“Afati i fundit për mbylljen e salloneve të bukurisë është një muaj”, tha Mohammad Sadiq Akif, zëdhënës i Ministrisë së Mbrojtjes Morale dhe Promovimit të Virtytit.

Qeveritë e huaja dhe zyrtarët e OKB-së kanë dënuar kufizimet në rritje të talebanëve ndaj grave që kur ata morën pushtetin në vitin 2021.

Vitin e kaluar, autoritetet afgane mbyllën shumicën e shkollave të mesme të vajzave, ndaluan gratë të hynin në universitet dhe të punonin në organizatat e ndihmës. Prania e grave është e ndaluar në shumë vende publike, si banja, gjimnaze dhe parqe.

Sallonet e bukurisë u shfaqën në Kabul dhe qytete të tjera afgane pas rënies së regjimit të parë taleban në fund të vitit 2001.

Shumë prej tyre qëndruan të hapura pas vitit 2021, me tabela dhe dritare të mbuluara, duke u ofruar disa grave punë dhe klientëve femra.

The post Qeveria talebane në Afganistan me ultimatum: Parukeritë të mbyllen brenda një muaji appeared first on Albeu.com.

Sulmi me bombë ndodhi më 26 gusht 2021, ndërsa trupat amerikane po përpiqeshin të ndihmonin amerikanët dhe afganët të largoheshin si pasojë e situatës kaotike pas marrjes së pushtetit nga talebanët.

“Ai ishte një zyrtar kyç i ISIS-it i përfshirë drejtpërdrejt në organizimin e operacioneve si ai në Portën Abbey, dhe tani nuk është më në gjendje të komplotojë apo kryejë sulme,” tha zëdhënësi i Shtëpisë së Bardhë John Kirby në një deklaratë, duke iu referuar hyrjes Abbey në aeroportin e Kabulit ku ndodhi shpërthimi. Ai nuk e përmendi emrin e zyrtarit.

Lajmi për vrasjen ishte konfirmuar më herët për agjencinë Associated Press nga babai i një marinsi të vrarë gjatë sulmit, i cili u informua të martën nga zyrtarët ushtarakë.

Gjatë fundjavës, ushtria amerikane filloi të informojë familjet e 11 marinsave, marinarit dhe ushtarit të vrarë në shpërthimin në portën Abbey gjatë tërheqjes kaotike amerikane nga Afganistani.

Këta familjarë e ndanë informacionin në një bisedë në një grup privat mesazhesh, sipas mamasë së një marinsi tjetër. Informacioni që familjet i dhanë agjencisë Associated Press u konfirmua nga tre zyrtarë amerikanë dhe një këshilltar i lartë i Kongresit, të cilët folën në kushte anonimiteti për të diskutuar detaje që ende nuk ishin bërë publike.

Udhëheqësi i ISIS-it, identiteti i të cilit ende nuk është bërë i ditur, u vra në Afganistanin jugor në fillim të prillit, ndërsa talebanët kryen një seri operacionesh kundër grupit të Shtetit Islamik, sipas njërit prej zyrtarëve. Talibanët në atë kohë nuk ishin në dijeni të identitetit të personit që vranë, shtoi zyrtari.

Darin Hoover, babai i togerit Darin Taylor Hoover, tha se zyrtarët e shërbimit të marinsave i dhanë atij vetëm informacion të kufizuar të martën dhe nuk e identifikuan udhëheqësin e Shtetit Islamik dhe as nuk dhanë rrethanat e vdekjes së tij.

Zoti Hoover është një nga pjesëtarët e një grupi prej 12 familjesh të anëtarëve të forcave amerikane që kanë humbur jetën, të cilët janë mbështetur tek njëri-tjetri dhe kanë ndarë informacione përmes grupit të mesazheve që kur ndodhi bombardimi.

Dega afgane e Shtetit Islamik, e njohur si Shteti Islamik Khorasan ose ISIS-K, sipas një emri të vjetër të rajonit, është armik i talebanëve. Luftëtarët besnikë të Shtetit Islamik u shfaqën fillimisht në Afganistanin lindor në vitin 2014 dhe më vonë depërtuan në zona të tjera.

The post Talebanët vrasin organizatorin e sulmit në aeroportin e Kabulit appeared first on Albeu.com.

Zëdhënësi i operacioneve të sigurisë në Kabul, Khalid Zadra, i tha Radios Azadi të Radios Evropa e Lirë se “një numër i bashkëqytetarëve tanë ranë martirë apo u plagosën” në sulmin e dyshuar me bombë. Ai shtoi se ka nisur hetimi për këtë incident.

Zadra nuk specifikoi numrin e saktë të viktimave.

Zëdhënësi i Ministrisë së Brendshme, Abdul Nafi Takor, tha po ashtu se disa persona janë vrarë apo plagosur, pa dhënë numrin e saktë të viktimave.

Asnjë grup deri më tani nuk ka marrë përgjegjësinë për këtë sulm. Që kur talibanët morën pushtetin në gusht të vitit 2021, shteti është shënjestruar nga grupi ekstremist, Shteti Islamik.

Më 27 dhjetor, IS-i mori përgjegjësinë për sulmin në provincën afgane të Badakshanit, ku u vra një zyrtar kyç i sigurisë së talibanëve.

Një lëvizje e armatosur e rezistencës kundër talibanëve, që njihet me emrin Fronti i Rezistencës Kombëtare (NRF), po ashtu ka qenë aktiv në veri të Afganistanit.

Aeroporti ushtarak ku ndodhi sulmi më 1 janar gjendet afër 200 metra larg Aeroportit Ndërkombëtar të Kabulit dhe afër Ministrisë së Brendshme të Afganistanit. Në tetor, ndërtesa e Ministrisë së Brendshme kishte qenë cak i një sulmi, kur u vranë të paktën katër persona.

Edhe ministri të tjera të sigurisë, por edhe ambasadat e huaja dhe pallati presidencial, gjenden në rrugën e Aeroportit Ndërkombëtar të Kabulit dhe atij ushtarak.

Sipas raportimeve, aeroporti ushtarak është dëmtuar, por nuk është shkatërruar plotësisht. Po ashtu, raportohet se forcat talibane të sigurisë kanë rrethuar këtë zonë, duke parandaluar që të bëhen fotografi dhe video të vendit ku ndodhi sulmi.

The post Disa të vrarë dhe të plagosur nga shpërthimi në aeroportin ushtarak të Kabulit appeared first on Albeu.com.

Shpërthimi ndodhi në qendrën arsimore Kaaj në zonën Dasht-e-Barchi në perëndim të qytetit.

Studentët kishin qenë në një provim praktik në universitet, thanë zyrtarët nga qendra.

Shumë nga ata që jetojnë në zonë janë nga minoriteti Hazara, i cili ka qenë në shënjestër në sulmet e kaluara.

Asnjë grup ende nuk ka marrë përgjegjësinë e sulmi./albeu.com

The post Sulm kamikaz në një qendër arsimor në Kabul, 19 të vdekur dhe shumë të plagosur appeared first on Albeu.com.

Grupi ekstremist, Shteti Islamik (IS) e ka marrë përgjegjësinë për sulmin, sipas një postimi që ka bërë në kanalin Telegram. Radio Azadi – shërbim i Radios Evropa e Lirë – ka thënë se një person me aftësi të kufizuara e ka sulmuar Haqqanin dhe të paktën gjashtë persona tjerë janë vrarë.

Haqqani, me origjinë nga provinca Nangarhar, ka qenë mbështetës i rëndësishëm për talibanët. Ai është njohur për diskutimet e zjarrta fetare.

Talibanët kanë marrë pushtetin – për herën e dytë – në mesin e gushtit të vitit të kaluar, ndërsa ushtria amerikane i ka dhënë fund misionit të saj në Afganistan më 30 gusht të vitit 2021. Forcat e udhëhequra nga Shtetet e Bashkuara kanë rrëzuar talibanët nga pushteti në tetor të vitit 2001.

Talibanët kanë qenë duke strehuar atëbotë Osama Bin Laden dhe figura tjera të Al-Kaidës, të lidhura me sulmet e 11 shtatorit të po atij viti në Shtetet e Bashkuara, nga të cilat kanë mbetur të vdekur rreth 3.000 njerëz./REL

The post Shpërthim në Kabul, vritet një klerik taliban në një shkollë fetare appeared first on Albeu.com.

Pranimi i së premtes nga komandanti i trupave amerikane në rajon pasoi një hetim ushtarak të nxitur nga pretendimet e njerëzve në terren, si dhe njoftimet e mediave, se objektivi i goditur më 29 gusht nga një raketë e llojit Hellfire nuk përbënte një kërcënim.

“Kjo goditje u ndërmor me besimin e sinqertë se do të parandalonte një kërcënim të menjëhershëm për forcat tona dhe personat që po evakuoheshin në aeroport”, u tha gazetarëve në Pentagon gjenerali Kenneth “Frank” McKenzie, komandanti i Komandës Qendrore të Shteteve të Bashkuara, nëpërmjet një lidhjeje videofonike. “Hetimi ynë tani arriti në përfundimin se goditja ishte një gabim tragjik”, tha ai.

“Ne tani vlerësojmë se nuk ka gjasa që automjeti ose ata që vdiqën të ishin të lidhur me ISIS-K”, shtoi Mckenzie, duke përdorur një akronim për filialin e grupit terrorist të Shtetit Islamik në Afganistan, i njohur gjithashtu si IS-Khorasan.

Sekretari amerikan i Mbrojtjes Lloyd Austin gjithashtu kërkoi falje për sulmin e gabuar.

“Në emër të burrave dhe grave të Departamentit të Mbrojtjes, unë shpreh ngushëllimet e mia më të thella për anëtarët e familjeve të atyre që u vranë”, tha Sekretari Austin në një deklaratë. “Ne kërkojmë ndjesë dhe ne do të përpiqemi të mësojmë nga ky gabim i tmerrshëm”.

Ndjesa është një kthesë dramatike për ushtrinë amerikane, e cila ka mbrojtur sulmin ajror prej javësh të tëra.

Vetëm disa ditë pas sulmit, oficeri ushtarak më i lartë amerikan, Shefi i Shtabit të Përgjithshëm, Mark Milley, e mbrojti sulmin si “të drejtë”.

“Ne e dimë nga një sërë mjetesh të tjera se të paktën një nga ata njerëz që u vranë ishte një koordinator i ISIS-it”, u tha zoti Milley gazetarëve në Pentagon më 1 shtator. “Procedurat u ndoqën në mënyrë korrekte”.

Edhe atëherë, rrëfimet nga terreni po tregonin një histori të ndryshme – se në vend që të vriste një koordinator të IS-Khorasan, sulmi amerikan me dron në fakt kishte hedhur në erë Ezmarai Ahmadin, një punonjës ndihmash në organizatën Nutrition and Education International me qendër në Kaliforni, i cili kishte aplikuar për t’u zhvendosur në Shtetet e Bashkuara.

Anëtarët e familjes thanë se viktimat e tjera përfshinin vajzën e Ahmadit, si dhe nipërit dhe mbesat.

Hetime të tjera nga gazetat The New York Times dhe The Washington Post hodhën dyshime të mëtejshme ndaj qëndrimit amerikan se goditja kishte eliminuar një terrorist të grupit IS-Khorasan.

Hetimi i gazetës Times përcaktoi se makina, një Toyota Corolla e bardhë, për të cilën zyrtarët amerikanë menduan se ishte e mbushur me eksploziv, në të vërtetë mbante kanistra uji. Dhe ndalesat e dyshimta që kishte bërë Ahmadi ndërsa Shtetet e Bashkuara e vëzhgonin nga qielli, ishin ndalesa për të marrë kolegë dhe për të bërë furnizime me ujë.

“Ne nuk e ndërmorëm goditjen sepse menduam se kishim gabuar. E bëmë goditjen sepse menduam se kishim një objektiv të mirë”, tha Gjenerali McKenzie i Komandës Qendrore (CENTCOM) të premten, duke vënë në dukje atë që ai tha se ishin “mbi 60 raporte të nivelit shumë të lartë për kërcënimin e afërt për forcat tona në Kabul dhe përreth tij”, shumë prej tyre të përqëndruara tek përdorimi i një makine Toyota Corolla të bardhë.

“Është e qartë se të dhënat tona të zbulimit ishin gabuar me këtë Toyota Corollan e bardhë në fjalë”, tha ai.

Zyrtarët ushtarakë amerikanë thanë se ata ende besojnë se kishte një komplot të IS-Khorasan për të sulmuar aeroportin me atë lloj makine nga një nga vendet ku u pa Toyota e Ahmadit. Por, ata tani besojnë se sulmi mund të jetë ndërprerë nga një sulm ajror amerikan ditë më parë që kishte në shënjestër operativët e grupit terrorist në provincën Nangarhar.

McKenzie tha se Shtetet e Bashkuara tani po shikojnë të bëjnë të ashtuquajturat pagesa ex gratia për anëtarët e familjeve që mbijetuan, megjithëse ai pranoi se dorëzimi i dëmshpërblimeve mund të ishte i vështirë pa një prani të Shteteve të Bashkuara në terren.

Komandanti i CENTCOM-it nuk pranoi të thoshte nëse do të ndërmerrej ndonjë masë disiplinore kundër atyre të përfshirë në kryerjen e goditjes, duke thënë se përgjegjësia përfundimtare i takonte atij.
Organizatat për të drejtat e njeriut po kërkojnë më shumë.

“Shtetet e Bashkuara tani duhet të angazhohen për një hetim të plotë, transparent dhe të paanshëm për këtë incident”, tha Brian Castner, një këshilltar i lartë për krizat në Amnesty International.

“Kushdo që dyshohet për përgjegjësi penale duhet të ndiqet penalisht në një porces të drejtë gjyqësor”, tha zoti Castner në një deklaratë zyrtare. “Të mbijetuarit dhe familjet e viktimave duhet të mbahen të informuar për përparimin e hetimit dhe të marrin dëmshpërblim të plotë”.

Unioni Amerikan i Lirive Civile (ACLU) tha se sulmi me dron në Kabul duhet të jetë “një thirrje zgjimi”.

“Në këtë goditje, ne shohim jehonën e shumë jetëve të tjera civile të humbura dhe të dëmtuara rëndë, qoftë në luftëra si në Afganistan, apo jashtë tyre, si p.sh. në Somali”, tha Hina Shamsi nga ACLU në një deklaratë.

Disa ligjvënës amerikanë po bëjnë thirrje që të bëhet më shumë.

“Departamenti i Mbrojtjes ka hedhur hapin e parë drejt transparencës dhe llogaridhënies”, tha Ligjvënësi Adam Schiff, kryetar i Komisionit të Zbulimit të Dhomës së Përfaqësuesve, në një deklaratë me shkrim. Ai e quajti sulmin vdekjeprurës me dron “një dështim shkatërrues”.

“Ne duhet të dimë se çfarë shkoi keq në orët dhe minutat para fillimit të goditjes për të parandaluar tragjedi të ngjashme në të ardhmen”, shtoi ai.

“Komisioni i Forcave të Armatosura do të dëgjojë nga zyrtarët e administratës në javët në vijim për tërheqjen kaotike dhe vdekjeprurëse nga Afganistani”, tha senatori James Inhofe, anëtar i lartë i komisionit, në një deklaratë me shkrim.

“Goditja e 29 gushtit tregon se sa të vështira dhe komplekse mund të jenë operacionet kundër terrorizmit, dhe për fat të keq nënvizon se një strategji e llojit ‘mbi horizont’ vetëm do të rrisë kompleksitetin dhe vështirësinë”, tha ai.

Ekzistojnë gjithashtu pikëpyetje në lidhje me të ardhmen e çdo sulmi amerikan kundër terrorizmit në Afganistan, kundër grupeve si IS-Khorasan ose al-Kaida, të cilat tani për tani do të kryheshin “mbi-horizont” – nga bazat amerikane që gjenden orë larg në Lindjen e Mesme.

Por McKenzie tha se rregullat e përfshirjes për sulme të tilla ajrore do të ishin të ndryshme.
“Ne do të kemi shumë më tepër mundësi se sa kishim nën këtë presion ekstrem kohor për t’i hedhur një sy objektivit … për ta studiuar objektivin me platforma të shumta për të pasur një mundësi për të zhvilluar modelin e zgjatur të jetesës”, tha ai. “Asnjë nga këto gjëra nuk ishte në dispozicion për ne duke pasur parasysh natyrën urgjente dhe të ngutshme të kërcënimit të menjëhershëm për forcat tona.”

Komandanti amerikan tha gjithashtu se përkundër garancive dhe angazhimeve të tyre të përsëritura, talebanët kishin bërë pak për të ndihmuar evakuimin, përveç krijimit të një perimetri të jashtëm të sigurisë rreth aeroportit të Kabulit, i cili “gjithashtu i lejoi ata të kontrollonin njerëzit që përndryshe do të kishin arritur në aeroport”.

Për sa i përket ndonjë ndihme tjetër kundër IS-Khorasan, “nuk di të jenë duke bërë ndonjë gjë për ne tashmë”, tha Gjenerali McKenzie./VOA

The post SHBA pranon se sulmi me dron në Kabul ishte një “gabim tragjik” appeared first on Albeu.com.

Neë York Times raportoi se baza e CIA -s jashtë aeroportit të Kabulit u shkatërrua me shpërthim të komanduar, vetëm disa orë pas një shpërthimit vdekjeprurës jashtë aeroportit të Kabulit që shkaktoi afro 170 viktima.

Sipas raporteve, një shpërthim i kontrolluar u përdor për të hedhur në erë bazën ‘Eagle’, ku u trajnuan forcat afgane kundër terrorizmit dhe agjencitë e inteligjencës.

Agjencia Qendrore e Inteligjencës (CIA), megjithatë, nuk pranoi të komentonte raportin, i cili pretendonte se shpërthimi i bazës së Kabulit kishte për qëllim të shkatërronte pajisjet dhe dokumentet në mënyrë që të parandalonte rënien e tyre në posedim të talebanëve.

Ndërkohë, me afrimin e afatit të 31 gushtit, forcat amerikane vazhduan përpara në ditët e fundit të evakuimit të udhëhequr nga SHBA mes kërcënimeve për një sulm tjetër.

Më pak se 48 orë pas incidenteve të bombave vetëvrasëse që tronditën procesin e evakuimit në aeroportin e Kabulit, ushtria amerikane kreu sulme me dron duke vrarë një lider të Shtetit Islamik në provincën Nangarhar./albeu.com

The post SHBA “zhduk” gjurmët, baza e CIA-s në Kabul shkatërrohet me shpërthim të komanduar appeared first on Albeu.com.

DEKLARATA NGA BIDEN

Deklarata e Presidentit Joe Biden për Misionin e Evakuimit në Kabul

28 Gusht 2021 DEKLARATAT DHE LIRIMET

Këtë mëngjes, u takova me ekipin tim të sigurisë kombëtare në Uashington dhe komandantët e mi në terren. Ne diskutuam sulmin që forcat amerikane morën mbrëmë kundër grupit terrorist ISIS-K në Afganistan. Unë thashë që ne do të shkojmë pas grupit përgjegjës për sulmin ndaj trupave tona dhe civilëve të pafajshëm në Kabul, dhe ne e kemi. Kjo grevë nuk ishte e fundit. Ne do të vazhdojmë të gjuajmë çdo person të përfshirë në atë sulm të tmerrshëm dhe t’i bëjmë ata të paguajnë. Sa herë që dikush kërkon të dëmtojë Shtetet e Bashkuara ose të sulmojë trupat tona, ne do të përgjigjemi. Kjo nuk do të jetë kurrë në dyshim. Falënderoj gjeneralin McKenzie për udhëheqjen e tij në atë mision dhe për angazhimin e tij ndaj sigurisë së trupave tanë në Afganistan.

Situata në terren vazhdon të jetë jashtëzakonisht e rrezikshme dhe kërcënimi i sulmeve terroriste në aeroport mbetet i lartë. Komandantët tanë më informuan se një sulm ka shumë të ngjarë në 24-36 orët e ardhshme. I udhëzova ata të merrnin çdo masë të mundshme për t’i dhënë përparësi mbrojtjes së forcës dhe sigurova që ata të kenë të gjitha autoritetet, burimet dhe planet për të mbrojtur burrat dhe gratë tona në terren. Ata më siguruan se e bënë dhe se mund t’i merrnin këto masa gjatë përfundimit të misionit dhe kthimit të sigurt të personelit tonë.

Megjithë situatën e pabesë në Kabul, ne po vazhdojmë të evakuojmë civilët. Dje, ne nxorëm 6.800 persona të tjerë, përfshirë qindra amerikanë. Dhe sot, ne diskutuam përgatitjet e vazhdueshme për të ndihmuar njerëzit të vazhdojnë të largohen nga Afganistani pas largimit tonë ushtarak.

13 anëtarët e shërbimit që humbëm ishin heronj që bënë sakrificën përfundimtare në shërbim të idealeve tona më të larta amerikane dhe duke shpëtuar jetën e të tjerëve. Trimëria dhe vetëmohimi i tyre u ka mundësuar më shumë se 117,000 njerëzve në rrezik të arrijnë sigurinë deri më tani. Zoti i ruajt trupat tona dhe të gjithë ata që qëndrojnë vigjilentë në këto ditë të rrezikshme.

The post Biden paralajmëron sulmin e radhës terrorist në Kabul: Mund të ndodhë brenda 24 ose 36 orëve të ardhshme appeared first on Albeu.com.

Një zyrtar amerikan i tha agjencisë së lajmeve Reuters se kishte më pak se 4000 trupa të mbetura në aeroport, nga 5800 që u dërguan për misionin e evakuimit. Zëdhënësi i Pentagonit John Kirby më vonë u konfirmoi gazetarëve se tërheqja kishte filluar, por nuk pranoi të jepte një numër sa sa forca amerikane ishin ende në Kabul.

Ndërsa po largohen nga Afganistani, SHBA po ashtu njoftoi se kishte vrarë dy militantë të Shtetit Islamik. “Nga sulmi me dronë u vranë vrau dy planifikues të sulmeve në aeroportin e Kabulit dhe u plagos një tjetër në provincën Nangarhar”, tha Gjeneral Majori i ushtrisë amerikane William Taylor.

Sulmi ajror u ndërmor përtej Afganistanit më pak se 48 orë pas sulmit vdekjeprurës në aeroportin e Kabulit, që vrau 13 amerikanë dhe 169 afganë. Presidenti Joe Biden deklaroi të enjten se autorët e sulmit nuk do të mund të fshiheshin. “Ne do t’ju gjejmë dhe do t’ju bëjmë të paguani”, tha presidenti.

Për këtë sulm reaguan dhe talebanët.

“Amerikanët duhet të na kishin informuar para se të kryenin sulmin ajror. Ishte një sulm i qartë në territorin afgan”, tha një zëdhënës i talebanëve për Reuters.

Zëdhënësi Zabihullah Mujahid tha gjithashtu se talebanët do të marrin aeroportin “shumë shpejt”, pasi forcat amerikane të tërhiqen dhe të jetë formuar qeveria e re në ditët në vijim.

Qeveria dhe ushtria afgane e mbështetur nga Perëndimi u rrëzuan brenda pak ditësh, ndërsa militantët islamikë hynë në kryeqytetin e vendit më 15 gusht. /VOA

The post Po mbaron afati, nis tërheqja e trupave amerikanë nga Afganistani, sa ushtarë kanë mbetur ende në Kabul appeared first on Albeu.com.

Në një deklaratë për mediat ditën e sotme, ai thotë se ishte një ditë e vështirë teksa deklaroi se këto ishin sulmet që SHBA i kishte paralajmëruar prej disa ditësh.

“Ne jemi të zemëruar dhe zemërthyer,” thotë ai.

Biden thotë se zemrat amerikane “dhembin për të gjitha familjet afgane që humbën njerëz, përfshirë fëmijë, në këtë sulm të egër”.

Presidenti thotë se situata në terren është ende duke u zhvilluar dhe se po e ndjek situatën vazhdimisht.

Një ngushëllim ka dhe për familjarët e ushtarëve amerikanë të cilët sakrifikuan jetët e tyre për paqen në Afganistan.

The post Sulmet në Kabul, reagon Biden: I paralajmëruan, jemi zemërthyer appeared first on Albeu.com.