Vendimi u mor pak kohë më parë dhe u njoftua në platformën e FIFA-s për ndryshimet në federatë. Lojtari i lindur në vitin 2004 kishte veshur disa herë fanellën e “të kaltërve”, duke iu përgjigjur thirrjeve nga U-18 e tutje, deri te U-21, me të cilët luajti ndeshjet e tij të fundit (tre miqësore) në vitin 2024 nën drejtimin e trajnerit Carmine Nunziata.

Tani, pra, Hasa ka zgjedhur të ndryshojë dhe të fillojë të luajë për Shqipërinë, e cila që tani e tutje do të jetë në gjendje të mbështetet te mesfushori i ri.

Vendimi i Hasës për të ndryshuar ekipin kombëtar u bë i mundur nga fakti se mesfushori, megjithëse ka luajtur disa ndeshje me ekipet kombëtare të të rinjve italianë, përfshirë edhe U-21, në fakt nuk ka luajtur kurrë ndonjë ndeshje zyrtare (të gjitha ishin miqësore) me ekipin e Italisë U-21.

Ish-lojtari i Juventusit, pavarësisht se ka lindur në Itali, është bir i prindërve shqiptarë, dhe për këtë arsye ka zgjedhur të kthehet për të veshur fanellën e Shqipërisë. Dhe për të, në fakt do të ishte një rikthim, pasi disa vite më parë, Hasa u stërvit me ekipin kombëtar të Shqipërisë U15, por nuk bëri kurrë debutimin e tij zyrtar. Tani, Shqipëria e ka thirrur përsëri, por këtë herë në ekipin e parë.

The post Luis Hasa ndryshon kombëtare: Largohet nga Italia dhe zgjedh Shqipërinë appeared first on Albeu.com.

Falë këtij suksesi, Juventusi ngjitet mbi Komon dhe Romën në renditje, përpara përballjes që këto dy skuadra do të zhvillojnë të dielën.

Ndërkohë, Udineze mbetet në mesin e tabelës dhe sezoni i saj duket se po shuhet gradualisht, pasi kjo ishte humbja e 10-të në 16 ndeshje kundër skuadrave që aktualisht ndodhen në gjysmën e sipërme të renditjes.

The post VIDEO/ Juventusi mposht Udinezen dhe ngjitet në vendin e katërt appeared first on Albeu.com.

“Unë do të kisha marrë Robert Levandovskin me parametra zero dhe do t’i kisha dhënë një tjetër mundësi David”, – ka thënë mes të tjerash Trezeguet në një intervistë të fundit për “La Gazzetta dello Sport”.

Francezi ka dhënë një koment edhe për sulmuesin Dushan Vlahoviç, të cilit i përfundon kontrata dhe klubi torinez po punon për rinovimin: “Vlahoviç? Më ka zhgënjyer. Nuk e kam kuptuar ende, nëse është një sulmues për Juventusin, apo jo”, – është shprehur Trezeguet.

The post Trezeguet këshillon Juventusin: Merr Levandovskin në sulm dhe jepi dhe një shans David! appeared first on Albeu.com.

Turku shënoi përsëri në minutën e 75-të, duke vulosur fitoren me një gol mahnitës, dhe Boga më pas shënoi në kohën shtesë për të vulosur një fitore me “poker” para fishkëllimës së fundit të Sacchit.

Me këtë fitore, Juventusi u ngjit në kuotën e 50 pikëve dhe iu afrua një pikë Romës dhe Comos, me verdhekuqtë që udhëtojnë në stadiumin Ferraris për t’u përballur me Genoan.

Javën tjetër, Fabregas do të presë Gasperinin në stadiumin Sinigaglia. Ndërkohë, Pisa pësoi një tjetër humbje, rënia nga kategoria është gjithnjë e më afër. Portë e pastër për Perin, midis shtyllave në vend të Di Gregorio.

GOLAT:

GOLI I BOGA: VIDEO 

GOLI I JILLDIZ: VIDEO 

GOLI I TURAM: VIDEO 

GOLI I KAMBIASOS: VIDEO 

The post VIDEO/ Juve i jep Spallettit katër dhurata dhe rikthehet në garën për Champions League appeared first on Albeu.com.

Verdhekuqtë kaluan të parët në avantazh në minutën e 39-të me Wesley França, duke mbyllur pjesën e parë në epërsi minimale. Juventusi reagoi menjëherë pas pushimit, teksa Francisco Conceição barazoi rezultatin në minutën e 47-të.

Roma rifitoi avantazhin në minutën e 54-t me golin e Evan Ndicka dhe vetëm pak minuta më vonë, në të 65-ën, Donyell Malen realizoi golin e tretë, duke i dhënë vendasve një diferencë të sigurt.

Megjithatë, bardhezinjtë nuk u dorëzuan. Jeremie Boga ngushtoi shifrat në minutën e 78-të, ndërsa në minutën e tretë shtesë Federico Gatti shënoi golin e barazimit dramatik, duke i mohuar Romës fitoren në sekondat e fundit.

Ndeshje shumë e mirë për Zhegrovën, i futur në lojë në pjesën e dytë, dhe iniciator në dy golat e fundit të bardhezinjve.

Pas këtij barazimi, Roma ngjitet në kuotën e 51 pikëve në vendin e katërt, ndërsa Juventusi shkon në 47 pikë dhe renditet i gjashti në klasifikimin e Serie A.

VIDEO

The post VIDEO/ Juventus barazim spektakolar me Romën, shkëlqen Zhegrova appeared first on Albeu.com.

Lokateli ishte ai që hapi serinë e golave në minutën e 37-të, nga pika e bardhë e penalltisë. Edhe pse me 10 lojtarë prej minutës së 48-të, bardhezinjtë shënuan edhe 2 herë të tjera me Gatin dhe Mekenin, duke çuar ndeshjen në shtesa, teksa shtesat folën për turqit, që shënuan dy herë fillimisht me Osimhen në minutën 105+2 teksa për të “vulosur” sfidën mendoi Jillmaz në minutën 119.

Në fushë prej minutës së 67-të zbriti edhe Zhegrova që ishte protagonist te dy golat, teksa shpërdoroi edhe një rast flagrant në fundin e kohës së rregullt, duke djegur një shans të artë për ta vrarë përfundimisht kualifikimin.

119′ GOLI I JILLMAZ: VIDEO 

105+2′ GOLI I OSIMHEN: VIDEO 

96′ RASTI I HUMBUR NGA ZHEGROVA: VIDEO 

82′ GOLI I MEK KENIT: VIDEO 

70′ GOLI I GATIT: VIDEO 

37′ GOLI I LOKATELIT ME PENALLTI: VIDEO 

The post VIDEO/ Juventusit i bëhet ëndrra makth, Galatasaray eliminon Juven appeared first on Albeu.com.

Interi ka arritur rezultate mjaft të mira vitet e fundit, me dy finale në Champions, edhe pse i ka humbur, ndërsa Italia nuk e braktiste këtë kompeticion në fund të shkurtit prej kohësh. Investimet janë reduktuar për klubet italiane, sidomos në krahasim me futbollin anglez, ndaj dhe mundësitë për rezultate të mira janë lidhur shpesh me aftësitë taktike dhe teknike.

Por, kalimi nga çerekfinalet me tri skuadra italiane (Milan, Napoli dhe Inter) të 3 sezoneve më parë te Play-off-i i tanishëm katastrofik, nuk ishte parashikuar.

Tri ndeshje në transfertë, tri humbje me 10 gola të pësuar dhe 3 të shënuar. Askush nuk e priste një dështim të tillë nga Juventusi, Atalanta dhe Interi.

Gallatasaraj është një “bishë e egër”, sidomos në shtëpi. Borusia Dormund ka mbështetjen e “murit të verdhë” dhe i frikëson të gjithë, ndërsa të luash në Norvegji, në një fushë sintetike në shkurt, është e sikletshme.

Është e kotë që të shihet renditja. Italia është në një rënie të lirë. Është kaluar me goxha distancë, përveç Anglisë, edhe nga Gjermania, Portugalia dhe Spanja. Skuadra e 5-të në edicionin e ardhshëm të Champions-it, është e pamundur. Tani duhet shpëtuar “lëkura” me ndonjë përmbysje të mundshme.

Juventusi i Stambollit ka mundësi zero. Duhen 3 gola diferencë për ta çuar kualifikimin të paktën në shtesë. Tre gola i duhen edhe Interit e Atalantës. Borusia Dortmund është kundërshtar i fortë. Interi është diçka tjetër. Kalimi nga Serie A, ku është perfekt praktikisht, në Champions, ka qenë traumatik për zikaltrit. Përveç humbjes, ndodhën edhe dëmtimet e Lautaro Marinez, shpirti i grupit, dhe Zielinskit.

Shpresat pas hedhjes së shortit ishin të mëdha se Italia mund të shkojë me 3 skuadra në 1/8-at e Champions-it. Tani llogaritë bëhen me një realitet tjetër. Pas një jave gabimet duhet të jenë zero, sepse luhet “brenda ose jashtë”.

The post Play-off-i i zi i skuadrave italiane: Interi, Juventusi dhe Atalanta rrezikojnë dështimin appeared first on Albeu.com.

Turqit nisën fuqishëm, duke e thyer barazimin në minutën e 15-të me anë të Gabriel Sara, i ndjekur nga një gol i menjëhershëm barazimi nga Koopmeiners. Holandezi shënoi sërish në minutën e 32-të, duke e bërë përkohësisht rezultatin 2-1 në pjesën e parë për bardhezinjtë.

Vendasit dolën në avantazh në pjesën e dytë: nënshkrimi i ri Lang e bëri rezultatin 2-2 në minutën e 49-të, pastaj Davidson Sanchez përmbysi gjithçka në minutën e 60-të. Shtatë minuta më vonë, loja e lojtarëve të Spallettit u bë më e ndërlikuar: Cabal mori kartonin e dytë të verdhë dhe Juve mbeti me dhjetë lojtarë.

Verdhekuqtë përfituan nga lojtari shtesë: Lang shënoi golin e tij të dytë në minutën e 74-të, pastaj Boey vulosi fitoren në minutën e 86-të me një asist nga Osimhen për ta bërë rezultatin 5-2.

Tani për Juventusin do të duhet një fitore e thellë në Torino për të përmbysur rezultatin dhe për të arritur në raundin e 16-tave.

Goli i Boei (VIDEO)

Goli i dytë i Lang (VIDEO)

Goli i Sançez (VIDEO)

Goli i Lang (VIDEO)

Goli i dytë i Kopmainers (VIDEO)

Goli i Kopmainers (VIDEO)

Goli i Gabriel Sara (VIDEO)

The post VIDEO/ Galatasaray “turpëron” Juventusin në Stamboll appeared first on Albeu.com.

“Nuk ishte e thjeshtë sonte. Piza është një skuadër e pakëndshme. Në pjesën e parë rrezikuam. Të presin, të nxjerrin nga loja dhe më pas të godasin në kundërsulm. Edhe në rezultatin 1-1 fjetëm në një goditje dënimi të tyre. Marrim tre pikët, djemtë ishin të mirë, por nga kjo ndeshje duhet patjetër të përmirësohemi. Kemi luajtur vetëm dy ndeshje në 15 ditë, nuk ishte e lehtë”.

I pyetur për ndryshimin krahasuar me sezonin e kaluar, ai u shpreh: “Për vitin e kaluar nuk mund të them asgjë, as nuk është e drejtë. Mund të them vetëm se kjo skuadër ka vlera të rëndësishme teknike. Ndonjëherë e ulim pak ritmin, duhet të bëjmë një hap përpara sepse grupi ka cilësi të jashtëzakonshme. Djemtë e dinë se deri tani kanë bërë shumë, por në një javë kampionati mund të ndryshojë. Sonte ishte transferta e gjashtë në nëntë ndeshjet e fundit, ndërsa tani në 14 të fundit do të kemi tetë në shtëpi dhe gjashtë jashtë”.

Një koment nuk mungoi as për heroin e ndeshjes, Luka Modriç: “Çfarë të thuash? Është një lojtar i jashtëzakonshëm. Përveç cilësive teknike të mrekullueshme, ai shkoi dhe e mori vetë këtë fitore, me një veprim teknik dhe karakterial. Të gjithë duhet të mësojmë prej tij, ka një përulësi të jashtëzakonshme. Jemi të lumtur që e kemi. Të rinjtë duhet ta shfrytëzojnë këtë moment kur stërviten dhe punojnë me të”.

Sa i përket episodeve të tjera, Alegri shtoi: “Penalltitë mund të gabohen. Ishte një moment i rëndësishëm, mund të shkonim në 2-0, por ndodh. Kristian Pulisiç hyri shumë mirë, njësoj edhe Leao, dhe është normale që duhet të përmirësojnë formën. Janë zgjidhje shumë të rëndësishme edhe gjatë ndeshjes. Inter apo Juventus? E rëndësishme është që ne morëm tre pikët. Jemi në kuotën 53, një fitore më pak drejt objektivit tonë. Tani rikuperojmë ndeshjen me Komon dhe pastaj do të shohim”.

The post “Modriç i jashtëzakonshëm, e mori vetë këtë fitore”, Alegri: Të gjithë duhet të mësojmë prej tij, Inter apo Juventus? E rëndësishme është që… appeared first on Albeu.com.

Kalojmë te Derby d’Italia: “Juventus është përmirësuar shumë me Luciano Spallettin, ai i ka dhënë një identitet në pak kohë. Kjo është një ndeshje ku gjen disa stimuj më shumë, një përballje e rëndësishme jo vetëm në Itali, por sfida e vërtetë është të gjesh motivim edhe kundër skuadrave më të dobëta në letër. Duhet të jemi gati si gjithmonë, duke pranuar edhe që nuk do ta kemi gjithmonë dominimin e lojës”. Pastaj një batutë për faktin që Spalletti nuk flet në konferencë: “Unë kam kërkuar që të vinte Lautaro (qesh, shën. red.). Një zgjedhje që do ta ndaja me kënaqësi, të flasësh çdo tre ditë nuk është e lehtë”.

Duke fituar, do të ishte kthesa vendimtare për titullin? Chivu nuk e sheh kështu: “Kanë mbetur 14 ndeshje, në këtë moment një rezultat nuk bën aq shumë diferencë, përveç në nivel moral dhe mendor. Kampionati është ende i gjatë”.

Konfirmohen lajmet e mira nga stërvitjet e fundit: “Nicolò Barella dhe Hakan Çalhanoğlu janë në dispozicion”. Një përkëdhelje për Marcus Thuram: “Historia e familjes së tij është shumë e bukur, pavarësisht rivalitetit është normale që të qeshë me vëllanë sepse e do. Unë i kërkoj vetëm të jetë më egoist para portës”. Për momentin e skuadrës, që u ringrit pikërisht pas 3-4 të ndeshjes së parë: “Merita është e djemve, nxorën në pah krenarinë dhe jemi rritur pak nga pak. Kam kërkuar të mos shohim kurrë renditjen, është e rëndësishme ekuilibri dhe të kemi më shumë respekt për veten: kështu nuk hyn mendjemadhësia kur përballesh me të voglat dhe nuk tejkalon limitet kur përballesh me të mëdhatë”.

Në fund, komplimente për Federica Brignone: “Është një model, dhe ne të futbollit duhet të mësojmë diçka. Shpesh gjykohemi vetëm për rezultatet, por është e drejtë vetëm deri në një pikë. Historia e Brignone është e bukur, askush nuk besonte përveç saj: janë gjëra prekëse”.

The post Ndeshja me Juventusin nuk është vendimtare, trajneri i Interit bën deklaratën e forte para përballjes në fushë appeared first on Albeu.com.