listës së PS, do të zgjidhet nga drejtësia. Dionisi është një përfaqësues shumë i mirë, gëzon respektin e dibranëve. Nëse do të isha në Dibër, s’do të isha as tek objektivi bazë, por te maksimali. Pra, do të isha e treta në listë. Nëse Dibra ka marrë 2 mandate në zgjedhjet e shkuara, këtë radhë ne do të marrim tre dhe unë do të isha e treta në listë. Ne kemi rënë dakord në tryezën e PS që padiskutim ata që kanë pasur besimin më të madh nga strukturat e partisë, kanë përgjegjësinë më të madhe për të bërë më shumë, për të marrë maksimumin e mundshëm, për të përfaqësuar ata që na votojnë”.

The post Dosja e “Dibrës” ndikoi që të kandidonte në Korçë? Xhaçka sqaron të vërtetën appeared first on Albeu.com.

Verifikim po bëhet edhe për kandidatin e PD-së në Durrës, Rezeart Tusha, i akuzur si shitës heroine i arrestuar në zvicër. Tusha është renditur i 8-i në listën e PD në Durrës, dhe rezulton se është arrestuar në Zvicër më 18 shtator të vitit 1994 nga policia e Gjenevës gjatë operacionit “Hydra” pasi u kap me 42.5 gram drogë heroinë.

Në dokumentin e zyrës federale për migracionin thuhet se gjatë marrjes në pyetje Rezeart Tusha ka pranuar se trafikonte narkotikë për të siguruar të ardhura dhe se ka kaluar edhe më parë qese me heroinë.

Për këtë arsye ndaj tij është vendosur një ndalim hyrje në Zvicër prej 5 vitesh.

Edhe Pal Shkambi nuk është një emër i panjohur për KQZ. Kjo pasi në vitin 2013 kur kandidonte si kryetar i Partisë Popullore Kristian-Demokrate Shqiptare, u gjobit nga ky institucion për mosrespektimin e kuotës gjinore.

The post Njëri akuzohet për trafik kokaine, cilët janë 3 kandidatët për deputet që po verifikohen appeared first on Albeu.com.