Ekspertët këshillojnë që linqe të tilla të mos klikohen.

Të dhënat tregojnë se kërcënimi kibernetik është disafishuar gjatë vitit 2024 krahasuar me një vit më parë. Megjithatë lajm i mirë është fakti që parametrat e sigurisë dhe zbulimit janë rritur.

The post KUJDES! SMS mashtruese me link, ekspertët e IT: Mos e klikoni, hakerat ju vjedhin çdo gjë në telefon appeared first on Albeu.com.

Falë masave të sigurisë, sistemi i brendshëm i SPAK mbeti i pacënuar.

Sipas verifikimeve, ndërhyrja ka ndodhur vetëm në adresat e email-eve të disa prokurorëve dhe nuk ka prekur sistemin e përgjithshëm të IT-së të institucionit.

Pjesëmarrësit në këtë akt kanë arritur të marrin disa informacione, por nuk kanë siguruar akses në dosje hetimore.

Ata gjithashtu, kanë tentuar të ndërhyjnë në email-in e Drejtuesit të Prokurorisë së Posaçme, Altin Dumani, por pa sukses.

Pas një hetimi intensiv, me përfshirjen e Byrosë së Hetimit dhe Sektorit të Ekspertizës, janë identifikuar dhe arrestuar brenda 24 orëve dy individë: ai që ka realizuar ndërhyrjen në email-e dhe ai që ka shpërndarë informacionin tek persona të tretë. Gjithashtu, janë sekuestruar pajisjet e përdorura për këtë akt dhe skedarët e shkarkuar.

Prokurori i çështjes ka urdhëruar që informacionet e marra të mos publikohen për të ruajtur sekretin hetimor. Janë marrë në pyetje edhe individë të tjerë që mund të kenë lidhje me të arrestuarit dhe që kanë pasur akses në informacionet.

Në përfundim të hetimit të brendshëm administrativ, është konfirmuar se sistemi i përgjithshëm i IT-së nuk ka pësuar dëme dhe janë marrë masa shtesë për forcimin e protokolleve mbrojtëse. Deri tani, nuk ka prova që sugjerojnë se të arrestuarit kanë bashkëpunuar me personel të brendshëm të SPAK.

SPAK u shpreh se janë marrë të gjitha masat për mbrojtjen e dosjeve dhe të dhënave të ndjeshme, si dhe për ruajtjen e integritetit të infrastrukturës së institucionit. Hetimet vazhdojnë në kuadër të dyshimeve për ekzistencën e një grupi të strukturuar kriminal.

The post Hakerat tentuan të hyjnë në e-mailin e Dumanit/ SPAK: Sistemi i IT nuk u prek, janë marrë disa informacione … appeared first on Albeu.com.

Ditën e djeshme grupi i hakerave iraniane ‘Homeland Justice’ kanë sulmuar faqen e Insitutit Shqiptar të Statistikave.

Lajmi u konfirmuar edhe nga INSTAT, ndërsa theksohet se të dhënat e Censit nuk janë objekt i këtij sulmi, pasi janë të ruajtura në sisteme të tjera të dedikuara vetëm për këtë qëllim.

Sot ka reaguar dhe grupi i hakerave në Telegram, ku shprehen:  ISTAT është fshehtësi më i madh i së vërtetës. Tani kemi akses të plotë në mbi 100 Terabajt të të dhënave tuaja GIS dhe regjistrimit. Të dhënat janë kopjuar gjithashtu dhe hequr nga serverët. Do ta kthejmë Drejtësinë në atdheun tonë. Të gjitha statistikat janë kundër jush.

Pas hakerimit, webfaqja e INSTAT nuk është më e aksesueshme për qytetarët kur e kërkojnë në Google.

Nga fotot duket se janë marrë të dhëna sensitive siç është numri i llogarive bankare të punonjësve të administratës. Kanë publikuar nr personal, emër, mbiemër, nr tel, adrese e-maili, adrese banimi, IBAN.

The post “Do kthejmë drejtësinë në atdheun tonë”, hakerat për sulmin e INSTAT: Kemi akses të plotë, të gjitha statistikat janë kundër jush! appeared first on Albeu.com.

Në këtë artikull kthehemi pas në kohë në një vit plot zhvillime në këtë sektor duke rikthyer në kujtesë grupe dhe banda të rrezikshme të një bote online me dinamikë të lartë.

Hakeri përgjegjës për hakimin e Twitter dënohet me burg

Një herë e një kohë, Joseph James O’Connor ishte një prej hakerëve më të kërkuara në botë, jo vetëm nga autoritetet por edhe publiku kurioz që shikonte hakimet e tij të ekzekutoheshin në kohë reale.

O’Connor ishte anëtar i një grup hakerësh të thyen rrjetin social Twitter dhe abuzuan me mjetet e brendshme të administrimit dhe hakuar llogari të profilit të lartë të Twitter si Apple, Joe Biden dhe Elon Musk duke përhapur një mashtrim.

Twitter mori masa drastike për të larguar hakerët nga rrjeti i saj duke bllokuar përkohësisht 200 milionë përdoruesit nga postimi.

Një gjykatës i Nju Jorkut dënoi 24-vjeçarin me 5 vite burg, dy prej të cilave O’Connor i ka vuajtur në paraburgim.

Ish-inxhinieri i Amazon shpallet fajtor për hakimin e bursës kripto

Prokurorët federalë në SHBA akuzuan këtë vit një ish-punonjës së Amazon për hakimin e një bursa kripto dhe vjedhur miliona dollarë nga konsumatorët e saj. Çështja në plan të parë ngjante me një haker etik që kishte braktisur parimet e tij duke premtuar të rikthehen fondet kundrejt një shpërblimi.

Por në fund Shakeeb Ahmed u kap dhe në fillim të Dhjetorit sipas Departamentit të Drejtësisë pranoi fajësinë dhe rrezikon deri në 5 vite burg dhe 5 milionë dollarë dëmshpërblim viktimave.

Autoritetet Amerikane akuzojnë Mikhail Matveev si figurë qendrore e bandës së ransomware

Pse një shtetas Rus i akuzuar nga prokurorët Amerikanë për sulme me ransomware vendosi të djegë pasaportën e tij? Sipas hakerit të akuzuar, Mikhail Matveev, këtë veprim e bëri sepse qeveria Amerikane do të mund ta ekstradonte kudo që do të fshihej.

Prokurorët thonë se Matveev është një figurë qendrore në zhvillim dhe implementimin e varianteve Hive, LockBit dhe Babuk të ransomware të cilat ju kanë kushtuar përdoruesve dhe bizneseve miliona dollarë humbje. Besohet se Matveev jeton në enklavën Ruse të Kalingradit ku mbetet i fshehur ndaj autoriteteve.

Hakerët Koreano-Verior ishin të zënë duke vjedhur kripto për financimin e programit bërthamor

Hakerët e vendit diktatorial patën një axhendë mjaft të ngjeshur gjatë 2023 ndërsa godisnin portofolë kriptomonedhash dhe projekte madhore kripto me synimin e vetëm të vjedhjes së parave për llogari të regjimit dhe financuar program e sanksionuar nuklear.

Disa prej sulmeve nuk kishin të bënin drejtpërdrejtë me kompanitë kripto por ishte vetëm karremi që do të përdornin për të arritur objektivin final. 3CX tha se hakerët Koreano-Verior kishin thyer sistemet e saj dhe vendosur maluerë në një përditësim softueri i destinuar për konsumatorët kripto të saj.

Kompania e softuerit JumpCloud tha se ishte hakuar gjithashtu prej tyre, një përpjekje e hakerëve për të grumbulluar informacione rreth konsumatorëve kripto.

Njihuni me kontrolluesin e kartave që fajësohet për skemën masive të mashtrimit të kartave të kreditit

Autoriteteve ju desh më shumë se një dekadë por puna e tyre më në fund dha frytet e veta ndërsa identifikuan organizatorin e Try2Check, një operacion i kontrollit të kartave të kreditit me të cilën kriminelët kibernetikë mund të blinin numra kartash krediti për të identifikuar cilat ishin ende aktive. Kjo skemë i gjeneroi shtetasit Rus Denis Gennadievich Kulkov 18 milionë dollarë por edhe i siguroi një vend në listën e më të kërkuarve nga SHBA që ofron 10 milionë dollarë për çdo informacion rreth tij.

Kulkov mbetet në Rusi larg duarve të prokurorëve Amerikanë.

Bosi i krimit kibernetik arrestohet për hakim, mashtrim dhe abuzim me fëmijët

Një prej hakerëve të profilit të lartë dhe shitës i të dhënave të vjedhura, administratori i forumit BreachForums i njohur si Pompopurin, u arrestua nga FBI-ja në Nju Jork.

Në BreachForums shiteshin të dhënat e miliona njerëzve dhe kishte mëse 340 mijë anëtarë aktivë. Aq i fuqishëm ishte ky rrjet saqë Departamenti i Drejtësisë kërkoi rrëzimin saj. Operacioni çoi në arrestimin e 20-vjeçarit Conor Brian Fitzpatrick. Në fund arrestimi i tij nuk erdhi vetëm për shkak të krimeve kompjuterike por edhe të përfshirjes së tij në abuzimin e fëmijëve. Fitzpatrick ka pranuar fajësinë ndërsa dënimi i tij pritet të jepet në të ardhmen.

FBI godet bandën e maluerit Qakbot

Qakbot ishte një prej grupeve të hakimit më jetëgjatë dhe të profilit të lartë të dekadës së fundit dhe shërben si rruga kryesore e infektimit me ransomware të kompanive, organizatave dhe qeverive në mbarë botën.

Në kulmin e tij Qakbot kishte 700 mijë pajisje ku 200 mijë prej tyre ishin hakuar në SHBA. FBI-ja nisi operacionin Duck Hunt duke manipuluar pajisjet e Qakbot të shkarkonin një ç’instalues të krijuar nga FBI-ja dhe hequr maluerin prej tyre.

Operacioni u konsiderua një sukses i madh por infektimet e fundit të Qakbot sugjerojnë se është larg fundit të tij.

Hakeri adoleshent mbahet nën arrest për shkak të rrezikut që përbën ndaj publikut

Një haker i akuzuar për përfshirjen në grupin Lapsus$ do të mbahet nën mbikëqyrjen e doktorëve deri në momentin që ata thonë se ai nuk përbën më rrezik.

Bëhet fjalë për shqiptarin Arion Kurtaj, një adoleshent nga Oksfordi, i cili u dënua me qëndrim pa afat në spital në Dhjetor. Kurtaj ishte një prej hakerëve që goditën Rockstar Games, Uber, Nvidia dhe gjigantin Britanik të telekomunikimit EE. /PCWorld Albanian

The post 8 kriminelët kibernetikë më famëkeq të 2023 appeared first on Albeu.com.

Grupi ka njoftuar në Telegram se ka marrë dhe asgjësuar të dhëna deri në 2 petabajt (2 petabytes). Për njohësit e teknologjisë, kjo është ndër njësitë më të mëdha të matjes së të dhënave kompjuterike.

Për ta thjeshtësuar, të dhënat prej 2 petabajt që i vjedhur kompanisë celulare “One Albania” janë të njëjta me 500 miliardë fletë formati standarde të printuara.

“Misioni ka filluar (DDMC). Albanian Mobile Communications (AMC) u hakerua nga Homeland Justice. Injorimi i “paralajmërimeve tona humanitare” u kushtoi gjithë këtë politikanëve tuaj të korruptuar. Por mos u mashtroni. Kjo do të vazhdojë derisa ta pastrojmë plotësisht vendin tonë nga terroristët.

Në këtë operacion, të marra së bashku, u fshinë më shumë se 2 petabajt të të dhënave të rrjetit të telekomunikacionit dhe rrjetit të brendshëm të të gjitha kompanive të lidhura, dhe të dhënat e rëndësishme do të publikohen së shpejti! Ne kemi dashur vetëm të përcjellim një mesazh”, thuhet në njoftim.

Ky grupim hakerash, i njëjti me atë që sabotoi sistemet qeveritare të Shqipërisë një vit më parë, thotë se kompania celulare “One Albania” ka lejuar përmes shërbimeve të saj që muxhahedinët e MEK të kryejnë sulme kibernetike.

“Lejohet qasja në Terror-Telecom. MyOneAL, mbështetësi dhe ofruesi i fermës së trolleve të MEK dhe ekipeve të sabotimit kibernetik duhet të kishte mësuar më herët. Megjithatë, më mirë vonë se kurrë! Cyber Eagles e Homeland Justice fitojnë gjithmonë”, thuhet në njoftim.

The post Hakerat e “Homeland Justice” godasin “One Albania”, zhdukin të dhënat e shqiptarëve appeared first on Albeu.com.

Pas votimit ai ëhstë ndalur për mediat për t’iu përgjigjur interesit të gazetarëve.I pyetur për problemet me identifikimin elektronik në disa qendra, Berisha tha se deri në darke shqiptarët do të dëgjojnë çudira, ku do u thuhet se kanë ndëryrë hakerat iranianë.

“Pajisjet kanë patur në një përqindje jo të vogël mosfunksionim. Do dëgjoni në darkë se na kanë ndërhyrë hakerat ianianë, por në fakt janë hakerat shqiptarë”, tha Berisha.

The post Problemi me pajisjet elektronike, Berisha: Do dëgjoni çudira, do thonë kanë hyrë hakerat iranianë appeared first on Albeu.com.

Ministria e situatave emergjente të Moskës konfirmoi hakimin në një postim në Telegram këtë mëngjes.

Një alarm për sulm ajror u transmetua në vend të programeve të zakonshme.

“Ky informacion është i rremë dhe nuk korrespondon me realitetin”, tha ministria.

Njerëzve iu tha të strehoheshin menjëherë në rajonet e Moskës, Leningradit, Sverdlovsk dhe Belgorod gjatë hakimit që thuhet se zgjati rreth 10 minuta.

Nuk është hera e parë që transmetuesit rusë përballen me një hak të tillë.

Vetëm javën e kaluar, një alarm për sulm ajror u transmetua nëpër stacionet radiofonike ruse si rezultat i një sulmi kibernetik. /albeu.com

The post “Strehouni menjëherë”, hakerat sulmojnë televizionet dhe radiot ruse, sirena alarmi në disa rajone appeared first on Albeu.com.

“FBI është në dijeni të incidentit dhe po punon për të marrë informacion shtesë, ” tuhet në deklaratë.

Rrjeti televiziv amerikan CNN, i cili raportoi fillimisht lajmin duke cituar burime të brendshme, tha se zyrtarët e FBI besojnë se janë hakuar kompjuterat në zyrat e agjencisë në Nju Jork që u përdorën për të hetuar rastet e shfrytëzimit seksual të fëmijëve.

Aktualisht është e paqartë se kur ka ndodhur shkelja. Një burim i tha CNN se origjina është ende duke u hetuar.

Në dekadën e fundit, ka pasur disa sulme kibernetike ndaj shërbimeve amerikane, shkruan protothema.

Në fund të vitit 2020, zyrtarët zbuluan një operacion të gjerë të spiunazhit kibernetik në disa rrjete federale nga hakerë të lidhur me shërbimet e inteligjencës ruse.

Në vitin 2015, Zyra e Menaxhimit të Personelit (OPM) gjithashtu njoftoi se rrjeti i saj ishte hakuar dhe të dhënat e punonjësve federalë ishin vjedhur. Ai më vonë ia atribuoi sulmin hakerëve kinezë./Albeu.com/

The post Hakerat kanë thyer rrjetin kompjuterik të FBI-së në Nju Jork appeared first on Albeu.com.

“Sipas njohurive aktuale, duket se ka një numër mesatar treshifror të të prekurve në Gjermani,” tha Zyra Federale për Sigurinë e Informacionit (BSI) në Bonn me kërkesë të agjencisë së lajmeve dpa. Nuk mund të flitet ende konkretisht për shkallën e dëmit.

Të dielën, autoriteti italian i sigurisë kibernetike ACN kishte paralajmëruar tashmë për këtë valë sulmesh. Sulmi kibernetik paralizoi faqet e internetit të disa organizatave dhe institucioneve atje. ACN u ka kërkuar kompanive të ndërmarrin hapa për të mbrojtur sistemet e tyre.

Programi i hakerëve ka shfrytëzuar një të çarë sigurie

Sipas BSI, sulmet u përqendruan në Francë, Shtetet e Bashkuara, Gjermani dhe Kanada. Raportohet se janë prekur edhe vende të tjera. Në të ashtuquajturat sulme ransomware, hakerët hyjnë në sisteme, i vënë nën kontroll dhe shifrojnë të dhënat. Të dhënat më pas përgjithësisht kodohen dhe bëhen të arritshme vetëm pas pagesës së një shpërblimi.Sulmet kibernetike kanë si objekt përdoruesit e një zgjidhjeje të veçantë virtualizimi nga prodhuesi VMWare, i quajtur server ESXi, i cili ndan një server fizik në disa makina virtuale.

Sipas BSI, defekti i sigurisë në softuerin VMWare u mbyll në shkurt 2021 me një përditësim të programit. Autoriteti gjithashtu thuhet se paralajmëroi në atë kohë kundër shfrytëzimit të difekteve në produktin në fjalë.

Subjektet e të dhënave duhet të verifikojnë masat mbrojtëse

Rüdiger Trost, kreu i zgjidhjeve të sigurisë kibernetike në firmën e sigurisë së IT-së WithSecure, tha për dpa se në mbarë botën janë instaluar rreth 84.000 serverë me softuerin e prekur dhe rreth 7.000 prej tyre janë në Gjermani. Megjithatë, është e pamundur të thuhet se cilat janë ende të pambrojtur.

Eksperti kujtoi se difekti i sigurisë ishte zbuluar dhe mbyllur pak kohë më parë. “Ata që janë ende viktima duhet të kontrollojnë masat e tyre mbrojtëse”. E veçanta, sipas tij, është se në rastin aktual, sulmi nuk është drejtuar kundër softuerit Windows, por kundër një zgjidhjeje që funksionon në sistemin operativ Linux. “Shumë njerëz besojnë gabimisht se ransomware për Linux-in nuk ekziston dhe heqin dorë nga masat përkatëse mbrojtëse,” tha Trost./DW/

The post Një valë globale hakerash godet Gjermaninë appeared first on Albeu.com.

Dervishi me ironi shkruan se sado të përpiqen hakerat, ka një listë të gjatë sekretesh të cilat ata nuk do tëmund t’i publikojnë dit kurrë, ku ndër ato që rendit ëhstë lista e bashkëpuntorëve të shtetit, apo lista e pastrueseve të shtëpive të zyrtarëve të lartë.

Postimi i Dervishit:

Lista e sekreteve që nuk na e marrin dot.

Prej muajsh çdo  ditë të hënë hakerat iranianë bëjnë publike pothuaj çdo gjë, deri edhe llogaritë bankare të shqiptarëve, por sado të përpiqen hakerat ky vend do të mbaj disa sekrete që asnje agjenci i të ligje të nuk do të arrijë kurrë t’i shtie në dorë

Listën e 28 mijë dëshmorëve!

Listën e 84 viktimave të 4 shkurtit!

Listën e bashkëpunëtorëve të Sigurimit!

Listën e miqve shqiptarë të Mcgonigal

Listën e pastruesve të zyrtarëve të lartë!

Listën e investitorëve strategjikë.

Listën e patronazhistëve.

Listën e atyre që janë detyruar të shkarkojnë aplikacionin akt1visti.

Listën e pronarëve të kamerave të çmontuara nga policia.

Listën e këshilltarëve pa pagesë!

/AlbEu.com/

The post IRONIA/ Analisti “sfidon” hakerat: Këtë listë sekretesh nuk na e merrni dot appeared first on Albeu.com.