“Nuk është vetëm faj i trajnerëve, është e qartë. Ka përgjegjësitë e veta, por nuk është një problem i presidentit të federatës apo trajnerit. Është faji i kulurës dhe sistemit. Gjithmonë bëjmë sikur nuk kuptojmë.

Pas 2006-ës, jemi eleminuar menjëherë si në 2010-ën, ashtu edhe në 2014-ën. Pastaj nuk jemi kualifikuar për në tre Botërorë radhazi. Europiani i fundit ishte i shëmtuar. Përjashtim bën vetëm Europiani i fituar, përjashtimi klasik që konfirmon rregullin”, – ka thënë mes të tjerash Giampiero Ventura për “Radio Anch’io Sport”. Ish-trajneri i Italisë shfajëson Gattuso-n pas dështimit të tretë italian për të shkuar në Kupën e Botës.

“Gjithmonë jemi duke folur dhe shpjeguar. Kritikat janë strukturale, duhet të ndërhyjë qeveria, jo vetëm ajo federale. Secili ka recetën e vet. Tjetër gjë është ta thuash dhe tjetër gjë ta bësh. Nga Itali-Suedi e 2017-ës nuk ka ndryshuar asgjë”, – ka shtuar Ventura, i cili ishte në stolin axurr në ndeshjen shtesë, ku Italia dështoi për të shkuar në Rusi 2018.

The post Ventura: Nga Itali-Suedi e 2017-ës nuk ka ndryshuar asgjë, faji i sistemit dhe kulturës appeared first on Albeu.com.

Sipas gazetës italiane, në vigjilje të ndeshjes kyçe me Bosnje Hercegovinën, komisarit teknik të Italisë i është dashur që të takohet me disa lojtarë për t’i bindur që të tërhiqeshin nga një kërkesë disi e pazakontë.

Disa lojtarë kanë pretenduar një premio rreth 300.000 mijë euro nga Federata Italiane e Futbolit. Sipas lojtarëve secilit prej futbollistëve u takonte 10.000 mijë euro si shpërblim në rast kualifikimi.

Pas kërkesës që morën në Coverciano, Gennaro Gattuso dhe stafi i tij kanë mbetur pa fjalë dhe janë munduar që të bindin lojtarët që të tërhiqen nga pretendimet e tyre, të cila u konsideruan si pa vend dhe jo në kohën e përshtatshme.

The post Prapaskena/ Disa lojtarë të Italisë kërkuan 10.000 € premio përpara finales me Bosnje Hercegovinën, Gattuso i bindi për t’u tërhequr appeared first on Albeu.com.

Italia e nisi mirë ndeshjen në Zenica, me Kean që i dha epërsinë skuadrës së Gattusos në minutën e 15-të, duke përfituar nga një gabim i portierit Vasilj. Megjithatë, në minutën e 41-të, Bastoni u përjashtua për një faull si lojtar i fundit.

Pavarësisht se ishin me dhjetë lojtarë, Kean, Pio Esposito dhe Dimarco patën raste për të dyfishuar epërsinë, por Tabakovic barazoi në minutën e 79-të. Pak ose aspak nuk ndodhi në kohën shtesë, kështu që ndeshja shkoi te penalltitë: gjuajtja e Pio Espositos shkoi jashtë, Cristante goditi traversën dhe Bosnja nuk humbi asnjë mundësi dhe u kualifikua për Kupën e Botës.

Do të jenë edhe katër vjet pritjeje për italianët, të cilët nuk kanë marrë pjesë në fazën finale që nga viti 2014.

The post Italia e meritoi humbjen, Bosnja në Botëror appeared first on Albeu.com.

Dërgesat përmes pikës së ngushtë të hyrjes në Gjirin Persik, përmes së cilës kalon rreth një e pesta e naftës dhe gazit natyror të lëngshëm në botë, kanë qenë të papërfillshme që nga sulmet iraniane ndaj cisternave dhe një premtim nga udhëheqësi i ri suprem i Iranit për ta mbajtur ngushticën të mbyllur.

Kryeqytetet evropiane kanë hapur bisedime fillestare në një përpjekje për të rinisur eksportet e naftës dhe gazit, thanë tre zyrtarë të informuar mbi bisedimet, ndërsa kompanitë e transportit detar kërkojnë nga marinat perëndimore për shoqërime të mundshme për cisternat e tyre.

Franca është një nga vendet e përfshira në bisedime, thanë dy nga zyrtarët. Zyrtari i parë tha se Italia është përpjekur gjithashtu të hapë bisedime me Teheranin për këtë çështje.

Teherani shihet gjerësisht si një vend që po përpiqet të rrisë çmimet e naftës dhe gazit me qëllim që të ushtrojë presion mbi Presidentin e SHBA-së Donald Trump për t’i dhënë fund konfliktit, dhe udhëheqësi i ri suprem i Iranit, Mojtaba Khamenei, u zotua të enjten të vazhdojë bllokimin e Ngushticës.

Vendet evropiane janë përpjekur të shmangin përfshirjen e drejtpërdrejtë në konfliktin e Lindjes së Mesme, me disa që kritikojnë sulmin fillestar SHBA-Izrael që shkaktoi luftën më të gjerë rajonale.

Megjithatë, qeveritë janë thellësisht të shqetësuara për mundësinë e një bllokimi të zgjatur të ngushticës, pasi kjo do të rriste kostot e energjisë për bizneset dhe familjet, duke përkeqësuar më tej problemet ekonomike të kontinentit dhe duke ushtruar presion të mëtejshëm mbi buxhetet kombëtare tashmë të tendosura.

Çmimet e naftës janë rritur në rreth 100 dollarë për fuçi nga 60 dollarë në fillim të vitit, ndërsa çmimet e gazit natyror në Evropë janë rritur me 75% gjatë së njëjtës periudhë.

The post Lufta në Lindjen e Mesme, Italia dhe Franca hapin bisedime me Teheranin për sigurimin e Ngushticës së Hormuzit appeared first on Albeu.com.

Rajonet më të goditura janë ato të Italisë qendrore dhe në veri. Në Emilia-Romagna, Departamenti i Mbrojtjes Civile ka lëshuar alarme të kuqe dhe portokalli për rreziqe hidraulike dhe hidrogjeologjike në zonat fushore midis Bolonjës, Ferrarës dhe Ravenës.

Degët e djathta të Renos, veçanërisht Idice, janë nën vëzhgim, pasi përmbytjet nuk mund të përjashtohen. Alarme të verdha janë në fuqi në zona të tjera të Emilia-Romagna dhe në Lazio, Puglia, Kampania dhe Toskana.

Gjatë gjashtë orëve të fundit, erëra me shpejtësi rreth 100 km/orë kanë vazhduar përgjatë bregdetit midis Monfalcone, Trieste dhe detit ngjitur.

Është raportuar borë në Ligurian Perëndimore dhe Apeninet Toskane, ndërsa një erë e fortë bore po fryn në Trieste.

Në Lombardi, një rrëshqitje toke preku Valdidentron, në Valtellinën e sipërme. Autoritetet po kërkojnë kujdes ekstrem dhe kufizim të udhëtimit në zonat më të ekspozuara.

Këtë mëngjes pati ndërprerje të konsiderueshme në Aeroportin e Firences, me fluturime nisjeje të vonuara ose edhe të anuluara për shkak të kushteve të motit, veçanërisht erërave të forta që penguan ngritjet.

“Pasagjerë nga shtatë fluturime, qindra e qindra njerëz, mbushën ambientet e aeroportit duke pritur të mësonin fatin e tyre”, tha Lorenzo Robin Frosini, përfaqësues i sindikatës USB në GH Toscana, një nga kompanitë që operon me kontratë në aeroport.

Kurse në Liguria pati reshje të dendura dëbore. Përkeqësimi i motit pritet edhe në pjesën jugore të vendit, në rajonin e Siçilisë dhe Puglias. Në rajonet e Adriatikut do të mbizotërojë qiell shumë i vranët, me reshje të shpërndara, disa me intensitet mesatar, dhe më të vazhdueshme në rajonet e Marche dhe Abruzzos.

The post Moti i keq godet Italinë, stuhi shiu dhe dëbore nga veriu në jug! Përmbytje, erë me 100 km në orë dhe anulime të fluturimeve appeared first on Albeu.com.

Hetimet, të kryera nga viti 2020 deri në vitin 2025 nga Njësia e Policisë Ekonomiko–Financiare e Breshias dhe nga Shërbimi Qendror i Hetimit të Kriminalitetit të Organizuar, kanë rindërtuar strukturën piramidale të organizatës kriminale.

Mediat italiane shkruajnë se në krye të grupit që drejtohej nga Shqipëria ishin Denis Myftiu, Erion Kapidani dhe Elvis Doci, i njohur dhe si Visi i Pojës, nipi i Xhevdet Troplinit.

Në krye të saj, nga baza operative në Shqipëri, Denis Myftiu, Erion Kapidani dhe Elvis Doci jepnin urdhra dhe koordinonin veprimtarinë përmes chat-eve të enkriptuara me algoritme të avancuara, të cilat hetuesit kanë arritur t`i dëshifrojnë përmes ndihmës së ndërkombëtarëve, shkruan lecco today. Kujtojmë se Visi i Pojës është ende në kërkim nga SPAK për Operacionin Ura të zhvilluar në muajin maj të këtij viti në bashkëpunim me autoritetet italiane.

Operacioni, i koordinuar nga Prokuroria Antimafia e Breshias dhe i quajtur “Golden River”, ka çmontuar organizatën kriminale shqiptare që dyshohet të ketë trafikuar mbi 1.300 kilogramë kokainë dhe heroinë për një periudhë 5 vjeçare (2020–2025).

1300 kg kokainë e heroinë

Operacioni, i koordinuar nga Prokuroria Antimafia e Breshias dhe i quajtur “Golden River”, ka çmontuar organizatën kriminale shqiptare që dyshohet të ketë trafikuar mbi 1.300 kilogramë kokainë dhe heroinë për një periudhë 5 vjeçare (2020–2025).

Hetimi konsiderohet si një nga goditjet më të forta të dhëna ndonjëherë ndaj rrjeteve të trafikut ndërkombëtar të drogës që veprojnë në Itali. Me vendim të Gjykatës së Breshias janë lëshuar 24 masa sigurie, nga të cilat 21 arrest me burg dhe 3 arrest shtëpie.

Drejtimi nga Shqipëria

Denis Myftiu, alias Aurel Hoxha apo Dario Myftiu konsiderohet promotori dhe drejtuesi i grupit kriminal që trafikonte drogë nga Ekuadori në BE dhe në Itali. Nga Durrësi Denis Myftiu me Erion Kapidanin drejtonin të gjithë trafikun përmes komunikeve me platformat Sky-Ecc dhe Encrochat.

Mësohet se Myftiu mbante kontaktet me furnizuesit e lëndëve narkotike, duke përcaktuar sasinë, mënyrat dhe afatet e importimit, si edhe duke vendosur se në cilën bazë logjistike do të dërgohej droga.

Për çdo aktivitet të paligjshëm, Myftiu i drejtohej Erion Kapidanit i cili nga provinca e Bërgamos kujdesej për detajet e pritjes, magazinimit dhe më pas shpërndarjes së drogës te grosistët e ndryshëm.

Më pas nga data 24 dhjetor 2021, pasi kishte braktisur përfundimisht territorin italian, Erion Kapidani drejtoi trafikun e kokainës të organizatës drejtpërdrejt nga Shqipëria së bashku me Denis Myftiun.

Si transportohej droga

Droga nga Ekuadori transportohej drejt Italisë me kamionë. Ndërkohë, heroina transportohej nga Shqipëria në drejtim të Italisë, përmes autobusëve. Sipas mediave Italiane, shoferët e autobusëve shpesh nuk ishin në dijeni, ndërsa shoferët e kamionëve ishin bashkëpunëtorë të klaneve.

Baza në Itali

Rrjeti kishte në dispozicion gjashtë baza logjistike në territorin italian: tre në provincën e Breshias (në Rovato, e menaxhuar nga Arlin Buzali; në Palazzolo sull’Oglio, nën mbikëqyrjen e Eduart Lebës; dhe një tjetër në qytetin e Breshias), një në provincën e Leccos e cila i ishte besuar Deliut, një bazë në Pulja e koordinuar nga Vincenzo Bruno dhe Altin Shehaj, si dhe një tjetër në veri të Italisë.

Në këto qendra operative bëhej magazinimi i drogës së ardhur nga Amerika e Jugut dhe më pas shpërndarja te klientët. E gjithë kokaina nisej nga Amerika e Jugut, udhëtonte përmes linjave detare tregtare drejt porteve kryesore të Europës së Veriut, dhe më pas futej në Itali e fshehur brenda mjeteve të rënda. Pasi kalonin kontrollet doganore, ngarkesat shpërndaheshin në bazat logjistike.

Paratë e drogës në Shqipëri me autobusa

Paratë cash të përfituara nga shitjet i transferoheshin drejtuesve shqiptarë përmes korrierëve, të ashtuquajtur “money mules”: shoferë autobusi të linjës Itali–Shqipëri që pranonin të transportonin shumën gjatë udhëtimeve të tyre të rregullta. Thelbësore për organizatën ishte edhe bashkëpunimi me një kompani transporti e administruar nga Giuseppe Iorio, 57 vjeç, me origjinë nga Campania dhe banues në provincën e Bergamos, e cila siguronte mbështetje logjistike për aktivitetet kriminale duke vënë në dispozicion kamionë për zhvendosjen e drogës dhe organizimin e udhëtimeve të mbulesës.

Bashkëpunimi me Sacra Corona Unita

I konsoliduar rezulton edhe lidhja mes organizatës shqiptare dhe krimit të organizuar në Pulja, konkretisht me Sacra Corona Unita, për shpërndarjen e drogës në jug të Italisë.

Baza operative në Lecco: 80 kg drogë në muaj

Hetimet kanë dokumentuar ekzistencën e gjashtë bazave logjistike të shpërndara në territorin italian, mes të cilave një ndodhej në provincën e Lecco, në rajonin e Lombardisë, në veri të Italisë. Qendra e Leccos, sipas asaj që ka rindërtuar Guardia di Finanza përmes deshifrimit të chat-eve të enkriptuara të përdorura nga organizata, drejtohej nga Ardian Deliu, banues në Castello di Brianza.

Nga analiza e komunikimeve mes drejtuesve të grupit, Denis Myftiu dhe Erion Kapidani, ka rezultuar se Deliu i besoheshin rreth 80 kilogramë kokainë në pak më shumë se një muaj. 40-vjeçari e merrte drogën drejtpërdrejt nga drejtuesit dhe, duke ndjekur udhëzimet e tyre, e shpërndante te klientët finalë në të gjithë veriut e Italisë.

Që nga 17 nëntori 2020, bisedat e përgjuara dokumentuan importimin e një ngarkese të madhe kokainë, të cilën Deliu filloi menjëherë ta shpërndante. Midis nëntorit dhe dhjetorit 2020, Deliut i ngarkohen të paktën dhjetë episode të shpërndarjes së drogës: një kilogram në Padova më 26 nëntor, një tjetër në Pordenone po të njëjtën ditë, 1,5 kilogram në Casalpusterlengo më 27 nëntor, tre kilogram në Torino më 28 nëntor, një kilogram në Zogno më 28 nëntor, një kilogram në Palazzolo sull’Oglio më 30 nëntor, dhe tre kilogram në Piossasso më 5 dhjetor.

Më 1 dhjetor 2020, Deliu mori një ngarkesë të re prej 28 kilogramësh, e cila u shpërnda ditët në vijim tek blerës të ndryshëm, mes tyre një person në Torre Boldone dhe Lala Oltion në Piossasso. Në total, midis dhjetorit 2020 dhe ditëve të para të janarit 2021, hetimet dokumentojnë kalimin e dhjetëra kilogramëve drogë përmes rrjetit të menaxhuar nga banori i Castello di Brianza.

Veprimtaria e Deliut përfundoi më 19 janar 2021, kur Karabinierët e Bergamos e ndaluan tek pika e kontrollit të autostradës, ndërsa ai po drejtonte një furgon Renault Maxity me targë DR691TT. Në bord të mjetit, forcat e policisë gjetën të fshehur pesë kilogramë kokainë. Arrestimi në flagrancë konfirmoi atë që ishte zbuluar më parë nga bisedat e interceptuara: Deliu ishte një element operativ qendror i rrjetit të shpërndarjes në veri të Italisë.

Ervis Belshaku, banues në Valmadrera, është nën akuzë për dy vepra të ndryshme penale. E para ka të bëjë me shpërndarjen e tre kilogramëve kokainë, të cilët ai i kishte marrë nga drejtuesit e organizatës. Episodi i dytë, më i rëndësishëm, e akuzon atë për mbajtjen e 23 kilogramëve kokainë në Calusco d’Adda, në provincën e Bergamos, midis fundit të dhjetorit 2020 dhe janarit 2021./SYRI.net

The post OPERACIONI/ Italia çmonton skemën e organizatës së Troplinëve, Elvis Doçi që nuk u kap dot në Shqipëri drejtonte trafikun e lëndëve narkotike appeared first on Albeu.com.

Në anën tjetër, fakt është se më 5 dhjetor në Uashington do të hidhet shorti i FIFA-s. Janë dy skenare, që aktualisht po trazojnë rrjetin pasi 6 përfaqësuese mbeten të pakonfirmuara.

Në bazë të renditjes së FIFA-s janë ndarë edhe vazot deri tani. Ka dy skenare. I pari, akoma i pazyrtarizuar, tregon se të gjithë përfaqësueset e “play off” do të vendosen në vazon e fundit për shortin e 5 dhjetorit.

Skenari i dytë, tregon se do të ketë grupime sipas përfaqësueseve të renditura më mirë. Kështu vetë Italia, ose çdo kundërshtar që mposht “axurrët”, përfiton dhe merr pjesë në vazon e dytë për shortin e dhjetorit. Shqipëria do të ishte përfituese po ashtu, pasi automatikisht do të shmangte vazon e fundit.

SKENARI QË SUPOZOHET I SAKTË DERI TANI

SKENARI QË QARKULLON NË RRJET

The post Italia e zhgënjyer, FIFA lë në “ajër” edhe Shqipërinë që mund të përfitojë, skenari që po trazon rrjetin para Botërorit appeared first on Albeu.com.

Policia bën me dije se ndaj tij është caktuar masa “arrest në burg” për veprat penale “Kanosja për shkak të detyrës” dhe “Prishja e qetësisë publike”. Gjithashtu sot është ekstraduar nga Gjermania edhe një 34-vjeçar. Ai është dënuar me burg për veprën penale “Prodhimi dhe shitja e narkotikëve”.

Njoftimi:

Interpol Tirana Vijon bashkëpunimi me homologët, në kuadër të operacionit “The ëanted”, për finalizimin e procedurave të ekstradimit të shtetasve të kapur jashtë vendit. -Ekstradohet nga Italia, një shtetas i cili gjatë muajit shkurt 2024, kanosi në mënyrë të përsëritur, për shkak të detyrës, gjyqtarin e Gjykatës Administrative Lushnjë. -Ekstradohet nga Gjermania, një shtetas i kërkuar për prodhim dhe shitje të narkotikëve.

1-Si rezultat i bashkëpunimit të Interpol Tiranës me Interpol Romën, në kuadër të operacionit “The ëanted”, për kapjen e shtetasve në kërkim ndërkombëtar dhe ekstradimin e tyre, u finalizuan procedurat për ekstradimin nga Italia, të shtetasit H. Xh., 42 vjeç, banues në Tiranë.

Gjykata e Shkallës së Parë e Juridiksionit të Përgjithshëm Tiranë, në vitin 2024, i ka caktuar atij, masën e sigurisë “Arrest në burg”, për veprat penale “Kanosja për shkak të detyrës” dhe “Prishja e qetësisë publike”. Shtetasi H. Xh. akuzohet se gjatë muajit shkurt 2024, ka kanosur në mënyrë të përsëritur, nëpërmjet celularit, për shkak të detyrës, shtetasin E. L., gjyqtar i Gjykatës Administrative Lushnjë, si dhe ka protestuar para Gjykatës së Lartë.

2-Gjithashtu, si rezultat i bashkëpunimit me homologët gjermanë, u finalizua ekstradimi nga Gjermania, i shtetasit shqiptar B. S., 34 vjeç. Gjykata e Shkallës së Parë e Juridiksionit të Përgjithshëm Korçë, i ka caktuar atij, masën e sigurisë “Arrest në burg” për veprën penale “Prodhimi dhe shitja e narkotikëve”. Shtetasi B. S. akuzohet për shitje të dozave të kokainës, në qytetin e Pogradecit. Shtetasit e ekstraduar iu dorëzuan Drejtorisë së Përgjithshme të Burgjeve.

The post Kanosi një gjyqtar të Lushnjes, ekstradohet nga Italia Hajrulla Xhivini appeared first on Albeu.com.

Sipas tyre, ky vendim do të përkeqësonte situatën katastrofike humanitare në Gazë, do të rrezikonte jetën e pengjeve dhe do të rriste rrezikun e një eksodi masiv të civilëve. Një valë kritikash ndaj vendimit të Izraelit për të pushtuar Gazën ka shpërthyer në OKB dhe në BE

Të gjithë po i bëjnë thirrje qeverisë së Netanyahut të ndalojë planin e miratuar për të pushtuar, fillimisht Qytetin e Gazës, duke evakuuar një milion banorë deri më 7 tetor – përvjetori i dytë i masakrës së Hamasit.

IDF e ka kundërshtuar planin e qeverisë. Pas njoftimit të Netanyahut, gjithçka pritet të jetë shumë komplekse. Berlini ka pezulluar furnizimet me armë për Izraelin, Belgjika ka thirrur ambasadorin e saj.

Mbledhja e jashtëzakonshme e Këshillit të Sigurisë së OKB-së është shtyrë deri nesër. Ndërsa presidenti i SHBA-së, Donald Trump ka heshtur për momentin.

“Të paktën 14 palestinezë, tetë prej të cilëve po prisnin ndihmat humanitare, janë vrarë pas sulmeve izraelite në Rripin e Gazës që nga mëngjesi i sotëm”, sipas “Al Jazeer”.

The post Italia dhe katër vende të tjera dënojnë planin e Izraelit për të pushtuar Qytetin e Gazës appeared first on Albeu.com.

Në 18 qytete në Itali, alarmi do të jetë “i kuq” nesër për shkak të valës së të nxehtit, njoftoi Ministria italiane e Shëndetësisë.

Në Romë dhe Firence termometri pritet të arrijë 38 gradë, ndërsa në Napoli dhe Milano do të jetë 37. Në ishullin e Sardenjës dhe në zonën më të gjerë të Barit, temperatura, sipas parashikimeve, do të kalojë 40 gradë.

Siç theksojnë autoritetet italiane, nxehtësia dhe lagështia mund të shkaktojnë probleme serioze, jo vetëm për të moshuarit dhe qytetarët që i përkasin kategorive të cenueshme, por edhe për njerëzit që nuk përballen me probleme kronike shëndetësore.
Ministria italiane e Shëndetësisë këshillon qytetarët të shmangin udhëtimet nga ora 11:00 deri në 18:00, si dhe sportet në hapësira të hapura. Në të njëjtën kohë, për sa i përket të ushqyerit, këshilla është të theksohet peshku, makaronat, perimet dhe frutat.

The post Italia në alarm të kuq për shkak të të nxehtit, nesër në 18 qytete temperatura mbi 40 gradë appeared first on Albeu.com.