E pyetur për të përmbledhur vitin e saj, Krasniqi është e qartë dhe e matur.

“Ky vit ka qenë një vit i shkëlqyer për mua. Në çdo garë që kam marrë pjesë, kam qenë në podium. Kam marrë medalje kudo, kështu që ka qenë shkëlqyeshëm”, ka thënë fillimisht Distria për faqen zyrtare të Federatës Evropiane të Xhudos.
“Të jem përsëri kampione evropiane për herë të tretë dhe gjithashtu për herë të parë në nivel seniorësh që jam në finalen e një Kampionati Botëror do të thotë shumë për mua”.

“Në shumë gara nuk pata performancën time më të mirë. Por në garat më të rëndësishme isha në formën time më të mirë”.

Qëndrueshmëria e ka ndjekur Krasniqin që nga suksesi i saj i hershëm si kampione bote për juniorë në vitin 2015. Për të, kjo vjen nga një vendim i vetëdijshëm për t’u rikthyer në normalitet pas çdo rezultati.

“Mendoj se jam shumë e qëndrueshme në punën e palodhur. Nuk ka rëndësi nëse fitoj medalje ari në Lojërat Olimpike apo Kampionatet Evropiane. Mundohem ta harroj dhe të filloj nga e para dhe të jap njëqind për qind në çdo garë”.

Kjo mendësi shpjegon edhe qasjen e saj ndaj kalendarit ndërkombëtar.

“Për mua, garat më të rëndësishme janë Kampionatet Evropiane, Kampionatet Botërore dhe sigurisht Lojërat Olimpike. Garat Grand Prix dhe Grand Slam janë një provë për të parë se ku po shkon puna ime”.

“Së bashku me trajnerin tim Driton Kuka, ne analizojmë ndeshjet e mia dhe ai gjithmonë gjen disa detaje për të parë se çfarë mund të përmirësojmë, në mënyrë që të jemi më të mirë në garat e mëdha”, përcjell Telegrafi.

Përshtatja në të gjitha kategoritë e peshave

Pak atletë kanë treguar përshtatshmërinë që Krasniqi ka demonstruar në dy kategori peshe. Gara në -48 kg dhe -52 kg kërkoi si evolucion fizik ashtu edhe teknik.

“Të zbrisja nga -48 kg ishte sfiduese. Xhudo është më e shpejtë dhe shumë e ndryshme. Në garat e mia të para nuk performova mirë dhe ishte e vështirë ta bindja veten të vazhdoja”.

“Punova shumë, ndryshova kapjet e duarve, u bëra më e shpejtë dhe e rregullova xhudon time”.

Kthimi në kategorinë më të lartë pas Lojërave Olimpike të Tokios solli një kurbë të re mësimi.

“E kuptova se nuk mund ta bëja të njëjtën xhudo kundër atletëve -52 kg. Më duhej të shtoja teknika dhe pozicione të reja kapjeje në mënyrë që të isha përsëri në krye”.

The post Numri një në botë, Distria Krasniqi flet për artin e të qëndruarit në majë appeared first on Albeu.com.

Piloti i McLaren pranoi se gjatë garës nuk mund ta largonte plotësisht nga mendja faktin se po luftonte për titullin: “Pak nga të dyja… e mendoja, s’mund të mos e mendoja. Por e dija që gara do të ishte e gjatë deri në xhiron e fundit. Në Formula 1 kemi parë gjithçka të ndodhë, ndaj vazhdova të shtyja deri te dy a tre xhirot e fundit, ku mund të qetësohesha pak.”
Norris shtoi se konkurrenca këtë sezon ka qenë e pamëshirshme: “Doja të luftoja deri në fund, edhe këtë e bëmë. Kështu ka qenë gjatë gjithë vitit, me Max Verstappen duke na ndjekur vazhdimisht, me Oscar Piastri që afrohej sërish në fund… nuk ma bënë jetën të lehtë.”

Piloti britanik u pyet edhe për momentin kur u raportua se ishte nën hetim gjatë garës: “Nuk kisha asnjë ide, as nuk më interesonte. E dija që çdo gjë që kisha bërë ishte në rregull. Thjesht po përpiqesha të shijoja momentin. Jo shumë njerëz në botë — e aq më pak në Formula 1 — përjetojnë atë që përjetova këtë sezon.”
Norris, që ka kaluar nëntë vite me skuadrën britanike, u shpreh veçanërisht i lumtur për ekipin: “Ka qenë një rrugëtim i gjatë me McLaren. Kemi kaluar kohë të vështira dhe momente të mira. Të sjell titullin e pilotëve pas kaq shumë vitesh, ndihem sikur i dhashë diçka skuadrës që ka besuar te unë. Jam shumë krenar për këtë.”
Ai e mbylli me humor dhe emocion: “Jam edhe më krenar për ata që shpresoj t’i kam bërë të qajnë nga gëzimi.”

The post U shpall kampion Bote për herë të parë në Formula 1, Lando Norris në lot: Po shtyja deri në xhiron e fundit, e dija që nuk theva asnjë rregull appeared first on Albeu.com.

“Zoti më dha një dhuratë, ai më zgjodhi mua.” Fjalë – ndër të tjera – të Lionel Messit, gjatë Forumit Amerikan të Biznesit të mbajtur në Miami, ku ai ndau pikëpamjen e tij mbi origjinën e talentit të tij të jashtëzakonshëm në futboll dhe planet e tij për të ardhmen. Eventi, në të cilin morën pjesë – ndër të tjerë – edhe Donald Trump dhe Gianni Infantino, e paraqiti yllin argjentinas si të ftuarin e tij më të shquar, siç raportohet në një botim në faqen e internetit të gazetës “El espanol”.

Kryebashkiaku i Miamit, Francis Suarez, i dorëzoi kapitenit të ekipit kombëtar të Argjentinës çelësin e qytetit, një nder që nënvizon ndikimin kulturor dhe sportiv që vendasit e Rosarios kanë pasur në metropolin amerikan.

Në qendër të fjalimit të tij, Messi trajtoi një pyetje themelore: a lindin apo bëhen kampionë? “Zoti më dha një dhuratë, ai më zgjodhi mua”, tha argjentinasi i famshëm, por fituesi i tetë herë i Topit të Artë nxitoi të sqaronte se talenti natyror është vetëm pika e fillimit. Sipas tij, ai e dinte për këtë aftësi të veçantë që në moshë të re, por rruga drejt majës kërkonte sakrifica të mëdha dhe përpjekje të vazhdueshme për ta përsosur këtë dhuratë hyjnore.

Messi theksoi se, megjithëse shumë njerëz në botë posedojnë talent të jashtëzakonshëm natyror në sport, arritja e njohjes profesionale kërkon sakrifica të konsiderueshme që jo të gjithë janë të gatshëm t’i bëjnë. Kupa e Botës Katar 2022 ishte pjesë e diskutimit. Lionel Messi u përpoq të përshkruante emocionet që përjetoi pasi fitoi titullin që kishte kërkuar gjatë gjithë karrierës së tij, duke pranuar vështirësinë e shprehjes së kësaj përvoje me fjalë. Ylli i Inter Miamit madje i krahasoi këto ndjenja me lindjen e tre djemve të tij, Thiago, Mateo dhe Ciro:

“Në një farë mënyre, megjithëse jo saktësisht e njëjtë, pata të njëjtën ndjenjë si kur lindën fëmijët e mi. Një ndjenjë që vetëm dikush që e përjeton mund ta shpjegojë vërtet. Është aq e madhe sa fjalët janë të pakta.” Sulmuesi argjentinas ndërkombëtar i Inter Miamit ka zbuluar interesin e tij në rritje në botën e biznesit, duke e ditur se karriera e tij sportive ka një datë skadimi. “Gjithmonë kam qenë 100% i përkushtuar ndaj futbollit, por e di që diçka tjetër po vjen, një botë tjetër, dhe pak nga pak po përfshihem”, rrëfeu ai.

Ai tashmë ka investime në biznese të ndryshme, duke përfshirë aksionet e tij tek Inter Miami, një rrjet hotelesh dhe një markë pijesh. Lidhur me përvojën e tij në Shtetet e Bashkuara, Messi shprehu kënaqësinë e tij me jetën në Miami: “Që kur kam mbërritur në Miami, ka qenë spektakolare. Jeta në këtë qytet është e pabesueshme, dhe pastaj dashuria nga të gjithë që nga dita e parë ka qenë e mrekullueshme, kështu që jam shumë mirënjohës.”

Një periudhë që bie ndesh me kohën e tij në Paris dhe Paris Saint-Germain, ku ai pranoi se nuk ndihej rehat ose nuk e shijonte plotësisht veten. Në Miami, tha ai, ka gjetur një ekuilibër që i lejon të kalojë më shumë kohë me familjen e tij dhe të mbështesë fëmijët e tij në aktivitetet e tyre sportive.

The post Kampion lind apo bëhesh? Messi i jep përgjigje pyetjes më të diskutueshme në botën e sportit: Zoti më dha një dhuratë, më zgjodhi mua appeared first on Albeu.com.

Demi – I njohur për kënaqësinë e shijes, Demi nuk heziton të shijojë çdo lloj ushqimi të mirë. Nga darkat luksoze tek ëmbëlsirat e shtëpisë, ai gjithmonë di të gjejë shijen perfekte.

Gaforrja – Ushqimi për Gaforren është më shumë se nevojë, është dashuri dhe nostalgji. Ajo adhuron gatimet tradicionale dhe është gjithmonë në kërkim të shijeve që i kujtojnë fëmijërinë.

Peshorja – E fiksuar pas estetikës, Peshorja jo vetëm që do të shijojë një pjatë të mirë, por edhe do ta vlerësojë paraqitjen e saj. Një darkë elegante është mënyra më e mirë për ta bërë të lumtur.

Shigjetari – Me shpirtin e aventurierit, Shigjetari është gjithmonë gati të provojë diçka të re. Nga gatimet ekzotike tek eksperimentet në kuzhinë, ai nuk ka frikë të dalë nga zona e rehatisë.

The post Në botën e ushqimit, këto shenja janë kampione! appeared first on Albeu.com.

1. Teksa mori fjalën pas marrjes së medaljes, kampioni i karatesë s’ka mundur t’i mbajë lotët, ndërsa tha se ditën kur i ofruan  mbajtjen e flamurit kuqezi në ceremoninë hapëse të Kampionatit Evropian, u ndje si Gjergj Kastrioti./albeu.com

Mes lotësh ai ka falënderuar familjen e të gjithë ata që kanë kontribuuar në rrugëtimin e tij.

Alvin Karaqi: ”Faleminderit të gjithëve, grupit, trajnerit, ju prindër. Të gjithë jeni arsyeja që unë kam fituar. Dita kur mora flamurin për të përfaqësuar Shqipërinë në ceremoninë e hapjes, aty ishte medalje ime. Për besë u ndjeva si Gjergj Kastrioti. Falenderoj ekipin olimpik dhe presidentin. Nëse kjo medalje do ishte picë do e kishim ndarë bashkë. Faleminderit për mbështetjen morale dhe jo vetëm. Uroj të gjithë sportistët ta përjetojnë këtë ndjenjë që ndejë unë tani.”

The post Nderohet me medalje kampioni i karates Alvin Karaqi, përlotet gjatë fjalës së tij appeared first on Albeu.com.

Më pak se 2 minuta iu deshën gjigantit shkodran për të vënë pikat mbi “i”, kur, pas një sërë goditjesh të dhuruara që nga nisja e takimit, tronditi boksierin latin, për t’i dhënë fund me një kombinim e majtë e djathtë, që hodhi në tapet boksierin argjentinas.

Sosa, teksa u përpoq të ngrihej, tregoi se e kishte të pamundur të merrte veten nga goditjet e shqiptarit dhe arbitri i dha fund ndeshjes, me Nelson Hysën që fitoi takimin e tij të 11 në po kaq ndeshje me “knock out” teknik për të rrëmbyer brezin e kampionit të botës, duke ndezur festën në “Osterman Arena” të Leverkusenit, ku dueli i shkodranit ishte eventi kryesor i mbrëmjes.

Në prononcimin e tij pas fitores, Hysaj ia dedikoi këtë fitore familjes së tij, që e ka mbështetur në këtë rrugëtim fantastik:

“Isha përgatitur shumë për këtë ndeshje dhe shpresoj që të tilla sfida tij bëj dhe në të ardhmen. Dua të shfrytëzoj momentin me të tjera fitore. Ndihem shumë mirë që kam tani këtë brez kampioni, dhe dua të vazhdoj në këtë rrugë fitoresh dhe të siguroj edhe breza të tjerë edhe më të rëndësishëm se ky”.

The post “Gjiganti” shkodran ngre lart flamurin kuqezi! Nelson Hysa hedh “KO” kundërshtarin që në raundin e parë dhe shpallet kampion bote appeared first on Albeu.com.

Zogaj ka triumfuar ndaj boksierit italian, Riccardo Valentino mbrëmjen e së shtunës në Shtutgart të Gjermanisë

Ai ndaj boksierit italian arriti fitore me vendim unanim, duke u shpërblyer me titullin kampion të Evropës në IBO.

30-vjeçari vazhdon formën e tij të jashtëzakonshme, pasi në 12 raunde të zhvilluara, ai nuk ka humbur asnjëherë.

The post Altin Zogaj shpallet kampion europe në boks në kategorinë IBO appeared first on Albeu.com.

Vetëm një javë më parë edhe tifozët më të ccmendur i kishin humbur shpresat për titullin kampion, por jo për lojatrët në fushë, sigurisht një dorë të mirë ua dha edhe mainzi i cili barazoi 2-2 në “Signal IDuna Park” përballë Dortmundit, i cili nuk diti të menaxhojë sicc duhet ndeshjen.

Bayern mundi 1-2 Koln në transfertë (Coman, Musiala / Ljubicic) dhe festa ishte e ligjshme pas barazimit 2-2 të Dortmund ndaj Mainz.

Skuadra e drejtuar nga Tomas Tuchel përmbyll në mënyrën më të mirë të mundshme sezonin, me 71 pikë dhe trofeun e Bundesligës në xhep. Skuadra ka shënuar 91 gola në këtë kampionat dhe ka pësuar 37.

Lot dhe dëshpërim i madh te Dortmund, që për t’u rikthyer te titulli do duhet të presë sërish. Sa i takon sfidës së barazuar 2-2 ndaj Mainz, takimi ishte mjaft emocionues.

Mysafirët gjetën golin në minutën e 15-të me Olsen. Skuadra vendase mund të vendoste ekuilibrat pas 4 minutash me Haller, por sulmuesi gaboi nga pika e bardhë e penalltisë. Të besuarit e Svensson dyfishuan shifrat me Onisi2o në minutën e 24-të, duke i dhënë një goditje të rëndë kundërshtarit.

Goli i shpresës për Reus me shokë erdhi në minutën e 70-të nga Guerreiro, por tepër vonë, pasi nuk mjaftoi as goli i Sule në fund. Pavarësisht se stadiumi “Signal Iduna Park” ishte i tejmbushur me tifozë, Dortmund zhgënjeu totalisht (vendi i dytë, 70 pikë) duke humbur mundësinë për të fituar titullin në javën e fundit.

The post Bayerni fiton titullin me “frymën e fundit”, Dortmund zhgënjen tifozët e përgatitur për festë në “Signal Iduna Park” appeared first on Albeu.com.

Ky rezultat bën që Gooners të jenë katër pikë larg kreut, por ekipi i Artetas e ka dhe matematikisht të pamundur të arrijë “Citizens”, pasi ka për të luajtur vetëm një ndeshje, ndërkohë që City ka edhe 3 takime në program.

Për Manchester Cityn ky është titulli i nëntë në histori pas atyre të fituara në vitet 1936/37, 1967/68, 2011/12, 2013/14, 2017/18, 2018/19, 2020/21 dhe 2021/22. Ky sukses duket totalisht i merituar për Haaland & Co, që në 35 ndeshje kanë shënuar 92 gola dhe kanë pësuar 31.

Ky grup mund të marrë në shtëpi për këtë sezon të tjerë trofe, pasi luajnë finalen e FA Cup ndaj rivalëve të qytetit të Manchester United dhe përballen me Interin në finalen e UEFA Champions League.

Në krahun tjetër, Arsenali duhet të kënaqet me rikthimin në grupet e Champions.

The post Premier League, Manchester City shpallet kampion për herë të nëntë appeared first on Albeu.com.

Mbrëmjen e djeshme, në pallatin e sportit të “Ramazan Njala” në Durrës, Alban Beqiri triumfoi ndaj hungarezit Olah Pal.

Futja e tij në ring u krye mes rimave dhe këngës së Noizyt, pasi reperi shqiptar ishte prezent aty për të mbështetur boksierin nga Puka.

Alban Beqiri me forcën e tij të jashtëzakonshme që mbanë në grushta, ka mundur të fitojë që në raudnin e parë me KO.

Pas sfidës, rrugët u mbushën plot me fansat dhe miqtë e Beqirit, duke festuar në rrugë./ h.ll/albeu.com

@noelqokaj @Noizy @Alban Beqiri ? ♥️ ? Alban Beqiri Mbreti Që Sot Dridhi Themelet e Ringut ? ? ? #fypシ゚viral #albanbeqiri #boxing #albania #2022 ♬ original sound – ????

@curraj.eper Një Fitore Spektakulare ky ësht Kampioni i Shqipërise ?? ALBAN BEQIRI ? ? Florian Marku ❌ #currajeper #fypシ゚viral #boxing #albania #2022 ♬ original sound – currajeper

The post Alban Beqiri korr suksesin e radhës, mes rimave të Noizyt triumfon ndaj hungarezit (VIDEO) appeared first on Albeu.com.