“Ajo është thjesht një shkaktare problemesh”, tha Trump, duke iu referuar aktivistes suedeze.

“Do të thuash që ajo nuk shqetësohet më për mjedisin, tani shqetësohet për këtë”?

“Ajo ka një problem me menaxhimin e zemërimit, mendoj se duhet të vizitojë një mjek”, vazhdoi Trump.

“Është shumë e zemëruar, është shumë e çmendur”.

Trump on Greta Thunberg: “She’s just a troublemaker. She’s no longer into the environment, now she’s into this? She has an anger management problem. I think she should see a doctor … she’s so crazy.” pic.twitter.com/G3v8CSA4Ty

— Aaron Rupar (@atrupar) October 6, 2025

Thunberg mbërriti në aeroportin e Athinës të hënën pasi u deportua nga Izraeli së bashku me një grup prej 135 anëtarësh të Flotiljes Globale Sumud, të cilët u arrestuan ndërsa lundronin drejt Rripit të Gazës me ndihma humanitare.

Me mbërritjen e saj në Greqi, Thunberg i tha shtypit se; “Izraeli po përpiqet të zhdukë një popullsi të tërë”, duke iu referuar banorëve të Gazës dhe palestinezëve.

“Mund të flas për një kohë të gjatë për keqtrajtimin dhe abuzimin që pësuam gjatë burgosjes sonë, por kjo nuk është historia”, vuri në dukje ajo.

The post Trump për Greta Thunberg pas deportimit të saj nga Izraeli: Ajo duhet të vizitohet nga një mjek, është e çmendur appeared first on Albeu.com.

Thunberg shoqërohet, ndër të tjera, nga aktorja amerikane Susan Sarandon, aktori i Game of Thrones, Liam Cunningham dhe Ada Colau, ish-kryetarja e bashkisë së Barcelonës, në atë që po quhet “misioni më i madh i solidaritetit” në histori.

Pjesemarresit vijnë nga 44 vende dhe do të lundrojnë nga katër porte të ndryshme – Barcelona, Sicilia, Greqia dhe Tunizia. Ky është konvoji më i madh që ka lëvizur ndonjëherë drejt Izraelit, me Tel Avivin që po përballet me sfida të mundshme jo vetëm në fushën diplomatike, por edhe në atë ushtarake.

Këtë herë, raportohet se Ben-Gvir synon t’i sugjerojë Netanyahut që të mos kufizohet vetëm në arrestime të lehta dhe deportime të shpejta, por në një taktikë penguese.

Të enjten, ministri thirri në zyrën e tij zyrtarë të lartë nga policia dhe shërbimi korrektues. Sipas Israel Hayom, pas takimit, u formulua një plan që do t’i vihet në dijeni kryeministrit, i cili parashikon që aktivistët të mbahen në burgje nën një regjim të ngjashëm me atë të terroristëve, në Kjiot dhe Damon (për gratë). Kjo do të thotë se ata s’do të kenë akses në televizion ose radio, nuk do të kenë ushqime cilësore dhe paraburgimi do të jetë i zgjatur, jo vetëm brenda natës.

Arsyetimi ligjor, siç u tha, bazohet në faktin se aktivistët do të përpiqen të hyjnë në një zonë të kufizuar ushtarake, ndërsa është planifikuar gjithashtu të mblidhen prova përmes fotografive të personave të lidhur me organizatat terroriste.

I njëjti plan përfshin sekuestrimin e anijeve me qëllim përdorimin e tyre nga policia si mjete operative për misione detare.

The post Izraeli përgatitet të fusë në burg Greta Thungerb, e akuzojnë si terroriste appeared first on Albeu.com.

Thunberg ishte një nga 12 personat që ndodheshin në bordin e anijes “Madleen”, e cila po transportonte ndihma humanitare për popullatën e prekur nga lufta në Gazë. Sipas Koalicionit të Flotiljes së Lirisë, organizatorëve të udhëtimit, anija u kap nga forcat detare izraelite të hënën në mëngjes, rreth 200 kilometra larg bregut të Gazës. Më pas, ajo u shoqërua nga marina izraelite dhe mbërriti në portin e Ashdodit të hënën në mbrëmje.

Aktivistët thanë se qëllimi i misionit ishte të protestonin kundër luftës në vazhdim dhe krizës së rëndë humanitare në Gaza. Nga ana tjetër, autoritetet izraelite deklaruan se anijet e tilla shkelin bllokadën detare të vendosur ndaj Gazës.

Ministria e Jashtme izraelite e cilësoi këtë udhëtim si një veprim për qëllime propagandistike, duke shkruar në rrjetet sociale: “Jahti ‘selfie’ i ‘të famshmëve’ po lundron i sigurt drejt brigjeve të Izraelit”.

The post Greta Thunberg deportohet nga Izraeli pas ndalimit të anijes me ndihma për Gazën appeared first on Albeu.com.

Aktivistja suedeze mori pjesë në një mobilizim të qindra njerëzve dhe u arrestua kur ajo dhe një grup prej rreth 100 personash tentuan të bllokonin autostradën A12. Kjo autostradë është bllokuar për orë të gjata më shumë se 10 herë gjatë muajve të fundit nga aktivistët që bëjnë thirrje për t’i dhënë fund të gjitha subvencioneve të karburanteve fosile.

Në mobilizimet e mëparshme, policia i kishte çuar protestuesit e arrestuar në një pjesë tjetër të qytetit, ku i kishte liruar pa pasoja të mëtejshme.

🇳🇱 Greta Thunberg é presa na Holanda após bloquear estrada durante manifestação ambientalista.

Ativista se uniu a outros manifestantes que pediam o fim dos subsídios aos combustíveis fósseis. pic.twitter.com/AmIWq6tqrI

— Eixo Político (@eixopolitico) April 6, 2024

The amazing ⁦@GretaThunberg⁩ arrested for the 2nd time at the peaceful demonstration in The Hague to demand an end to the criminal fossil subsidies. Greta is set apart from the rest and kept in a police van. #StopFossilSubsidies #A12blokkade #StopFossieleSubsidies pic.twitter.com/uYxpFw7SB4

— lucas winnips (@LWinnips) April 6, 2024

The post VIDEO/ Arrestohet aktivistja e klimës Greta Thunberg, shkak bllokimi i autostradës gjatë demonstratës appeared first on Albeu.com.

Një zëdhënës i policisë tha se nuk është e qartë se çfarë do të ndodhë me Thunbergun, e cila iu bashkua protestuesve javën e kaluar për të kundërshtuar zgjerimin e minierës, që është në pronësi të gjigantit të energjisë, RWE.

Policia, duke përdorur buldozerë largoi aktivistët nga ndërtesat që gjenden në këtë fshat – në të cilin kanë mbetur vetëm disa pemë dhe një tunel nëntokësor – fundjavën e kaluar, por protestuesit, përfshirë Thunberg, qëndruan duke vazhduar protestën.

Aktivistja Thunberg u arrestua teksa po protestonte pranë minierës së qymyrit Gazveiler 2, që gjendet rreth 9 kilometra nga Lytzerat. Ajo ishte ulur së bashku me një grup protestuesish pranë skajit të minierës.

Thunberg iu bashkua protestuesve të premten. Reuters raportoi se dëshmitarët kanë thënë se e kanë parë atë në një autobus të madh të policisë, pas arrestimit.

Policia kishte paralajmëruar aktivistët se do të përdorte forcën nëse ata nuk do të bashkëpunonin që të identifikoheshin.

“Greta Thunberg ishte pjesë e një grupi aktivistësh që u nis drejt skajit të minierës. Megjithatë, ajo u ndalua dhe u dërgua nga ne, së bashku me këtë grup, në një zonë ku nuk ka rrezik, dhe më pas ky grup u identifikua”, tha policia gjermane për Reuters, duke shtuar se një aktivist u hodh në minierë.

Thuberg u mor nga tre policë që e larguan nga skaji i minierës, ku paraprakisht kishte qëndruar e ulur së bashku me grupin e aktivistëve.

Të shtunën, më 14 janar, aktivistja nga Suedia iu adresua afër 6.000 protestuesve që marshuan drejt Lutzeratit. Ajo tha se zgjerimi i minierës është “tradhti e gjeneratës së tanishme dhe të ardhshme”.

“Gjermania është një prej ndotëseve më të mëdha në botë dhe duhet të mbahet përgjegjëse”, tha ajo./rel/

The post Aktivistja e famshme për klimën arrestohet gjatë një proteste në Gjermani appeared first on Albeu.com.

Disa mijëra vetë, mes tyre edhe aktivistja e njohur e klimës, Greta Thunberg dhe aktivistja gjermane, Luisa Neubauer protestuan të shtunën (14.01.) për mosprishjen e fshatit Lützerath dhe ndalimin e nxjerrjes qymyrit në zonë. Aktivistja suedeze, Greta Thunberg akuzoi Gjermaninë, se “është një nga mëkataret më të mëdha të klimës në botë”. Ajo bëri thirrje për vazhdimin e rezistencës. Që të premten ajo kishte bërë thirrje në Lützerath kundër prishjes së fshatit dhe nxjerrjes së qymyrit nga koncerni energjitik, RWE. “Nëse qeveritë dhe koncernet shkatërrojnë mjedisin, (…) njerëzit mbrohen”, tha Thunberg.

Greta Thunberg

Protesta e aktivistëve të klimës filloi paqësisht, por më vonë sipas të dhënave të policisë, u hodhën mjete piroteknike. Më pas pati përplasje dhe disa aktivistë arritën të thyenin kordonin policor dhe të hynin në zonën ku nxirret qymyri, Garzweiler II.

Kryeministri i landit NRW, Hendrik Wüst (CDU) dhe ministrja e Bujqësisë së landit, Mona Neubaur (Të Gjelbrit)  e mbrojtën planin për prishjen e fshatit, duke theksuar, se ky bëhet mbi bazën e një ujdie mes federatës dhe landit me koncernin energjitik. Kjo ujdi ka anën tjetër daljen nga energjia e qymyrit në vitin 2030. Ministri gjerman i Ekonomisë, Robert Habeck, kishte bërë të ditur para disa ditësh se qymyri nën Lützerath nevojitet për sigurinë energjitike në këto kohë krize./DW/

 

The post Përplasje mes policisë dhe demonstruesve në Gjermani appeared first on Albeu.com.

“Komuniteti ndërkombëtar duhet të bëjë më shumë për të trajtuar tragjedinë e pabarazisë në përhapjen e vaksinave,” tha 18-vjeçarja e cila u bë e famshme për betejat e saj kundër ndryshimit të klimës.

“Ne kemi mjetet në dispozicion për të korrigjuar çekuilibrin e madh që ekziston sot në botën e luftës kundër Covid-19. Ashtu si me krizën mjedisore, ne së pari duhet të ndihmojmë ata që janë më të prekshëm,”shtoi ajo.

Edhe drejtori i përgjithshëm i OBSH-së, Tedros Adhanom Ghebreyesus e vlerësoi gjestin si një shembull për tu ndjekur nga të gjithë.

“Greta Thunberg ka frymëzuar miliona njerëz në të gjithë botën për të ndërmarrë veprime për të trajtuar krizën e klimës dhe mbështetjen e saj të fortë për barazinë e vaksinave për të luftuar pandeminë Covid-19 tregon edhe një herë angazhimin e saj për ta bërë botën tonë një vend. Më e shëndetshme, më e sigurt dhe më e drejtë Unë e nxis bashkësinë globale të ndjekë shembullin e Gretës dhe të bëjë çfarë të mundet, në mbështetje të Covax, për të mbrojtur njerëzit më të prekshëm në botë nga kjo pandemi “, shtoi Adhanom.

The post Aktivistja 18 vjeçare, Greta Thunberg dhuron 100 mijë euro për programin Covax appeared first on Albeu.com.