Nëse arrestohet, atëherë ai do të bëhet ish-presidenti i parë në historinë e Shteteve të Bashkuara që përballet me akuza penale.

Për çka mund të akuzohet Trump?

Më 2016, ylli i filmave pornografikë, Stormy Daniel i ka kontaktuar disa media, duke u ofruar shitjen e materialeve të një afere, që ajo ka supozuar se e ka pasur me Trumpin, më 2006.

Ekipi i Trumpit është angazhuar në këtë rast dhe avokati i tij, Michael Cohen, e ka paguar 130.000 dollarë Danielsin që të heshtë.

Diçka e tillë është e paligjshme.

Megjithatë, kur Trump e ka rimbursuar Cohenin, në regjistrat zyrtarë thuhet se pagesa është kryer nën arsyetimet për angazhime ligjore.

Prokurorët kanë thënë se kjo vërteton që Trump i ka falsifikuar dokumentet biznesore dhe kjo përbën kundërvajtje – vepër penale – në Nju Jork.

Prokurorët ka mundësi që të supozojnë se diçka e tillë shkel edhe ligjin zgjedhor, sepse tentimet e tij për të fshehur pagesën e kryer për Danielsin, janë motivuar nga dëshira që votuesit të mos e marrin vesh aferën.

Fshehja e një krimi, duke falsifikuar dokumentet, në Shtetet e Bashkuara trajtohet si shkallë më e lartë krimi, sesa shkeljet tjera.

Edhe avokatët e ndjekjes penale e pranojnë se ky rast nuk është aspak i qartë.

Ekzistojnë pak shembuj për një gjykim të tillë, dhe tentimet në të kaluarën për të akuzuar politikanët që kanë tejkaluar linjën mes financave të fushatës dhe shpenzimeve personale, kanë përfunduar me dështime.

“Do të jetë e vështirë”, ka thënë Catherine Christian, ish-prokurore për financa në qytetin e Nju Jorkut.

A do të mund të akuzohet Trump?

Vendimi nëse do të ketë padi varet prej Prokurorit të qarkut të Nju Jorkut, Alvin Bragg.

Ai e ka krijuar një juri të madhe për të hetuar nëse ka mjaftueshëm të dhëna për ndjekje penale dhe ai është i vetmi që e di nëse – apo kur – do të ketë padi.

Javën e kaluar, avokatët e Trumpit kanë thënë se ish-presidentit i është ofruar mundësia e paraqitjes para një jurie të madhe, çka është shenjë se hetimet janë afër fundit.

Avokatët e ish-presidentit kanë hedhur poshtë sugjerimet se ata, apo vetë Trump, kanë njohuri për një padi në ardhje, duke thënë se komentet e Trumpit për arrestimin e mundshëm të së martës bazohen vetëm në raportimet e mediave.

Megjithatë, ekzistojnë edhe shenja tjera se juria e madhe është afër përfundimit të punimeve.

Të dy, Michael Cohen dhe ish-këshilltari i tij ligjor, Robert Costello – tani kritik i ashpër i tij – pritet të dëshmojnë për këtë rast.

Costello do të mund të prezantohet nga ekipi mbrojtës i Trumpit, në tentim e sipër për të diskredituar dëshminë e Cohenit.

Çfarë ndodh nëse Trump arrestohet?

Nëse ai akuzohet, avokatët e Trumpit kanë thënë se arrestimi i ish-presidentit do të realizohet sipas procedurave standarde.

Kjo nënkupton se ai do të udhëtojë nga shtëpia e tij në Mar-a-Lago në Florida për t’u paraqitur para gjykatës në qytetin e Nju Jorkut, dhe t’iu nënshtrohet procedurave, siç është dhënia e shenjave të gishtave dhe shkrepja e fotografive të të akuzuarve.

Duke marrë parasysh natyrën historike të një veprimi të tillë, dhe shqetësimet për sigurinë, mënyra si mund të ndodhin këto zhvillime është e paqartë – dhe mund të jetë subjekt i negociatave në mes të Zyrës së Prokurorit dhe ekipit të Trumpit.

Kur të vendoset për rastin dhe të caktohet gjyqtari, detajet tjera janë më lehtë të menaxhueshme, sikurse koha e gjykimit dhe kufizimet e mundshme në udhëtim, apo kërkesat për lirim me kusht të të pandehurit.

Dënimi eventual për kundërvajtje mund të rezultojë me gjobë.

Nëse Trump dënohet për shkelje të rëndë, ai mund të dënohet me katër vjet burgim, ndonëse disa ekspertë ligjorë parashikojnë se gjoba është më e mundshme, dhe se vënia e ish-presidentit mbrapa grilave është opsion me pak gjasa.

A do të ketë protesta?

Pas deklaratës së tij në rrjetet sociale se do të paditet të martën, Trump ka bërë thirrje të vazhdueshme ndaj mbështetësve të tij për protesta masive.

“Ne nuk mund të lejojmë më diçka kësisoj. Ata po vrasin shtetin tonë teksa ne ulemi dhe vështrojmë”.

Gjuha e përdorur vë në pah retorikën e ashpër të tij para sulmeve ndaj Kongresit amerikan më 2021.

Prandaj edhe janë rritur shqetësimet për përsëritje të dhunës.

Bragg është në kontakt të ngushtë me policinë e Nju Jorkut dhe autoritetet e sigurisë, sipas një letre që ka rrjedhur te mediat amerikane.

“Ne nuk do të tolerojmë përpjekjet për të frikësuar zyrën tonë apo që të kërcënohet sektori për sundim të ligjit në Nju Jork”, ka shkruar ai.

“Partnerët tanë për sundim të ligjit do të sigurojnë që çfarëdo kërcënimi specifik apo kredibil ndaj zyrës sonë, do të hetohet dhe do të garantohet mbrojtje”.

Prapëseprapë, tani ka pak të dhëna që mund të organizohen protesta të mëdha, sikurse ato të 6 janarit të vitit 2021 në ndërtesën e Kongresit.

A mund të garojë Trump për president?

Padia eventuale, apo edhe dënimi penal, nuk do t’ia ndalonin Trumpit garën, nëse synon ta vazhdojë atë.

Trump ka dhënë shenja se nuk e ka ndërmend të ndalet, pavarësisht se çfarë ndodh.

Në fakt, në ligjet amerikane nuk ekziston asnjë nen që ia parandalon një kandidati – që dënohet për një krim – garën apo edhe mandatin e presidentit – qoftë edhe nëse ai është në burg.

Megjithatë, arrestimi eventual i Trumpit do ta komplikonte fushatën e tij presidenciale.

Ndonëse kjo situatë mund të nxisë disa mbështetës të tij republikanë që të marshojnë, arrestimi mund të shpërqendrojë dukshëm fushatën e tij.

Një zhvillim i këtillë, po ashtu, mund të thellojë edhe më shumë ndasitë në sistemin politik amerikan.

Konservatorët besojnë se ish-presidenti është duke u trajtuar në një nivel tjetër të drejtësisë, derisa liberalët e shohin këtë si çështje të mbajtjes përgjegjës edhe të atyre që mbajnë, apo kanë mbajtur, pozitat më të larta në pushtet./REL/

The post Çfarë ndodh nëse arrestohet Trumpi? appeared first on Albeu.com.

“Ai ka mbështetjen e plotë të familjes dhe ekipit mjekësor. Familja Carter kërkon që të respektohet privatësia e tyre gjatë kësaj kohe dhe është mirënjohëse për shqetësimin e mbështetësve nga fansat e tij të shumtë”, tha fondacioni i ish-presidentit 98-vjeçar.

Carter është ish-presidenti më i vjetër i SHBA-së. Vitet e fundit ai është përballur me shumë probleme shëndetësore, duke përfshirë një melanoma që i dha metastaza në mëlçi dhe tru.

“Pas shtrimeve të njëpasnjëshme, të shkurtra në spital, ish-presidenti vendosi sot të kalojë kohën e mbetur me familjen e tij”, tha fondacioni.

The post “Do të kalojë kohën e mbetur pranë familjes”, ish-presidenti amerikan do të marrë kujdes paliativ në shtëpi appeared first on Albeu.com.

Donald Trumpi është pretendenti i parë zyrtar në garën presidenciale të 2024-ës në SHBA. Ai po e përdor fushatën për të shitur vizionin e tij për Amerikën. Trump përdor shpesh nota superlative në fjalimet e tij. Ai e bëri këtë rreth politikës së tij të imigracionit:

“Ne do të rivendosim dhe sigurojmë kufijtë e Amerikës ashtu siç i kishim më parë, me sigurinë më të madhe ndonjëherë”, tha zoti Trump.

Ai foli edhe për planet ekonomike dhe shfaqi qëndrimet e tij për sundimin e ligjit.

“Ne do të ndërtojmë sërish ekonominë më të madhe ndonjëherë”.

“Unë kërkoj menjëherë dënimin me vdekje për trafikantët e drogës dhe të qenieve njerëzore”, tha ish presidenti.

Ndërsa për veten tha: “…Unë kam dëshmuar se jam një nga njerëzit më të ndershëm dhe më të pafajshëm në vendin tonë”.

Presidenti Joe Biden tha se do të përdorë pushimet e festave të fundvitit për të diskutuar me familjen e tij nëse do të kandidojë përsëri. Shtëpia e Bardhë thotë se republikanët janë më të interesuar për të fituar zgjedhjet sesa për të ndihmuar amerikanët.

“Partia Republikane nuk ka plan. Ata nuk bëjnë gjë tjetër veçse marifete politike”, tha zonja Jean-Pierre.

Historianët thonë se arritjet e ish-presidentit janë të pakta.

“Ai ka arritur shumë pak sa i përket legjislacionit. Arritjet e tij më të mëdha ishin emërimet që bëri dhe sulmet që iu bënte njerëzve. Është e vështirë të besosh se ai do të ndryshojë politikën amerikane kur nuk e bëri këtë më parë”, thotë profesori i historisë tek Universiteti i Teksasit në Austin, Jeremi Suri.

Mbështetësit e zotit Trump nuk pajtohen.

“Ai ishte në gjendje të ndërtonte mbi 800 kilometra të murit në kufirin me Meksikën për të ndaluar emigrantët e paligjshëm. Ai uli taksat dhe lejoi shpimet për të siguruar karburant me çmim të përballueshëm”, tha Drejtori i Qendrës për Integritet Zgjedhor dhe udhëheqës i Institutit “America First”, Hogan Gidley.

“Ai iu bëri të qartë të gjithëve se do të përballen me forcën e Amerikës nëse ngatërrohen me të apo me aleatët e saj në botë. Këto janë të gjitha arritje që i takojnë presidentit Trump”.

Zoti Hogan shtoi se partia republikane ka mësuar nga betejat legjislative të viteve kur zoti Trump ishte president.

“Kushdo nga e djathta që zgjidhet për të udhëhequr Shtëpinë e Bardhë, tani e tutje do të punojë me Kongresin si askush më parë, sepse ata thjesht do injorojnë mediat pasi shumica e Amerikës i injoron mediat”, tha zoti Gidley

Një gjë që të gjithë bien dakort: gati dy vjet para votimeve, fushata për zgjedhjen e presidentit të ardhshëm tani ka filluar./VOA/

The post Donald Trump zbulon programin për zgjedhjet presidenciale 2024 appeared first on Albeu.com.

Sipas burimeve, një gjykatëse federale në Florida po i kërkon Departamentit të Drejtësisë që të ofrojë të dhëna më të detajuara lidhur me dokumentet e klasifikuara të gjetura në rezidencën e ish-Presidentit Donald Trump.

Gjykatësja po konsideron mundësinë e emërimit të një prokurori të posaçëm për të shqyrtuar dokumentet e sekuestruara.

Një gjykatëse federale duket se po anon drejt emërimit të një prokurori special për të mbikëqyrur shqyrtimin e provave të mbledhura nga hetuesit federal gjatë kontrollit të rezidencës së ish-Presidentit Trump në Mar-A-Lago. Kërkesa u bë nga ekipi ligjor i zotit Trump.

Përmes një njoftimi të shtunën, gjykatësja e emëruar nga Presidenti Trump kur ai ishte në Shtëpinë e Bardhë, caktoi 1 shtatorin si ditë për paraqitjen e argumenteve.

Drejtori i Zbulimit Kombëtar do të vlerësojë “rreziqet e mundshme ndaj sigurisë kombëtare” që mund të kenë rezultuar nga mbajtja e dokumenteve të klasifikuara në rezidencën e zotit Trump.

Kërkesa për shqyrtim erdhi nga udhëheqësit e lartë demokratë të Dhomës së Përfaqësuesve.

Pas publikimit të dokumentit që shërbeu për marrjen e autorizimit të gjykatësit për kontrollin e rezidencës së ish-Presidentit, ata thanë se: “Është kritike që komuniteti i zbulimit të veprojë me shpejtësi për të vlerësuar, dhe nëse është e nevojshme, për të zvogëluar dëmin e shkaktuar”.

Dokumenti prej 38 faqesh, i publikuar me redaktime të theksuara, u përdor nga Byroja Federale e Hetimeve, FBI, për të marrë miratimin e gjykatës për kontrollin në Mar-A-Lago.

Departamenti i Drejtësisë dha shpjegime për redaktimin e dokumentit.

“Qeveria ka shqetësime të bazuara se mund të ndërmerren hapa për të penguar ose për të ndërhyrë në këtë hetim nëse faktet bëhen publike para kohe”.

Madje, në dokument theksohet kërkesa për mbajtjen e tij sekret, sepse ka palë të paidentifikuara të cilat ende po hetohen, çka mund të rezultojë në ngritjen e akuzave të tjera.

Ish-Presidenti Trump e ka kritikuar hetimin dhe pretendon se nuk ka bërë asgjë të gabuar. Me gjithë kritikat për redaktimin e dokumentit, ekipi i tij ligjor nuk argumentoi në gjykatë për publikimin e tij.

The post Dokumentet sekrete të sekuestruara në vilën e Trump, gjykatësja federale kërkon të emërojë një prokuror të posaçëm (FOTO LAJM) appeared first on Albeu.com.

Në një padi, ekipi i tij ligjor kërkoi që të caktohej një avokat i pavarur për të mbikëqyrur dokumentet që agjentët e FBI-së morën në fillim të këtij muaji.

Njëmbëdhjetë grupe dosjesh të klasifikuara u morën nga pasuria e Trump në Florida më 8 gusht, sipas FBI.

Trump po hetohet për keqpërdorim të mundshëm të dokumenteve, raporton BBC.

Presidentët amerikanë duhet t’i transferojnë të gjitha dokumentet dhe email-et e tyre në një agjenci qeveritare të quajtur Arkivi Kombëtar dhe FBI po heton nëse Trump i ka trajtuar në mënyrë të pahijshme të dhënat duke i çuar ato nga Shtëpia e Bardhë në Mar-a-Lago pasi u largua nga detyra në janar 2021.  Ai ka mohuar çdo shkelje dhe tha se sendet ishin të deklasifikuara.

Në dokumentin prej 27 faqesh të depozituar në një gjykatë në Florida, ekipi ligjor i Trump akuzon kërkimin e departamentit të drejtësisë si “thjesht duan hundën e devesë nën tendë, në mënyrë që ata të mund të kërkojnë dokumente të dobishme politikisht ose të mbështesin përpjekjet për të penguar Presidentin Trump të kandidojë përsëri”.

“Presidenti Donald J Trump është kryesuesi i qartë në zgjedhjet presidenciale republikane të 2024-ës dhe në zgjedhjet e përgjithshme të 2024-ës, nëse ai vendos të kandidojë”, thuhet në deklaratë.

“Zbatimi i ligjit është një mburojë që mbron amerikanët. Nuk mund të përdoret si armë për qëllime politike”.

“Lëvizja tronditëse agresive” në Mar-a-Lago nga agjentë të FBI-së ndodhi pa kuptuar shqetësimin që do t’u shkaktonte shumicës së amerikanëve”, thanë avokatët e Trump./albeu.com/

The post I “bastisën” vilën, Donald Trump padit Departamemtin e Drejtësisë appeared first on Albeu.com.

Donald Trump u fotografua duke mbërritur në rezidencën e tij në Manhattan të martën mbrëma, një ditë pas kontrollit në vilën e tij në Florida.

Kontrolli mendohet të jetë për të tërhequr dokumentet që ish-presidenti mori nga Shtëpia e Bardhë kur u largua. Sipas ligjit e gjithë korrespondenca dhe dokumentacioni presidencial duhet t’i dorëzohet Arkivit Kombëtar dhe që nga shkurti është bërë e qartë se Trump nuk i është përmbajtur.

Disa dokumente iu kthyen Arkivit Kombëtar në fillim të këtij viti, por mesa duket jo të gjitha, sipas Daily Mail.

Agjentët e FBI-së ishin brenda pronës me 128 dhoma në Florida për nëntë orë të hënën, me 30 agjentë që shkuan në të gjithë zonën prej 3 mijë  metrash katrorë.

Hetuesit kontrolluan edhe dhomën kryesore të gjumit, e njohur si Dhoma e Versajës, të cilën Melania Trump e rinovoi dy vjet më parë, raportoi The New York Post.

Agjentët kontrolluan gjithashtu një zyrë të veçantë dhe kasafortë, si dhe një dhomë ruajtjeje të mbyllur në bodrum, në të cilën ishin ruajtur 15 kuti kartoni me materiale nga Shtëpia e Bardhë, tha gazeta.

Departamenti i Drejtësisë nuk ka komentuar mbi kontrollin, për të cilën analistët thanë se do të duhej të miratohej në nivelin më të lartë.

Avokatët e Trump, të udhëhequr nga Evan Corcoran, po “bashkëpunonin plotësisht” me autoritetet federale për të rregulluar kthimin e dokumenteve, me procesin që filloi në maj 2021 kur u vu re se disa të dhëna mungonin.

Në janar të vitit 2022, disa nga dokumentet u kthyen dhe në shkurt të këtij viti lajmi u bë publik.

Në fillim të qershorit, katër zyrtarë të lartë të DD-së udhëtuan në Mar-a-Lago për të folur me avokatët e ish-presidentit rreth dokumenteve.

Ekipi i Trump u tregoi zyrtarëve të qeverisë se ku po ruante dokumentet Trump, në një dhomë në bodrum. Hetuesit thuhet se vunë re se disa nga dosjet atje ishin të shënuara si të klasifikuara, të aksesueshme vetëm për personat e autorizuar.

Në një moment, vetë ish-presidenti thuhet se u ndal për t’u përshëndetur dhe ‘të bisedojë’ përpara se të largohej përsëri, raportoi CNN.

Është e paqartë se çfarë ndodhi midis qershorit dhe kësaj jave për ta bërë FBI-në të vendosë të kërkojë me forcë dokumentet.

Por një ish-agjent i FBI-së tha për DailyMail.com se bastisja e së hënës ka të ngjarë të jetë shkaktuar nga informacione të reja nga një ‘informator’ dhe një prishje në bashkëpunimin midis agjencisë dhe ish-presidentit.

Agjenti Special i FBI në pension Michael Tabman, i cili i shërbeu agjencisë për 24 vjet, tha se një bastisje e këtij niveli ndjeshmërie do të duhej të miratohej nga Prokurori i Përgjithshëm Merrick Garland.

“Unë mendoj se dikush u dha atyre informacione që tregonin se këto dokumente janë atje” , tha Tabman, duke shtuar dy zbulime “të brendshme”:

Ish-presidenti ishte në New York City kur FBI bastisi pronën e tij në Florida. Djali i tij Eric Trump tha për Fox News se ai e informoi babanë e tij për kontrollin.

The post “Dikush u dha informacione se atje ka dokumente”, FBI kontrolloi vilën e Trump në Florida, “zbërthehet” ish-agjenti appeared first on Albeu.com.

Udhëheqësi i pakicës në Dhomën e Përfaqësuesve, Kevin McCarthy u zotua të hapë një hetim nëse republikanët marrin kontrollin e Dhomës së Përfaqësuesve nga demokratët në fillim të vitit të ardhshëm, që sondazhet sugjerojnë se është një mundësi e fortë politike.

“Kam parë mjaft”, tha ligjvënësi McCarthy në një postim në Twitter. “Departamenti i Drejtësisë ka arritur në një gjendje të patolerueshme politizimi. Pasi republikanët të marrin kontrollin e Dhomës së Përfaqësuesve, ne do të bëjmë një hetim të menjëhershme të këtij departamenti, do të ndjekim faktet dhe nuk do të lëmë gur pa lëvizur.”

Ai paralajmëroi Prokurorin e Përgjithshëm Merrick Garland, kreun e Departamentit të Drejtësisë, duke thënë “ruani dokumentet tuaja dhe hape kalendarin tuaj” për të dëshmuar në një hetim mbi këtë çështje.

Mike Pence, i cili shërbeu në postin e nënpresidentit në kohën kur Donald Trump ishte president, tha: “unë ndaj shqetësimin e thellë të miliona amerikanëve për kontrollin e paprecedentë të rezidencës personale të Presidentit Trump. Asnjë ish-president i Shteteve të Bashkuara nuk i është nënshtruar ndonjëherë një bastisjeje në rezidencën e tyre personale, në historinë e Amerikës”.

Zoti Pence tha se kontrolli i së hënës në pronën e zotit Trump në buzë të oqeanit Atlantik “minon besimin e publikut në sistemin tonë të drejtësisë dhe Prokurori i Përgjithshëm Garland duhet t’i japë llogari të plotë popullit amerikan se pse u ndërmor ky veprim dhe ai duhet ta bëjë këtë menjëherë”.

Ligjvënësit e tjerë republikanë e quajtën kontrollin një shpërdorim të pushtetit, megjithëse kontrolli ishte i autorizuar nga gjykata dhe ka të ngjarë të jetë miratuar në nivelet më të larta të Departamentit të Drejtësisë. Ende nuk dihet se çfarë roli ka luajtur prokurori Garland në këtë çështje.

Ligjvënësja konservatore Marjorie Taylor Greene shkruajti në Twitter “Anuloni fondet për FBI-në!”, duke përdorur të njëjtat fjalë që disa ligjvënës liberalë përdorën për policinë në përgjigje të akuzave për përdorim të tepruar të forcës nga departamentet e policisë lokale kundër pakicave.

Gazetari konservator i kanalit Fox News, Sean Hannity, një aleat për një kohë të gjatë i zotit Trump, u tha miliona shikuesve të tij të hënën mbrëma se, “nëse jeni të lidhur me zotin Donald Trump në ndonjë mënyrë, bëni përgatitjet e duhura sepse ata do t’ju ndjekin me fuqinë e plotë të qeverisë federale.”

Ndërkohë, demokratët nuk bënë shumë komente mbi kontrollin e pronës së zotit Trump dhe Shtëpia e Bardhë tha se Presidenti Joe Biden nuk kishte njohuri paraprake për operacionin e FBI-së, i cili zgjati për orë të tëra.

Kryetarja e Dhomës së Përfaqësuesve Nancy Pelosi tha: “Ne besojmë në sundimin e ligjit. Asnjë person nuk është mbi ligjin, madje as presidenti i Shteteve të Bashkuara, as një ish-president i Shteteve të Bashkuara. ”

Ndërkohë, ish-presidenti Trump e shfrytëzoi kontrollin e shtëpisë së tij si një shans për të mbledhur më shumë fonde për një kandidim të mundshëm presidencial në zgjedhjet e vitit 2024.

Në një mesazh me celularë dërguar mbështetësve të martën në mëngjes, Trump deklaroi “MAR-A-LAGO u bastis”. Ai tha: “Është koha që ÇDO PATRIOT të ngrihet kundër Gjuetisë së pakontrolluar të Shtrigave nga e Majta dhe kundër persekutimit politik të Presidentit Trump!”

Ai u kërkoi mbështetësve të kontribuonin me shuma mes 45 dhe 5,000 dollarësh.
Ish-presidenti Trump mund të zbulojë përmbajtjen e urdhrit për kontrollin e pronës së tij, por ende nuk e ka bërë këtë. Ai ia dorëzoi 15 kuti me materiale të ndryshme, disa prej tyre me dokumente sekrete, Administratës Kombëtare të Arkivave në janar, një vit pas largimit nga detyra.

Por FBI mori urdhrin e kontrollit për të kërkuar më shumë dokumente dhe mori më shumë materiale pasi kontrolloi zyrën e zotit Trump dhe hapi kasafortën e tij.

Akti i Regjistrit Presidencial, një ligj i vitit 1978 thotë se të gjitha të dhënat presidenciale janë në pronësi të publikut dhe duhet të transferohen automatikisht nën kujdestarinë e Administratës Kombëtare të Arkivave menjëherë pas largimit të Presidenti nga detyra. Të gjitha bibliotekat dhe muzetë presidenciale janë pjesë e Administratës Kombëtare të Arkivave, megjithëse ish-presidenti Trump nuk ka ndërtuar një objekt të tillë dhe ka treguar pak interes për ta bërë këtë.

Zoti Trump mund të përballet me akuza penale për mosdorëzimin e menjëhershëm të dokumenteve sekrete pas largimit nga detyra, megjithëse një veprim i tillë do të ishte një gjë e rrallë.

Ai gjithashtu përballet me një hetim për rolin e tij në nxitjen sulmit të 6 janarit 2021 në Kapitol, ndërsa ligjvënësit ishin mbledhur për të certifikuar fitoren e demokratit Joe Biden në zgjedhjet presidenciale të vitit 2020 dhe për një skemë të disa prej avokatëve të tij për të zëvendësuar elektorët që mbështesnin zotin Biden me njerëz që mbështesnin zotin Trump.

Përveç kësaj, Donald Trump po përballet me një hetim në shtetin jugor të Xhorxhias, ku i kërkoi një zyrtari të zgjedhjeve shtetërore që t’i “gjente” votat e mjaftueshme, më shumë se 11,000, që i duheshin për të përmbysur fitoren e zotit Biden në këtë shtet./VOA/

The post Republikanët dënojnë kontrollin e pronës së ish-presidentit Trump nga FBI-ja, paralajmërojnë hetim: Ruani dokumentet tuaja appeared first on Albeu.com.

Pence i ka bërë thirrje Prokurorit së Përgjithshëm të SHBA-së, Merrick Garland, t’i japë publikut llogari se përse u krye urdhri i kontrollit në pronën e ish-presidentit Donald Trump në Mar-a-Lago.

Përmes disa postimeve në Tëitter, Pence, i cili është distancuar nga Trump mes dyshimeve se ai mund të nisë një kandidim presidencial në 2024, tha se ai është thellësisht i shqetësuar për kërkimin e paprecedentë të kryer në pronën e ish-presidentit Trump.

“Në historinë amerikane, asnjë ish-president i Shteteve të Bashkuara nuk i është nënshtruar ndonjëherë një bastisjeje në rezidencën e tyre personale”, shkroi ai.

Pence tha gjithashtu se kontrolli minon besimin e publikut në sistemin amerikan të drejtësisë.

“Prokurori i Përgjithshëm Merrick Garland duhet t’i japë llogari popullit amerikan se pse u ndërmor ky veprim. Kjo llogaridhënie duhet të ndodhë menjëherë”, shtoi ai.

The post “Prokurori i Përgjithshëm t’i japë llogari popullit amerikan”, Mike Pence i del në mbrojtje Trump-it pas bastisjes së shtëpisë appeared first on Albeu.com.

Bastisja e rezidences primare te Trumpit nuk mund te behej pa urdherin e drejtorit te FBI (analog me drejtorin e policise se shtetit ne Shqiperi) dhe pa miratimin e avokatit te pergjitheshem (minister i drejtesise, shefi i drejtorit te FBI).

Drejtori i FBI emerohet nga presidenti per 10 vjet.  Ky drejtor, Christopher Wray, eshte emerim i Trump.

Avokati i pergjitheshem, Garland, ish- gjykates federal, ish- emerim i Obamës per gjykaten supreme, njihet si njeri shume i matur.

Perveç kesaj, per te bastisur nje shtepi, duhet urdheri i gjykates.  FBI duhet te shkoje ne gjykate dhe te provoje qe bastisja eshte e nevojeshme.

Te gjithe te perfshiret e dijne mire se bastisja e shtepise se nje ish presidenti, aq me teper Trump, eshte nje ceshtje me ngarkese politike serioze, prandaj aresyeja duhet te jete shume e forte.

Dihet qe Trump kishte marre me vete 15 kuti me dokumenta sekrete te shtetit, qe nuk i perkasin.  Shteti ia kerkonte, ai nuk i kthente.  Po thuhet se kjo bastisje ka lidhje me keto dokumenta.

Nuk ishte sulm (raid) si tha Trump, por bastisje (search).  Sherbimi Sekret (sigurimi i udheheqjes) qe ruan ndertesen u lajmerua disa ore perpara, per te hapur dyert e kasafortat, qe FBI te mos thyente gjë.

Shtepia e Bardhe deklaroi se presidenti, ndonese eshte shefi i te gjitheve, nuk ishte i njoftuar per kete bastisje, se ka kerkuar te mos e perzjejne ne procedurat e drejtesise.

Ne USA ka barazi para ligjit. Avokati i Pergjitheshem ka deklaruar se, nqs mblidhen prova bindese, Trump do shkoje ne gjygj per 6 janarin edhe nqs do jete kandidat per president.

Republikanet jane zemeruar. Disa prej tyre kane vendosur flamurin amerikan kokeposhte, ne rrjetet sociale.

The post Disa të vërteta për bastisjen e rezidencës së Donald Trump, që ka trazuar SHBA appeared first on Albeu.com.

Kjo pasi prokurorët në SHBA po hetojnë rolin e tij në lidhje me trazirat e 6 janarit në Kapitol.

Veprimet e Donald Turmp në 6 janar janë vënë nën hetim nga Departamenti i Drejtësisë, në kuadër të hetimit të tij penal, të përpjekjeve për të përmbysur rezultatet e zgjedhjeve të vitit 2020, bën me dije Washington Post.

Prokurorët që po marrin në pyetje dëshmitarët para një jurie të madhe, duke përfshirë dy ndihmës të lartë të Zëvendës Presidentit Mike Pence, kanë pyetur ditët e fundit në lidhje me bisedat me Trump, avokatët e tij dhe të tjerë në rrethin e tij të ngushtë. Të dy folën në kushte anonimiteti për të diskutuar një hetim në vazhdim.

Prokurorët kanë bërë pyetje të detajuara për orë të tëra në lidhje me takimet e drejtuara nga Trump në dhjetor 2020 dhe janar 2021; fushata e tij e presionit ndaj Pence për të përmbysur zgjedhjet; dhe çfarë udhëzimesh u dha Trump avokatëve dhe këshilltarëve të tij në lidhje me elektorët e rremë dhe dërgimin e elektorëve në shtete, thanë burimet. Disa nga pyetjet u përqendruan drejtpërdrejt në shtrirjen e përfshirjes së Trump në përpjekjen e zgjedhësve të rremë të udhëhequr nga avokatët e tij të jashtëm, duke përfshirë John Eastman dhe Rudy Giuliani, thanë këta njerëz.

Përveç kësaj, hetuesit e Departamentit të Drejtësisë në prill morën të dhënat telefonike të zyrtarëve dhe ndihmësve kryesorë në administratën Trump, duke përfshirë ish-shefin e tij të shtabit, Mark Meadoës, sipas dy personave të njohur me këtë çështje. Kjo përpjekje është një tregues tjetër se sa i gjerë ishte bërë hetimi i 6 janarit, shumë përpara seancave dëgjimore të profilit të lartë, të transmetuara në televizion në Dhomën e Përfaqësuesve në qershor dhe korrik mbi këtë temë.

Washington Post dhe organizata të tjera lajmesh kanë shkruar më parë se Departamenti i Drejtësisë po shqyrton sjelljen e Eastman, Giuliani dhe të tjerëve në orbitën e Trump. Por shkalla e interesit të prokurorëve për veprimet e Trump nuk është raportuar më parë, as rishikimi i të dhënave telefonike të ndihmësve të lartë të Trump.

Asnjë ish-president nuk është akuzuar ndonjëherë për një krim në historinë e SHBA. Në rastet kur hetuesit gjetën prova që sugjeronin një president të përfshirë në sjellje kriminale, si me Richard M. Nixon dhe Bill Clinton, hetuesit dhe administratat e njëpasnjëshme arritën në përfundimin se ishte më mirë të jepej imuniteti ose të hiqej dorë nga ndjekja penale. Një synim ishte të shmangej duke përdorur pushtetin e qeverisë për të ndëshkuar armiqtë politikë dhe për të siguruar traditën e një transferimi paqësor të pushtetit.

Këtë vit, skema e zgjedhësve të rremë është bërë fokusi kryesor i hetimit të Departamentit të Drejtësisë. Pasi Trump humbi zgjedhjet, avokatët dhe të tjerë të afërt me të u kërkuan zyrtarëve të GOP në shtetet kryesore që të paraqesin fletë alternative dhe të paligjshme të zgjedhësve për të hedhur poshtë rezultatet e totalit të votave të shtetit. Këta elektorë të mundshëm u ndihmuan në përpjekjet e tyre nga zyrtarët e fushatës së Trump dhe Giuliani, të cilët thanë publikisht se listat rivale ishin të nevojshme dhe të përshtatshme, dhe është përshkruar si mbikëqyrës i strategjisë.

Muajin e kaluar, agjentët federalë u ngritën në shumë shtete për t’i shërbyer thirrjeve të jurisë së madhe, ekzekutimin e urdhrave të kërkimit dhe intervistimin e dëshmitarëve – një përshkallëzim i rëndësishëm i aktivitetit të hapur hetimor. Si pjesë e kësaj përpjekjeje, agjentët kontrolluan pajisjet elektronike të Eastman dhe kryen një kontroll në shtëpinë e Jeffrey Clark, një ish-zyrtar i Departamentit të Drejtësisë, i cili me entuziazëm përqafoi disa nga përpjekjet e fundit të Trump për të ndaluar Biden të bëhej president. Shumë prej atyre që morën fletëthirrje iu tha posaçërisht të kthenin komunikimet e tyre me Giuliani. /albeu.com/

The post Mund të përfundojë “pas hekurave”? Trump në telashe për rolin e tij në trazirat e 6 janarit në Kapitol appeared first on Albeu.com.