E reja rrëfeu se ishte martuar në moshën 16-vjeçare për vetëm 700 mijë lekë të vjetra dhe sot jeton në kushte ekstreme, duke lypur çdo ditë në rrugët e Tiranës me vajzën e saj 4-vjeçare.

“Dal çdo ditë dhe lyp me vajzën time sepse nuk kemi çfarë të hamë. Nuk kam mundësi as të blej rroba për foshnjën që pres”, tha 24-vjeçarja mes lotësh.

Historia e saj bëhet edhe më e dhimbshme kur tregon se bashkëshorti i saj ndodhet në burg, pasi u kap duke vjedhur një monopatinë elektrike në përpjekje për të siguruar të ardhura minimale për familjen.

“Nuk kërkoj luks. Dua vetëm një vend të sigurt për të lindur dhe një vakt të ngrohtë për vajzën time, që në vend të kopshtit endet në rrugë”, u shpreh ajo.

Ajo tha se ndihma ekonomike është e papërfillshme, ndërsa institucionet shtetërore nuk janë kujdesur për të, pavarësisht se ajo përmbush të gjitha kriteret për mbështetje bazike sociale.

The post Historia tronditëse e 24-vjeçares shtatzënë që lyp në rrugët e Tiranës me vajzën e saj: Më martuan që 16 vjeçe për 70 mijë lekë appeared first on Albeu.com.

Flora tregon se dita e saj nis herët, që në orën 05:00 të mëngjesit, kur zgjohet me ndihmën e një alarmi, pasi ndryshe lodhja nuk e lejon të ngrihet.

Flora është 60-vjeç dhe thotë se ka 30 vite që pi cigare. Ajo thotë se jeton në një dhomë konvikti dhe policët nuk i ka fobi por i njeh dhe i respekton: “I njoh dhe i kam shokë”, shprehet ajo.

“Jam lindur dhe rritur në Vlorë, te ‘Katër Heronjtë’. Shtëpia ime u bë pallat, por nuk mora asgjë, ishte fati im i keq”, tregon Flora.

Deri në moshën 18-vjeçare jetoi në familjen e saj, por më pas u dërgua në spital me një diagnozë për prapambetje mendore.

“Në vitin 1982, babai më çoi në psikiatri. Nuk dija asgjë për atë vend. Më bënë gjilpërë dhe më vunë në gjumë. Pas një jave u mësova me jetën aty dhe nuk doja të largohesha më”.

Pas një qëndrimi dhjetëvjeçar, ajo doli nga atje në vitin 1992.

“Babai më vizitoi vetëm një herë kur isha në spital. Kur e pyeta pse më kishte çuar aty, më tha se isha e sëmurë. Unë e pyeta: ‘Çfarë kam bërë që e meritoj këtë?’ Por përgjigje nuk mora. Historinë time nuk e di unë, e dinë të tjerët”.

Më pas, Flora u largua për në Greqi për t`u kujdesur për një grua të moshuar, por pas vdekjes së saj u dëbua nga shtëpia ku jetonte.

Flora shprehet se marrëdhëniet e saj me familjen kanë qenë të vështira.

“Vëllezërit dhe motrat nuk erdhën të më takonin. Prindërit më trajtuan keq kur isha fëmijë. Më rrihnin kur isha e vogël, por këtë e mora vesh vetëm kur ma tregoi një fqinje. Që atëherë nuk kam dashur t’i shoh më”.

Përveç sfidave me jetën e përditshme, ajo është përballur edhe me vjedhje dhe mashtrime.

“Një ditë më morën në telefon dhe më thanë se më kishin sjellë një telefon. Ndërsa unë po zbrisja poshtë, një tjetër u ngjit lart dhe më vodhi çantën me të gjitha paratë që kisha mbledhur për tre vjet. Bëra denoncim në polici, por nuk u bë asgjë”, tregoi Flora në Real People.

Flora pranon se nuk ka pasur një jetë të lehtë dhe nuk dëshiron të japë shumë detaje për të kaluarën e saj.

“Jeta ime nuk ka qenë e mirë, kaq mund të them. Nuk kam pasur marrëdhënie të mira me nënën time. Nuk kam dashuruar asnjëherë, nuk e kisha mendjen te dashuria, por te cigarja dhe rakia”.

The post Çfarë kam bërë për ta merituar këtë? Historia tronditëse e Florës: Kur isha e vogël prindërit më rrihnin… appeared first on Albeu.com.

Analisti Arjan Curi, tregoi në Top Story bisedat e biznesmenit Elton Ilirjani me artisten Parashqevi Simaku. “Ajo i ka treguar Eltonit rastin e qenit Hachiko, që priste në stacionin të zotin e tij”, zbuloi Curi.

“Ajo largohej nga ai stacion dhe më pas kthehej prapë aty. Parashqevia i ka thënë ‘a e ke parë filmin me Haçhikon, dhe unë si Hachiko kthehem te i njëjti stacion ku bëja shumë udhëtime me djalin tim.

Shpresoja që rastësia të më sillte aty djalin tim. Unë mendoj se si Eltoni, askush nuk mund të kujdesej më mirë për një artiste si ajo. Ai ka marrë miratimin e familjarëve, ka marrë kontakt me autoritetet shqiptare. Këto ditë, ai do ta çojë Parashqevinë nëpër vizita, sepse ajo ka vite q enuk shkon nëpër mjekë”, tregoi Curi.

The post Historia tronditëse e Parashqevi Simakut: Ajo nuk largohej nga stacioni i trenit se priste të shfaqej djali appeared first on Albeu.com.

Një histori e pabesueshme është ndarë nga një nënë 29-vjeçare nga Mbretëria e Bashkuar në Reddit. Një histori që duket si një roman i shkruar mirë.

Nëna fillimisht u dëshpërua kur zbuloi se i shoqi kishte shkuar dhe kishte bërë një test ADN-je. Ajo e kishte parë atë të ishte disi i largët dhe i ftohtë me vajzën e tyre dhe kështu filloi të kërkonte për të parë se çfarë po ndodhte…

“Nuk mund të ndalem së qari. Unë kurrë nuk e kam tradhtuar. E dua burrin tim, jemi bashkë që në fakultet dhe ai është dashuria e jetës sime, është i pashëm dhe i sjellshëm. Kam fjetur me dy të tjerë, por kjo ka ndodhur përpara se të lidheshim bashkë”, ka shkruar ajo në Reddit duke kërkuar këshilla.

“ Nuk ka asnjë baba tjetër të mundshëm për vajzën tonë. Ne ishim të martuar tashmë dhe në mënyrë aktive po përpiqeshim të kishim një fëmijë. Kurrë nuk e tradhtova, nuk do ta tradhtoja kurrë dhe nuk e di pse ai bëri atë test. Dhe tani ajo mendon se ai nuk është babai i saj. Nuk di si ta bind se ishte një test i gabuar dhe jam shumë e frikësuar”, rrëfen ajo.

Burri i saj vendosi të bënte testin e atësisë kur pa se vogëlushja kishte sy kafe, ndërsa ai dhe gruaja e tij i kishin blu.

Por historia më pas u bë edhe më e komplikuar. 29-vjeçarja pas një sërë analizash ka zbuluar se nuk është as nëna biologjike e fëmijës. Me sa duket, materniteti u kishte dhënë një foshnjë tjetër.

“Nuk e di si ndodhi kjo…Një polic erdhi në shtëpinë tonë dhe na mori deklaratat. Po padisim spitalin ku linda. Nuk e di se çfarë ka ndodhur me fëmijën tim, është shumë e frikshme. Nga njëra anë kam frikë se mos ma marrin fëmijën, por në të njëjtën kohë dua të di se ku është vajza ime biologjike dhe nëse është mirë. I lutem Zotit që është mirë”, tregon e reja.

The post Historia tronditëse e çiftit britanik: Sytë kafe të vajzës i ngritën dyshimet babait, ja çfarë zbuloi testi i ADN-së appeared first on Albeu.com.