Reportazhi i dedikohet bukurive dhe vlerave njerëzore të Shqipërisë.

“Këtë herë është radha e gazetës më të madhe italiane “Corriere Della Sera” që të promovojë “tokën e shqiponjave”, shkruan Rama krahas artikullit të gazetës italiane.

Reportazhi i Corriere Della Sera:

“Udhëtim me biçikletë në Shqipëri mes detit, qyteteve historike dhe tokave të egra”

1085 kilometra, 4 vende të Unesco-s, 15 ditë. Këto janë numrat e itinerarit për të zbuluar një nga vendet më të egra dhe më pak të njohura të Europës, Shqipërinë dhe në veçanti atë juglindore.

Shqipëria me biçikletë: Itineraret më të bukura

Me biçikletë udhëton, pa nxitim, rrugëve mes tokave të egra ku majat, luginat, vreshtat dhe fshatrat e lashta të varura në shpatet e maleve ndjekin njëri-tjetrin, por edhe manastiret e kështjellat me pamje nga deti dhe qytetet historike, ku koha duket sikur ka ndalur.

Nga Tirana dy javë aventura

Një aventurë që nis dhe mbaron në të njëjtin vend, në Tiranë, kryeqytetin plot zhurmë të “Tokës së Shqiponjave”.

Dy javë udhëtim, përgjatë brendësisë jugore të Shqipërisë deri në kufirin me Maqedoninë e Veriut, duke përshkuar brigjet e liqenit më të vjetër dhe më të thellë në kontinentin e vjetër dhe më pas brigjet e lumit të fundit të egër në Evropë, Vjosës, gati për t’u bërë park kombëtar.

Dhe pastaj, përsëri, qytete me një histori mijëravjeçare të përfshira nga UNESCO në listën e vendeve të trashëgimisë botërore, vende arkeologjike të paçmueshme, plazhe të pacenuara, gjire sekrete dhe kështjella me pamje nga deti.

Një mundësi unike për t’u larguar këtë pranverë, ose në fillim dhe në fund të verës, në një nga territoret e fundit të paeksploruara dhe autentike në Evropë.

Një udhëtim i ngadaltë me biçikletë, mes fshatrave me shpirt të lashtë, manastire me pamje nga deti, fshatra të gurtë dhe mikpritje të kohëve të tjera./Albeu.com/

The post “Toka e Shqiponjave”, media italiane jehonë bukurive të Shqipërisë: Mundësi unike për ta vizituar në Pranverë appeared first on Albeu.com.

Këtu përmendin veprimet e presidentit të Turqisë, Reccep Tayip Erdogan në Kurdistan, ato të presidentit kinez Xi Jingping në Tajvan, dhe kërcënimet që Aleksander Vuçiç i ka bërë Kosovës. Gazeta italiane teksa e përmend Vuçiçin, i referohet si “fans” i Vladimir Putinit.

“Me pakë fjalë, duket se shumë Putin të vegjël po e gjejnë guximin që t’i shfaqen botës, me një sërë veprimesh që kërcënojnë paqen globale”- shkruan e përditshmja italiane.

Gazeta italiane kujton të kaluarën e raporteve mes të Kosovës dhe Serbisë, teksa thekson se po të ishte për Beogradin sot nuk do të kishte një shtet kosovar me kryeqytet Prishtinën.

“Lanotiziaregionale.it”, thotë se duket që mosmarrëveshjet e vjetra, që për një kohë dukeshin të harruara, po kthehen për t’i vënë flakën Ballkanit. Këtë gazeta italiane e thotë teksa përmend gjuhën e ashpër të ministrit të jashtëm serb, Nikola Slekaovic, në Këshill të Sigurimit gjatë përballjes me kryediplomaten kosovare, Donika Gërvalla-Schwarz.

Gazeta italiane këtu thekson deklaratën e Selakovicit ku sulmon Gërvallen me fjalët “Gërvalla flet për kasapët e Ballkanit, por nuk kujton se kasapët e vërtetë të Ballkanit janë i ashtuquajturi ish-president Hashim Thaçi dhe i ashtuquajturi ish-kryetar i Kuvendit, Kadri Veseli, të cilët po mbahen në burgun e Tribunalit të Hagës për Krime Lufte për UÇK’në”.

Teksa përmendin këtë deklaratë të Selakovicit, në një paragraf më poshtë, gazeta italiane shkruan se “duhet të merren masa para se të jetë tepër vonë”.

“Lanotiziaregionale.it” shkruan se para konfliktit në Ukrainë, fraza të tilla të Selakovicit do ishin cilësuar si një shpërthim momenti, megjithatë thonë se kur deklarata të tilla vijnë pas luftës që Putin ka nisur në Ukrainë “nuk mund të qëndrojmë të shurdhër”, përballë këtyre provokimeve, e që sipas gazetës italiane, janë provokime të cilat duket se e lidhin luftën e Rusisë në Ukrainë me situatën në Ballkan.

Këtu gazeta italiane përmend faktin se Beogradi nuk e ka njohur kurrë pavarësinë e Republikës së Kosovës, sikurse Putini që nuk e njeh atë të Ukrainës. Përveç kësaj, “Lanotiziaregionale.it” thotë se në veri të Kosovës ka territore që e ndjejnë veten të lidhur me Serbinë dhe bën një krahasim me rajonit e Donbass-it.

Më tej përmenden edhe protestat në veri kundër kryeministrit të Kosovës, Albin Kurti, ku serbët brohorisnin “Ne i besojmë vetëm presidentit Vuçiç”.

“Për të mos përmendur që nëse Putin thotë se dëshiron të godasë nazistët në Kiev dhe Erdogan thotë se dëshiron të sulmojë terroristët në Kurdistan, Vuçiç duket se konceptualisht dëshiron të rreshtohet me të dy”, shkruan “Lanotiziaregionale.it”.

Në fund gazeta italiane shkruan se është evidente që ekziston rreziku, meqë Serbia ka disa muaj që lëviz trupat afër kufirit, dhe potencon se lëvizje të tilla nuk lënë shije të mirë.

“Një situatë që rikujton edhe një herë atë që është parë tashmë në Ukrainë dhe për këtë arsye, për të shmangur përsëritjen e gabimeve të së shkuarës, Perëndimi nuk duhet të presë që situata të degjenerojë, por të ndërhyjë përpara se kjo të ndodhë, duke ruajtur paqen”, përfundon “Lanotiziaregionale.it”.

The post Gazeta italiane ngre alarmin: Vuçiç është Putini i vogël në Ballkan, perëndimi të reagojë sa s’është vonë appeared first on Albeu.com.