Gjykata e apelit në Londër i tha Top gazetarit të Top Channel, Muhamed Veliu se gjykatësi Sir Peter Lane nuk e pranoi kërkesën për të apeluar prej Edmond Haxhisë, Thomas Mithan, Harry Simpson, Harriet Bridgeman dhe Steven Hunt.
Ky vendim është marrë më 25 Shkurt.

Gjyqtari Lane ka pranuar prapësimet e Ministrisë së Drejtësisë shqiptare e përfaqësuar prej një prokurori britanik, se përse nuk duhej pranuar aplikimi për të apeluar vendimin.

Edmond Haxhia dhe katër britanikët, tentuan pa sukses të rrëzojnë vendimin e 27 Gushtit, të vitit të shkuar nga gjykata e ekstradimeve “City of Westminster Magistrate Court” nga ku u pranua kërkesa e drejtësisë shqiptare për ti ekstraduar.

Kjo do të thotë se mund të jetë çështje javësh kur oficerëve të Interpol Tiranës do ti duhet të udhëtojnë drejt Londrës për ti sjellë me pranga në duar e vënë përpara gjykatës së Lezhës.

Prokuroria e Lezhës akuzon Edmond Haxhinë se ishte truri organizativ i vrasjes së Ardian Nikulajt prej portugezit ardhur nga Anglia, Ruben Saraiva më 19 Prill 2023 në Shëngjin.
Ndërsa katër britanikët vëzhguan viktimën duke i përcjellë informacione ekzekutorit Saraiva.
Ekstradimi i grupit të vëzhguesve do të shënojë rastin e dytë kur një shtetas britanik ekstradohet për në Shqipëri.
Në Maj të 2007-ës, britanikët Dino Christodoulou dhe Robin Arnold u ekstraduan nga Britania e Madhe e më pas u dënuan nga Gjykata e Tiranës për abuzime me fëmijët në një strehë për jetimët.

The post Vrasja Ardian Nikulajt, Interpol Tirana gati për të ekstraduar nga MB 4 britanikët dhe shqiptarin Edmond Haxhia appeared first on Albeu.com.

Durim Bami, është shpallur në kërkim nga SPAK në muajin maj, si i përfshirë në kultivimin e parcelave të drogës në zonën e Fushë-Krujës, sigurimin e kushteve për të vrarë ish-deputetin e PS në Lezhë, Arben Ndoka si dhe sigurimin e kushteve për të vrarë dy miqtë e Ervis Martinaj, Erigers Mihasin dhe Tori Xheçukën.

Bami pritet të sillet në Shqipëri, me të njëjtën mënyrë si Plaurent Dervishaj.

ARRESTIMI I BAMIT

Ndalimi i Durim Bamit është kryer në datën 21 Tetor 2024, fiks në ditën kur në Tiranë u prangos ish-presidenti iShqipërisë, Ilir Metaj.

Gazetari Elton Qyno, raportoi një ditë më parë se Durim Bami, është ndaluar nga policia e Dubait dhe po bën 1 javë që mbahet i izoluar.

Nuk dihet me saktësi, se cilat janë rrethanat që kanë shtyrë arrestimin e tij për herë të dytë nga policia e Emirateve.

Informacionet për arsyen e arrestimit të Bamit në Dubai, po mbahen tepër diskrete nga Policia e Shtetit dhe prokuroria e posaçme SPAK, të cilat nuk japin asnjë koment. Kjo është hera e dytë që Durim Bami, arrestohet nga policia e Dubait.

Herën e parë ai u ndalua për llogari të SPAK-ut në muajin qershor 2024, pasi prokurorët e posaçëm, kishin lëshuar në muajin maj një mandat arresti si i përfshirë në kultivimin e parcelave të drogës në zonën e Fushë-Krujës, sigurimin e kushteve për të vrarë ish-deputetin e PS-së në Lezhë, Arben Ndoka, si dhe sigurimin e kushteve për të vrarë dy miqtë e

Ervis Martinajt, Erigers Mihasin dhe Hektor alias Tori Xheçuka.

Por për këtë arrestim, Durim Bami, mundi të lirohej nga gjykata e Dubait.

Ndërsa arrestimi i dytë i Bamit, është kryer në 21 Tetor dhe ende nuk dihet me saktësi nëse ndaj Durim Bamit është lëshuar një masë sigurimi e dytë “arrest me burg” nga SPAK, që detyroi policinë e Dubait të rivihet në lëvizje për të arrestuar për herë të dytë, Durim Bamin.

Tashmë Bami mund të jetë në procedurat e një ekstradimi të mundshëm, apo riatdhesimi të menjëhershëm, siç ndodhi me rastin e Plaurent Dervishajt dhe Julian Meçajt.

The post Arrestimi i Durim Bamit në Dubai/ Interpoli njofton procedurën që do ndiqet appeared first on Albeu.com.

Sipas raportimeve nga mediat italiane, 30-vjeçari u kap nga autoritetet teksa lëvizte me një çantë shpine dhe një karrocë dore.

Kur pa policinë, ai u përpoq të ikte nëpër rrugica, por u lokalizua dhe u arrestua afër qendrës së qytetit. Pas verifikimit të identitetit të tij përmes gjurmëve të gishtërinjve dhe fotografisë, u konstatua se ai kishte një urdhër arresti ndërkombëtar. Pas veprimeve hetimore, ai është izoluar në një burg italian dhe po pret ekstradimin në Shqipëri.

The post I shpallur në kërkim nga Interpol Tirana, arrestohet në Itali 35-vjeçari shqiptar appeared first on Albeu.com.

Sipas mediave vendase, i riu ishte shpallur në kërkim nga Interpol dhe ishte dënuar me burg.

Lajmi është konfirmuar nga Ministria e Brendshme e Maqedonisë së Veriut, por pa specifikuar detaje shtesë rreth këtij operacioni apo akuza penale që rëndon ndaj tij.

“Në pikën kufitare Bllacë, zyrtarët policorë kanë ndaluar një 28-vjeçar nga Kosova, pasi gjatë kontrollit të pasaportave dhe kontrollit në të dhënat operative është konstatuar se i njëjti është regjistruar me masën ‘arrest’ me kërkesë të Interpolit.

Ai është dorëzuar në stacionin policor të Kisella Vodës për veprime të mëtejshme”, kanë njoftuar nga MPB-ja maqedonase, raportojnë mediat e vendit fqinj.

The post I shpallur në kërkim nga Interpol, i riu shqiptar arrestohet në Maqedoninë e Veriut appeared first on Albeu.com.

Ai u arrestua për larje parash, për çfarë është dënuar me 10 vjet burg.

“Sektori për bashkëpunim policor ndërkombëtar në koordinim me Prokurorinë Publike ndërmerr masa dhe aktivitete për procedurë të mëtutjeshme”, qëndron më tej në njoftim.

The post Kërkohej nga Interpoli i Gjermanisë, turku arrestohet në aeroportin e Shkupit appeared first on Albeu.com.

Sfidë që futet në histori për shkak të debutimit të profesional të Ronnie Brunswijk, nënpresidentit aktual të Suriname. Edhe pse 60 vjeç, ky ish-gueril, pronar i ekipit Moengotapoe, i befasoi të gjithë kur zbriti në fushë me shiritin e kapitenit për të luajtur në këtë duel, duke u bërë lojtari më i vjetër që është aktivizuar në një turne zyrtar në këtë konfederatë/

I lindur më 7 mars 1961, Brunswijk luajti 53 minuta, madje në fushë ishte edhe djali i tij, Damian. Ky politikan kontrovers, edhe pse nuk mundi ta shmangte humbjen e Interit me rezultat të thellë 0-6, ishte protagonisti kryesor i përplasjes.

Karriera e futbollit e Brunswijk, për momentin, do të jetë e kufizuar në një ndeshje të vetme, pasi ai nuk do të jetë në gjendje ta luajë takimin e kthimit. Arsyeja? Ai nuk mund të largohet nga Surinami, pasi kërkohet nga Interpoli për krime të lidhura me trafikun e drogës.

Babai i 50 fëmijëve, grabitës banke në rininë e tij, pronar i një miniere ari … dhe tani edhe një futbollist profesionist. Karriera e këtij personazhi është e denjë për studim. /SS/

The post 60 vjeç, i kërkuar nga Interpoli, zëvendëspresident dhe debuton në futbollin profesionist appeared first on Albeu.com.