Dy forcat më të mëdha politike, Partia Socialiste dhe Partia Demokratike me aleatët do ta mbyllin fushatën në Tiranë, qarkun për të cilin zhvillohet beteja më e fortë për 11 mandatet.

Partia Socialiste ka njoftuar se mitingu përmbyllës do të mbahet në orën 19:30 pranë Parkut Olimpik. Nga ana tjetër, Partia Demokratike do të mbajë mitingun e saj përmbyllës në Bulevardin e Ri, duke nisur nga ora 19:00.

Kryesocialisti Edi Rama kërkon një mandat të katërt qeverisës, ndërsa opozita, e përbërë nga PD dhe aleatët e saj kërkon qeverisjen për 4 vitet e ardhshme. Për herë të parë, partitë e reja ‘kërcënojnë’ binomin PS-PD dhe kërkojnë vende në Kuvend.

Në këtë muaj fushate, PS e ka përqendruar fokusin te integrimi evropian. Kryesocialisti Edi Rama deklaron se vetëm me PS, rrugëtimi evropian do të bëhet i mundur.

Nga ana tjetër, kreu i PD, Sali Berisha flet për ndryshim, ndërsa drejtuesit e partive të tjera të reja kërkojnë votën e shqiptarëve për të larguar klasën e vjetër politike.

E shtuna, 10 maj, shënon heshtjen zgjedhore, ku ndalohet çdo lloj  politik, publikim sondazhesh apo thirrje elektorale, ndërsa të dielën e 11 majit 3.7 milionë shqiptarë do të votojnë për Kuvendin e ri.

The post E SHTUNA, HESHTJE! Në mesnatë mbyllet fushata, PS dhe PD, sot mesazhet e fundit nga Tirana për 3.7 milionë votuesit e së dielës appeared first on Albeu.com.

Qetësinë e peizazhit e prishin vetëm zhurmat e makinerive që punojnë për asfaltimin e rrugës një të premte prilli. Për banorët e fshatit, kjo është zhurma e mirëpritur prej dekadash.

Në atë që mund të quhet shesh i fshatit, ku disa makina dhe një motor janë parkuar keqazi, burrat po flasin për politikë.

Ata janë ndarë në dy kampe, skeptikët që e shohin asfaltin e ri si një mjet për të ndikuar votën e tyre dhe entuziastët, që i thurin elozhe kandidatit socialist që bëri të mundur investimin.

“Po nuk pati punë, çfarë na duhet rruga”, thotë Flori Lika, 22-vjeç, i cili ishte dyshues edhe për cilësinë e asfaltit të hedhur.

“Do prishet pa ardh dimri”, shton ai.

“E bëjnë për fushatë”, thotë gjithashtu Et’hem Kërtuka, një 64-vjeçar i papunë. Por i pyetur nëse rruga do e ndikonte votën e tij në zgjedhje, ai shtoi me humor: “sa na kanë rrejtur, do t’i rrejmë dhe na”.

Përgjigja e 64-vjeçarit nuk i pëlqeu fort kushëririt të tij, Agron Kërtuka.

“Pse nuk i thua hallall atij që e vë një gur”? – iu drejtua ai Et’hemit.

“Kjo është ëndrra 100-vjeçare e këtij fshati dhe duhet të jemi falenderues për atë që e bëri”, shtoi ai.

Falenderimet shkojnë në drejtim të një njeriu; kandidatit për deputet të Partisë Socialiste në qarkun e Dibrës,

Agron Malaj, i cili deri më 11 mars ishte kryetar i bashkisë Mat, detyrë të cilën e mbante që nga qershori 2019.

Para se të jepte dorëheqjen për të kandiduar në zgjedhje, bashkia e drejtuar nga Malaj zhvilloi në dhjetor 2024 një tender për shtrimin e rrugëve të 17 fshatrave me një vlerë totale 330 milionë lekë, të cilat do angazhojnë grantet dhe të ardhurat e kësaj bashkie për tre vitet në vijim. Tenderi u fitua nga bashkimi i operatorëve “ZDRAVA” e “SALILLARI”, makineritë e të cilave i sheh pothuaj në çdo rrugë fshati rreth e rrotull Burrelit në këto ditë të fushatës elektorale.

Përfaqësuesit e opozitës e denoncojnë këtë tender si të bërë për qëllime elektorale.

Basir Çollaku, gazetar në profesion dhe kandidat për deputet i koalicionit “Aleanca për Shqipërinë Madhështore” i tha BIRN në kafenenë e ish-hotel Turizmit në qendër të Burrelit se ka hyrë në një fushatë të pabarabartë.

“Po përdoren fondet dhe investimet e bashkisë për fushatë, ja shikojeni vetë me sy”, tha Çollaku duke drejtuar dorën në sheshin përballë hotelit, ku 2-3 punëtorë po shtrojnë pllaka.

Çollaku thotë se kjo është një fushatë ku luhet me “mjerimin ekonomik të zonës dhe me presionin e një vendi pune”.

“Në çdo takim që kam, njerëzit kërkojnë ujë, drita dhe rrugë dhe kundërshtari politik po përdor fondet publike në këmbim të votës”, shtoi ai.

Ish-kryebashkiaku Malaj, aktualisht kandidat i Partisë Socialiste, i zhvlerësoi akuzat dhe këmbënguli se investimet e nisura nga bashkia nuk kishin lidhje me fushatën elektorale.

“Atë punë kanë që të ngrenë akuza”, i tha Malaj BIRN-it nëpërmjet një bisede telefonike.

“Gjithçka është konform kodit zgjedhor”, shtoi ai, duke theksuar se fondet e bashkisë për rrugët e fshtatrave janë një projekt i miratuar që në vitin 2024.

Në qytetin e vogël të Burrelit, xhiroja e pasdites nis dhe përfundon tek një shtatore e Ahmet Zogut, i cili më shumë se sa një trashëgimi politike për zonën, është një arsye për t’u mburrur se mbreti ka qenë djalë i Matit.

Në prag të zgjedhjeve të 11 majit, shtatorja e tij është e rrethuar me stivat e pllakave që presin të shtrohen në bulevard, ndërsa fushata nuk ka shenja të dukshme flamujsh apo posterash në rrugë, por diskutohet nga të gjithë nëpër kafene.

“Këto pllaka të reja që po shtrohen, sigurisht që për vota janë, por hallet tona nuk i zgjidhin ca pllaka mermeri”, tha një banore e Burrelit, e cila nuk pranoi të identifikohej nga frika se mund ta hiqnin nga puna si mësuese.

Sipas mësueses, zona përballej me një shpopullim të frikshëm, ku të gjithë donin të iknin për shkak të papunësisë dhe mungesës së zhvillimit.

“Kanë mbetur pallatet me nga një familje, nuk dëgjohet më zëri i fëmijëve që luajnë, klasat na tkurren çdo vit”, tha ajo me shqetësim.

Në zonën e Burrelit dhe Klosit, fushata nuk ofron alternativa të reja politike përveç dy partive tradicionale PD dhe PS, megjithëse të gjitha partitë e tjera kanë vendosur emrat e tyre në listë.

Fushata për partitë e reja duket e pamundur në një terren të polarizuar politik dhe me pa burime financiare.

Sonil Kola, një 27-vjeçar i diplomuar për Shkenca Politike, po provon megjithatë ta thyejë këtë polarizim, duke kandiduar për koalicionin “Nisma Shqipëria Bëhet”.

Sonilin e takuam në Burrel, pasi banorët e Frankthit thanë jo pa mburrje se në 11 maj kandidonte dhe një “djalë i fshatit”. Por Sonili thotë me buzëqeshje se është dyshues nëse do ta votojnë edhe bashkëfshatarët e tij.

“Njerëzit kanë frikë sepse u bëhet presion me vendin e punës”, tha ai për BIRN.

Kandidati e quan shtrimin e rrugës një projekt të vonuar, ndërsa mendon se asflati që po shtrohet në çdo fshat nuk do të ndikojë në votën e 11 majit.

“Njerëzit janë lodhur me të njëjtat metoda të vjetra të ofrimit të shërbimeve bazë në prag fushate, nuk gënjehen më”, përfundoi ai./BIRN

The post BIRN: Fushatë me asfalt për votat e fshatrave të Matit appeared first on Albeu.com.

Gjatë fjalimit të tij, kreu i shtetit Edi Rama, është marrë më shumë me ish-kryetarin e PD-së në Kavajë, Hysen Kadiu, i cili doli fitues në procesin e Primareve, por vendosi të mos garonte për deputet për shkak se lidershipi i partisë, nuk e vendosi në listën e mbyllur të Qarkut të Tiranës.

Sipas Ramës, Hysen Kadiun e hëngri “bufi”, duke iu referuar Sali Berishës, pasi sipas tij, lideri demokrat po përgatitet për opozitë dhe jo për fitore.

Rama shtoi më tej se; Hysen Kadiu, meriton çmimin Nobel, në krahasim me kandidatët e tjerë të listës së mbyllur të PD-së në Tiranë.

Ajo që vlen për t’u theksuar është se Edi Rama, gjatë fjalimit të tij, nuk e përmndi fare ish-kryebashkiakun e tij, Elvis Roshi, i cili ka dalë publikisht për të mbledhur vota për PD-në, ku në listën e hapur të opozitës në Kavajë, është emri i djalit të xhaxhait të tij, Elton Roshi, i cili është futur në listën e PD-së si kandidat aleat nga Agron Duka i PAA-së.

Edi Rama: Oferta jonë në Kavajë është e veçantë dhe e rrallë sepse Kavaja nuk është Tirana, Kamza nga pikëpamja e numrit dhe peshës por ka mundësinë një zgjedhës apo zgjedhëse këtu në Kavajë që me një votë, të marrë 4 deputetë. Shikoni tani se çfarë ndodh me ofertën tjetër, se është kulmi ky. Kavaja demokrate besoi tek Primaret, tek thirrja e bufit të kënetës për të gjithë ata që kishin ambicien ta nxirrnin kokën mbi ujë dhe Kavaja nxori në Primare fituesit e të gjithë qarkut të Tiranës.

I gjithë qarku te Tiranës fitoi kryetari i partisë së Kavajës. Ku është sot, e keni parë gjë? E hëngri bufi siç hëngri të gjithë ata që u dalluan në Primare, tamam sikur iu tha nxirreni kokën se kush jeni ju që keni vërtet mbështetje dhe që nesër në opozitë, se bufi nuk përgatitet për fitore por për opozitë, për të shkatërruar sa të mundet Shqipërinë dhe lodhur e mërzitur njerëzit që duan të shikojnë përpara. Për këtë përgatitet bufi. E keni parë listën e mbyllur të Tiranës? Hyseni juaj këtu meriton çmimin Nobel në krahasim me ata në listën e mbyllur të Tiranës,. Çmimin Nobel për shkencë. E pastaj thua pse i thua çyryk? E morën dhe e zhdukën kryetarin e partisë vetëm se fitoi primaret.

Mua s’po më vjen keq për Hysenin por ajo që iu them demokratëve të Kavajës është që në këto zgjedhje kanë mundësinë e madhe të bëjnë disa punë menjëherë. E para, këto zgjedhje, ndryshe nga të tjerat, janë zgjedhje për të zgjedhur se ku do të jetë Shqipëria në 2030, në BE apo në gropë prapë. Se që dy herë që ia ka besuar Shqipëria ose që i ka rënë në dorë bufit të kënetës ky vend, herën e parë përfundoi me 4 mijë të vdekur dhe herën e dytë u kap në buzë të humnerës së borxheve që mund ta çonte në kolaps. Tani bufi ka dalë bashkë me një tufë qorrash dhe shurdhësh në listat e mbyllura që të tërheqë Shqipërinë për hunde për hallin e vet krejt personal. Se vetëm ai hall personal e bën një burrë 80-vjeç e kusur të vijë vërdallë dhe t’i fiket llampa tre herë në ditë kur merr fjalën.

The post Edi Rama fushatë në Kavajë, merret me Hysen Kadiun dhe “kyç gojën” për Elvis Roshin appeared first on Albeu.com.

“Në jetën time kam mbajtur shumë fjalime, por sonte jam më i emocionuar se asnjëherë kur ju shoh ju, njerëz të lirë, burra dhe gra fisnikë, që i keni dhënë sot këtij sheshi energjinë dhe entuziazmin e fitores sonë. Shqipëria Madhështore është Shqipëria e shpirtit tuaj. Është Shqipëria e dashurisë tuaj për të. E dashurisë për familjen. E atdhetarisë tuaj. E idealeve të lirisë”, tha Berisha.

Teksa, në vijim preku të gjitha arritjet e bëra gjatë kohës kur Partia Demokratike ishte në pushtet, këtë fjalim të tij, Berisha e “shfrytëzoi” edhe për t’i dërguar një mesazh kryeministrit Edi Rama, të cilit me tone ironie, e krahasoi me “gjyshin e Gramoz Ruçit”, sa i përket moshës dhe energjisë.

Berisha theksoi se nuk është rikthyer në politikë për para apo për interesa personale, por për një projekt të madh që synon t’ia dhurojë shqiptarëve, “Shqipërinë Madhështore”, një vizion që sipas tij, do ta bëjë vendin më të bukurin që shqiptarët kanë pasur ndonjëherë në histori.

“Edvin, Edvin vitet e Sali Berishës janë të gjitha vite bio. Janë vite bio, vettingu që i bërë treguan se Sali Berisha del sot para shqiptarëve si politikani më i pastër që ka njohur Shqipëria. Edivn me atë vetting për të cilin, mund të them se nder më bërë u tregove shqiptarëve që ku qëndron forca e pathyeshme e Sali Berishës. Miq sa i përket moshës ju garantoj që ai, se keni njohur ju, ngjet jo me Gramozin, por me gjyshin e Gramoz Ruçit. Forca e burrit matet, fuqia e burrit matet me dashurinë dhe pasionin që ka ai për të ndihmuar shoqërinë, kombin dhe vendin e tij. Nuk jam kthyer unë për pushtet, unë kam qenë në pushtet dhe kam lënë ato që ti kurrë nuk i shuan dot. Nuk jam kthyer unë për para, jo, shqiptarët e panë se cili ishte vettingu i Sali Berishës. Nuk jam kthyer unë për luks”, tha Berisha.

Pjesë nga fjala e Sali Berishës:

Të dashur demokrate e demokratë, opozitarë dhe opozitare, qytetare dhe qytetarë të Tiranës, mirëmbrëma dhe përshëndetjet më të përzemërta ju burrave dhe grave fisnikë, njerëz të mrekullueshëm që e keni bërë sot këtë shesh më të bukurin e Shqipërisë, më të bukurin në Europë.

Mirëmbrëma dhe përshëndetjet më të përzemërta kandidatëve të Aleancës së Shqipërisë Madhështore, të rinjtë, të reja, burra dhe gra, krenaria jonë, krenari për kombin.

Mirëmbrëma dhe përshëndetjet më të përzemërta zotit Chris LaCivita, kryetari i Komitetit të Partisë Republikane, bashkëarkitektit të rikthimit më të madh, më të fuqishëm, më të jashtëzakonshëm në historinë e njerëzimit, rikthimit të presidentit Donald Trump.

Në jetën time kam mbajtur shumë fjalime, por sonte jam më i emocionuar se asnjëherë kur ju shoh ju, njerëz të lirë, burra dhe gra fisnikë, që i keni dhënë sot këtij sheshi energjinë dhe entuziazmin e fitores sonë. Shqipëria Madhështore është Shqipëria e shpirtit tuaj. Është Shqipëria e dashurisë tuaj për të. E dashurisë për familjen. E atdhetarisë tuaj. E idealeve të lirisë.

Miq, imagjinoni për një moment krahun tjetër me patronazhistë mëkatarë. Imagjinoni Edi Ramën që ka në krah Erion Veliajn, Çyrbjen, Ilir Beqajn, por ka në krah edhe McGonigalin. E shumë e presin.

Edi Rama, sonte e kë të vështirë natën. Miqtë e mi, kjo është një natë ndër më të veçantat sepse sonte ne vijmë këtu për të nisur betejën tonë, betejën e fitores, betejën e Shqipërisë Madhështore.Betejë në të cilën Shqipëria ngrihet përsëri. Këto vite, e keqja e vuri para vendin tonë.

Këto vite, 12 vite ishin për Shqipërinë vite të shkretimit të saj nga bijtë dhe bijat, ishin vitet e varfërimit të saj, ishin vite në të cilat regjimi i narkosve të Tiranës dhe mafia ndërkombëtare bëri gjithçka që të fshijë nga kujtesa e këtij kombi veprën tuaj të pavdekshme, Shqipërinë pluraliste.

Bëri gjithçka të fshijë nga historia e këtij kombi arritjet madhore në fushën e lirisë. Bëri gjithçka të fshijë nga arkivat e këtij kombi, kontributin e secilit prej jush për dinjitetin kombëtar dhe lirinë kombëtare. Bëri gjithçka që ju të mos kishit as emër, as flamur.

Po ja ku jemi sot, me flamurin tonë më krenar se kurrë me ju.Ja ku jemi sot, të bashkuar si asnjëherë.Ja ku jemi sot, të ngritur si Feniksi nga hiri në zenit për të shkuar drejt fitores.Miqtë e mi, ne mblidhemi sonte me një vështrim të ri për Shqipërinë.Me një betim solemn para saj për ta nxjerrë ata nga kthetrat e këtij regjimi. Për ta rikthyer atë, për të rikthyer tek ajo projektin e ëndrrave të të rinjve të saj, djemve dhe vajzave, ëndrrave më të bukura. Të dashur miq, 12 vite ishin vite të rënda për çdo shqiptar.Sot, një në dy familje nuk ka një fëmijë në vatrën e vet, por e ka në rrugët e botës.Sot 700 mijë pensionistë qajnë pothuajse çdo ditë me lot të ftohtë mjerimi.

Sot mijëra e mijëra të sëmurë nuk marrin ilaçet dhe mbështeten në mëshirën e sëmundjes në shtratin e spitaleve tona.Sot, qindra mijëra familje shqiptare nuk marrin drejtësi.

Sot qindra mijëra biznese falimentojnë njëra pas tjetrës, qindra mijëra vende pune shkatërrohen nga narkoeurot e trafikantëve të Edi Ramës.Sot sirenat për të ndryshuar Shqipërinë bien në të katër anët e dheut.Sot Shqipëria pret me padurim ndryshimin e madh.

Pret me padurimin projektin e madh, projektin më të bukur që ka njohur në histori, projektin e Shqipërisë Madhështore.Miqtë e mi, këto ditë, këtë muaj, në këtë fushatë, ndeshen dy botë, ndeshen dy filozofi, ndeshen dy projekte.Në njërën anë janë ata të cilët e grabitën dhe e plaçkitën Shqipërinë dhe shqiptarët sa asnjë pushtim tjetër në histori.

Miq, Shqipëria është e sëmurë. Kjo sëmundje quhet Edi Rama.Kjo sëmundje quhet Edi Rama.Kjo sëmundje quhet Edi Rama.I tmerruar nga e vërteta, i tmerruar nga transparenca, ka dy muaj që është ngujuar në zyrë, ka dy muaj që flet me vete, ka dy muaj që ka frikë.Por miq, u përpoq me çdo mënyrë, u përpoq me gjithçka, me arrestime, me korrupsion, me përçarje, me çdo gjë, që Shqipëria të mos kishte opozitë.Ja ku jemi sot, më të fuqishëm se kurrë.

Edi Rama vazhdon avazin e vjetër.Edi Rama vazhdon mashtrime, shpifje dhe trillime.Por për 12 vite shqiptarëve nuk u tregon dot një gjë, një vepër, sepse kudo ka vjedhur, ka vjedhur dhe vetëm ka vjedhur.

Lufta e tij me PD-në, trashëgiminë e saj, është lufta e Don Kishotit me mullinjtë e erës.Çfarëdo që të thotë dhe çfarëdo që të bëjë, kjo parti është partia e pluralizmit politik.Ky flamur është flamuri i pluralizmit politikë.Çfarëdo që të thotë dhe çfarëdo që të bëjë, kjo parti është partia që përmbysi diktaturën komuniste, vendosi demokracinë dhe ekonominë e tregut.Çfarëdo që të thotë dhe çfarëdo që të bëjë, kjo parti është parti që anëtarësoi Shqipërinë në Këshillin e Europës, në NATO dhe nxori Shqipërinë nga terri dhe errësira.

Është partia që çau malet dhe bashkoi kombin me Rrugën e Kombit.Është partia që dyfishoi rrogat dhe pensionet dhe e nxori Shqipërinë nga humnera e varfërisë në grupin e vendeve me të ardhura të mesme të larta.Kjo parti është partia që liberalizoi vizat e shqiptarëve, suksesin e tyre të jetës, i nxori nga izolimi evropian.

Kjo parti është partia e projekteve më të mëdha, më të mëdha në historinë e Shqipërisë, por edhe në rajon edhe më gjerë, si TAP dhe Kaskada e Devollit.Miqtë e mi, kjo parti ka paraqitur një program në të cilin jo më vetëm vepra të caktuara, por Shqipëria e tërë do jetë madhështore, madhështore, madhështore.Edi Rama me propagandën etij përpiqet nga mëngjesi gjer në darkë, i qan hallin kalorësit se i varen këmbët, i qan hallin Sali Berishës për vitet e tij.

Tani do i them këtu para jush, Edvin, vitet e Sali Berishës janë të gjitha vite bio.Vetingu që i bëri me lakejtë e tu, tregoi se Sali Berisha del sot para shqiptarëve si politikani më i pastër që ka njohur Shqipëria dhe më gjerë. Edvin, me atë veting, të cilin e nise si e nise, mund të them se nder më bëre, u tregove shqiptarëve se ku qëndron forca e pathyeshme e Sali Berishës.

The post “S’jam kthyer për pasuri”, Sali Berisha nuk mban lotët, mesazhi për Ramën: O Edvin, vitet e mia janë bio! Fuqia e burrit matet nga dashuria që ka për vendin! appeared first on Albeu.com.

Bora, Era dhe Besar Meta janë pozicionuar në pjesën e karrigeve përreth podiumit, ku pritet të mbajë fjalën kreu i PD, Sali Berisha.

The post Meta në burg, fëmijët e tij pjesë e çeljes së fushatës së Aleancës për Shqipërinë Madhështore appeared first on Albeu.com.

Për këtë u pyet edhe Belind Këlliçi në emisionin “Off the Record”, duke u shprehur se lufta e klasave është mbyllur që në vitin 1990.

“Unë nuk e di fare që Elvis Roshi ka dalë në fushatë elektorale, por di t’u them se koha e Partisë së Punës, të luftës së klasave dhe e goditjeve familjare e farefisnore ka mbaruar në vitin 90 me rrëzimin e diktaturës. Unë nuk e di kë keni ju kushëri, por ju nuk mund të mbani përgjegjësi për të gjithë kushërinjtë tuaj. Unë e di që lufta e klasave është mbyllur në vitin 1990.

Nëse shkoni me mentalitetin komunist, që është përdorur edhe ndaj meje, duke më anatemuar si dhëndër socialist e të tjera. Unë ja tregova Veliaj se kush jam, do t’ja tregoj edhe Ramës”, tha Këlliçi.

The post Zgjedhjet e 11 majit/ Elvis Roshi në fushatë për PD? Reagon Belind Këlliçi… appeared first on Albeu.com.

Në shkelje të ligjit, ditën e sotme faqja zyrtare e Kuvendit në rrjetin sociale Facebook, ka shpërndarë një postim ku bënte thirrje për të votuar Partinë Socialiste në zgjedhjet parlamentare të 11 Majit.

“VOTO 5 nga e majta në të djathtë, bashkë për Shqipërinë 2030 në Bashkimin Europian, drejt e në qendër të fletës së votimit, PS/Edi Rama️” ,– shkruhet në postim, ku është publikuar edhe një foto dore me 5 gishta, që tregon numrin e PS-së në fletën e votimit.

Postimi ka qëndruar për disa minuta dhe më pas është fshirë. Siç duket, Elisa Spiropali, ka harruar që drejton një institucion shtetëror, i cili e ka të ndaluar të përfshihet në fushatë zgjedhore.

Me aktin e sotëm, institucioni i Kuvendit, një institucion që harton dhe miraton ligje, ka shkelur Kodin Zgjedhor dhe Kushtetutën.

Kjo nuk është hera e parë që Elisa Spiropali, akuzohet për keqpërdorim të Kuvendit dhe vendosjen e burimeve publike në funksion të fushatës politike të partisë në pushtet.

Një rast tjetër ishte dhe nisma “KuvendOn”, e cila nisi më 22 tetor nga Berati dhe më pas vazhdoi edhe në qytetet e tjera.

Bëhej fjalë për një fushatë takimesh, ku pretendohej se ishte një nismë për të afruar institucionin më të lartë të vendit me qytetarët.

Por, krahas Spiropalit, në salla ishin deputetët e PS-së, zyrtarët lokalë të PS-së, si dhe zyrtarë të tjerë të partisë në pushtet.

Fjalimet në ato takime dominoheshin nga qëndrimet dhe premtimet politike, të tilla si rritja e pensioneve apo ndihma për grupe të ndryshme të shoqërisë.

Ky aktivitet, përbënte më shumë aktivitet elektoral politik sesa një aktivitet të Kuvendit.

Gjithashtu, Elisa Spiropali është akuzuar edhe se grupin e “Whats App-it” të Kuvendit të Republikës, ku njoftohen gazetarët dhe mediat mbi aktivitetet parlamentare, e përdor edhe për qllime elektorale. Me anë të këtij grupi, kryetarja e Kuvendit njoftonte edhe të gjitha takimet që bën në kuadër të fushatës për zgjedhjet qëndrore të vitit 2025.

Aktivitetet e Spiropalit në Kavajë, Rrogozhinë, Vorë, Kamëz, që bëheshin në kuadër të postit të saj si drejtuese politike e Tiranës, mediave iu paraqitet për raportim si krytare e Kuvendit.

Në atë grup çohej edhe teksti i zbardhur i Spiropali, ku propagandon shërbimin e Qeverive apo bashkive ndaj qytetarëve.

The post SKANDAL/ Kuvendi përfshihet në fushatë, bën thirrje në “Facebook” për të votuar Ramën appeared first on Albeu.com.

10 shtatori, përcaktohet si afati i fundit për miratimin e rregullave për regjistrimin e emigrantëve dhe përgatitjen e listës së zgjedhësve nga jashtë.

Deri në mes të nëntorit duhet të jetë marrë konsensusi për administrimin e numërimit dhe vlerësimit të votave që sipas parashikimeve në Kodin Elektoral pritet të bëhet në KQZ, ndërsa 1 Marsi i 2025-sës është limiti i afatit për miratimin e fletës së votimit e cila pritet tu shkojë përmes shërbimit postar emigrantëve të cilët kane shprehur dëshirën për të marrë pjesë në zgjedhjet e pranverës.
Regjistrimi i tyre do të hapet 4 muaj para datës së zgjedhjeve të dekretuar në Shqipëri dhe u lihet 60 dite kohë për ta përmbyllur këtë proces./ TCh

The post Hapet “thesi” i parave për fushatën/ KQZ-së i jepen 250 mln lekë për “votat” e emigrantëve appeared first on Albeu.com.

Me anë të një postimi në rrjetet sociale, Meta ka ndarë momente nga takimet me qytetarët, ndërsa shprehet se takimet e drejtëpërdrejta dhe shpalosja e 5 prioriteteve do të bëjë të mundur përmbysjen e madhe demokratike.

Postimi i Metës:

100 mijë duar????për 100 mijë zemra❤️(vota).

Sot në Bashkinë Kamëz nisa fushatën time si President i Partisë të Lirisë për të shtrënguar duart drejtpërdrejt me të paktën 100 mijë qytetarë të Qarkut të Tiranës, ku do të kandidoj për deputet në zgjedhjet e ardhshme.

Takimet e drejtpërdrejta dhe shpalosja e 5 Prioriteteve tona do të bëjë të mundur objektivin tonë madhor për Përmbysjen e Madhe demokratike dhe ndalimin e shpopullimit të Shqipërisë. ✌️

The post Do kandidojë për deputet në Tiranë, Meta nis fushatën: PL do të marrë 100 mijë vota appeared first on Albeu.com.

Mes shumë bisedave të kësaj natyre, sipas gazetarit Elton Qyno, veçohet njëra, ku Ardit Hasanbegaj në datën 2 nëntor 2020, i shkruan biznesmenit Pëllumb Gjoka, duke i pohuar si më poshtë vijon:

“…Ça burri është, pozitiv apo negative ky Drejtori i Hipotekës këtu…?
Pëllumbi ia kthen: ”…Vari k***n…”.

Ndërsa më pas Hasanbegaj i shkruan: “…thashë mos ishte linja jote, ti bje apo jo? Meqë nuk ke detyrim ti, po më doli në shteg e ngrita, pooo ok…”.

Dhe Pëllumb Gjoka, që ia kthen shkurt: “…Mos ju ndaj…”.

Nuk ka kaluar shumë nga kjo bisedë, është sërisht Ardit Hasanbegaj që pyet Pëllumb Gjokën, duke i kërkuar ndihmë për një njeriun e vetë, i quajtur Shpend Kuçi, i cili punon doganier në Kukës dhe se i rrezikohet vendi nga Safet Gjici, që në 2020 drejtonte bashkinë e Kukësit.

Nga ana tjetër, Pëllumb Gjoka, i kërkon Hasanbegaj të gjejë datën e saktë se kur mund të shkonte një person në Roskoveç të Fierit, që ishte vënë target prej grupit të tyre, pasi në Roskovec ky person bënte ecje me kalë.

Sipas dosjes hetimore Gjici, kishte vetëm 1 vit e gjysëm që ishte bërë Kryetar Bashkie në Kukës dhe kishte filluar spastrimet në gjithë administratën, përfshirë dhe në doganën e Morinës.

Në 2 nëntor 2020, Hasanbegaj i thotë Pëllumb Gjokës:

“…Të të pyes, me Safet Gjicin ke njohje të Kukësit? Se kam një njeriun tim në doganën e Kukësit, por ka frikë se po i heq të gjithë ai, ok. E kam njeriun tim, familje kunat. Është i vetmi që ka ngel aty, por ka frikë mos e heqin. Ai i PS është, por thotë po çon njerës të tij, aty në Kukës. Prandaj ka frikë. Ok, Shpend Kuci. Aty e ka çuar Saimiri,(Tahiri) para dy vjetësh. Është anëtar i Partisë Socialiste që në 91, me origjinë nga Tepelena, banon në Tiranë…”.

Pëllumb Gjoka lidhet me Agron Malaj, kryetarin e Bashkisë së Burrelit, të cilit i kërkon që të flasë me Safetin në mënyrë që Shpend Kuci, kunati i Ardit Hasanbegaj mos shkarkohet nga Safet Gjici në doganën e Morinës.

Gjoka i shkruan Hasanbegaj: “…Po i thotë Kryetari i Bashkisë Burrel…”, kurse zyrtari i policisë ia kthen: ”…më thuaj ça reagimi do bëjë…ok”.

Me sa duket Agron Malaj lidhet në telefon me Safet Gjicin, duke ja shfaqur shetësimin dhe kërkesën e Pëllumb Gjokës për mos prekur doganierin Shpend Kuci nga Tepelena.

Safet Gjici, ia kthen përgjigjen Agron Malaj dhe më pas ky i fundit ja dërgon me “screenshot” në telefon Pëllumb Gjokës.

Biznesmeni Pëllumb Gjoka, këtë mesazh të Safet Gjicit, ja dërgon me aplikacionin “Sky” Ardit Hasanbegaj.

Ky mesazh i Safet Gjicit dërguar Malaj dhe që më pas përfundoi në telefonin e Hasanbegaj ka këtë përmbajtje si më poshtë vijon:

“…Agron përshëndetje. Do ta shof nesër nëse do përgjigjet për këto punët tona në funksion të datës 25. Patjetër e mbajmë se ai është nga Tepelena…”.

Sipas përmbajtjes së këtij mesazhi, Safet Gjici, është dakord të mbajë në punë kunatin e Hasanbegaj, por me kushtin që ai të impenjohet dhe ndihmojë fushatën e PS, në zgjedhjen parlamentare të 25 Prillit 2021 që po vinin.

Pasi shikon përmbajtjen e këtij mesazhi të shkruar nga Safet Gjici, Hasanbegaj i shkuan Pëllumb Gjokës duke i thënë: “…ok vëlla, për atë datën mbaj unë përgjegjësi…”, duke nënkuptuar gjetjen e ditës së saktë se kur mund të shkonte në Reskovec personi që kërkonte Pëllumb Gjoka.

Më tej, në mëngjesin e datës 5 nëntor 2020 Hasanbegaj i shkruan sërisht Pëllumb Gjokës, duke i pohuar se: “…nëse ulet ky kunati im me Safetin të flaës në emër të Agronit?. Kur Gjoka i shkruan: Mirmëngjes vëlla! Po, Agroni është Kryetari i Bashkisë Mat, që ta dijë kunati…”.

Në vazhdim të kësaj bisede Pëllumb Gjoka, i kërkon ndihmë Ardit Hasanbegaj, pasi kërkon të marë disa kompjutera për lojra fati në Malin e Zi dhe t`i fusë në Shqipëri.

“…Po më duhet ndihma jote. Do marr disa kompjutera që më kanë ngel në Mal të Zi…”, i shkruan Pëllumb Gjoka.

Ndërsa Hasanbegaj ia kthen duke i thënë: “Po mo, kur të duash nga territori. Sa është ai motër q*** im të ndihmoja unë, pa ardhë. Mos e kemi atë nëpërkëmbë, se bëhet keq ai…”.

The post Biseda në “SKY”/ Emërimet për fushatë, sms e Gjicit për Agron Malajn, si shpëtoi kunati i Hasanbegaj nga shkarkimi appeared first on Albeu.com.