Gjin Ndoj alias Boriçi, një nga miqtë e ngushtë të Behar dhe Safet Bajrit, i vrarë në Shkodër në 9 Gusht 2020 me urdhër të vetë Beharit, ka qenë njëri nga të dyshuarit e policisë, që rezulton të jetë marë në pyetje për vrasjen e Fatbardh Licit, informon gazetari Elton Qyno per Ora News.

Boriçi, është pyetur për këtë ngjarje si person që tregon rrethana të hetimit. Ndërsa më pas policia ka marrë raporte informative se ai mund të ishte njëri nga personat e mundshëm që kanë marë pjesë në vrasjen e Licit.

Por fiks dy vite më pas, ai do vritej nga dy miqtë e tij, Behar Bajri dhe Denis Brajoviq. Ai ka treguar se njihte të gjithë anëtarët e fisit “Lici” në Shkodër, por ka mohuar të ketë marrë pjesë në ngjarje kriminale, pasi ndodhej në Tiranë, tek shtëpia e Denis Brajoviq, person ky që dy vite më pas do vriste Boriqin në një pritë.

Gjin Boriçi, ka deklaruar në Gushtin e vitit 2018 se ka lidhje të ngushtë shoqërore me Arjan Rajan, i cili aktualisht ka shumë kohë që qëndron në Itali.

Më tej Boriçi, në 2018 ka shpjeguar se ka lidhje shoqërore me Behar Bajrin dhe Denis Brajoviq dhe ka njohje me Safet Rustemin, Astmer Bilalin dhe Arjan Zogaj.

Një ditë para se të vritej Fatbardh Lici, ky Gjin Boriçi ka rëfyer se ka qenë në Tiranë në shoqërinë e Beharit dhe të Denisit dhe kanë qenë duke drekuar te lokal “Colosseo”, që ndodhet në afërsi të “Zogut të Zi”.

Gjatë kohës që po drekonin, sipas tij ka ardhur dhe Arjan Zogaj. Nuk mban mend në lidhje me bisedat që mund të jenë bërë në atë drekë.

Boriçi ka sqaruar se pas drekës kanë shkuar te Spitali “Amerikan 2”, pasi atje ishin të shtruar fëmijët e Beharit, pasi ishin sëmurë.

Më pas kanë shkuar te shtëpia e Denisit, e cila ndodhet në afërsi të “Liqenit të Thatë”. Në orët e vona kanë shkuar te lokal “De sharm” (“De Charme”), e cila ndodhet ne afërsi të “Tiranës së Re”.

Në atë lokal kanë qenë të pranishëm dhe Safet Rustemi, Astmer Bilali, Arjan Zogaj, Behar Bajri, Denisi Brajoviq, si dhe disa femra që ishin dhe të dashurat e këtyre personave. Kanë qëndruar deri në orët e para të mëngjesit.

Më pas kanë shkuar në shtëpinë e Denisit dhe ka rënë të pushojë. Kur është zgjuar, pasdite ka marrë vesh se është vrarë Fatbardh Lici.

I pyetur në lidhje me ngjarje të tjera të ndodhura në qytetin e Shkodrës, Gjin Boriçi, ka deklaruar se ka pas marrëdhënie shumë të mira me Boran Berçanan dhe e ka quajtur “vëlla…”.

Ndërkohë, Boriçi u ka treguar se ka njohje me të gjithë anëtarët e fisit “Lici” në Shkodër.

The post Dosja e SPAK/ Vrasja e Fatbardh Licit, rrëfimi i Gjin Ndoj dy vite para se të vritej: Licët i njoh të gjithë, por isha në Tiranë kur… appeared first on Albeu.com.

Vrasja është kryer në një periudhë kur grupi i Ervis Martinaj dhe Behar Bajrit, ishte në kulmin e bashkëpunimit dhe shkëmbenin jetët e njerëzve me klering, duke plotësuar kushtet e dëshirat e njëri-tjetrit.

Përmes bisedave në “SKY” të zbardhura së fundmi nga SPAK në dosjen “Metamorfoza”, e cila është dërguar për gjykim del qartë se Gjin Ndoji është vrarë për një borxh prej 100 mijë euro, që kishte mbetur tek Ervis Martinaj.

Një pjesë të shumës ai e kishte luajtur lloto tek Ervis Martinaj, ndërsa një pjesë tjetër e kishte konsumuar tek bizneset e Martinaj, si “Arbëria” dhe në “Patok”.

Për të shlyer këtë shumë, Martinaj i kishte ngarkuar një detyrë kriminale Gjin Ndoj, i cili nuk ka mundur ta ekzekutojë deri në fund. Për më tepër Martinaj, kishte marrë informacion nga burime të tjera se ushtari i tij Gjin Ndoji, kishte hapur fjalë se ishte bërë me Leonard Dukën, me qëllim vrasjen e Ervis Martinaj.

Në dosjen e siguruar nga gazetari Elton Qyno, pasqyrohet e plotë mesazhi i fundit që Gjin Ndoji i dërgon përmes aplikacionit “Sky”, Ervis Martinaj.

Në 7 Gusht 2020 Ervis Martinaj, ka ndërprerë çdo komunikim me Gjin Ndoj në “SKY” dhe sipas dosjes ky është mesazhi i fundit që Ndoj disa orë para se të vritej ja ka çuar Ervis Martinaj, i cili vazhdimisht ja ka kërkuar 100 mijë euro borxh.

“…ça bane? Ndoshta ke punët tuaja e s’ke kohë…veç po të shkrujt e para në fund të Tetorit, gjall a vdek më ke njatu me shku në zero me tonat. Çdo gja ashtë anullu nga ana jemi. Lezhë e kudo, veç unë flas për vedi do e baj kur të vin e mbara mu se në qoftëse më ka marr kush për ushtar a për kushedi ça ka gabu e do të vin dita për me ja dhan përgjigjen. Kam ardh, kam ndejt njaty 2 muaj si rrihet pa as i lek fitim thjesht biles edhe tu hy borgj tek ti. Kam ndejt për rametlin të parin, dytin i Yllit, si shof na ka hek hek edhe kontaktin e tretit ty…as jam i pabesë, as nuk kam pritur me u qu në kamb me ardh me ju kur më keni than hajde. Dikush më paska marrë për ushtar e “ok” tesh vjen dita me ja kthy përgjigjen…prej teje faleminderit shumë e shumë, ishalla nigjoj mirë për ty…”.

Këtij mesazhi të dërguar nga Gjin Ndoj, Ervi Martinaj nuk i është përgjigjur, por dukshëm sipas përmbajtjes palët janë ndarë përfundimisht me njëri-tjetrin. Kjo pasi Ervin Martinaj, këtë kohë kishte vënë në zbatim me Behar Bajrin, ekzekutimin e Gjin Ndojit dhe si këmbim ai do i vriste Behar Bajrit në Tiranë, Kleant Musabelliun.

Por Gjin Ndoji, disa orë para se të vritej bisedon me Behar Bajrin, duke e njoftuar këtë të fundit se e kishte parë me BMW në zonën e Shëngjinit, duke e paralajmëruar që të bënte kujdes, pasi në atë zonë kishte prezencë të madhe të policisë dhe FNSH kishte dalë për kontrolle.

Në fakt në këtë kohë Behar Bajri bisedonte me Denis Brajoviç, Pëllumb Gjokën, Edmond Prekën dhe persona të tjerë lidhur me mobilizimin për vrasjen e vetë Gjin Ndojit.

Në orën 20:52, Behar Brajoviq komunikon me Denis Brajoviq dhe Denisi i tregon se do marrë dikë.

Në orën 00:02 të datës 9 gusht 2020, Behar Brajoviq, ka komunikuar me Edmond Prekën, për të organizuar ikjen nga vendi ku do kryhej vrasja.

Behari i ka kërkuar Edmondit ta presë në orën 3 të mëngjesit tek rruga ku lidhet Velipoja në Torovicë, pasi do kryej vrasjen dhe do shkoj në këmbë deri tek ura.

Edmondi i ka treguar se do dërgonte dikë tjetër, pasi vetë ndodhej në Korçë dhe i tregon se për të shkuar deri në pikën ku kërkonte Behari duhej fuoristradë dhe nuk kalon makina e vogël por ka edhe një rrugë tjetër nga Trushi.

Edmondi ka dërguar një lidhje të tij në biseda e thërrasin “Zeqo” i cili ka patur detyrë të marrë personat që kanë kryer vrasjen e Gjin Ndojit dhe t’i strehojë.

Denis Brajoviq, në dijeni të planit për vrasjen e Gjin Ndojit, në orën 00:27 ka komunikuar me Ervis Martinaj dhe i ka thënë që nuk do kishte telefon me vete dhe se do dilte në këtë orë dhe Ervisi të priste njoftimin në televizion për vrasjen e Gjin Ndojit.

Pas kësaj Denis Brajoviq rreth orës 01:00 të 9 gusht 2020, ka shkuar për te Behar Brajoviq të cilin e ka njoftuar në SkyECC se po shkonte për tek ai.

Behari në 01:33, i ka shkruar Edmond Prekës dhe e ka vënë në dijeni se për 40 minuta kryen punë, ku Edmondi i shkruan: “...ishalla, don zoti i madh…” dhe njëkohësisht lajmërimi i Behar Brajoviq ka qenë që Edmondi të rakordoj me “Zeqon” për të qenë në pikë takim.

Rreth orës 02:00 Denis Brajoviq, njofton Behar Brajoviq se Gjin Ndojin e kanë përpara me makinë dhe menjëherë Behari i ka shkruar Edmond Prekës, se për 10 minuta kryen vrasjen dhe mos të fle gjumë pasi duhet të njoftonte “Zeqon”.

Denis Brajoviq në 02:02 ka njoftuar Behar Brajoviq se ka vrarë Gjin Ndojin duke i dërguar mesazhet: “…kryvi, jemi në Bushat dhe të na presi aty ai, se jemi afër...” dhe më pas Behari ka komunikuar me Edmondin, duke e vënë në dijeni që Gjin Ndoji u vra dhe ti thotë “Zeqos” të jetë gati dhe se Denis Brajoviq dhe personi tjetër i paidentifikuar janë në Bushat, pranë Urës.

Në 02:25, Denis Brajoviq dhe bashkëpunëtori i paidentifikuar janë takuar me “Zeqon”, më pas siç del edhe nga komunikimet SkyEÇ ku tregon që u takuan.

Behar Brajoviq në orën 02:24, ka njoftuar Pëllumb Gjokën se Gjin Ndoj u vra dhe se tani pret që Ervis Martinaj të kryej vrasjen e Kleant Musabelli, duke dërguar mesazhin:”...u kry, tani presim atë tëndin, atë që deshti ai u kry, Gjinin deshti ai...” dhe Pëllumbi ja ka kthyer: “……ok vëlla, kjoft me zotin, futja gjumit…”

Denis Brajoviq në orën 02:43, i shkruan Behar Brajoviq dhe i tregon se ku e ka qelluar Gjin Ndojin duke dërguar mesazh: “...Gjoks e kry kapedan, mu blloku se dosha me ja gri kryt, se më tha diçka…”.

The post Bisedat në “SKY”/ Vrasje për borxh 100 mijë €, biseda e fundit mes Gjin Ndoj e Martinajt 1 ditë para krimit, Gjini: S’jam i pabesë, ishallah nigjoj mirë për ty appeared first on Albeu.com.

Ekzekutimin e kreu Brajoviq, i cili pasi “kreu me sukses” punën që iu ngarkua, i shkroi fillimisht Bajrit, duke e informuar dhe duke kërkuar që Edmond Preka që i siguroi transportin, ta priste, pasi “ishte afër”. Më pas, ai i shkroi Ervis Martinajt. Me mesazhin “Kryvi”, e bëri me dije se vrasja ishte kryer.

Pjesë nga përgjimet:

Behari i kërkon që, të mbaj telefonin hapur dhe mos të dalë atje deri sa të kryejnë punë dhe beson që 99% për një orë do të kryejnë punë.

Edmondi i shprehet që, pa më thënë ti nuk del ai se 5 minuta i duhet me shku tek ura. Behari i tregon që, sa të kryhet ky, ikën ai k*rva i Tiranës sepse kështu e kam lënë me të, me ndërrim.

Edmondi shprehet që, “Zeqoja” 5 minuta vonon me dal te ura dhe ju gjen një shtëpi me nejt. Behari i kërkon që, kur ti marri “Zeqoja” tju gjej një vend të sigurt deri nesër mbrëma dhe vij i marrë unë.

Edmondi i shprehet që, pa merak tek kjo pjesë.

Në orën 00.27 shtetasi Ervis Martinaj duke përdorur NP8LS4 komunikon me përdoruesin e B045ZY i identifikuar si Denis Brajoviq. (Në këtë bashkëbisedim figurojnë të regjistruara vetëm bisedat e shkruara nga shtetasi Denis Brajoviq). Denisi i shkruan, he vëlla, më shkruaj këtu se jam duke lënë cel në shqip, tu dal jam, prit tvi.

Në orën 00.53 shtetasi Behar Brajoviq duke përdorur TIV9E3 komunikon me përdoruesin e B045ZY i identifikuar si Denis Brajoviq. Denisi i shkruan “jo, po vim”.

Në orën 01.33 shtetasi Behar Brajoviq duke përdorur TIV9E3 komunikon me përdoruesin e G8KC24 i identifikuar si Edmond Preka. Behari i shkruan duke i thënë që, për 40 minuta kryejnë punë 100%.

Edmondi shprehet duke i thënë, ishalla, don zoti i madh.

Në orën 01.54 shtetasi Behar Brajoviq duke përdorur TIV9E3 komunikon me përdoruesin e B045ZY i identifikuar si Denis Brajoviq. Denisi i shkruan Beharit “para e kemi”.

Në orën 01.58 shtetasi Behar Brajoviq duke përdorur TIV9E3 komunikon me përdoruesin e G8KC24 i identifikuar si Edmond Preka. Behari i shkruan që, për 10 minuta, mos flej se po kryen dhe Edmondi i shprehet që, jo jo.

Në orën 02.02 shtetasi Behar Brajovig duke përdorur TIV9E3 komunikon me përdoruesin e B045ZY i identifikuar si Denis Brajoviq. Denisi i shkruan Beharit, “kryvi”, jemi në Bushat dhe të na presi aty ai, se jemi afër.

Në orën 02.03 shtetasi Behar Brajoviq duke përdorur TIV9E3 komunikon me përdoruesin e G8KC24 i identifikuar si Edmond Preka. Behari i shkruan,…kryvi, tash thuaj “Zeqos” që të jetë gati.

Edmondi shprehet, shyqyr dhe gati është, më thuaj, ti them kur të jenë afër. Behari i tregon që, ato janë në Bushat dhe te dali ai, afër urës janë.

Në orën 02.06 shtetasi Ervis Martinaj duke përdorur NP8LS4 komunikon me përdoruesin e B045ZY i identifikuar si Denis Brajoviq. Denisi i shkruan, kryvi

Në orën 02.09 shtetasi Behar Brajoviq duke përdorur TIV9E3 komunikon me përdoruesin e G8KC24 i identifikuar si Edmond Preka. Edmondi i tregon Beharit që, aty është “Zeqo” dhe e pyet nëse janë duke ardh bri malit, qe të futet pak me makinë.

Behari i tregon që, janë rrugës vjetër

Në orën 02.24 shtetasi Behar Brajoviq duke përdorur TIV9E3 komunikon me përdoruesin e 7142D9 i identifikuar si Pëllumb Gjoka. Ky i fundit i tregon që ishte në gjumë ndërsa Behari i tregon që kry, tani presim atë tendin, atë që deshti al u krv, Gilnin deshti ai…

Pëllumbi shprehet…ok vella, kjoft me zotin, futja gjumit…

Në orën 02.25 shtetasi Behar Brajoviq duke përdorur TIV9E3 komunikon me përdoruesin e G8KC24 i identifikuar si Edmond Preka. Edmond Preka i shkruan Beharit që, u bënë bashkë dhe kur te shkojnë në shtëpi do të them.

Në orën 02.25 shtetasi Behar Brajoviq duke përdorur TIV9E3 komunikon me përdoruesin e B045ZY i identifikuar si Denis Brajoviq. Denisi i shkruan, “hypem, u takum”. Në orën 02.43 shtetasi Behar Brajoviq duke përdorur TIV9E3 komunikon me përdoruesin e G8KC24 i identifikuar si Edmond Preka. Edmond Preka i shkruan Beharit, “në rregull vlla, po flej”./albeu.com 

The post “U kry!” U arrestua sot në Emiratet e Bashkuara, mesazhi që Denis Bajri i dërgoi Ervis Martinajt pasi ekzekutoi Gjin Ndojin appeared first on Albeu.com.

Denis Brajoviç, një ndër emrat më të kërkuar të drejtësisë shqiptare, është arrestuar në Emiratet e Bashkuara.

Brajoviç ishte shpallur në kërkim pas hetimeve të dosjes “Metamorfoza”.

Ai akuzohet për vrasjen e Gjin Ndojt të kryer në vitin 2020, në Shkodër.

Zbërthimi i  aplikacioneve “Sky” dhe “Encro” zbardhi krimet e kryera, ku u përfshin emra të njohur të botës së krimit. Brajoviç shfaqet duke biseduar me Ervis Martinaj, lidhur me një ngjarje kriminale.

Policia njofton se arrestimi i tij në Emiratet e Bashkuara u bë për llogari të drejtësisë shqiptare, ndaj pritet edhe ekstradimi i tij.

“Finalizohet nga Policia në Emiratet e Bashkuara, operacioni policor i koduar “Rishtas”. 36-vjeçari i ndaluar, i akuzuar nga SPAK, për vrasje.

Në vijim të punës së pandërprerë, me objektiv lokalizimin, kapjen dhe vënien në pranga të shtetasve të shpallur në kërkim, strukturat e Policisë së Shtetit kanë siguruar informacion se një shtetas i shpallur në kërkim ndërkombëtar, për vrasje, fshihej në Emiratet e Bashkuara.

Ky informacion i shkëmbyer menjëherë me partnerët, nëpërmjet koordinimit të zyrave të Interpolit, ka mundësuar finalizimin në Emiratet e Bashkuara, të operacionit policor të koduar “Rishtas”, gjatë të cilit u bënë të mundur lokalizimi, kapja dhe vënia në pranga, me qëllim ekstradimin në Shqipëri, e shtetasit D. B., 36 vjeç, lindur në Shkodër. Ky shtetas është i akuzuar nga SPAK, në kuadër të operacionit policor të koduar “Metamorfoza”, pasi dyshohet si autor i vrasjes së shtetasit Gj. B. (N.), kryer më datë 09.08.2020, në Shkodër.

Vijon bashkëpunimi për të kryer ekstradimin e këtij shtetasi, në Shqipëri.”/albeu.com 

The post Në kërkim për vrasjen e Gjin Ndojit, arrestohet në Emiratet e Bashkuara Denis Bajri appeared first on Albeu.com.