Kjo do të thotë se një i moshuar që përfiton 25000 lekë në muaj, nga tetori do të marrë 25 600 lekë.

Vendimi pritet të kalojë për miratim këtë javë, ku sipas llogaritjeve të përgjithshme, pensioni mesatar në qytet do të rritet rreth 500 lekë, ndërsa ai në fshat rreth 300 lekë.

Indeksimi i pensioneve kryhet çdo vit dhe u jep të moshuarve një shtesë parash, për të mbuluar shpenzimet që dalin nga rritja e çmimit të ushqimeve në treg.

Në tetor 2023, pensionet u indeksuan në masën 8,6%, ndërsa në 2024, ato u rritën në masën 4,1%.

Kujtojmë se në sistemin e sigurimeve shoqërore, janë 720 mijë të moshuar që përfitojnë pensione pleqërie apo lloje të tjera pensionesh.

The post Pensionet do të rriten nga tetori, ja sa lekë në muaj do jetë shtesa nga indeksimi appeared first on Albeu.com.

Eksperti i pensioneve Kujtim Hoxha, teksa ishte i ftuar në emisionin “Koha për t’u zgjuar” në News24, deklaroi se situata mbetet e paqartë për shkak të mungesës së një rishikimi të buxhetit nga qeveria e re.

“Pensionistët presin me të drejtë indeksimin, është një detyrim ligjor. Viti 2025 përkon me krijimin e qeverisë së re, e cila ka përfshirë pensionet në programin ekonomik, por deri tani nuk është bërë asnjë rishikim i buxhetit, që është i domosdoshëm për të reflektuar këtë indeksim”, tha Hoxha.

Ai theksoi se bëhet fjalë për një çështje që prek mbi 700 mijë pensionistë, ndërkohë që pensionet aktuale janë të ulëta dhe nuk mbulojnë rritjen reale të kostos së jetesës.

Sipas Hoxhës, të dhënat zyrtare të INSTAT për inflacionin nuk pasqyrojnë realitetin ekonomik me të cilin përballen pensionistët.

“INSTAT raporton një inflacion prej 3.4%, por kjo është për gjithë popullsinë. Për indeksimin e pensioneve duhet marrë për bazë një llogaritje specifike për shportën e konsumit të pensionistëve – që përfshin medikamente dhe produktet bazë të jetesës – dhe në këtë rast inflacioni është dukshëm më i lartë”, shtoi ai.

Sipas ekspertit, qeveria mund të vendosë të marrë si referencë shifrën e INSTAT, megjithëse ajo nuk reflekton realisht rritjen e çmimeve për pensionistët.

“Në dijeninë time, ndonëse jo zyrtare, parashikimi është që rritja do të jetë më pak se 3%. Kjo do të thotë se një pensionist që aktualisht merr rreth 190 mijë lekë të vjetra, mund të marrë një rritje prej vetëm 580 deri në 600 lekë të vjetra”.

The post Indeksimi i pensioneve/ Eksperti Kujtim Hoxha: Ja me sa para pritet të rritet pagesa që do të marrin të moshuarit appeared first on Albeu.com.

Sipas projektvendimit të Këshillit të Ministrave, indeksi i ri vjetor është llogaritur në masën 9.3% për pagat e viteve 1994–2023, duke reflektuar ecurinë e kontributeve mesatare për person të siguruar.

Ky indeks do të ndikojë drejtpërdrejt në rritjen e bazës mbi të cilën llogaritet pensioni, duke bërë që pensionet fillestare mujore të jenë më të larta për ata që dalin në pension gjatë vitit të ardhshëm.

“Duke rritur dhe bazën e vlerësuar individuale, për të gjithë personat që e drejta për pension iu lind nga data 01.01.2025, nga kjo datë e në vazhdim do të arrihet të përllogariten, të jepen pensione mujore që janë të lidhura drejtpërdrejt me kontributet e paguara dhe që vetëm për shkak të tyre mund të jenë më të larta së më parë”, – thuhet më tej në relacion.

Paralelisht me vendimin, Instituti i Sigurimeve Shoqërore ka përgatitur edhe relacionin shoqërues, ku bëhet e ditur se për pagat përpara vitit 1994 do të përdoret një koeficient unifikues prej 13.397, duke u dhënë atyre një rritje mesatare me 8.6% krahasuar me vitin e kaluar.

Kjo do të thotë se për shembull, një punonjës që ka marrë 3.233 lekë në muaj në vitet ‘80, do të ketë një pagë të rivlerësuar prej 43.312 lekë për llogaritjen e pensionit.

Pas miratimit të vendimit, paga maksimale e rivlerësuar bëhet 110.123 lekë nga 100.752 që ishte një vit më parë, ndërsa paga minimale shkon në 33.037 lekë nga 30.225 lekë.

Ky përmirësim, përfiton direkt rreth 40 mijë qytetarë që do të aplikojnë për pensione të reja deri në fund të vitit 2025.

Vendimi thekson gjithashtu se për pensionet me datë lindjeje të së drejtës deri në 31 dhjetor 2024, llogaritja do të bëhet mbi bazën e indeksit të çmimeve të konsumit, ndërsa nga 1 janari 2025 e në vazhdim do të përdoret baza e rivlerësuar.

Për periudhën 1994–2023, indeksimi do të bëhet sipas pagave të paguara çdo muaj dhe sipas punëve dhe profesioneve të përcaktuara në vendimin nr. 561 të Këshillit të Ministrave të vitit 2005.

Kjo metodologji ruan frymën kontributive të sistemit të pensioneve, ku pensioni lidhet ngushtë me shumën dhe kohëzgjatjen e kontributeve të derdhura.

Për vitet pas 1994-ës, koeficientët janë të ndryshëm për çdo vit, për shkak të luhatjeve të pagave reale në ekonominë shqiptare.

Për shembull, për vitin 1995 koeficienti është 10.781, për vitin 1996 është 8.365, ndërsa për vitin 1999 është 5.673.

Për vitet 2024 dhe 2025 nuk aplikohet indeksim, por paga referohet në masën reale të deklaruar.

Ndërkohë, ISSH sqaron se rritja e pensioneve të reja do të varet edhe nga rritja vjetore e kontributeve mesatare që derdhen nga punonjësit aktivë.

Formula aktuale e përcaktimit të pensionit fillestar, e ndryshuar me reformën e vitit 2014, përcakton një pension bazë (aktualisht rreth 9.800 lekë) dhe një shtesë mbi të që është 1% për çdo vit sigurimi, shumëzuar me bazën mesatare të vlerësuar.

Ky sistem synon të sigurojë që pensionet të jenë sa më të drejta dhe në përputhje me kontributet e dhëna. Pritet që vendimi të kalojë për miratim në një nga mbledhjet e ardhshme të qeverisë, ndërsa koeficientët e indeksimit do të përfshihen në përllogaritjet për pensionistët e rinj nga fillimi i vitit 2025.

The post Zbardhet vendimi/ Koeficienti i ri i indeksimit rrit pensionet e reja në vitin 2025! Ja rregullat për rivlerësimin e pagave para dhe pas vitit 1994 appeared first on Albeu.com.

Sipas tij, indeksimi prej 4.1% që ka kryer ISSH në muajin tetor nuk ishte rritje, por ishte indeksim për ruajtjen e fuqisë blerëse.

“Sot në botë ka disa mënyra indeksimi pensionesh që përfshin rritjen ekonomike në vend, inflacionin dhe indeksimin e pagave. Ne kemi zgjedhur këtë mënyrë, indeksin e ndryshimeve të çmimeve”, tha ai.

Kreu i ISSH-së, Hado theksoi më tej se shqetësimi publik dhe i ISSH, është që kemi kaluar nga risku i qëndrueshmërisë financiare të skemës në krahun që duhet të shikojmë te mjaftueshmëria e pensioneve.

Lufta ndaj informalitetit sipas tij, është një rrugë për përmirësimin e skemës.

Hado shpjegoi se nuk ka pasur rritje pensionesh në vitet e fundit, por indeksim dhe bonuse.

“Të paktën në 15 vitet e fundit nuk ka pasur asnjë rritje pensionesh, vetëm indeksim, sepse dhe filozofia e pensionit kjo është, caktohet një herë dhe pastaj mirëmbahet fuqia blerëse e parasë”, tha ai.

The post Astrit Hado: Rritja e pensioneve kërkon fonde, të cilat skema nuk i ka, indeksimi 4.1 % për ruajtjen e fuqisë blerëse appeared first on Albeu.com.

Konkretisht janë rreth 4.1 miliardë lekë që do të përdoren për indeksimin dhe 3.7 miliardë të tjera që do të shkojnë për bonusin. Shuma e fundit është e njëjtë me fondin e përvitshëm, nga i cili pensionistët nuk kanë marrë më shumë se pesë mijë lekë.

Kreu i qeverisë, Edi Rama dhe ministri i Ekonomisë, Blendi Gonxhe, në deklaratat e ditëve të fundit kanë premtuar një bonus më të lartë nga vitet e kaluara.

“Duke filluar nga ky vit, bonusi i fundvitit për pensionistët do të jetë më i lartë se sa ai tradicionali. Ne kemi një ekonomi që mund të na e japë atë që duhet të marrim prej saj, për t’ua kaluar pensionistëve”, – deklaroi Rama nga një takim me aplikanët e platformës “Deputeti që duam”.

“Nga fundi i vitit me një bonus që do të jetë i rishikuar, me një rritje, e më tej me një dialog e komunikim të gjerë, që do të fillojë nga mesi i muajit tetor me disa institucione dhe palët e interesuara, që do na nxjerrë në një rishikim e rezultatet për të gjeneruar rritje të të ardhurave të kësaj skeme”, – tha ministri Gonxhe teksa bëri publike javën e kaluar masën e indeksimit të pensioneve për këtë vit.

Viti 2023 u mbyll me 705 mijë pensionistë, por të dhënat më të fundit për vitin 2024 tregojnë se numri ka arritur në 720 mijë.

Me këtë indeksim, pensioni social arrin në 9710 lekë në muaj, ndërsa pensionet plota të pleqërisë dhe invaliditeti nuk do të jenë më pak se 17.900 lekë.

Në të njëjtën masë do të nisin dhe pensionet e parakohshme. Përfitues të indeksimit do të jenë edhe ata pensionistë që dalin në pension gjatë muajit tetor 2024.

Sa i takon fondit për tri vitet e ardhshme, për vitin 2025 janë parashikuar të shpenzohen 7.9 miliardë lekë, ose 126 milionë lekë më tepër.

Për vitin 2026 janë planifikuar rreth 8.3 miliardë lekë dhe pas tri vitesh, pra në 2027-ën, fondi i dedikuar për rritjen e pensioneve do të jetë 8.8 miliardë lekë, duke njohur një rritje me gati 13 për qind.

Por, kjo nuk do të thotë domosdoshmërish më shumë para në xhepat e pensionistëve, për vetë faktin që fondi vjetor është i lidhur më së shumti me rritjen e numrit të personave që dalin në pension.

Aktualisht janë rreth 700 mijë të moshuar në skemë, por në 2027-ën numri i tyre pritet të jetë më i lartë. Në këto kushte, edhe fondi që shkon në adresë të pensionistëve parashikohet të vijë në rritje.

Brenda këtij viti, madje përpara kohës së paracaktuar, pritet të prezantohet edhe reforma e re e pensioneve. Prej muajsh, me asistencën edhe të Bankës Botërore, qeveria është duke punuar për hartimin e një skeme të re, që do të amortizojë problematikat e shfaqura përgjatë 10 viteve, duke mundësuar në të njëjtën kohë pensione dinjitoze për të moshuarit, që janë aktualisht në skemë, por edhe ata që dalin rishtazi.

Vetë Kryeministri Rama, në një dalje publike ka bërë të ditur se me rishikimin e skemës, nuk do të ketë më pensione nën kufirin apo pragun e 150 eurove. Aktualisht janë rreth 140 mijë të moshuar, kryesisht në zonat rurale, që kanë një masë pensioni më pak se 150 euro në muaj e që do të preken nga këto ndryshime.

“Sfidë personale do të jetë adresimi i çështjeve të pensioneve, një çështje që na përket të gjithëve, pa ngjyrim majtas apo djathtas. Po punojmë edhe me Ministrinë e Ekonomisë, Kulturës dhe Inovacionit për të gjithë skemën e pensioneve, e cila nuk është në ditët më të mira të saj. Na duhet një skemë e dukshme që siguron pensione më të larta për njerëzit. Problem është skema aktuale e pensioneve, që do të duhet ta rishikojmë. Kemi ngritur grupet e punës dhe po punojmë me ekspertë të Bankës Botërore. Këtu flas jo vetëm për indeksimin e pensioneve”, – deklaroi ministri i Financave, Petrit Malaj.

The post Kategoritë/ Sa do përfitojnë pensionistët? Deri në dhjetor do të ndahen rreth 7.8 miliardë lekë appeared first on Albeu.com.

Duke nisur nga muaji Tetor, pensionet do të indeksohen me 4.1%, sipas vendimit të fundit të qeverisë shqiptare. Mirëpo, ky indeksim do të thotë një shpërndarje e ndryshme për secilin nga llojet e pensioneve, duke i qëndruar rritjes shumë të lehtë, krahasuar me nevojat e pensionistëve në Shqipëri.

Me këtë indeksim, pensionet urbane rriten me afër 752 lekë. Nga 18,241 lekë që është pensioni mesatar, pensionistët në qytet do të marrin muajin tjetër 18,993 lekë.

Për qytetarët në zonat rurale rritja është më e ulët, në vetëm 453 lekë. Nga 11,051 lekë që është pensioni mesatar rural, do të shkojë në 11,504 lek.

Në ndryshim nga dy kategoritë më sipër, rritja pak më e madhe është për qytetarët që marrin pensione nga trajtime të veçanta, sikurse ish- ushtarakë, minatorë, naftëtarë etj.

Për ata që përfitojnë 20.000 lekë, rritja është 800 lekë. Ndërsa ata që përfitojnë 30.000 lekë, do të marrin 1200 lek më shumë.

REAGIMI I PLOTË:

Rritja e pensioneve është tallja më e madhe që u është bërë ndonjëherë pensionistëve.

Indeksimi me 4.1% nuk kompenson në asnjë moment rritjen e kostove të jetesës.

Mesatarisht, një pension rritet me 752 lekë në muaj, pra vetëm 25 lekë të reja në ditë! Çfarë mund të shtojë një pensionist në tryezë me kaq para? Praktikisht asgjë!

Edhe pse kanë punuar dhe kontribuuar një jetë të tërë, pensionistët janë të varur nga fëmijët emigrantë për ushqimet, ilaçet, energjinë elektrike e ujin.

Frutat dhe mishi janë luks për shumicën dërrmuese të pensionistëve shqiptarë.
Kanë marrë vota qyl nga pensionistët për 11 vite dhe kujtohen tani duke u tallur me një rritje qesharake. Kjo qeveri nuk është e majtë por në funksion të klientëve, oligarkëve dhe krimit të organizuar.

Pensionistët dhe gjithë shoqëria duhet ta ndëshkojë sa më parë këtë qeveri që nuk punon për ta por për një grusht njerëzish duke e bërë Shqipërinë të pajetueshme për qytetarët.

The post Indeksimi i qeverisë/ Erisa Xhixho: Rritja e pensioneve, tallja më e madhe që u është bërë ndonjëherë pensionistëve appeared first on Albeu.com.

Drejtori i Institutit të Sigurimeve Shoqërore, Astrit Hado, u shpreh se indeksimi është një detyrim ligjor, pasi përmes kësaj synohet ruajtja e fuqisë blerëse e parasë.

“Indeksimi është detyrim ligjor, sepse koncepti i indeksimit, është më ruajtjen e fuqisë blerëse të parasë. Qeveria në varësi të gjendjes së vet, mundet që të marrë masa të tjera siç janë bërë dhe dhënë bonuese. Këto janë në varësi të politikave që do ndjekë qeveria”, tha ai.

I pyetur nëse po punohet për hartimin e një skeme të re për pensionet në Shqipëri, Hado theksoi se aktualisht po studiohet të gjitha modelet, por deri tani nuk ka asgjë konkrete.

Sipas tij, para se të aplikohet apo miratohet një skemë e re, fillimisht do duhet të merren në shqyrtim të gjithë faktorët që e diktojnë atë.

“Jemi në diskutime se ka nevojë skema për t’u prekur dhe në çfarë parametrash jemi në fazën e diskutimeve dhe studimeve. Besoj se në dyjavëshin e dytë të tetorit, se çfarë janë planet dhe kush janë objektivat që duhet të realizohet nëpërmjet reformimit tërësor ose pjesor të skemës. Jemi duke bërë analiza dhe studime të kësaj gjëje. Duhet të shqyrtohen të gjithë efektet që kanë faktorët që ndikojnë duhet të adresohen në këtë skemë”, tha ai.

The post Skemë e re pensionesh? Flet kreu i Sigurimeve Shoqërore: Të gjithë faktorët duhet të shqyrtohen appeared first on Albeu.com.

Përmes një njoftimi për shtyp, Ministria e Ekonomisë, Kulturës dhe Inovacionit informon opinionin publik, se vendimi i miratuar ditën e djeshme nga Këshilli i Ministrave për miratimin e koeficientit të indeksimit të bazës së vlerësuar të vitit 2022 për llogaritjen e pensioneve, ka për qëllim miratimin e aktualizimit deri në vitin korrent të pagave mbi të cilat janë paguar kontributet në vite, të pagave referuese të periudhave të sigurimit përpara vitit 1994 të përcaktuara me vendim të Këshillit të Ministrave si dhe të pagave mbi bazën e të cilave janë paguar kontributet e sigurimeve shoqërore për çdo vit, nga viti 1994 e deri në vitin 2022.

Sipas MEKI, vlera pozitive këtij koeficienti do të shërbejë për rivlerësimin në shtesë, të bazës mesatare të vlerësuar të arritur nga çdo person, gjatë viteve të punës ose aktivitetit ekonomik nëpërmjet kontributeve të paguara nga fillimi dhe deri në datën e ndërprerjes së tyre, për shkak të fillimit.

Ministria sqaron se, ky vendim është një procedurë e përvitshme që bën të mundur aktualizimin e pagave të jetës kontributive të personit për efekt të llogaritjes së pensionit fillestar për personat që iu lind e drejta për pension pas miratimit të këtij koeficienti.

Këto indekse prekin vetëm atë pjesë të pensionit që emërtohet “shtesë” dhe që përcaktohet bazuar në pagën kontributive dhe kontributet e paguara.

“Ky vendim është i zbatueshëm për pensionet që iu lind e drejta pas datës 1 korrik 2024.

Ky koeficient do të ndikojë në rritjen e bazës së vlerësuar për persona që do të aplikojnë për pensione të reja duke bërë të mundur që pensionet e tyre të jenë të harmonizuara me kontributet e derdhura në kohë.

Ky koeficient nuk është për indeksimin e pensioneve, por është indeksim për aktualizimin e pagave kontributive, duke i sjellë ato në vlerën e tanishme.

Indeksimi i pensioneve do të realizohet në muajin tetor dhe si indeks do të përdoret indeksi i çmimeve të konsumit të shportës së mallrave dhe shërbimeve të pensionistëve”, citon në njoftimin e saj MEKI.

The post Ministria e Ekonomisë sqaron: Indeksimi vetëm për pensionet e reja appeared first on Albeu.com.

Vendimi parashikon indeksim për të gjitha kategoritë e pensioneve, duke përfshirë pensionet e pleqërisë, të plota, të pjesshme, pensione që jepen për ndihma të posaçme shtetërore dhe pagesat e invaliditetit.

Zbatimi i këtij vendimi nis nga data 1 tetor dhe vetëm për periudhën tetor-dhjetor 2023 efekti financiar në buxhetin e shtetit llogaritet në rreth 3.1 miliardë lekë.

Në total do të jenë mbi 767 mijë qytetarë që do të përfitojnë në të gjithë vendin. Sipas qeverisë kjo rritje, mbulon gjithë ndryshimin e çmimeve për periudhën gusht 2022-gusht 2023, të matur nga INSTAT.

The post Nga 1 tetori indeksohen pensionet me 8.6% appeared first on Albeu.com.