Në kohën kur togfjalëshi “ Reforma në Drejtësi, Sukses apo Dështim” ka zënë radhët e para të mediave ditët e fundit, pata rastin të shoh se Kolegji i Posacëm i Apelimit kishte parashikuar në kalendarin e tij, një kërkesë për rishikimin e vendimit të ish-gjyqtares së Apelit Elbana Lluri. Historia e saj është diskutuar jo pak në rrethet e juristëve, pasi përbënte rastin e vetëm kur për të njëjtën pasuri, dy subjekte rivlerësimi patën rezultat totalisht të kundërt nga Kolegji i Posacëm i Apelimit. Gjyqtarja në fjalë, në një vendim me shumicë votash u shkarkua nga detyra, në një kohë që në të njëjtën ditë, ish-bashkëshorti i saj u konfirmua si gjyqtar po nga i njëjti Kolegj.

Që reforma në drejtësi do të kishte edhe vendime të diskutueshme, këtë gjithkush duhet ta pranojë dhe ky perfundim tashme eshte nje fakt. Por, rasti në fjalë, solli një mori diskutimesh edhe mediatike, për sa kohë që të dy këta gjyqtarë u vlerësuan me vendime diametralisht të kundërta, mbi të njëjtat fakte e prova. Ndaj, kur në kalendar pashë se ky kolegj do të rishqyrtonte kërkesën e saj për rishikimin e vendimit të dhënë, besova se ka ardhur momenti që KPA të ketë mundësinë të bëjë Drejtësi ndaj historisë së trishte të vendimit të dhënë ndaj kësaj gjyqtareje.

Kolegji i Posaçëm i Apelimit kryesuar nga znj.Ina Rama dhe anëtaret z.Sokol Çomo, znj.Rezarta Schuetz, znj.Natasha Mulaj dhe znj.Albana Shtylla, kane caktuar daten 11 Mars 2026 për rishikimin e vendimit te dates 06.07.2022 per Gjyqtaren Elbana Lluri, sipas legjislacionit ne fuqi i cili përcakton në menyre eksplicite që rishikimi i një vendimi të formës së prerë te behet nga e njëjta trupë gjykuese.

Ky rishikim i referuar ne ligj, vjen pas argumentimit bindës së palës së interesuar dhe reflektimit objektiv të trupës gjykuese, në prova e fakte të bazuara ne parimin e proporcionalitetit të precedentit te ndjekur më pare për raste analoge proceduriale.

Gjyqtarja e Apelit Elbana Lluri me dy dekada eksperiencë në gjyqësor, u kualifikua nga Komisioni i Pavarur i Kualifikimit me votë unanime në favor të saj, si për pastërtinë e figurës, përgatitjes së lartë profesionale ashtu edhe sa i takon kriterit pasuror dhe u rrezua nga Kolegji i Posaçëm i Apelimit me një rezultat të ngushtë tre me dy, në një kohë që ish-bashkëshorti i saj për të njëjtat pasuri, u konfirmua në detyrë.

Pritet që kësaj here Kolegji i Posaçem i Apelimit t’i japë Drejtësi Gjyqtares Elbana Lluri, në mënyrë që të mos shkruhet më në të ardhmen: Një histori me dy reforma!

The post Një histori me dy reforma! appeared first on Albeu.com.

Ndër emrat që po qarkullojnë brenda demokratëve janë Ina Rama, Visar Zhiti, Dritan Demiraj, Dashamir Shehi, Neritan Ceka apo Arben Cejku.

Ndërkohë Majlinda Bregu dhe Dashamir Shehi pritet të jenë propozime të aleatëve të PD-së.

Kujtojmë që një nga emrat më të rëndësishëm është ish-kryeprokurorja e Përgjithshme Ina Rama, e cila njihet për përplasjet e ashpra me Sali Berishën.

Këto emra vijnë si një përpjekje nga Enkelejd Alibeaj për të propozuar atë që ai ka theksuar në mbledhjet e mëparshme, një President të shqiptarëve dhe jo të partisë.

Sot në selinë e PD-së është parashikuar edhe mbledhja e Grupit Parlamentar, ku pritet që Alibeaj bashkë me mbështetësit e tij do të diskutojnë mbi emrat që do propozojnë për President.

Kujtojmë se mes mazhoracnës dhe opozitës dje u arrit dakordësia e parë

që në dy raundet e ardhshme, të dytin dhe të tretin do të jetë opozita ajo që propozon kandidatët dhe më pas socialistët./albeu.com/

The post Mes tyre dhe “armikja” e Berishës, kush janë emrat që mund të propozohen nga Alibeaj për President appeared first on Albeu.com.