Shtëpia e Bardhë ka lënë të hapur mundësinë e dërgimit të trupave ushtarake, me kërkesë të Haitit.

Departamenti amerikan i Drejtësisë, ka thënë se ai, bashkë me agjenci tjera qeveritare në SHBA, janë duke i ndihmuar policisë në Haiti “me kërkesë të Qeverisë haitiane”.

“Zyrtarët amerikanë kanë kryer një vlerësim fillestar në Haiti. Departamenti do të vazhdojë të mbështesë Qeverinë haitiane në rishikimin e fakteve dhe shkaqeve që lidhen me këtë sulm rrënqethës”, ka thënë Departamenti i Drejtësisë përmes një deklarate.

Në të është thënë edhe se Departamenti do të hetojë nëse është shkelur ndonjë ligj amerikan.

Zëdhënësja e Shtëpisë së Bardhë, Jen Psaki, ka thënë se SHBA-ja është ende duke analizuar kërkesën e bërë nga kryeministri në detyrë i Haitit, për dërgim të trupave amerikane atje, me qëllim të ofrimit të ndihmës për sigurim të aeroportit dhe infrastrukturës tjetër, pas vrasjes së presidentit Moise javën e kaluar.

Ajo ka thënë se, ndonëse administrata Biden nuk ka hedhur poshtë mundësinë e dërgimit të trupave, udhëheqësia politike në Haiti mbetet e paqartë.

Zyrtarët amerikanë kanë udhëtuar në Haiti më 11 korrik, për të analizuar situatën, si dhe janë takuar me tre politikanë, të cilët kanë dhënë arsye të ndryshme pse duhet marrë pushtetin.

“Çfarë ka qenë e qartë në këtë udhëtim është se ka mungesë të qartësisë për të ardhmen e udhëheqësisë politike”, ka thënë Psaki.

Presidenti amerikan, Joe Biden, u ka thënë gazetarëve se administrata e tij “është duke shikuar nga afër” zhvillimet në Haiti.

“Njerëzit e Haitit meritojnë paqe e siguri, dhe liderët politikë në Haiti duhet të bëhen bashkë për të mirën e shtetit”, ka thënë Biden.

Moise, 53-vjeçar, ësjtë qëlluar në orët e para të mëngjesit të 7 korrikut në rezidencën e tij, derisa gruaja e tij Martine, është e plagosur rëndë.

Kryeministri në detyrë, Clause Joseph, ka thënë se tani është në krye të shtetit, i cili nuk ka parlament aktiv dhe ka dështuar të mbajë zgjedhjet legjislative në tetor të vitit 2019.

E drejta e Joseph për të udhëhequr shtetin është sfiduar nga dy politikanë tjerë, kryeministri i nominuar më parë, Ariel Henry dhe presidenti i Senatit, Joseph Lambert.

Autoritetet në Haiti kanë thënë se një grup vrasësish, duke përfshirë 26 kolumbianë dhe dy haitianë-amerikanë, kanë kryer vrasjen./REL

The post Hetimi për vrasjen e presidentit Moise, SHBA e gatshme të ndihmoj Haitin appeared first on Albeu.com.

Policia tha se Christian Emmanuel Sanon, 63 vjeç, shtetas i Haitit, ka shkuar atje me avion privat në fillim të qershorit, për “motive politike”.

Shefi i policisë, Leon Charles, tha se plani fillestar ka qenë të arrestohet presidenti, por “misioni pastaj ka ndryshuar”.

Charles nuk dha më shumë hollësi.

Presidenti Moise, 53 vjeç, është vrarë në rezidencën e tij më 7 korrik.

Policia ka fajësuar më herët 28 mercenarë të huaj.

Gruaja e presidentit, Martine Moise, është plagosur në sulm dhe pastaj është dërguar për trajtim në SHBA.

Ajo ka thënë se sulmi ka ndodhur aq shpejt, saqë burri i saj nuk ka qenë në gjendje të thotë “asnjë fjalë të vetme”.

Një delegacion i zyrtarëve të lartë të sigurisë dhe drejtësisë amerikane ka arritur të dielën në Haiti për të vlerësuar situatën e sigurisë.

Moise ka qenë president i Haitit – vendit më të varfër në dy Amerikat – qysh në vitin 2017.

Ai është përballur me akuza për korrupsion dhe është sfiduar nga disa protesta anti-qeveritare./REL

The post Një mjek dyshohet se është organizatori i eliminimit të presidentit të Haitit appeared first on Albeu.com.

Kreu i shtetit Jovenel Moïse u vra nga një komando

Sfondi i krimit është ende në errësirë. A është vrasja pjesë e një grushti shteti të planifikuar prej kohësh? Apo Moïse, i cili akuzohej për korrupsion dhe që po vepronte gjithnjë e më shumë në mënyrë autoritare, ra viktimë e një lufte bandash që e nxiti vetë? Nuk ka gjasa të ketë së shpejti përgjigje të qarta. Sepse në Haiti mbretëron kaosi – ky vend ka qenë në të vërtetë prej vitesh një shtet i dështuar.

Dikur një bartës shprese

Në zgjedhjet presidenciale të vitit 2015, shumë vëzhgues dhe diplomatë në terren kishin shumë shpresa për të sapoardhurin në atë kohë në politikë, Jovenel Moïse. Pronari i një plantacioni bananesh i fitoi zgjedhjet – por ato u desh të përsëriteshin një vit më vonë për shkak të pretendimeve për mashtrim në zgjedhje. Moïse e nisi detyrën vetëm në shkurt 2017, dhe qeveria e tij nuk ishte kurrë e qëndrueshme.

Për më shumë bëhu pjesë e grupit më viral në Facebook, Dosja.al
Që nga viti 2020 ai ka qeverisur vetëm me dekrete, pasi parlamenti u shpërnda në fund të periudhës legjislative dhe nuk qe e mundur të zgjidhej një parlament i ri. Një aparat shtetëror funksionues nuk kishte ekzistuar në Haiti gjithsesi prej një kohe të gjatë Luftat brutale të bandave së fundi i terrorizuan njerëzit e Port-au-Prince. Në vitet e fundit, Haiti është bërë një qendër për sindikatat kriminale që trafikojnë drogë nga Amerika e Jugut në Shtetet e Bashkuara.

Komunitetit ndërkombëtar i është njëherë të ndërhyjë në Haiti. Në vitin 2004, Kombet e Bashkuara dërguan misionin paqeruajtës MINUSTAH në Karaibe pas rënies së Presidentit Jean-Bertrand Aristide. Por trupat MINUSTAH ishin të rrethuara nga skandali: helmetat blu nepaleze bartën kolera në vend pas tërmetit shkatërrues të vitit 2010 dhe shumë ushtarë u akuzuan për shfrytëzim seksual.

Askush nuk mund të dëshirojë që Haiti të dështojë

Kur u largua në vitin 2017, misioni paqeruajtës i drejtuar nga Brazili urrehej plotësisht nga pjesë të popullsisë.

Sidoqoftë, është koha që bashkësia ndërkombëtare të mësojë nga gabimet e së kaluarës dhe të sigurojë mbështetje të re dhe më efektive për vendin më të varfër të kontinentit të dyfishtë amerikan. Sepse një dështim përfundimtar i Haitit nuk mund të jetë në interesin e askujt.

The post Vrasja e presidentit të Haitit, vendi ka nevojë përsëri për ndihmë ndërkombëtare appeared first on Albeu.com.

Ata thonë se Christian Emmanuel Sanon, një shtetas haitian 63-vjeçar, fluturoi në vend me një avion privat në fillim të qershorit me “motive politike”.

Moise, 53 vjeç, u vra në rezidencën e tij në 7 korrik, nga 28 mercenarë të huaj. Ndërsa gruaja e tij u plagos, dhe ndodhet në SHBA për mjekim.

Në deklaratën e saj, Martine Moise tha se vrasësit e “shqyen” burrin e saj me plumba, pasi u futën në shtëpi në mes të natës.

Ajo tha se sulmi ndodhi kaq shpejt, saqë burri i saj nuk ishte në gjendje të “thoshte asnjë një fjalë të vetme”./albeu.com

The post Arrestohet i dyshuari kryesor për vrasjen e Presidentit të Haitit appeared first on Albeu.com.

Në atentatin e rëndë ka qenë të përfshirë 28 persona, 17 prej tyre janë arrestuar, 3 janë vrarë dhe 8 të tjerë janë shpallur në kërkim.

Autoritetet ende nuk kanë informacion se kush ka qenë personi, që ka dhënë urdhrin e sulmit dhe se cili ka qenë motivi.

Sulmi ndodhi në orët e para të së mërkurës, kur persona të armatosur hynë në shtëpinë e presidentit në Port-au-Prince, duke e qëlluar për vdekje dhe duke plagosur gruan e tij. Z. Moïse, 53 vjeç, e cila ndodhet në spital.

Raportimet janë se dy nga anëtarët e grupit janë amerikanë.

The post Kush janë 28 vrasësit që eliminuan presidentin e Haitit (VIDEO) appeared first on Albeu.com.

Grupi është i përbërë nga 26 kolumbianë dhe 2 amerikanë me origjinë nga Haiti, tha shefi i policisë Leon Charles për gazetarët, informon albeu.com.

8 nga të dyshuarit ende nuk janë kapur, ndërsa 17, përfshirë dhe 2 amerikanë janë arrestuar.

Të dyshuarit e tjerë u qëlluan për vdekje nga policia gjatë një përplasje në kryeqytetin, Port-au-Prince.

Kujtojmë se në orët e para të ditës së mërkurë, një grup i armatosur hyri në shtëpinë e presidentit, duke qëlluar atë dhe gruan e tij. Moise u gjet i shtrirë në tokë me 12 plagë plumbash dhe vdiq në vend, ndërsa bashkëshortja e tij është plagosur rëndë dhe ndodhet në spital. Tashmë gjendja e saj është e qëndrueshme, informon albeu.com.

Ende nuk është e qartë se kush e planifikoi sulmin ose me çfarë motivi. Kryeministri i përkohshëm i Haitit, Claude Joseph, tha për BBC se presidenti 53-vjeçar mund të ishte shënjestruar pasi po luftonte “oligarkët” në vend./albeu.com

The post Policia zbulon kush e vrau Presidentin e Haitit appeared first on Albeu.com.

Lajmin e ka dhënë kryeministri i përkohshëm i vendit Claude Joseph, informon albeu.com.

Ndërkohë edhe gruaja e tij, Zonja e Parë Martine Moise, është plagosur dhe ndodhet në spital.

Vrasja e presidentit vjen pas thellimit të stabilitetit politik dhe ekonomik dhe një rritje të dhunës së bandave./albeu.com

The post Vritet në rezidencën e tij presidenti i Haitit, Jovenel Moise appeared first on Albeu.com.