Ibrahimovic u rrit në Rosengard të Suedisë dhe, ndonëse babai i tij dhe një pjesë e madhe e familjes vijnë nga Bosnja, ai thekson se nuk pati shumë kontakt të drejtpërdrejtë me luftën dhe agresionin që ndodhnin atje.

Sipas tij, lufta nuk pati ndikim të madh në mënyrën se si u rrit, por gjithsesi ai veçon dy situata që i kanë mbetur në kujtesë nga ajo periudhë.

“Në atë Rosengard ishim të gjithë bashkë. Për ne ishim të gjithë njësoj: boshnjakë, kroatë, serbë, shqiptarë… Nuk kishte rëndësi nga vije, kishim respekt për njëri-tjetrin. Pastaj filloi lufta. Në ato vite nuk lexonim gazeta, unë as telefon nuk kisha. Kisha një televizor, por nuk shikoja lajme”.

“Gjithçka që ndjeva ishte se babai im ishte gjithmonë në telefon. E kuptova se po fliste me familjen në Bosnje, për t’i ndihmuar. Unë shkoja te nëna ime, zakonisht shkoja atje për të ngrënë. Ata jetonin afër, pesë minuta larg, për hir të fëmijëve. Një ditë shkova te nëna ime dhe të gjithë ishin veshur me të zeza”.
“I pyeta pse ishin të gjithë me të zeza dhe më thanë të dilja jashtë, të luaja futboll. Nuk donin të më tregonin. Gjyshja ime kishte vdekur në luftë. Më mësuan të sillesha si një fëmijë i vogël, të shijoja jetën dhe të luaja futboll. Nuk donin të më tregonin asgjë për këtë”.

Ibrahimovic zbulon edhe një tjetër moment kur e ndjeu se lufta në rajonin tonë kishte lënë gjurmë, këtë herë përmes ndryshimit të mentalitetit te refugjatët që mbërrinin në Suedi.

“Babai im më bënte të luaja futboll. Më linin jashtë që të mos ndieja çfarë po ndodhte. Pastaj erdhën refugjatët në Suedi dhe ata kishin një mentalitet tjetër. Unë jam boshnjak, ti je serb, kështu mendonin ata. Kur erdhën në atë geto në Rosengard, mentaliteti ishte ndryshe”.

“Në kokën time ishte ndryshe, për mua ishte Jugosllavia. I kisha të gjithë shokët dhe nuk shihnim kush ishte kush, por ata ishin shumë ndryshe. Luftonim me ta. Nuk e pranonin që gjithçka të ishte kaq e përzier. Për mua ishte ndryshe”

The post Ibrahimovic flet për luftën në Bosnjë: Luftuam së bashku me refugjatët, ishim të barabartë me shqiptarët, boshnjakët e kroatët appeared first on Albeu.com.

Që tani flitet për fund cikli dhe largimin e emrave që kanë qenë pjesë e Milanit në vitet e fundit si Teo Hernandez, teksa ka dyshime edhe për vazhdimin e kontratës së Serxho Konseisaos i cili ka firmosur deri në fund të këtij edicioni me të drejtën e zgjatjes deri në verën e vitit 2026.

Por në këtë moment, duket se trajneri nuk është në rrezik, të paktën sipas asaj që ka thënë Zlatan Ibrahimoviç në momentin kur i është dorëzuar “Tapiri i Artë” nga emisioni satirik “Striscia la Notizia”.

“Konseisao po bën mirë, që kur ka ardhur, gjërat kanë ndryshuar. Nuk jemi ende në 100%, por po përmirësohemi. Ai ka besimin tonë të plotë”, tha Ibrahimoviç, i cili është këshilltari i “Red Bird”, më saktësisht i plotfuqishmi në klubin kuqezi.

“Ne jemi të zhgënjyer dhe inatosur, ky Tapir është i merituar. Dje nuk ishte një moment pozitiv. Dje na mungoi maturia, por tani objektivi është të qëndrojmë të bashkuar si grup për kampionatin dhe Kupën e Italisë”, tha Ibrahimoviç.

The post Milani në kaos pas eliminimit, Ibrahimoviç zbulon vendimin për të ardhmen e Konseisaos: Dje na mungoi maturia appeared first on Albeu.com.

Këtë herë, ish-futbollisti që fryu 43 qirinj, ka vendosur “të surprizojë” veten me një supermakinë, Ferrari SF90 XX Spider, i cili shtohet në koleksionin e tij të makinave.

“Gëzuar ditëlindjen Zlatan”. Teksti konciz nën postimin në të cilin drejtuesi i Milanit ndan imazhin e makinës së tij me një ngjyrë të zezë dhe detaje të kuqe.

I prodhuar në vetëm 599 copë, SF90 XX Spider mburret me një motor hibrid 1030, një V8 me turbo dyfishtë dhe tre motorë elektrikë.

The post Ibrahimovic i dhuron vetes një Ferrari të ri appeared first on Albeu.com.

Zvonimir Boban nuk harron të shkuarën e tij dhe, pavarësisht përfundimit të stuhishëm, rikthehet të flasë për klubin që e bëri të madh në një intervistë të dhënë për Gazzetta dello sport.

Dhe ai nuk përmbahet të kritikojë kuqezinjtë për disa zgjedhje:

“Ibra është një gjeni dhe ai na dha një dorë të madhe kur vendosi të kthehej. Megjithatë, duke thënë këtë, nuk e kuptova rolin e tij, çfarë aftësish dhe përgjegjësish ka për të qenë në gjendje ta gjykojmë atë”.

“Shpresoj se ai e ka kuptuar. Sepse në fund do të jetë ai që do të gjykohet, jo Moncada. Skuadra që fitoi titullin dhe arriti në gjysmëfinalen e Ligës së Kampionëve u shpërbë dhe në vend të kësaj mund të ishte ndërtuar shumë mbi këtë bazë. Për mua ishte një gabim i madh”.

The post Boban thumbon: Ibra? Nuk e kuptoj rolin e tij appeared first on Albeu.com.

Këshilltari i lartë i klubit të Milanit, Zlatan Ibrahimovic nuk e pranon aspak një nisje të tillë të skuadrës. Suedezi ka zhvilluar një bisedë me lojtarët në dhomat e zhveshjes duke shkëmbyer mendime me ta për situatën ku ndodhet Milani. Kuqezinjtë kanë vetëm një pikë në dy ndeshjet e para të Serisë A dhe humbja me parmën është e papranueshme. Edhe pse ka qenë tepër i zemëruar, Ibra është munduar të mos e shfaqë dhe të shprehet vetëm me fjalë, pa britma.

Por konteksti ishte i qartë: “Cilësia është aty, ekipi është i kompletuar, tani duhet të motivoheni”. Për Ibrën grupi është në nivel dhe ka fituar personalitet, merkato do të shtojë vetëm ndonjë përmirësim. “Kemi nënshkruar me lojtarë me karakter, që sjellin diçka ekstra edhe nga pikëpamja njerëzore”.

Ibra vazhdon të nënvizojë se lojtarët duhet të luajnë me mend. Për tifozët e Milanit, e sidomos për Zlatanin të luash për këtë fanellë duhet të jetë një burim krenarie. Të gabosh ndaj këtij qëndrimi është e papranueshme. Ashtu si trajneri Fonseca edhe Ibra kanë theksuar faktin se problemi është serioz.

Skuadra nuk formon një front të përbashkët dhe nuk është gati të sakrifikojë. Shumë individë nuk kanë vepruar për të ndihmuar shokun e skuadrës. Ibra duket se nuk i është drejtuar askujt në veçanti, por Theo dhe Leao janë në mënyrë të pashmangshme marrësit kryesorë të apelit të tij motivues.

Talenti nuk është gjithçka, në fakt nuk është asgjë pa e vërtetuar atë në fushë. Ibra e di këtë më shumë se kushdo. Dhe ai ia kujtoi ekipit këtë. Sidomos Leao dhe Theo duhet të marrin në dorë drejtimin e skuadrës.

The post Ibrahimoviç “shkund” Milanin appeared first on Albeu.com.

Ish-sulmuesi i Milanit u kthye në skenë në festivalin e muzikës dhe nuk mundi të rezistonte pa shkëmbyer disa batuta me prezantuesin Amadeus, një tifoz i njohur i Interit, shkruan SempreMilan.

Pas pjesëmarrjes së tij të parë në festival tre vjet më parë, Ibrahimovic ishte prezent sërish në skenë të martën, dhe kësaj here prezenca e tij nuk ishte paralajmëruar.

Pak pas fillimit të mbrëmjes së parë të edicionit të 74-të të festivalit të Sanremos, Ibrahimoviç bëri hyrjen e tij në Teatrin “Ariston”, duke u bërë menjëherë protagonist i një skeçi me Amadeusin.

Ish-sulmuesi suedez ishte i listuar si mysafir së bashku me gruan e tij, të ulur në rreshtin e parë, por ai mori pjesë aktivisht në mbrëmje, duke i dhënë vetes pesë minuta në skenë përpara se të merrte vendin e tij.

“Çfarë bën këtu?”, pyet Amadeus, i befasuar nga ish-sulmuesi i Milanit teksa hyri në teatër.

Pas shpërndarjes së imazheve të tij, të shoqëruara nga një temë muzikore personale të luajtur nga orkestra, ai i kujton se: “Ti je drejtori artistik i vërtetë? Pra e di gjithçka për këtë teatër… Pra, trego më si të ngjitem atje në vendin tim?”.

https://youtu.be/2VwFaxVxzTI

Megjithëse Zlatan nuk është i pari në klasifikim, Amadeus, duke iu referuar Milanit të tij, i përgjigjet me ironi: “Edhe pse nuk je i pari në klasifikim, të kam vendosur një vend në rreshtin e parë”.

Pavarësisht diskutimeve për vendet e uljes, Zlatan nuk humbet qëllimin kryesor përse ka ardhur në Sanremo, të cilin është për ta mbrojtur nga joshja për të drejtuar edhe festivalet e ardhshme: “Nëse të shoh të lodhur, kërkoj ndërrimin, sepse këtu jashtë ka radhë të moderatorëve”.

“Sanremo 2024” supozohet të jetë festivali i fundit i drejtuar nga Amadeus, i cili ka qenë gjithashtu drejtor artistik për pesë vjet, por, ndërsa ai pritet të largohet, RAI tashmë i ka kërkuar publikisht të qëndrojë të paktën për një vit tjetër.

The post VIDEO/ Nis nata e parë e “Sanremo 2024”, Ibrahimovic befasia e mbrëmjes në festival appeared first on Albeu.com.

“Por atje është ulur vetëm ai”, kundërshtoi Amadeus. “Pse sa gola shënoi?”, tha Ibra me shaka dhe më pas u ul në rreshtin e parë: “Por nëse të shoh të lodhur do të telefonoj zëvendësuesin, ka një varg prezantuesish këtu”, tha sërish suedezi.

The post Ibrahimovic dhe shakaja në Sanremo për presidentin e Italisë: Sa gola ka shënuar? appeared first on Albeu.com.

Për këtë ndeshje, në tribunat e stadiumit të Milanos pritet edhe Gerry Cardinale. Ndoshta rikthimi i tij në Milano është preludi i një takimi të ri me Zlatan Ibrahimovicin pas samiteve të mesit të shtatorit.

Tymi i bardhë afër?

Kjo është raportuar mëngjesin e sotëm nga “La Gazzetta dello Sport”, e cila shpjegon se rikthimi i ish-sulmuesit suedez në Milano duket se po afrohet gjithnjë e më shumë. Në javët e fundit, kontaktet kanë qenë të vazhdueshme dhe tymi i bardhë mund të jetë i pashmangshëm.

Ndër ata që janë pro rikthimit të tij në klub është sigurisht Stefano Pioli, me të cilin gjiganti suedez ka marrëdhënie të shkëlqyera.

Aksi Pioli-Ibra

Boshti Pioli-Ibra e ktheu “Djallin” drejt suksesit në Itali, prandaj është gati të reformohet. Zlatani do të ketë një rol operacional: në veçanti, do të duhet të jetë në kontakt të ngushtë të përditshëm me ekipin.

Prania e tij në dhomat e zhveshjes do t’u jepte një motivim të ri të gjithë lojtarëve kuqezi, të cilët mund të gjenin së shpejti atë lider që deri para disa muajsh ishte shoku I tyre në fushë.

The post Ibra pranë rikthimit te “Djalli”, roli që do të ketë appeared first on Albeu.com.

41-vjeçari që ka shënuar 76 gola në Serie A me fanellën e Milanit, ishte parë mëngjesin e së hënës teksa kishte mbërritur në Milanello, aty  ku e përcolli nga afër seancën e tyrë stërvitore.

Sorpresa a Milanello di #Ibrahimovic, vicino al #Milan in questo momento difficile post derby ?⚫️ pic.twitter.com/6OVSI09w56

— Luca Maninetti (@LucaManinetti) September 18, 2023

Edhe pse ai ka luajtur një rol të madh dhe ka qenë një figurë e rëndësishme për Milanin gjatë sezoneve të fundit, momentalisht ai nuk bën pjesë në stafin teknik të Stefano Piolit.

The post Ibrahimovic viziton ish-shokët e tij të skuadrës te Milani në stërvitje appeared first on Albeu.com.

Ai ka fituar shumë trofe gjatë karrierës, duke përfshirë titujt e ligës në katër vende të ndryshme, një Kupë UEFA dhe disa çmime individuale. Ibrahimovic nuk është vetëm një futbollist i madh, por edhe një personalitet i jashtëzakonshëm, me një stil unik, brenda dhe jashtë fushës.

Ai njihet për vetëbesimin, sinqeritetin dhe sensin e humorit, të cilat e kanë bërë një personazh të preferuar të fansave dhe mediatik. Por cilat janë 14 gjërat që duhet të dini për të?

Ai ka lindur në Malmo

Prejardhja e Ibrahimovic është një përzierje e boshnjakes dhe kroates, që rrjedh nga babai dhe nëna e tij, respektivisht, megjithëse ka lindur në Malmo, Suedi. Fëmijëria e tij nuk ishte e lehtë, për shkak të divorcit të prindërve, kur ai ishte vetëm dy vjeç, teksa u rrit në lagjen multikulturore të Rosengard.

Malmo ka prodhuar disa futbollistë të suksesshëm ndër vite, duke përfshirë Ibrahimovic, Markus Rosenberg, Daniel Andersson, Pontus Jansson, Jesper Blomqvist, Mattias Jonson dhe Tobias Hysen.

Ai lindi në të njëjtën ditë me Gwen Stefani dhe A$AP Rocky

Ibrahimovic ka lindur më 3 tetor dhe ndan ditëlindjet me të famshëm si Gwen Stefani, A$AP Rocky, Tommy Lee, Alicia Vikander dhe Neve Campbell, për të përmendur vetëm disa.

Ai luajti për 3 skuadrat më të suksesshme italiane

Ibrahimovic është një nga ata lojtarë që ka veshur fanellat e të tria skuadrave më të suksesshme në Serie A: Milanit, Interit dhe Juventusit. Ashtu si ai bënë dhe kampionë si Christian Vieri, Edgar Davids, Andrea Pirlo apo Roberto Baggio.

Ai është golashënuesi më i mirë i Suedisë

Ibrahimovic konsiderohet si një nga futbollistët më të mëdhenj suedezë të të gjitha kohërave dhe mban rekordin e golave ??të shënuar për vendin e tij (62). Ai qëndron përpara të mëdhenjve të tjerë në historinë suedeze, si Sven Rydell, Gunnar Nordahl, Henrik Larsson dhe Gunnar Gren.

Ai kishte linjën e tij të veshjeve

Linja e veshjeve ‘A-Z’ e Zlatan Ibrahimovic mbylli dyert e saj pas dy vitesh për shkak të një humbjeje prej 18 milionë dollarësh. Linja u lançua në vitin 2016 dhe pritej të gjeneronte të ardhura duke përfituar nga popullariteti dhe imazhi i futbollistit suedez. Megjithatë, pavarësisht entuziazmit dhe investimit fillestar, biznesi nuk arriti të fitonte dhe përfundimisht duhej të mbyllej.

Kjo shërben si një kujtesë se suksesi në fushë nuk përkthehet gjithmonë në sukses jashtë saj. Pavarësisht mbylljes së linjës së tij të veshjeve, Ibrahimovic mbetet një simbol në botën e futbollit dhe një personazh shumë i pëlqyer nga fansat.

Ai është një fanatik i tatuazheve

Zlatan ka një pasion të madh për tatuazhet, të cilat pasqyrojnë personalitetin e tij. Vizatimet, të cilat mbulojnë një pjesë të madhe të trupit të tij, tregojnë historinë e jetës së sulmuesit suedez, pasionet dhe besimet e 42-vjeçarit. Nga portretet e tij dhe gruas te simbolet e forcës dhe fuqisë, tatuazhet e Zlatan pasqyrojnë udhëtimin e tij personal dhe gjërat që kanë më shumë rëndësi për të.

Ai ka punësuar disa nga artistët kryesorë të tatuazheve në botë. “Gravurat” në trupin e stërmadh janë bërë pjesë ikonike e imazhit dhe markës së tij personale. Qofshin frymëzues apo të diskutueshëm, tatuazhet e Zlatan janë një dëshmi e dashurisë së tij për artin e trupit.

Ai u përlesh me Pep Guardiolën

Ibrahimovic iu bashkua Barcelonës nga Interi në vitin 2009, por koha e tij në Katalonjë u dëmtua nga një sërë mosmarrëveshjesh me Pep Guardiolën. Suedezi i ka kritikuar publikisht taktikat dhe stilin e lojës së Guardiolës dhe të dy kanë pasur disa debate në fushë gjatë ndeshjeve.

Për më tepër, Guardiola zgjodhi ta linte Ibrahimovicin në stol për ndeshjet kyçe të sezonit, duke e përkeqësuar më tej tensionin mes të dyve. Në fund të fundit, Ibrahimovic u shit te Milani pas vetëm një sezoni blaugrana, duke shënuar fundin e periudhës së tij të shkurtër në Barcelonë dhe marrëdhënieve të trazuara me Guardiolën. “Kur më blen mua, ke blerë një Ferrari, – tha Ibrahimovic. – Nuk mund të më trajtosh si një Fiat”.

Episodi i gërshërëve

Ish-lojtari Mido gati ndryshoi rrjedhën e karrierës së Ibrahimovic në momentin që hodhi një palë gërshërë në drejtim të tij. Sherri ka ndodhur në dhomën e zhveshjes së Ajax-it, skuadër në të cilën luanin të dy në atë kohë. Arsyeja e diskutimit mbetet e paqartë, por ajo u përshkallëzua deri në atë pikë sa Mido hodhi gërshërët drejt suedezit. Për fat të mirë mjeti prerës nuk iu shkaktoi dëmtime serioze asnjërit, aq sa të dy vazhduan të luanin për shumë vite.

Ai ka një koleksion mbresëlënës makinash

Ibrahimovic është i njohur për një mënyrë jetese ekstravagante, duke përfshirë koleksionin e tij të madh të makinave. Futbollisti suedez zotëron një koleksion mbresëlënës makinash luksoze, duke përfshirë një Lamborghini Aventador, një Ferrari 599 GTO, një Audi RS6, një Mercedes-Benz SLS AMG dhe një Porsche 911 Turbo S.

Ibrakadabra

Ibrahimovic ka fituar pseudonimin “Ibrakadabra” me stilin e tij shpesh magjik të lojës. Një gol i shënuar për Ajax kundër NAC Breda, me një lëvizje në të cilën dribloi kundër kundërshtarëve të shumtë, përpara se ta fuste topin me qetësi në rrjetë, është shembulli i stilit të tij unik. Kësaj i duhet shtuar edhe goli i famshëm me “biçikletë” (roveshiatë) kundër Anglisë, një tjetër aftësi e tij e jashtëzakonshme.

Adhurues i MMA

Ibrahimovic ka një lidhje të fortë me sportet luftarake, veçanërisht me artet marciale të përziera (MMA). Ai është një adhurues i madh i këtij sporti, madje është stërvitur në MMA. Ibra ka thënë në intervista se e gjen disiplinën dhe fizikun e MMA të ngjashme me futbollin dhe në një moment e quajti veten si Conor McGregor i topit. Përveçse është tifoz, Zlatan ka përdorur edhe ndikimin e tij si futbollist profesionist për të promovuar këtë sport.

Ai ka shënuar më shumë se 500 gola në karrierë

Ibrahimovic është një nga ai grup i vogël lojtarësh që kanë kaluar shifrën e 500 golave në karrierë. Ai ka fituar çmime të shumta individuale për golat, duke qenë golashënuesi më i mirë disa herë dhe është njohur si një nga sulmuesit më të mirë të gjeneratës së tij. Në çdo rast, shifrat e tij nuk janë të krahasueshme me ato të Lionel Messit dhe Cristiano Ronaldos.

Fanella e LeBron James

Ibrahimovic nuk u emocionua kur LeBron i dërgoi atij një fanellë me autograf të Lakers, kur ata të dy luanin në Los Angeles. Suedezi shtoi autografin e tij në fanellë, përpara se t’ia kthente mbrapsht dhuratën.

Ibra më pas u bë përsëri tituj mediash kur kritikoi publikisht yllin e NBA-së për të qenë shumë i zëshëm në lidhje me pikëpamjet e tij politike, gjë që, nga ana tjetër, shkaktoi një reagim të ashpër nga LeBron.

Golashënuesi më i vjetër në Serie A

Duke shënuar ndaj Udinese në mars 2023, Ibrahimovic u bë golashënuesi më i vjetër në historinë e Serie A. Suedezi realizoi një penallti në fund të pjesës së parë, duke shënuar golin e momentit të barazimit të kuqezinjve. Me 41 vjeç e 166 ditë mbi supe, Ibra parakaloi kështu Alessandro Costacurta, i cili mbante rekordin që kur luante për Milanin.

The post 14 sekrete që nuk i dinit për Ibrahimovic appeared first on Albeu.com.