Koncerti i tij u mbajt mbrëmjen e djeshme në “Festën e Birrës” në Korçë, ku u shënua dhe një incident. Një person hodhi gaz lotsjellës, dhe më pas u ndalua nga policia.

Në reagimin e tij, Rama shkruan se, askush nuk e dha asnjë provë të vetme për ta justifikuar histerinë mesjetare, fashiste e të turpshme kundër një këngëtari, duke e cilësuar si një nga muzikantët më të jashtëzakonshëm në Ballkan.

Postimi i plotë i Ramës:

Një gazetare e mirënjohur shqiptare e Kosovës, e cila respektohet ndërkombëtarisht dhe kontribuon për tribuna prestigjoze të shtypit botëror, e tha shumë troç se Goran Bregoviçi nuk ka asnjë lidhje, me asnjë prej të zezave që iu faturuan nga zjarrnxitës mendjefikur, sa në Prishtinë dhe sa në Tiranë.

Por muzikanti i famshëm nga Sarajeva, me baba kroat, nënë serbe dhe grua muslimane boshnjake, u kthye në një “kriminel serb” që duhej djegur në zjarret e gushtit shqiptar, pavarësisht se as serb nuk është përveç të tjerash. Paçka se Bregoviçi nuk ka thënë asgjë kundër shqiptarëve, nuk i ka kënduar asfare masakrave të regjimit të Millosheviçit dhe nuk ka qenë gjëkundi mbështetës i atij regjimi as me fjalë as me vepra, e vërteta as që kishte rëndësi. Rëndësi kishte zjarri i politikës qorre, e cila krijon armiq, ushqehet armiqësisht dhe jeton për armiqësinë – thënë aq bukur nga një prej zjarrnxitësve mendjefikur, “Më pëlqen ta dëgjoj Bregoviçin, po nuk shoh dot me sy Edi Ramën!”.

Askush, hiç askund, nuk e dha asnjë provë të vetme për ta justifikuar histerinë mesjetare që shpërtheu kundër një muzikanti nga më të jashtëzakonshmit e Ballkanit. Ishte një histeri fashiste, e turpshme per qytetarinë europiane të shqiptarëve, për historinë dhe për traditën tonë po ashtu, e cila fatkeqësisht nuk dallonte aspak nga histeritë linçuese të grupeve fashiste kudo në botë.

Ku ndryshojnë për shembull ata që në Serbi i hakërrehen me fjalorin më të ndyrë Dua Lipës në rrjetet e saj sociale, vetëm pse ajo është një shqiptare krenare e Kosovës, e cila del mbështjellë me të dy flamujt e shteteve tona, me ata që iu hakërryen me shqipen më të ulët në rrjetet tona sociale Goran Bregoviçit, duke e trajtuar si një kriminel lufte e duke i mveshur faje që ai nuk i ka bërë vetëm se ai këndon serbisht?

Ndryshojnë vetëm në faktin se të parët shajnë e mallkojnë serbisht, ndërsa të dytët sharjet e mallkimet i lëshojnë në shqip. Të dyja palët i përkasin besnikërisht kategorisë së ulët njerëzore të urrejtësve të verbër, te cilës kjo botë i ka parë vetëm sherrin, kudo e kurdo që ajo ka arritur të imponojë mbi shoqërinë verbërinë e vet./albeu.com

The post Incidenti në koncertin e këngëtarit serb, reagon Rama: Histeri fashiste, Bregoviç është muzikant i mrekullueshëm appeared first on Albeu.com.

Artistë e emra të njohur të ekranit shqiptar dolën kundër ardhjes së tij e madje u menduan dhe plane për prishjen e koncertit. Gjithsesi Bashkia e Korçës këmbënguli dhe Goran Bregoviç mbajti mbrëmjen e djeshme koncertin e tij të parë në Shqipëri.

Siç pritej koncerti i artistit serb nuk kaloi pa trazira dhe gjatë performancës së tij u lëshuan kapsolla e gaz lotësjellës.

Por Bregoviç ka bërë vetëm pak orë më parë reagimin e parë pas koncertit në Korçë dhe ka shpërndarë një video në Instagramin e tij ku publiku këndon bashkë me artistin dhe duket sikur po dëfrehen e kalojnë mjaft mirë./albeu.com/

The post Plasën kapsolla e gaz lotësjellës, Bregoviç reagon për herë të parë pas koncertit në Korçë (VIDEO) appeared first on Albeu.com.

Sipas policisë i riu i cili është dënuar më parë për trafikim të lëndëve narkotike dhe trafiqe të paligjshme ka hedhur kapsolla lakrimogjene, me qëllim cënimin e rendit dhe sigurisë publike.

NJOFTIMI I POLICISË:

 Hodhi kapsolla lakrimogjene gjatë Festës së Birrës, vihet në pranga autori i dyshuar i ngjarjes, me precedent të mëparshëm penal në fushën e krimeve kundër rendit, sigurisë publike dhe pronës. procedohet penalisht edhe 1 shtetas tjetër, që kundërshtoi punonjësit e policisë gjatë shoqërimit të autorit të dyshuar.

Në vendngjarje u sekuestrua një kapsollë e paplasur.Arrestohet edhe një 26-vjeçar për prodhim dhe shitje të narkotikëve.Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit Redon Leka, 21 vjeç, banues në Tiranë (me precedent të mëparshëm penal në fushën e prodhimit e shitjes së narkotikëve, trafiqeve të paligjshme dhe krimeve kundër pronës) si edhe filluan procedimin penal për shtetasin F. K., 33 vjeç, banues në fshatin Xeng, Lushnjë.

Më datë 22.08.2021, gjatë Festës së Birrës, 21-vjeçari Redon Leka, ka hedhur kapsolla lakrimogjene, me qëllim cënimin e rendit dhe sigurisë publike në aktivitet, por menjëherë u kap nga shërbimet e policisë duke bërë që ky veprim të mos cënonte mbarëvajtjen e aktivitetit i cili u mbyll sipas programit. Gjithashtu nuk influencoi as në pjesëmarrjen e publikut.Gjatë shoqërimit të shtetasit Redon Leka, për në ambientet e Komisariatit, shtetasi tjetër F. K., ka kundërshtuar forcat e policisë, me qëllim pengimin e tyre në kryerjen e detyrës.

Në vendngjarje u gjet e sekuestrua në cilësinë e provës materiale 1 kapsollë detonatore e paplasur.Nga ana e Policisë po punohet për dokumentimin e plotë dhe vënien para përgjegjësisë ligjore të personave të tjerë që mund të jenë përfshirë në këtë ngjarjeGjithashtu po nga këto struktura, u bë arrestimi në flagrancë i shtetasit Kent Çeka, 26 vjeç, banues në Durrës, pasi në Terminalin e Autobusave, gjatë kontrollit fizik të ushtruar, iu gjet e sekuestrua në cilësinë e provës materiale një sasi e vogël me lëndë të dyshuar narkotike kanabis.Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme. /albeu.com/

The post Hodhi kapsolla e gaz lotësjellës në koncertin e Bregovic, e pëson keq 21-vjeçari i “rrezikshëm” appeared first on Albeu.com.

Gjithashtu nuk ka munguar edhe një reagim në lidhje me fushatën për bojkotimin e festës për shkak të pranisë së këngëtarit serb, Goran Bregoviç.

Bashkia shkruan se, Korça dhe korçarët nuk i kanë harruar vuajtjet, por thjesht po refuzojnë me dinjitet e mençuri të bien në grackën e instrumentalizimit politik

Postimi në Facebook

KORÇA që këndon DUA MË SHUMË SHQIPËRINË

Po afrohen ditët e Festës së Birrës në Korçë, ditët e gjallërisë, gëzimit dhe rekordit të vizitorëve që zgjedhin të shijojnë magjinë e Korçës dhe festën.

Ka 15 vite që Festa e Birrës tejmbush hotelet, baret, restorantet, rrugicat e bulevardet e Korçës duke u bërë promotori i një filozofie të tërë zhvillimi për turizmin dhe ekonominë lokale që nisi nga Korça e u hap me shpejtësi në gjithë Shqipërinë.

Njerëzit në këtë festë i bën bashkë muzika, dëshira për ta festuar e gëzuar jetën dhe magjia e Korçë që bën krenare vendasit e mahnit vizitorët nga brenda e jashtë Shqiperisë.

Korça i ka të gjitha!

Sharmin e një qyteti europian, kulturën dhe mikpritjen e shkëlqyer të banorëve të saj, historinë, artin, muzikën, kulinarinë, ajrin e freskët edhe në verën përvëluese.

Ka edhe Festën e Birrës dhe shumë festa të tjera që bëjnë bashkë mijëra korçarë e vizitorë për t’iu gëzuar jetës, harmonisë dhe mrekullisë që Korça fal.

Korçarët me të drejtë janë krenarë e të vetëdijshëm për atë që Korça i ka dhënë e vazhdon t’i japë Shqipërisë.

Që nga fjalët e himnit te flamurit, mësonjëtoren e parë të shkronjave shqipe, Bandën Vatra, Korin Lira, filantropët, patriotët dhe intelektualët e shquar që edhe në mërgim punuan deri sa mbyllën sytë për Korçën dhe Shqipërinë.

Korça e shkëlqimit të Rilindjes Kombëtare, Korça e trimërisë së luftës për atdhe, Korça e mikpritjes bujare e të pakursyer të vëllezërve shqiptarë të Kosovës gjatë luftës, Korça që ka kryekëngë “Dua më shumë Shqipërinë”, Korça me banorë nga minoritete, etni kulturore e fe të ndryshme, në harmoni perfekte me njëra-tjetrën, ka qënë e vazhdon të jetë drita e patriotizmit, kulturës, tolerances dhe modelit të shkëlqyer të një lokaliteti të civilizuar me vlera të rralla që bëjnë krenar çdo korçar e shqiptar.

Përpjekjet e ditëve të fundit për të dëmtuar imazhin e Korçës dhe korçarëve janë thjesht pjesë e një skenari që nxit përçarje e konflikt, për të trazuar ujërat e për të nxehur gjakrat me të pabëra e të pathëna.

Korçarët nuk janë të pandjeshëm ndaj dhimbjes e vuajtjeve të mëdha të njerëzve të gjakut e kombit të tyre! Përkundrazi!

Korça dhe korçarët thjesht po refuzojnë me dinjitet e mençuri të bien në grackën e instrumentalizimit politik të një feste ku në vite kanë kënduar këngëtarë nga Shqipëria, Kosova, Maqedonia, Greqia, Hollanda, Suedia, Anglia, Italia, Franca, SHBA dhe tani po vjen të këndojë edhe një këngëtar serbo-kroat i lindur në Bosnjë.

E ka mirëpritur çdo cep i botës muzikantin ballkanas që kë kapërcyer prej vitesh kufijtë e Ballkanit, e ka mirëpritur edhe Tirana në 2006.

Të pandjeshem janë ata që hedhin gurin e ndasive dhe fshehin dorën që prek koren e plagëve të vëllezërve shqiptarë të Kosovës duke shpifur, trilluar e manipuluar e deri duke vënë në gojën e drejtuesve të bashkisë fjalë të pathëna për t’i fryrë zjarrit të ndezur po prej tyre dhe për të fyer sakrificat e shqiptarëve për liri.

Por ata harrojnë se Korça dhe korçarët kanë qënë e do të jenë gjithmonë ne anën e dritës!

Le të festojmë së bashku me kulturë e qytetari!

Le t’i kendojmë dashurisë, atdheut, harmonisë dhe vlerave njerëzore.

Kështu e DUAM MË SHUMË SHQIPËRINË!/albeu.com

The post Bashkia Korçë për fushatën kundër Bregoviç: S’i kemi harruar vuajtjet e kombit, por thjesht refuzojmë të biem në grackën e instrumentalizimit politik appeared first on Albeu.com.

Në një deklaratë për media, sipas PD-së së Korçës, festa e birrës gjithmonë ka bashkuar njerëz, ndërsa tani po i ndan. Ndërkohë a kërkuar shkarkimin e funksionarëve dhe që institucioni i Bashkisë së Korçës të distancohet.

DEKLARATA NGA PD E KORÇËS

Deklarata dhe reagime ka pasur prej disa ditësh sa i përket organizimit të Festës së Birrës në qytetin e Korçës, shqetësimeve të artistëve dhe qytetarëve të shumtë i janë bashkuar edhe familjarët e viktimave të genocidit serb. Festa e birrës e cila tradicionalisht bashkonte qytetarët ka vite që është kthyer në ndarëse dhe përçarëse. Ky organizim nga Bashkia Korçë u bënë vite me rradhë që me zhvendosjet, klientelizmin dhe paratë publike shpërblehen bizneset e lidhura me Peleshin dhe miqtë e tij.

Ky organizim publik që nga organizatohet me paratë e taksave të qytetarëve të Korçës, shfrytëzohet nga Peleshi për përfitime direkte. Çmenduria shkon deri aty sa për të kaluar në ambjente publike duhet të paguash 10 mijë lek. Për të vazhduar deri në fund skandalin N/kryetarja e Peleshit ka deklaruar per mediat se shqiptaret nuk janë trima, ata janë trima vetëm në FB, e vazhdon perçmimin ndaj shqiptarëve Benila Terova.

Abuzimi, përçmimi dhe tallja me cinizëm ndaj vlerave të shqiptarëve është tejkalim i çdo kufiri. PD dega Korçë kërkon shkarkimin e menjëhershëm të funksionarëve servilë dhe distancimin e institucionit të bashkisë Korçë nga këto deklarata të turpshme. Deklarata të tilla nuk përfaqësojnë vlerat e qytetarëve korçarë dhe vendit tonë. Ne distancohemi dhe përbuzim çdo nënçmim për qytetarët./albeu.com

The post Bregoviç në “Festën e Birrës”, PD e Korçës: Organizimi dikur i bashkonte njerëzit, tashmë po i ndan appeared first on Albeu.com.

“Tregohu burrë nji here në jetë e mos na lëndo ma shumë. Mos na i qit krip plagës. Unë jam vet artist, e misioni i artistit është me ndjellë paqe përmes artit, por ky rast asht krejt ndryshe dhe ju e dini pse!”, shkruan Ramë Lahaj ndër të tjera.

Postimi i plotë i tenorit

Edi Rama po të drejtohem në emnin e të gjithë kosovareve, anulo Goran Bregoviqin!

Ai dhe kangët e tij që ishin himni i çetnikëve serb për të prerë fëmijët, nanat, motrat, vëllezërit e baballarët tanë nuk mund t’ jene në Shqipni për të festuar në festen e birrës. Zgjidh ke të duash nga artistet me mua në krye, ani pse nuk këndoj në festa birrash, por po të vij unë dhe gjithë koleget pa asnjë lloj detyrimi, me festu së bashku me muzikën tone të bukur shqipe. Po jo me atë që neve na i prenë fëmijët në djep . Tregohu burrë nji here në jetë e mos na lëndo ma shumë. Mos na i qit krip plagës. Unë jam vet artist, e misioni i artistit është me ndjellë paqe përmes artit, por ky rast asht krejt ndryshe dhe ju e dini pse! E sa i përket renditjes se kush erdh i pari e kush i mrami kur Shqipninë e dridhi tërmeti, n’ ketë punë renditja asht krejt e pa ransishme! Shipnija asht bo sofra e shtrati jone at‘here kur çetniket serb me kangët e Goranit na i ka permys e djegë shpiat e baballarëve. Mos i rafte kurrë Shipnisë me u provu në të keq, se t’ madh e t’ vogël aty na ka. T’ paret!

Thuaj jo Bregoviqit z. Kryeministër!

Shipnisë nuk i ka hije me bo dasem me dajre t’ çetnikëve.

The post “Tregohu burrë një herë në jetë”, tenori i famshëm shqiptar i drejtohet Ramës për Goran Bregovic appeared first on Albeu.com.

Por e njëjta nuk ka ndodhur me emrat e njohur nga skena muzikore në Tiranë.

Lista përfshin nga tre “muskutjerët”, Aleksandër Gjoka, Elton Deda, Redon Makashi deri tek Vikena Kamenica. Pjesë do jenë edhe Kamela Islamaj, Devis Xheraku, Endri dhe Stefi Priftie Orgesa Zaimi.

 

View this post on Instagram

 

A post shared by Festa e Birrës ? (@festaebirreskorce)

Bregoviç nuk do të këndojë falas për popullin shqiptar më 22 gusht. Bileta për ta parë atë do të jetë 10 mijë lekë të vjetra (ose një mijë lekë të reja). Pozicioni për këtë çmim është në largësi të skenës ndërsa afër saj nuk dihet ende sa mund të jetë çmimi.

Ardhja e Bregoviç-it në Shqipëri është kundërshtuar nga pjesa më e madhe e artistëve dhe personave publik e të thjeshtë pasi mendojnë që arti po ‘përzihet’ me politikë, por Bashkia e Korçës është shprehur se tashmë kontratat janë mbyllur të gjitha. Goran Bregoviç do të këndojë para shqiptarëve në natën e fundit të këtij eventi.

The post Asnjë nga Kosova, zbulohet lista e këngëtarëve që do “ndajnë” skenën me Goran Bregoviç appeared first on Albeu.com.

Bëhet fjalë për Shemsi Krasniqin nga grupi “Ilirët”, i cili përmes një deklarate publike ka dhënë arsyet e tërheqjes nga ky event

“Unë e kam menduar se kjo ka lidhje me art, por po e shoh që kjo nuk ka lidhje fare me art. Këtu kam gabuar pak dhe e pranoj gabimin tim se unë jam muzikant, nuk jam politikan. Kjo ka marrë një konotacion politik dhe unë kam vendosur që për këtë shkak të tërhiqem nga ky event”, është shprehur ai.

Më tej, Shemsi ka deklaruar se ka dashur të këndojë për publikun shqiptar pasi ishte hera e parë që do të performonte në qytetin e Korçës, por ka zgjedhur të respektojë vendimin e masës.

“Kam pas dëshirë të flaktë të shkojë në Korçë, se nuk kam kënduar kurrë në Korçë. Kam dashur ta këndojë atje këngën “Xhamadani vija vija”, këngën e Adem Jasharit. T’ja këndoj masës, por për shkak të krejt rrethanave që kanë ndodh unë nuk do të shkoj në Korçë”, ka theksuar ai.

The post I vetmi që kishte mbetur, këngëtari kosovar lajmëron anulimin e pjesmarrjes në Korçë me Goran Bregoviç (VIDEO) appeared first on Albeu.com.

 

View this post on Instagram

 

A post shared by Goran Bregović (@goran_bregovic_official)

Ky lajm nuk u prit aspak mirë nga shqiptarët, sepse Bregovic është konsideruar si frymëzues e idhull i ushtrisë vrastare serbe gjatë luftës në Kosovë sidomos me këngën “Kalashnikov”.

Po ashtu edhe dy super artistët shqiptarë, Capital T dhe Dafina Zeqiri kanë lajmëruar disa ditë më parë që për shkak të ardhjes së Bregovic-it, do të anulojnë performancën e tyre në këtë festë.

Pavarësisht të gjithave, Bregovic do të vijë në Shqipëri për të performuar më 22 gusht nga ora 21:00 dhe madje është bërë i ditur dhe çmimi i biletave, të cilat kushtojnë 8 euro (një mijë lekë të reja).

Ky çmim i biletave vlen vetëm për pjesëmarrësit që janë në zonën poshtë skenës, ndërsa për personat që do të jenë më afër këngëtarit nuk dihet ende sa do të jetë shuma.

The post Goran Bregovic konfirmon pjesëmarrjen në festivalin në Korçë: Sa kushton bileta appeared first on Albeu.com.

Gazetarja Una Hajdari, shqiptare e Kosovës që ka raportoruar për një kohë të gjatë çështjet e Ballkanit Perëndimor për mediat më të mëdha si “New York Times”, ka reaguar në twitter për akuzat ndaj këngëtarit Goran Bregovic, akuza sipas të cilave ai ka frymëzuar me muzikën e tij, sulmet dhe masakrat serbe mbi Kosovën.

Sipas Hajdarit, Bregovic nuk ka shkruar kurrë muzikë e tekste me retorikë urryese mbi Kosovën, e as ka frymëzuar dhunën e ushtarëve serbë mbi shqiptarët.

Reagimi i plotë:

Ndryshe nga njerëzit që në të vërtetë shkruan muzikë duke bërë thirrje për masakra, Goran Bregovic nuk e bëri këtë. Mediat kosovare që pretendojnë se ushtria/policia serbe dëgjoi muzikën e tij, kjo nuk do të thotë se ai frymëzoi masakra.

Ai është një qenie njerëzore e vetëkënaqur që i pëlqen të jetë në marrëdhënie të mira me të gjithë, nuk i kupton vërtet markat tregtare ose të drejtën e autorit dhe natyralizon muzikën rome. Por ai nuk bëri thirrje për masakra.

Kjo më kujton një incident edhe më zemërues, kur Zdravko Çoliç u ngacmua edhe nga mediat kosovare para se të performonte në Tiranë në vitin 2014. Zdravko Çoliç është standardi i artë i një muzikanti që nuk promovoi dhe nuk promovon muzikë apo besime nacionaliste…

Kosovarët duhet të ndalojnë policimin e Shqipërisë se si duhet të lidhet me artistët nga ish -Jugosllavia, veçanërisht ata si Colic, të cilët mund të kënaqen duke e ditur se ata kurrë nuk promovuan retorikë urryese.

Në përgjigje të kërkesës popullore, artistët që shkruan këngë për të frymëzuar masakrat gjatë konfliktit në Jugosllavi: Baja Mali Knindza, Thompson, Ceca, Rade Jorovic, Lepi Mica, etj. Dhe një përmendje për Emir Kusturica si një kineast që ka retorika më të neveritshme.

Birra Peja njoftoi se po tërhiqet nga festivali i birrës në Korçë. Mjaft interesante, Korça dhe Peja janë ndoshta dy nga birrat më të njohura në Kosovë dhe Shqipëri – kështu që patriotizmi juaj mund të vijë me një qasje të strategjisë së marketingut.

The post Gazetarja reagon për akuzat ndaj këngëtarit serb: Goran Bregovic nuk frymëzoi kurrë masakrat! appeared first on Albeu.com.