Mustafa, në një përgjigje për Gazetën Express ka thënë se marrëdhëniet me Shqipërinë kanë domethënie të veçantë pasi janë relacione brenda një kombi.

Ai shton se Presidenti i Shqipërisë i ka pritur zyrtarët kosovarë edhe në vitet e ’90, kur askush nuk na pranonte si shtet.

“Relacionet me Shqipërinë kanë peshë dhe domethënie të veçantë. Nuk janë vetëm shtetërore, politike, ekonomike … por edhe relacione brenda një kombi. Në këtë rrafsh kemi dëshirë që njëri-tjetrin ta shohim sa më mirë, sepse kështu fitojmë besim se jemi më të fortë. Prandaj edhe bëhen të pa rëndësishme aspektet formale, unë te ti apo ti te unë, kur e konsiderojmë veten pjesëtar të një familjeje”, ka thënë Mustafa për Gazetën Express.

Mustafa po ashtu tha se si Kuvendi i Kosovës, ashtu edhe Selia e LDK-së, janë shtëpi e përbashkët dhe ka nevojë për mirëkuptim.

“Kemi shumë përvoja me Shqipërinë. Edhe në vitet e nëntëdhjeta, kur s’na pranonte askush si shtet, presidenti i Shqipërisë (SB) zbriste te hyrja e Presidencës dhe na merrte për krahu e brenda.  Edhe në vitet pasuese. Shtëpi e jonë është Selia e LDK-së por edhe Kuvendi i Kosovës.  Është edhe selia e Presidentit të Shqipërisë.  Gjithmonë ka nevojë për mirëkuptim”, shtoi ai.

Gjatë ditës, presidenti shqiptar Bajram Begaj ka takuar në ambientet e Kuvendit liderët e PDK-së dhe AAK-së por jo  kreun e LDK-së, Abdixhiku.

Nga LDK-ja jozyrtarisht i thanë Gazetës Express se Begaj kishte kërkuar të takohen në ambiente të tjera e jo në zyre të partisë, gjë të cilën LDK nuk ka pranuar.

The post Begaj nuk i shkoi LDK-së në “shtëpi”, reagon Isa Mustafa appeared first on Albeu.com.

Mustafa thotë se gjatë kësaj kohe, asgjë në vend nuk është bërë pa LDK-në.

“Unë e kam marrë LDK-në diku në 128 mijë vota. E kam sjell në 205 mijë në zgjedhjet e parafundit. Gjithmonë kemi shkuar në rritje. Nuk kemi arritur gjatë asaj periudhe të dalim parti e parë. Konkurrente kryesore me LDK-në. Aty jemi sjell diku”, tha Mustafa, i cili është i ftuar këtë mbrëmje në emisionin Pressing në T7.

“Ndoshta, në zgjedhjet e para ne kemi dal e para por ka qenë ajo koha e abuzimit masiv, ose vjedhjeve industriale që janë cilësuar edhe nga ndërkombëtarët”, tha Mustafa.

“Partia është konsoliduar mirë, kemi pasur rol të rëndësishëm. Asgjë s’është bërë në Kosovë pa LDK-në, pa involvimin e LDK-së dhe pa kyçjen e drejtpërdrejt të LDK-së gjatë asaj periudhe”, shtoi Mustafa. /albeu.com/

The post Isa Mustafa: LDK u rrit me mua, asgjë në Kosovë nuk u bë pa ne appeared first on Albeu.com.

Mbrëmë, Rama në një emision pyeti se “Cili është Isa Mustafa?”, pasi iu përmend ish-kryetari i LDK-së, i cili në replikë tha se kryetari i ri i Prishtinës është ende në muajin e mjaltit.

Rama, më 16 nëntor në një intervistë për “Kallxo” ishte pyetur se pse nuk e ka asnjë fotografi me Mustafën. Ndonëse s’kishte shumë kohë që Mustafa kishte dhënë dorëheqje nga pozita e kryetarit të partisë më të vjetër në vend, ai që garonte nën sloganin e këtij subjekti politik pak muaj më pas, pati thënë se Mustafa nuk ishte më kurrgjë.

“Nuk është kurrgjë ai, nuk është në struktura, a po? Nuk kam problem me pasë fotografi me askënd, me askënd. Mundet me u fotografu me mua kush të ka qejf”, kishte deklaruar Rama.

Kryetari i sapozgjedhur i kryeqytetit, megjithatë e kishte dhënë një hipotezë, në përgjigjen se pse s’e kishte asnjë fotografi me Mustafën. Edhe kjo, me një dozë talljeje.

“Qe s’më ka ra rasti. S’e ka pasë nderin. Ndoshta që ka dalë fillimisht kundër meje, a di, që ka thënë është dashtë me qenë dikush tjetër, e jo unë. Ndoshta për atë”, kishte thënë Rama.

Mustafa e ka porositur kryetarin e ri të Prishtinës që të fillojë të punojë, pasi ky i fundit nuk mbeti pa u përgjigjur kur iu përmend ish-kryetari sërish të shtunën në emisionin “Oxygen”.

“Cili, cili është? Niva që është njëfarë këngëtari, qashtu e ka emrin”, tha Rama duke qeshur, e shtoi më pas se “shefi jem është qytetari i Prishtinës”./Ekspress/

The post Shakaja e Ramës për Mustafën s’doli nga hiçi, kryetari dhe ish-kryetari s’ia çojnë mirë prej kohësh appeared first on Albeu.com.

Mustafa shhtoi se qeverinë e atëherëshme e rrëzoi vetë Albin Kurti, me veprimet e mosveprimet e tij.

Në këtë mënyrë ai ka hedhur poshtë deklarimet e shefit të Grupit Parlamentar të LDK-së, Arben Gashi, se ka qenë i dërguari special i Shteteve të Bashkuara të Amerikës, Richard Grenell, i ka dhënë LDK-së ultimatum për ta rrëzuar Qeverinë Kurti në mars të vitit të kaluar.

Komentet ai i bëri në një shkrim në Facebook, Mustafa ka thënë se askush nga SHBA-ja s’ka dhenë porosi të tilla e afate, sa vetë ishte në krye të LDK-së.
“z. Richard Grenell nuk ka kërkuar asnjëherë nga LDK, sa unë kam qenë Kryetar i saj, që të rrëzohet Qeveria Kurti 1. Nga askush nga SHBA, LDK s’ka marrë porosi të tilla dhe afate. z. Grenell si përfaqësues i Presidentit të SHBA-ve për Kosovën (jo si emër i përveçëm) ka kërkuar nga ne që të hiqet tarifa e vënë nga Qeveria Haradinaj dhe që kjo tarifë të mos zëvendësohet me reciprocitetin, për t’i dhënë shanse bashkëpunimit ekonomik në rajon dhe dialogut.

I kam shkruar z. Kurtit në atë kohë se nëse nuk respektohen kërkesat amerikane për tarifat dhe nuk bashkëpunohet me SHBA-të si partner strategjik atëherë LDK, posa të kalojë faza e COVID-it, do të del nga Qeveria. Jo se do ta rrëzojë Qeverinë, por DO TË DEL NGA QEVERIA KURTI. Qëndrimi në një Qeveri të tillë e cila nuk bashkëpunonte me SHBA-të ishte i pakuptimtë dhe degradues për LDK-në. Z. Kurti e rrëzoi vet Qeverinë me shkeljen e Marrëveshjes së koalicionit , kur e shkarkoi një ministër të LDK-së. Këtë e bëri me të vetmin qëllim për të krijuar shkas që të bie Qeveria”, ka shkruar Mustafa.

Mustafa ka shtuar se habitet me interpretimet ditëve të fundit se SHBA-ja i ka dhënë ultimatum LDK-së për ta rrëzuar Qeverinë Kurti 1.

“Këta njerëz ose nuk i njohin SHBA-të ose janë të sëmurë kundër SHBA-ve. I falem zotit që jam gjallë dhe shëndosh nga mendja, për të mos lejuar spërkatje të tilla ndaj LDK-së dhe partneritetit me SHBA-të derisa unë isha kryetar i saj”, ka përfunduar Mustafa.

Kujtojmë se qeveria Kurti 1 ishte rrëzuar më 25 mars 2020, vetëm 50 ditë pasi u formua me partneritetin VV-LDK./albeu.com/

The post Isa Mustafa zbulon arsyen: SHBA s’ka kërkuar rrëzimin e Qeverisë Kurti 1, atë e rrëzoi vetë kryeministri appeared first on Albeu.com.

Mustafa ka lënë të nënkuptohet se situata është serioze dhe liderët e Kosovës duhet të mbledhin urgjentisht Këshillin e Sigurisë Kombëtare.

“Situata në veri të Kosovës është tepër serioze dhe e rrezikshme. Në një situatë të tillë , Presidentja, kryeministri dhe kryeparlamentari duhet të jenë në Kosovë”,- është shprehur në reagimin e tij të shpërndarë në faqen e tij zyrtare në ‘Facebook’, ish-kryeministri Mustafa.

Më tej në reagimin e tij Mustafa i bën thirrje Presidentes Osmani dhe Kryeministri Albin Kurti duke u thënë se, “nuk mund të dërgojnë mesazhe, njëra nga Neë Yorku, tjetri nga Shkupi e nga Budapesti, kurse Njësitë Speciale të Policisë të Kosovës të mbesin të mbërthyera në Jarinjë e Bërnjak nën kërcënimin e helikopterëve, avionëve e tankeve të Serbisë. Kjo sjellje është joserioze dhe e pafalshme.”

“Në momente të tilla do duhej të thirret Këshilli i Sigurisë nga Presidentja e vendit dhe të ndërmerren masat e nevojshme duke u koordinuar me partnerët tanë, SHBA, BE, KFOR-in dhe institucionet relevante në Kosovë.”, u shpreh në përfundim të reagimit të tij, ish-kryeministri Mustafa./ albeu.com

The post Prania e ushtrisë serbe në kufij, reagon Isa Mustafa: Vjosa dhe Albini të vijnë në Kosovë, situata alarmante appeared first on Albeu.com.

Ai mes rreshtave ka një porosi edhe për kryetarin e tanishëm të LDK-së, Lumir Abdixhiku duke shtuar se vetëm një opozitë e vendosur e ndal brutalitetin politik të Kurtit.

Mustafa në një prononcim për KosovaPress thotë se veprimet e Kurtit dhe LVV-së gjatë së premtes mund t’i jepen epitetet e llojllojshme, si shantazhim i opozitës, kapje e shtetit por assesi veprim i një demokracie parlamentare në Evropë.

Mustafa theksoi se për gjithë këto sjellje Kurti nuk është fajtor pasi që siç thotë atë dhe Vjosa Osmanin e kanë njohur të gjithë.

“Duket se ishte dhe është një veprim i paramenduar i Kurtit, përkatësisht Grupi Parlamentar të Vetëvendosjes. Këtij veprimi mund t’i jepen epitete të llojllojshme, shantazhim i opozitës, kapje e shtetit, arbitrarizëm etj, por asesi veprim i një demokracie parlamentare në Evropë. Albini nuk mund të jetë fajtor për këto sjellje, sepse të gjithë e kanë njohur, atë dhe Vjosën, kurse qytetaret këtu dhe në diasporë ua kanë dhënë fuqinë me votë që të bëjë çfarë të duan”, tha Mustafa.

Iniciativa e Kurtit për të votuar ndryshimet në Ligjin për Zgjedhjet u pa edhe si shantazh për zgjedhjen e presidentes.

Megjithëkëtë, Mustafa thotë se vendi po rrëshqet në një fazë të rrezikshme për shtetin dhe demokracinë.

“Albini po thotë, ‘unë iu shkelë të gjithëve’; disa po i thonë ‘mos na shkel sepse ne jemi konstruktiv nuk bëjmë obstruksion!?”, tha Mustafa.

The post Isa Mustafa sulmon Albin Kurtin: Ai do t’na shkelë, vetëm opozita e ndalon! appeared first on Albeu.com.

Siç raporton Kanal 1o, Isa Mustafa ose Fatmir Sejdiu, do të jetë njëri nga propozimet që LDK, do i bëj për president të ardhshëm të vendit.Ndërkohë, sipas burimeve të Kanal10, në rast se Vjosa Osmani nuk do të arrihet t’i marr votat e mjaftueshme për presidente, atëherë LDK-ja do të dalë me dy emra për këtë post. Burimet e televizionit kanë thënë se ata do të jenë ish-dy kryetarit e LDK-së, Fatmir Sejdiu ose Isa Mustafa.

Të dy këta, edhe Mustafa, gjithashtu edhe Sejdiu, kanë qenë udhëheqës të Lidhjes Demokratike të Kosovës.Në anën tjetër, gjatë ditës së djeshme LDK mori vendim për të qëndruar në sallë, në momentin kur hedhet në votim zgjedhja e Vjosa Osmanit për presidente.Mirëpo, ende nuk dihet se a do ta bëjnë një gjë të tillë të gjithë deputetët e kësaj partie.

Kjo pasi që ka zëra që Agim Veliu, Driton Selmanaj dhe eventualisht ish-kryeministri Avdullah Hoti, mund ta bojkotojnë këtë vendim të partisë.Kurse, PDK dhe AAK, edhe gjatë ditës së sotme e bënë të qartë qëndrimin e tyre se nuk do të qëndrojnë në sallë për t’ia mundësuar Vjosa Osmanit të zgjedhet presidente.Përjashtim bën deputeti i PDK-së, Xhavit Haliti, i cili ka lënë të hapur mundësinë që të qëndrojë në sallë.Ditëve në vijim pritet të bëhet e ditur edhe dita kur mund të thirret seanca e jashtëzakonshme për zgjidhjen e presidentit.

The post “Isa Mustafa kandidat për president” appeared first on Albeu.com.