Policia thotë se për këtë arsye, është nisur drejt vendit të ngjarjes, duke e vënë në pranga të riun.

Njoftimi:

“Si rezultat, është vënë në pranga autori i dyshuar i rastit, shtetasi L. D., 39 vjeç, i cili gjithashtu, gjatë shoqërimit në ambientet e Policisë, ka kanosur dhe kundërshtuar, për shkak të detyrës, punonjësit e Policisë”, njoftoi policia.

The post Ndodh edhe kjo, i shkuan për ndihmë, 39-vjeçari godet shërbimet e urgjencës në Durrës appeared first on Albeu.com.

Rama: Ja urdhëro më vjen shumë mirë që ka mbetur në Instagram, ai moment sepse është momenti që ndan kush është këtu me shpirt me zemër, si ata trajnerët te vija e bardhë që luftojnë për skuadrën, që i bien kokës me grusht kur skuadra nuk bën golin dhe nga ana tjetër mu kujtua oguri i mirë i asaj sëpatës.

Kështu ma nxorën edhe sëpatën për ti thënë shqiptarët shiko se ky është i rrezikshëm, mos votoni këtë, por shqiptarët iu dhanë përgjigjen.

Rrofshi që e nxorët këtë se këtu kush nuk nxehet me telefonin, por këtu nuk është punë telefoni, por punë pasioni, për Shqipërinë, për drejtësinë, për demokracinë, për Evropën këtu në Shqipëri.

The post VIDEO/ Goditi tavolinën, reagon Rama: Është punë pasioni, kështu më nxorën edhe videon me… appeared first on Albeu.com.

Berisha falenderoi qytetarët për mbështetjen.

FJALA E BERISHËS:

Të dashur qytetarë që ndiqni dhe merrni pjesë sot në këtë bisedë timen me ju nëpërmjet rrjeteve sociale, së pari dëshiroj t’u përshëndes përzemërsisht dhe t’u falenderoj me mirënjohjen më të madhe për ndjekjen e bisedës dhe mbështetjen tuaj.

Së dyti, kam kënaqësinë që sot bisedoj në një kohë kur pas bisedës së mëparshme gjer sot kanë ndodhur ndryshime të rëndësishme.

Kanë ndodhur ndryshime në kahje shumë të favorshme për lirinë, për dinjitetin, për vlerat universale të individit dhe shoqërive të lira në mbarë botën.

Nuk mohohet se rikthimi i presidentit Donald Trump në Shtëpinë e Bardhë shënon një fitore të madhe për vlerat konservatore në SHBA, por për vlerat konservatore në mbarë botën, për ata të cilët iu besojnë dhe i kanë të shtrenjta, të çmuara këto vlera.

Një dallgë marksiste që sundoi apo kulmoi katër vitet e fundit në SHBA, theu qafën në kuptimin që ajo u hodh poshtë në mënyrë plebishitare nga zgjedhësit, qytetarët amerikanë dhe fatmirësisht pas disfatës së flamurmbajtësve të kësaj dallge, sot po lexoja se shumica dërrmuese e mbështetësve të zëvendëspresidentes Harris po rikthejnë mbështetjen e tyre për presidentin Trump.

Në këtë mënyrë unë besoj se çdo njeri i mirë beson në vlerat konservatore si vlerat më të mira. Ka pasur një rast të festojmë këtë fitore.

Por dy herë më shumë shqiptarët, opozita shqiptare, sepse këto vite, kjo opozitë u përball jo vetëm me narkoshtetin e vetëm dhe të parë në Europë, por për fat të keq u përball me grushtin e shtetit të organizuar kundër saj si forcë konservatore nga e majta amerikane, nga Xhorxh Soros dhe qëndrat që ai ndikonte, lobonte.
Kështu që kjo ishte një periudhë trevjeçare shumë e vështirë për opozitën, por edhe për qytetarët shqiptarë.

Në përpjekje të paimagjinueshme, vendi i madh i lirisë që kishte bërë më shumë se kushdo tjetër për lirinë e shqiptarëve, ndërmori përpjekjet, masat më absurde, më antidemokratike vetëm e vetëm që të shndërronte opozitën shqiptare në një shtojcë të narkodiktatorit Edi Rama.

Njerëzit flasin me të drejtë sepse e kanë dëgjuar dhe e dinë sanksionimin e Sali Berishës, por qindra prej jush u sanksionuan vetëm për mbështetjen që i jepni Sali Berishës, mbështetjen që i jepni të vërtetës.

Kështu që kjo dallgë, që për fatin më të keq kësaj here vinte nga përtej Atlantikut, theu qafën, do të përdor një term shqiptar, në brigjet e Atlantikut përsëri.

Amerika u rikthehet vlerave. Ata u përpoqën të tjetërsojnë individin, identitetin e njeriut, ata morën ndëshkimin që meritonin nga qytetarët amerikanë.

Mos harroni se kjo zëvendëspresidente shndërroi në politikat e saj shtetërore ndryshimin e gjinisë njerëzore dhe perversitete të tjera, rrënimin e familjes, shndërrimin e prindërve në numra.

Pra, tejkaloi edhe parashikimet marksiste të kohës me këto idera.

Në këtë kontekst, Amerika shpëtoi nga vota e qytetarëve, por edhe ndikimi i saj kulturor, Amerika është një superfuqi kulturore në botë, një agresion i vërtetë kulturor merr fund me rikthimin në Shtëpinë e Bardhë të Donald Trump.

Natyrisht të dashur miq, beteja për ne zhvillohet në Shqipëri dhe këto zhvillime janë një motiv edhe më i madh për ju që mbrojtët në kushte shumë të vështira të një presioni të paimagjinueshëm, brenda dhe jashtë vendit, vlerat që besoni, sot duhet të ngriheni përsëri në një nivel më të lartë se ç’jeni për mbrojtjen e tyre, triumfin e tyre në Shqipëri.

Sepse nëse perandoria e Sorosit mori një goditje fatale në SHBA, ajo qëndron në këmbë me të gjithë dhëmbët dhe fuqinë në Shqipëri.

Unë kam besim se mosbindja civile është rruga më e sigurt dhe e vetme fitimtare në betejën kundër saj.

The post Ish-kryeministri Berisha: Festojmë fitoren e Trumpit, sepse opozita shqiptare u godit nga e majta amerikane dhe Sorosi appeared first on Albeu.com.

Këlliçi ka theksuar se me vendosjen e Erion Veliajt, Elisa Spiropalit dhe Ogerta Manastirliut, si drejtues politikë të PS në Qarkun e Tiranës, Edi Rama, ka zgjeruar diapazonin e grupit të strukturuar kriminal dhe të korrupsionit.

Gjithashtu, drejtuesi politik i PD për Tiranën, u shpreh se kjo zgjedhje e Ramës ka qënë një dritë jeshile për SPAK që të vepronte ndaj Veliajt.

Këlliçi: “Erion Veliaj tashmë ëshë i vdekur politikisht, e ka pranuar vetë PS dhe Edi Rama në vendimmarrjen e tij. Është fakt i ditur botërisht. Vendimmarrja e djeshme ka qënë edhe një dritë jeshile për SPAK që janë të lirë për të goditur Erion Veliajn.

Ai dukshëm ka zgjeruar diapazonin e grupit të strukturar kriminal të Tiranës. Nëse deri dje kishte vetëm Erion Veliajn që është pronari faktik i inceneratorit Tiranë dhe kreu i grupit të strukturar kriminal 5D në Bashkinë Tiranë, tashmë ky grup zgjerohet me dy anëtarë të tjerë.

Vjen Elisa e inceneratorit të Fierit, Elisa e matsave e tenderave në ujësjellësin e Fierit përmes të shoqit, Elisa e 5 milionë eurove në doganat shqiptare në katër vitet e para, dhe pastaj vjen Ogerta Manastirliu personi përgjegjës i shkatërrimit të sistemit të shëndetësisë me kontrata korruptive në shëndetësi dhe shkatërrimit të sistemit arsimor aktualisht, mbylljes së shkollave, ku në këtë ditë të parë të vitit arsimor nisim me një lajm negativ me rënien e numrit të nxënësve me 125 mijë më pakë se një vit më parë.

Përgjegjës kryesor për humbjen e lartë të jetëve gjatë pandemisë Covid-19 përgjegjëse ka qënë Ogerta Manastirliu. Në raport me drejtësinë iu la fatura Ilir Beqajt dhe kjo doli e palagur.

Është zgjeruar diapazoni i grupit të strukturuar kriminal dhe i korrupsionit, pra hyjnë edhe këto dy pesha politike që vijnë me bagazhe shumë të mëdha korrupsioni.

Vetë fytyra e Veliajt që nga dita e djeshme nuk është më Gramoz Ruçi në PS personi që nuk qesh kurrë por është vetë Veliaj i cili tregon se si e ka pritur vendimmarrjen e kryetarit të partisë”.

The post Belind Këlliçi: Rama i dha dritë jeshile SPAK-ut për të goditur Veliajn, Ogerta dhe Elisa të korruptuara appeared first on Albeu.com.

Avokatet kanë kërkuar që arrestimi mos të quhet i ligjshëm, duke pretenduar se nuk faktohet se i kujt personi është  “numri” që shërben për përdorimin e SkyEcc.

Në përgjimet e Spak, kanë dalë bisedat mes të arrestuarëve qe u përkasin grupeve kriminale, ku komunikojnë për nxjerrjne në pritë apo kryerjen e atentateve.

Vetëm këto përgjime janë 20 fashikuj.

The post SPAK goditi 7 grupet kriminale, lihen në burg 9 të arrestuarit appeared first on Albeu.com.

Nga 50 urdhër arreste në total, 14 prej tyre janë ekzekutuar në vendin tonë, ndërsa 6 të tjera jashtë shtetit, konkretisht 2 në Itali, 1 në Gjermani, 1 në Spanjë dhe 2 në Belgjikë.

Me masën e sigurisë sot do të njihen 10 të arrestuar, ndërsa 30 të tjerë janë ende në kërkim, mes tyre edhe ish-deputeti i PS, Arben Ndoka.

Gjatë kontrolleve në vilat e bosëve të krimit, janë gjetur reth 3 mln euro cash si dhe flori e pasuri të tjera, në total 4.5 mln euro.

Prokuroria e Posaçme, ka goditur grupin kriminal të Ervis Martinajt, i cili në aleancë me grupin e drejtuar nga ish- deputeti i PS-se Arben Ndoka dhe bashkëpunëtor me grupin kriminal të Avdylajt në Durrës rekrutonin vrasës me pagesë të cilët veprojnë kryesisht në zonën e Fushë – Krujës dhe në zonën e Burrelit.

Gjithashtu, kontaktuan Emiljano Shullazhin për realizimin e vrasjes se Durim Bamit.

Nga hetimi është evidentuar gjithashtu edhe përfshirja e ish-deputetit socialist Arben Ndoka, dhe katër punonjës policie, dy prej tyre në role drejtuese, gjatë vitit 2020.

Drejtori i Drejtorisë Vendore të Policisë Lezhë, Henerigert Mitri i cili organizonte lojrat e fatit në këtë qytet dhe me Shefin e Seksionit të Trafiqeve të Paligjshme dhe Narkotikëve po këtë drejtori, Klodjan Shahini drejtonin kultivimin e kanabisit. Pjesë e grupeve kriminale ishin edhe dy efektivë të RENEA-s.

Karakteristikë për këta grupe kriminale është dhuna e egër e treguar në kryerjen e krimeve, si dhe pasojat shumë të rënda të ardhura nga këta veprime kriminale.

Pjesëtarë të një grupi kriminal në raste të ndryshme, bashkëpunojnë me grupe të cilët janë kundërshtarë të njëri-tjetrit.

The post SPAK goditi 7 grupe kriminale, 10 nga të arrestuarit njihen sot me masën e sigurisë appeared first on Albeu.com.

Nga hetimet rezultoi se Ervis Martinaj, mbreti i kumarit i zhdukur pa gjurmë prej gushtit të 2022 bëri aleancë me grupin kriminal, të drejtuar nga ish-deputeti socialist Arben Ndoka.

Ata kontaktuan grupe të tjera kriminale dhe rekrutuan vrasës me pagesë, të cilët veprojnë kryesisht në zonën e Fushë – Krujës dhe në zonën e Burrelit.

Qëllimi i tyre ishte ekzekutimi i kundërshtarëve. Njëri prej tyre ishte Durim Bami.

Ndoka dyshonte se Bami kishte marrë pjesë në vrasjen e vëllait të tij, Aleksandër Ndoka, ndërsa Martinaj dyshonte se ai bashkëpunonte me kundërshtarët e tij, Indrit Dokle e Leonard Duka.

Për kokën e Bamit në ndihmë të Martinaj e Ndokës, vjen Emiljano Shullazit dhe Astrit Avdyli, të cilët ndodheshin atëkohë në qeli.

Shullazi kontaktoi një nga të besuarit e tij për vrasjen e Bamit, si dhe siguronte informacione për lëvizjet e tij dhe ia dërgonte Arben Ndokës.

Megjithatë, atentatet ndaj Bamit dështuan.

Bami nga ana tjetër, shfaqet në konflikt të hapur me grupet e Martinajt e Ndokës. Durim Bami, bën aleancë me grupet e kundërshtarëve të Martinajt që drejtoheshin nga Leonard Duka dhe Indrit Doklen, si dhe tentuan vrasjen e Martinajt, por dështuan derisa mbeti i bixhozit u zhduk pa gjurmë.

Bami tentoi edhe vrasjen e Arben Ndokës. Gjatë kësaj kohe, Bami me ndihmën e ish-oficerit të RENEA-s Altin Morina kultivonin lëndë narkotike.

The post Si u bashkuan Ervis Martinaj, Shullazi, Avdyli e Ben Ndoka kundër Durim Bamit, zbardhen detajet appeared first on Albeu.com.

“Është në përgjegjësinë morale të ministres të dorëhiqet”, u shpreh deputeti i PD në Komisionin e Ligjeve, duke shtuar se “është e paimagjinueshme që të mos kemi arrestim dhe ngjarja të mbahet e fshehtë për muaj me radhë”.

Salianji ka kërkuar që ngjarja të diskutohet në Komisionin e Ligjeve, teksa u ka thënë socialistëve që “mund t’ju vijë edhe ju dita që ndaj jush të ngulet ndonjë gozhdë”.

Ervin Salianji: “Po flasim edhe për një ngjarje tjetër, por do ta ngre sërish. Ligji në këtë vend nuk është i barabartë për të gjithë, Është në përgjegjësinë morale të ministres të dorëhiqet apo jo. është në përgjegjësinë e Kryeministrit që ta shkarkojë ose jo, por padiskutim me përgjegjësi ligjore ngarkohet policia e shtetit që në këtë Republikë goditet me thikë apo gozhdë, por i ngulet gozhda jo vetëm një drejtori të përgjithshëm por edhe ligjit e shtetit, duke bërë të pabarabartë fuqinë e ligjit dhe duke e zhveshur përballë njerëzve me pushtet.

Është e paimagjinueshme që për t’i kërkuar për t’i dhënë dorëheqje, të goditet me gozhdë apo me thikë dhe të mos kemi arrestim, as komunikatë për ngjarjen duke u mbajtur e fshehur për muaj me radhë. Është përgjegjësi e policisë dhe për t’i dhënë kurajo qytetarëve që të denoncojnë institucionet e sigurisë në këtë vend, mos bëni sikur nuk po them ndonjë gjë që edhe ju nuk jeni të shqetësuar, por mund të vijë dita që edhe të ngulet ndonjë gozhdë edhe ndaj jush.

Varet se me ditë është kjo punë, në një moment i duheni në një moment nuk i duheni. Të vendosim një standard, ministri ka premtuar se do të ketë vetëpastrim në policinë e shtetit”.

The post Bashkëshorti i ministres goditi me gozhdë drejtorin e Trajtimit të Kredive, Salianji: Delina Ibrahimaj të japë dorëheqjen appeared first on Albeu.com.

Njoftimi:

“Gjirokastër

Specialistët e Seksionit për Hetimin e Krimeve të Stacionit të Policisë Memaliaj arrestuan në flagrancë shtetasin Denis Mema, 31 vjeç, banues në Memaliaj, pasi ka goditur për shkak të detyrës, një punonjës policie.

Specialistët për Hetimin e Krimeve Ekonomiko-Financiare shpallën në kërkim shtetasin P. T., 59 vjeç, banues në Kurjan, Fier, pasi është larguar nga parkimi i Degës Doganore në PKK Kakavijë, pa kryer procedurat doganore.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme”, njofton policia.

The post Goditi një punonjës policie, bie në pranga 31-vjeçari në Gjirokastër appeared first on Albeu.com.

Policia ka identifikua autorin dhe e ka shpallur në kërkim.

Sipas informacioneve 37-vjeçari I.Sh ka goditur me sende të forta në kokë 39-vjeçaren E.K (D), ndërsa dyshohet se edhe e përndiqte prej disa kohësh.

Njoftimi:

Specialistët për Hetimin e Krimeve të Komisariatit të Policisë Vlorë referuan materialet në Prokurori dhe shpallën në kërkim shtetasin I. Sh., 37 vjeç, banues në Vlorë, pasi ditën e djeshme, në lagjen “Isa Boletini”, dyshohet se për motive të dobëta, ka kanosur dhe ka goditur me një send të fortë në kokë, shtetasen E. K.(D), 39 vjeçe, banuese në Vlorë.

Gjithashtu, dyshohet se ky shtetas e ka përndjekur 39-vjeçaren, për disa ditë. Shërbimet e Policisë vijojnë kërkimet për kapjen e shtetasit I. Sh. Materialet procedurale i kaluan Prokurorisë, për veprime të mëtejshme.

/AlbEu.com/

The post Kërcënoi dhe goditi me sende të forta një grua në Vlorë, policia shpall në kërkim 37-vjeçarin appeared first on Albeu.com.