Zjarri në Sazan, Peleshi: Situata vijon të jetë kritike, tymi po rrezikon qëndrimin në zonë

E B — Mon, 06 Jun 2022 08:03:57 +0000

Vatra e zjarrit në ishullin e Sazanit mbetet aktive. Prej tre ditësh ishulli është përfshirë nga flakët të cilat kanë djegur sipërfaqe me shkurre dhe pemë.

Në zonën jugore të ishullit të Sazanit, që prej mesditës së të dielës, 61 efektivë të Forcës Detare dhe asaj Tokësore, por edhe punonjës të Agjencisë së

Zonave të Mbrojtura dhe forcat zjarrfikëse të Vlorës janë angazhuar për shuarjen e flakëve në ishull.

Terreni dhe bimësia e dendur kanë vështirësuar tej mase ndërhyrjen e trupave, ndërkohë që si një ish-repart ushtarak, rrezik paraqesin dhe municionet e pashpërthyera.

Përmes një postimi në Facebook, ministri i Mbrojtjes Niko Peleshi thotë se situata vijon të jetë kritike.

Postimi i Peleshit:

Trupat në terren vazhdojnë përpjekjet për shuarjen e flakëve.

Prej orëve të para të ditës ka rinisur puna për shuarjen e zjarrit në ishullin e Sazanit. Situata vijon të jetë kritike, pasi flakët përhapen për shkak edhe të erës. Është shtuar numri i efektivëve që janë angazhuar në aksionin e shuarjes së zjarrit, me pjesëtarë të Flotiljes Detare në Pashaliman, efektivë të Forcave Speciale, zjarrfikëses së Vlorës dhe vullnetarë.

Tymi i krijuar rrezikon qëndrimin në zonë, ndërsa përpjekjet po vijojnë për të mbajtur situatën nën kontroll./albeu.com

The post Zjarri në Sazan, Peleshi: Situata vijon të jetë kritike, tymi po rrezikon qëndrimin në zonë appeared first on Albeu.com.

‘10 minuta ujë, 4 orë drita’. Dashuri në ishullin e Sazanit, Beja: Ç’dreqin doje që erdhe?

E S — Thu, 04 Nov 2021 17:37:51 +0000

Ish Komandanti i Flotës Detare të Republikës së Shqipërisë, Vladimir Beja, ishte i ftuar në ‘Abc e Pasdites’ me Ermal Peçi ku na tregoi historinë e jetës së tij mes punës dhe jetesës në Ishullin e Sazanit. Vetëm 26 vjeç, Beja emërohet komandant i grupit të anijeve mbiujëse në bazën ushtarake të Sazanit në viti 1974. Ai tregon vështirësitë që hasnin teksa puna ishte kthyer në faktorin kryesor të jetës në ishull.

“Siç thotë edhe Sabri Godo, jemi bijtë e fatit. Por të drejtosh një aije është art dhe do karakter. Deti nuk pranon karaktere të buta. Me 1 shtator të 74 u emërova oficer, një shpërblim prestigjoz për moshën time. Deri në 82 ne kishim vetëm 4 orë drita në 24 orë dhe ujë vetëm 10 minuta në 24 orë. Banorë ishin ishin ushtarakët që vepronin në bazë. Është një sakrificë e jashtëzakonshme.” – tha komandanti.

Komandant Beja shpreh se një jetë në Sazan për oficerët, ushtarakët e flotës detare por jo vetëm ishte jo thjesht një sakrificë, por një jetë e dedikuar nderimit të forcave ushtarake të vendit. Ai tregoi se përditshmëria ishte e ndërtuar nga familjet e punonjësve, të cilët kishin ndërtuar një shkollë fillore, një rrobaqepësi modeste dhe veprimtari të tjera të nevojshme si të ishte një fshat i vërtetë.

“Një nga arsyet që unë e respektojë shumë dhe e falenderoj shumë zonjën time është se erdhi me mua në Sazan. Përfytyro një vajzë nga Tirana, për humor i them ‘Si dreqin erdhe? Edhe Alen de Lon të isha unë, prapë nuk do të vija. U martuam në Tiranë dhe më pas shkuam në Sazan. Po të mos vinte bashkëshortja në Sazan, jeta ime do të ishte krejt ndryshe. E falenderoj.” – rrëfeu ai plot emocion.

The post ‘10 minuta ujë, 4 orë drita’. Dashuri në ishullin e Sazanit, Beja: Ç’dreqin doje që erdhe? appeared first on Albeu.com.

ishulli sazanit Archives - Albeu.com

Zjarri në Sazan, Peleshi: Situata vijon të jetë kritike, tymi po rrezikon qëndrimin në zonë

‘10 minuta ujë, 4 orë drita’. Dashuri në ishullin e Sazanit, Beja: Ç’dreqin doje që erdhe?