Fotoja e mësimpërme është nga momenti kur prangoset shoferi i kamionit që po shkonte në Mal të Zi me 17 kg heroinë të vendosur nën sebrator.

I vetmi i arrestuar deri më tani është 48-vjeçari nga Vlora, i cili është identifikuar si Sulo Pajo.

Kamioni me targa shqiptare ishte nisur drejt Mali të Zi për t’u furnizuar me mall për t’u kthyer më pas dhe për ta dërguar në Itali përmes portit të Durrësit, ku edhe falë kontrollit me skaner u gjet droga e fshehur.  /albeu.com/

The post EMRI/ U kap me 17 kg heroinë, kush është vlonjati i prangosur në Durrës (VIDEO) appeared first on Albeu.com.

Sot, Policia e Shkodrës ka marrë informacion se në doganën e Hanit të Honit ka kaluar një kamion me targa shqiptare që kishte si destinacion Malin e Zi.

Pasi mjeti është ndaluar, për një kontroll më të specializuar është dërguar në portin e Durrësit, ku është kontrolluar nga Task Forca, e cila ka pikasur menjëherë 17 kilogramë heroinë.

Pas gjetjes së herorinës, në pranga u vendos shoferi 48-vjeçar nga Vlora, identiteti i të cilit ende nuk dihet.

Ndërkohë që grupi hetimor po vijon punën për zbardhjen e plotë të ketij rasti, identifikimin dhe kapjen e personave të tjerë të përfshirë në ngjarje.

NJOFTIMI I PLOTË: 

Policia e Shtetit

Parandalohet dhe goditet një tjetër tentativë për trafikim të drogave të forta. Parandalimi nga strukturat hetimore të DVP Shkodër, në bashkëpunim me strukturat e Policisë Kufitare Shkodër. Sekuestrohen rreth 17 kilogramë lëndë narkotike e dyshuar heroinë.

Më datë 26 qershor, strukturat hetimore të Drejtorisë Vendore të Policisë Shkodër, në bashkëpunim me strukturat e Policisë Kufitare të DVKM Shkodër, në bazë të informacioneve të marra në rrugë operative, bazuar dhe në analizën e riskut, kanë kaluar për kontroll në vijën e dytë, në pikën e kalimit kufitar Hani i Hotit, një kamion me targa shqiptare që po qarkullonte për në drejtim të Malit të Zi.

Për një kontroll më të specializuar, kamioni është shoqëruar në Portin e Durrësit, ku është kontrolluar nga Task Forca permanente e përbërë nga strukturat hetimore të DVP Durrës, Policia Kufitare e Portit Durrës dhe autoritetet doganore të Portit Durres, që veprojnë përherë në Port. Nga kontrolli i specializuar rezultoi se në kamion kishte të fshehur rreth 17 kilogramë lëndë narkotike të dyshuar heroinë.

Nga veprimet e para hetimore është arrestuar në flagrancë dretuesi i kamionit ku u gjet lënda narkotike. Grupi hetimor vijon punën për zbardhjen e plotë të ketij rasti, identifikimin dhe kapjen e personave të tjerë të përfshirë në këtë tentative për trafikim të drogave të forta.

The post Policia jep detaje për kapjen e heroinës: E pikasëm në Shkodër, por e dërguam në Durrës appeared first on Albeu.com.