Lajmin e ka bërë të ditur një zëdhënës shtypi i kompanisë, duke bërë publik lajmin e mirë pas raportimeve të 26 shtatorit se disa rrjedhje masive ishin parë pranë gazsjellësit, në Detin Baltik, në zonën pranë Danimarkës.

Instituti suedez sizmik një ditë më pas, bëri me dije se ka pasur “shpërthime” nënujore të regjistruara para rrjedhjeve të gazsjellësit Nord Stream.

Akuza të ndërsjella mbi ngjarjen kanë vijuar reciprokisht më pas mes palëve, ku vendet perëndimore kanë akuzuar Rusinë për këto shpërthime, ndërsa Moska ka akuzuar vendet perëndimore.

Grupe hetimi përkatëse janë ngritur nga të dy palët, ndërkohë që pritet që edhe SHBA-të të bëhen pjesë e grupit të punës për zbardhjen e ngjarjes, e cila u trajtua gjerësisht dhe me urgjencë edhe në një mbledhje të Këshillit të Sigurimit të OKB-së.

Dëmtimet në sistemin e tubacionit të gazit natyror Nord Stream nën Detin Baltik kanë çuar në atë që ka të ngjarë të jetë përhapja më e madh e metanit që dëmton klimën e regjistruar ndonjëherë, sipas programit të mjedisit të Kombeve të Bashkuara.

Një grumbull i madh metani shumë i koncentruar, një gaz serrë shumë më i fuqishëm, por më jetëgjatë se dyoksidi i karbonit, u zbulua në një analizë këtë javë nga studiues të lidhur me Observatorin Ndërkombëtar të Emetimeve të Metanit të UNEP, ose IMEO.

Studiuesit vlerësuan se shkalla e rrjedhjes nga një nga katër pikat e këputjes ishte 22 mijë e 920 kilogramë në orë.

Ndaj, pikërisht ndalimi i rrjedhjes së gazit, është një laj i mirë që vjen në një kohë të tillë, ku shqetësimet ishin bërë më shumë se reale për impaktin mjedisor të ngjarjes.

Nord Stream 2 cilësohej si një ndër projektet më madhore energjetike të kontinentit evropian, deri në çastin e fillimit të luftës në Ukrainë, kur kancelari gjerman, Olaf Scholz, vendosi ta pezullojë përfundimisht kompletimin e sistemit gazsjellës.

Scholz, në mars, vendosi pezullimin e plotë të gazsjellësit, duke i shkaktuar një goditje të vërtetë Rusisë.

The post Ndalon rrjedhja e gazit në Nord Stream 2 appeared first on Albeu.com.

Lajmi është bërë i ditur nga autoritetet daneze, sipas të cilave, rrjedhja është raportuar me vendodhje të saktë në detin Baltik.

Detaje mbi ngjarjen ende nuk janë bërë publike, por Nord Stream 2 është një ndër temat më të nxehta të diskutuara ditët e fundit, pasi Rusia ka kërkuar nga Gjermania rikthimin e projektit dhe nisjen e furnizimit me gaz në rrugë direkte, drejt Berlinit.

Anulimi i projektit Nord Stream 2 ka qenë ndër vendimet më të guximshme të kancelarit gjerman Olaf Scholz, menjëherë pas zgjedhjes së tij në krye të vendit dhe duke parë përshkallëzimin e luftës në Ukrainë.

Scholz, në mars, vendosi pezullimin e plotë të gazsjellësit, duke i shkaktuar një goditje të vërtetë Rusisë.

Vetëm dje ndërkohë, ai arriti një marrëveshje historike me Emiratet e Bashkuara Arabe, për furnizimin me gaz dhe naftë, duke evituar kështu thuajse plotësisht varësinë nga Gazprom, deri në çastin kur vetë Gjermania mund të bëhet një prej fuqive e energjisë së ronivueshme në Evropë dhe të ketë autonomi të plotë nga hidrokarburet e importuara.

The post Shumë pranë Nord Stream 2, rrjedhje masive gazi në detin Baltik appeared first on Albeu.com.

Kancelari gjerman Olaf Scholz akuzoi sot Rusinë se është përgjegjëse për bllokimin e dorëzimit të një turbine aktualisht në Gjermani, pa të cilën, sipas Moskës, gazsjellësi Nord Stream, i cili sjell gazin rus në Evropë, nuk mund të funksionojë normalisht.

“Nuk ka asnjë arsye pse të mos bëhet dorëzimi”, tha kancelari gjerman.

Ndërkohë, Rusia uli vëllimin e furnizimeve të saj me gaz duke argumentuar se turbina ishte e nevojshme. Moska duhet vetëm të “sigurojë informacionin doganor të nevojshëm për transportin në Rusi”, tha Scholz.

Gazprom iu përgjigj kancelarit Scholz se kthimi në Rusi i një turbine për të rritur rrjedhën e gazit rus përmes Nord Stream nuk pengohet nga Moska, por është bërë “i pamundur” nga sanksionet perëndimore kundër Rusisë për pushtimin e Ukrainës.

“Regjimet sanksionuese të Kanadasë, BE-së, Mbretërisë së Bashkuar dhe mospërputhja e situatës aktuale me detyrimet aktuale kontraktuale të Siemens e bëjnë të pamundur dorëzimin e turbinës”, tha kompania ruse në një deklaratë.

Scholz mbajti një konferencë shtypi në fabrikën e Siemens Energy në Mühlheim an der Ruhr, pikërisht përballë turbinës së madhe në fjalë, e cila u riparua në Kanada dhe u kthye në Gjermani që nga 18 korriku.

Scholz tregoi se si turbina është gati për dorëzim në Rusi në çdo kohë. “Gjithçka duhet të bëjë kushdo është të thotë, ‘Unë e dua’ dhe do të jetë në dispozicion shumë shpejt”, shpjegoi kancelari. Prandaj, të gjitha arsyet teknike të dhëna për reduktimin e furnizimit me gaz përmes Nord Stream 1 nga Rusia do të ishin të pakuptueshme në baza faktike, kjo është “e vërteta”, tha Scholz.

The post Scholz akuzon Rusinë: Është përgjegjëse për bllokimin e gazsjellësit Nord Stream appeared first on Albeu.com.

“Nga 11 deri më 21 korrik 2022, kompania Nord Stream Ag do të kryejë një mbyllje të përkohshme të të dy tubacioneve të Nord Stream për të kryer punët e planifikuara të mirëmbajtjes, duke përfshirë testet e komponentëve mekanikë dhe sistemeve të automatizimit për të siguruar funksionimin efektiv, të sigurt dhe të besueshëm. gazsjellësi”, thuhet në mesazhin nga Nord Stream Ag./albeu.com

The post Gazsjellësi rus ndërpret përkohësisht furnizimin me gaz në Gjermani appeared first on Albeu.com.