Më poshtë janë dhjetë lloje frutash dhe perimesh që janë aleatë të mirë në freskimin e trupit gjatë vapës.

-Portokalli

Përveç vitaminës C, portokalli ka mbi 85% ujë, duke e bërë një frut të shkëlqyer për hidratim gjatë ditëve të nxehta.

-Rrushi

Rrushi është freskues, i ëmbël dhe i pasur me ujë. Mund të mbahet në frigorifer ose ngrirje për një snack të ftohtë e të shëndetshëm.

-Kastraveci

Kastraveci përmban rreth 96% ujë, duke qenë një nga perimet më hidratuese. Mund të konsumohet në sallata, smoothie ose thjesht si snack.

-Luleshtrydhet

Të ëmbla dhe të pasura me ujë (rreth 91%), luleshtrydhet janë perfekte për hidratim dhe një burim i mirë i vitaminës C.

-Pjepri

Një tjetër frut me përmbajtje të lartë uji (rreth 90%). Pjepri është gjithashtu i pasur me kalium, që ndihmon në balancimin e elektroliteve.

-Selinoja

Me 95% ujë, selinoja është shumë e ulët në kalori dhe ndihmon në hidratim, tretje dhe pastrim të trupit.

-Ananasi

Përveç përmbajtjes së ujit, ananasi ka enzima që ndihmojnë në tretje dhe është shumë freskues në smoothie apo sallata.

The post Ju mbajnë të hidratuar gjatë ditëve të nxehta, ja cilat janë frutat dhe perimet më të pasura me ujë appeared first on Albeu.com.

Sipas një studimi të ri konsumi i të paktën dy avokadove në javë, mund të zvogëlojë rrezikun e një ataku në zemër. Konsumimi i avokadove zvogëlon rrezikun e sulmeve në zemër si te burrat ashtu edhe te gratë.

Njihuni më poshtë me rezultatet e studimit dhe sasinë që sipas ekspertëve mbron shëndetin tuaj kardiovaskular. Studimi mbi faktorët e rrezikut të sëmundjeve kronike, ndoqi më shumë se 100,000 gra dhe burra për katër vjet.

Për të shqyrtuar këtë ndikim, studiuesit zëvendësuan të njëjtën sasi vezësh, kosi, djathi, margarine, gjalpi dhe mishi të përpunuar me avokado. Ata vunë re se ndryshimet në shëndet ishin të mëdha.

Në vend të avokadove ju mund të konsumoni ushqime me një profil ushqyes të ngjashëm. Të tilla si arrat, bajamet, ullinjtë, vaji i ullirit, fara si kungulli ose liri, fasule, qiqra dhe thjerrëza.

Si të parandalosh sëmundjet e zemrës?

Për të parandaluar sëmundjet e zemrës mbani nën kontroll peshën, presionin e gjakut, kolesterolin. Gjithashtu menaxhoni stresin, kufizoni alkoolin, shmangni duhanin, bëni gjumë të qetë, stërvitje të rregullt dhe ushqhehuni shëndetshëm.

Yndyrnat e shëndetshme që duhet të konsumoni janë vaji i ullirit, i kikirikut dhe vaji i susamit, së bashku me avokadot, gjalpin e kikirikut, arrorët dhe farat.

Shmangni yndyrnat e ngopura dhe yndyrat trans që rrisin nivelet e LDL, të njohur si “kolesteroli i keq”. Të tilla janë produktet e qumështit, vezët, gjalpi dhe pjesët yndyrore të viçit, derrit dhe shpendëve me lëkurë.

Këto yndyrna mund të rrisin rrezikun e sëmundjeve të zemrës, goditjes në tru dhe diabetit të tipit 2. Ato shpesh mund të gjenden edhe tek ushqimet e skuqura apo ëmbëlsirat.

The post Fruti që ul rrezikun e sulmit në zemër! Sasia që duhet të konsumoni appeared first on Albeu.com.

“Një problem themelor me lëngun është sasia” tha bashkautori Walter Willett. “Për shembull, sa shpesh hamë tre portokalle? Një gotë është rreth tre portokalle por nëse konsumojmë një tjetër, kjo shton shumë kalori dhe rrit glukozën në gjak”, theksoi ai.

Me kalimin e kohës, sheqeri i tepërt në gjak mund të çojë në rezistencë ndaj insulinës, sindromë metabolike, diabet, sëmundje të zemrës, obezitet dhe gjendje të tjera kronike, thonë ekspertët.

“Ndërsa konkluzionet e nxjerra të studimit nuk treguan një shkak të drejtpërdrejtë, gjetjet ishin mjaft të vlefshme dhe përputheshin me atë që shohim klinikisht”, tha endokrinologia Tamara Hannon, e cila nuk ishte e përfshirë në hulumtim.

Për shkak të shqetësimeve në rritje të obezitetit në fëmijëri dhe kaviteteve dentare, AAP këshillon prindërit që të shmangin plotësisht lëngjet për foshnjat më të vogla se 1-vjeç, të kufizojnë marrjen në 4 portokall në ditë për fëmijët e moshës 1 deri në 3 vjeç dhe vetëm 6 të tillë në ditë për fëmijët e moshës 4 deri në 6 vjeç.

“Nuk ka asnjë arsye shëndetësore për të pasur lëngje në vend të frutave dhe perimeve të plota, përveç nëse fëmija juaj nuk mund të tolerojë të hajë ushqim të rregullt,” tha Hannon, drejtor i programit të diabetit pediatrik.

Lëngu 100% i frutave ose perimeve nuk duhet të konsumohet si një shërbim i përditshëm për shëndetin ushqyes, tha Dr. David Katz, themeluesi i Iniciativës së Shëndetit të Vërtetë. Në vend të kësaj, jepni përparësi frutave të plota.

Adoleshentët dhe të rriturit duhet të pinë jo më shumë se 8 gota në ditë lëng 100%, sipas udhëzimeve kombëtare të ushqimit dhe lëngu nuk duhet të shihet si një mënyrë e shëndetshme për të shuar etjen.

“Udhëzimet e përgjithshme janë kundër marrjes rutinë,” tha Dr. David Katz, një specialist i stilit të jetesës, që nuk ishte i përfshirë në studim.

“Nuk është për shëndetin e përditshëm, është një ëmbëlsirë e rastësishme. Në një kontekst të tillë, lëngu i frutave është një zgjedhje shumë më e mirë se soda, për shumë arsye”, shtoi ai.

Si ndikon lëngu në trup!

“Frutat dhe perimet e plota përmbajnë lëndë ushqyese të tilla si karbohidrate, proteina, yndyra, minerale dhe vitamina. Kjo është mënyra se si trupat tanë janë të destinuar të marrin ushqim. Kur heqim paketimin, ne heqim fibrat dhe pjesët strukturore të ushqimit, dhe trupi ynë e tret dhe e metabolizon atë ndryshe nga sa ka evoluar për ta bërë këtë”, shtojnë ekspertët.

Ngrënia e një molle të tërë, për shembull, nuk rrit nivelin e sheqerit në gjak, sepse fruktoza, sheqeri që gjendet natyrshëm në fruta dhe disa perime, lëshohet ngadalë në gjak. Megjithatë, pirja e lëngut të mollës e përmbyt gjakun me fruktozë.

“Gjaku nuk mund të jetë i sheqerosur. Është e rrezikshme për organet, kështu që trupi ka shumë mekanizma për të hequr qafe sheqerin shpejt dhe për ta mbajtur sheqerin në gjak normal. Pra, mëlçia, e cila metabolizon sheqernat, konverton një pjesë të madhe të atyre kalorive në një yndyrë që mund të ruhet lehtësisht dhe të mbahet jashtë gjakut”, shpjegon më tej eksperti.

Ky nuk është ndikimi i vetëm, tha autori i studimit Vasanti Malik, një shkencëtar hulumtues në departamentin e të ushqyerit në Shkollën e Shëndetit Publik në Harvard TH Chan.

“Kur konsumoni kalori në formë të ngurtë, truri juaj është më i mirë në regjistrimin e atyre kalorive dhe rregullimin e marrjes së ushqimit në përputhje me rrethanat. Por nëse pini ato kalori, mund të mos ndiheni të ngopur dhe të filloni të hani përsëri”, tha ai.

Tek fëmijët, çdo racion shtesë në ditë me lëng frutash 100% u shoqërua me një ndryshim 0.03 më të lartë të masës trupore, sipas studimit! Fillimisht, studimi nuk gjeti një ndikim tek të rriturit për shkak të variacioneve në mënyrën e matjes së kalorive, tha Malik. Megjithatë, kur u rishikuan vetëm një nëngrup prej 25 studimesh që përshtateshin për kaloritë, rezultatet treguan një ndryshim të vogël prej 0.02 në BMI.

The post Prindër kujdes/ Studimi: Fëmijët që konsumojnë lëngje në vend të frutave, shtojnë peshë! appeared first on Albeu.com.

Shega njihet si një frutat e pasura me vitaminë C dhe antioksidantë, shumë të rëndësishme për t’u mbrojtur nga viruset.

Lëngu i shegës është një përzierje vitaminash dhe antioksidantësh. Ai forcon sistemin imunitar në mënyrë të përkryer. Shega është e pasur me shumë elementë të rëndësishëm për shëndetin, siç janë magnezi, mangani, zinku, hekuri, natriumi dhe bakri, veç vitaminës C.

Në treg mund të gjeni shtrydhëse shege, por edhe nëse e konsumoni me kokrra, përfitimet do të vijnë njëlloj.

The post Virozat i parandaloni me frutin e stinës, zgjidhja e përditshme natyrale appeared first on Albeu.com.

Këtë e kemi mësuar që në fëmijëri dhe shkenca e ka provuar.

Ai është plot vlerë për imunitetin dhe për të gjithë trupin nga koka tek këmbët.

Arsyet përse qumështi nuk duhet kombinuar me fruta?

3000 vjet më parë në Indi lindi mjekësia më e famshme popullore e njohur si Ayurveda.

Kjo praktikë holistike bazohet në besimin se shëndeti dhe mirëqenia e njeriut janë në varësi të një ekuilibri delikat mes mendjes, trupit dhe shpirtit.

Qëllimi i kësaj mjekësie është të përmirësojë shëndetin e njeriut në mënyrë sa më natyrale.

Sipas këshillave të ekspertëve të kësaj mjekësie, qumështi nuk duhet kombinuar me fruta të ëmbla apo me aciditet të lartë.

Kur qumështi kombinohet me frutat e ëmbla, ai ndikon negativisht tek tretja e frurit dhe nxit fermentimin e sheqerit në stomak.

Kur qumështi kombinohet me frutat me aciditet të lartë, ai thartohet dhe shkakton aciditet akoma më të lartë në stomak.

Kombinimi më i sigurtë për shëndetin është ai i qumështit me mango, avokado, rrush të thatë, fiq të thatë dhe hurma arabie.

The post Bëni kujdes, arsyet pse qumështin nuk duhet ta përzjemë me fruta appeared first on Albeu.com.

Mjekët paralajmërojnë se personat me gastrit nuk duhet të kombinojnë bananet me asnjë produkt tjetër dhe kombinimi i vetëm i mundshëm është me kefir, salcë kosi, djathë të freskët, qumësht ose mollë.

Bananet njihen si një frut që na japin energji, ndaj janë një zgjedhje e shkëlqyer për mëngjes. Megjithatë, është mirë t’i hani ato në kombinim me ushqime të tjera si drithërat, asnjëherë vetëm me barkun bosh.

Ata gjithashtu theksojnë se nëse hani banane me stomakun bosh, sasia e magnezit në gjak rritet ndjeshëm, gjë që mund të jetë e dëmshme për zemrën.

Bananet nuk rekomandohen për një grup njerëzish me një problem të caktuar shëndetësor. Bananet mund të jenë problem serioz në situatën kur keni ndonjë na sëmundjet e zorrëve në fazën akute.

Bananet e pjekura veprojnë në mënyrë laksative, andaj kjo frutë është e dëmshme për ata të cilët kanë çrregullime të zorrëve ose sëmundje gastrointestinale në fazën akute. Mund të shkaktojnë fryrje.

The post Vuani nga gastriti? Mos e konsumoni kurrë këtë frut me stomakun bosh appeared first on Albeu.com.

Eksperti dioetolog Dr. Michael Mosley ka pohuar se ka disa fruta që duhet t’i konsumoni në sasi më të ulët, nëse dëshironi të humbni peshë. Ai shpjegon: “Ajo që hani ka një ndikim të thellë në shëndetin tuaj mendor, dhe rrjedhimisht në nivelet tuaja të energjisë. Pasi të keni filluar rrethin e virtytshëm, atëherë të gjitha gjërat e tjera bëhen shumë më të lehta.”

Cilat fruta duhet të shmangim nëse duam të humbim peshë?

Eksperti i dietës tha: “Frutat janë të shkëlqyera nëse jeni të shëndetshëm, por nëse keni peshë për të humbur, atëherë kalimi në fruta me më pak sheqer si mollët dhe manaferrat mund të jetë zgjedhje e mençur”. Ai tha se frutat si mango janë mjaft të larta në sheqerna natyrale në krahasim me frutat e tjera si rrushi, mjedra apo avokado.

Përveç mangove, Dr Michael ka sugjeruar gjithashtu që ne duhet të shmangim ngrënien e pjeprit dhe ananasit shumë shpesh, pasi ato gjithashtu përmbajnë shumë sheqer. Në vend të kësaj, është më mirë të zgjidhni fruta me më pak sheqer, si manaferrat.

The post Këshilla e mjekut: Nëse doni të humbni peshë, mos hani këto fruta appeared first on Albeu.com.

Studime të shumta kanë lidhur zhvillimin e sëmundjeve të ndryshme pikërisht për shkak të pesticideve, shkruan albeu.com.

Frutat dhe perimet që kanë më shumë mbetje pesticidesh: luleshtrydhe, spinaq, lakër jeshile dhe lakër, nektarina, mollë, rrush, speca, qershi, pjeshkë, dardha, selino dhe domate.

Frutat dhe perimet me më pak mbetje të pesticideve: avokado, misër i ëmbël, ananas, qepë, papaja, bizele të ëmbla (të ngrira), kivi, lakër, kërpudha, pjepër, mango, shalqinj dhe patate të ëmbla.

Në këtë mënyrë ju mund të ulni nivelin e këtyre substancave të dëmshme në ushqim:

Shpëlarja e plotë e frutave dhe perimeve me ujë është e nevojshme t’i pastroni me një sfungjer dhe t’i qëroni, sepse kështu do të largohen shumica e mbetjeve ekzistuese sipërfaqësore, së bashku me papastërtitë e mbetura.

Gatimi ose pjekja e ushqimit mund të zvogëlojë më tej mbetjet e disa pesticideve.

Këshillohet gjithashtu heqja e yndyrës nga mishi, pasi mbetjet e disa pesticideve përqendrohen në yndyrë, nëse kafshët ushqehen me ushqime të trajtuara me pesticide.

Heqja e lëkurës së peshkut.

Ndarja e yndyrave dhe vajrave nga supa, si dhe yndyrat nga pjekja

Mënyra më e mirë për t’u mbrojtur nga pesticidet është rritja e kopshtit tuaj, në mënyrë që të jeni plotësisht të sigurt për cilësinë e frutave dhe perimeve që konsumoni.

Shumica e njerëzve nuk janë në gjendje ta zbatojnë këtë rekomandim, ndaj këshillohet të blini fruta dhe perime organike, si dhe ato që janë të sigurta. /albeu.com/

The post Çfarë janë PESTICIDET dhe sa të rrezikshme janë? Këto janë mënyrat për të reduktuar mbetjet e helmit në fruta dhe perime appeared first on Albeu.com.

Kodi 4-shifror që fillon me 3 ose 4

Nëse ka vetëm katër numra në afishe, do të thotë se frutat ose perimet janë rritur me përdorimin maksimal të praktikave bujqësore, duke përfshirë plehërimin e bollshëm dhe përdorimin e pesticideve në shtim.

Kodi 5-shifror që fillon me 8

Në kultivimin e këtyre frutave janë përdorur teknologjitë e inxhinierisë gjenetike (OMGJ), të cilat kanë shkaktuar polemika të forta. Studimet kanë treguar se frutat më të zakonshme të modifikuara gjenetikisht janë pjepri, banania dhe papaja.

Kodi 5-shifror që fillon me 9

Nëse shikoni pesë numra që fillojnë me 9, kjo do të thotë se ata janë rritur ashtu siç kanë bërë paraardhësit tanë: barërat e këqija dhe pa plehra kimike. Një produkt i tillë konsiderohet organik.

Nëse nuk ka kod PLU në fruta

Shumica e njerëzve përpiqen të zgjedhin fruta pa ngjitëse. Por në fakt, është më e sigurt të preferoni produktet e etiketuara, sepse ajo që importohet duhet të përmbajë ngjitëse. E nëse nuk ekzistojnë, atëherë ka shumë mundësi që produktet të jenë “pastruar” qëllimisht prej tyre.

The post Nuk është vetëm një detaj, çfarë kuptimi kanë ngjitësit e frutave (FOTO LAJM) appeared first on Albeu.com.

Dëshmitë në rritje nga studime të shumta shkencore tregojnë se shumë fruta, perime dhe drithëra të rritura sot përmbajnë më pak proteina, kalcium, fosfor, hekur, riboflavinë dhe vitaminë C sesa ato që u rritën dekada më parë. Ky është një problem i madh sidomos tani që shumë njerëz po kalojnë në dieta me bazë bimore.

Rënia e lëndëve ushqyese “do të lërë trupin tonë me më pak nga komponentët që u nevojiten për të forcuar mbrojtjen kundër sëmundjeve kronike. Do të zvogëlojë vlerën e ushqimit si ilaç parandalues”, thotë David R. Montgomery, profesor i gjeomorfologjisë.

Edhe për njerëzit që shmangin ushqimet e përpunuara dhe i japin përparësi produkteve të freskëta, kjo prirje do të thotë se “ajo që hëngrën gjyshërit tanë ishte më e shëndetshme se ajo që hamë ne sot”, thotë Kristie Ebi, një eksperte për ndryshimet klimatike dhe shëndetin.

Shkencëtarët thonë se rrënja e problemit qëndron në proceset moderne bujqësore që rrisin rendimentet e të korrave, por ‘shqetësojnë’ shëndetin e tokës. Këto përfshijnë metodat e ujitjes, plehërimit dhe korrjes, të cilat gjithashtu prishin ndërveprimet thelbësore midis bimëve dhe tokës, gjë që redukton përthithjen e lëndëve ushqyese nga toka. Këto probleme po ndodhin në sfondin e ndryshimeve klimatike dhe rritjes së niveleve të dioksidit të karbonit, të cilat gjithashtu po ulin përmbajtjen e lëndëve ushqyese të frutave, perimeve dhe drithërave.

Ekspertët thonë se është e rëndësishme t’i mbani këto rënie në perspektivë dhe të mos lejoni që ky lajm t’ju pengojë të hani një shumëllojshmëri frutash, perimesh dhe drithërash për të ruajtur shëndetin tuaj. Por ata shpresojnë se rezultatet do të nxisin më shumë njerëz të kujdesen për mënyrën se si po rritet ushqimi i tyre.

“Shumica e njerëzve e dinë se ajo që hamë ka rëndësi por ka rëndësi edhe mënyra se si rritet ushqimi ynë”, thotë Montgomery.

Një nga studimet më të mëdha shkencore për të tërhequr vëmendjen ndaj kësaj çështjeje u botua në Journal of the American College of Nutrition. Duke përdorur të dhënat e lëndëve ushqyese, studiuesit në Universitetin e Teksasit në Austin vunë re ndryshime në 13 lëndë ushqyese në 43 kultura të ndryshme bimësh, nga asparagu dhe fasulet te luleshtrydhet dhe shalqiri.

Këto fruta dhe perime të papërpunuara treguan rënie të proteinave, kalciumit dhe fosforit. Këto janë thelbësore për ndërtimin dhe ruajtjen e kockave dhe dhëmbëve të fortë dhe për funksionimin e duhur të nervave. Nivelet e vitaminës C, e rëndësishme për rritjen dhe riparimin e indeve të ndryshme në trup dhe për funksionin imunitar, ranë gjithashtu.

Niveli i rënies ndryshonte në varësi të lëndëve ushqyese specifike dhe llojit të frutave ose perimeve, por në përgjithësi varionte nga 6 përqind për proteinat në 38 përqind për riboflavin. Në veçanti, kalciumi ra më në mënyrë dramatike te brokoli, lakra jeshile dhe zarzavatet. Studime të mëtejshme kanë mbështetur rastin se nivelet e lëndëve ushqyese po shpërndahen. Hulumtimi në botimin e janarit 2022 të revistës Foods zbuloi se ndërsa shumica e perimeve të rritura në Australi kishin përmbajtje relativisht të ngjashme hekuri midis 1980 dhe 2010, pati rënie të dukshme në disa perime. Rënia e përmbajtjes së hekurit, që varion nga 30 në 50 për qind, ka ndodhur për misrin e ëmbël, patatet me lëkurë të kuqe, lulelakrën, fasulet, bizelet dhe qiqrat.

Edhe drithërat kanë pësuar rënie, thonë ekspertët. Një studim në një botim të 2020 të Raporteve Shkencore zbuloi se përmbajtja e proteinave në grurë u ul me 23 për qind nga viti 1955 deri në vitin 2016, dhe gjithashtu pati reduktime të dukshme në hekur, zink dhe magnez.

Rëniet alarmante kanë efekte edhe për mishngrënësit. Lopët, derrat, dhitë dhe qengjat po ushqehen tani me barëra dhe drithëra më pak ushqyese, thotë Montgomery, gjë që nga ana tjetër e bën mishin dhe produktet e tjera me origjinë shtazore më pak ushqyese se sa ishin më parë.

Një stuhi e përsosur problematike

Faktorë të shumtë po kontribuojnë në këtë problem. E para janë praktikat moderne bujqësore që janë krijuar për të rritur rendimentet e të korrave.

“Duke mësuar t’i rritin bimët më të mëdha dhe më shpejt, bimët nuk janë në gjendje të vazhdojnë me thithjen e lëndëve ushqyese nga toka ose në gjendje të sintetizojnë lëndët ushqyese nga brenda”, shpjegon Donald R. Davis nga Universiteti i Teksasit në Austin.

Rendimenti më i lartë do të thotë që lëndët ushqyese nga toka duhet të shpërndahen në një vëllim më të madh të kulturave, kështu që në fakt, lëndët ushqyese që prodhojnë këto fruta dhe perime po pakësohen. “Fatkeqësisht, fermerët paguhen për peshën e të korrave të tyre, kështu që i nxit ata të bëjnë gjëra që nuk janë të mira për përmbajtjen e lëndëve ushqyese”, shton Davis.

Një tjetër fajtor është dëmtimi i tokës që vjen nga kulturat me rendiment të lartë. Gruri, misri, orizi, kokrrat e sojës, patatet, bananet. Bujqësia me rendiment të lartë e varfëron token.

Rritja e niveleve të dioksidit të karbonit në atmosferë po zvogëlon gjithashtu vlerat ushqyese të ushqimeve tona.

Të gjitha bimët kanë rrugë fotosintetike përmes të cilave ata sjellin dioksid karboni nga atmosfera, e ndajnë atë dhe e përdorin karbonin për t’u rritur. Por kur të korrat duke përfshirë grurin, orizin, elbin janë të ekspozuara ndaj niveleve më të larta të dioksidit të karbonit, ato gjenerojnë përmbajtje më të lartë të karbohidrateve. Përveç kësaj, kur përqendrimet e dioksidit të karbonit janë më të larta, këto kultura thithin më pak ujë, “që do të thotë se ato sjellin më pak mikroelemente nga toka”.

Një kërcënim i dukshëm për shëndetin publik

Për të qenë të qartë: Frutat, perimet dhe drithërat janë ende ndër ushqimet më të shëndetshme në planet por konsumatorët mund të mos marrin lëndët ushqyese për të cilat po mbështeten nga ushqimet me bazë bimore. Dhe nëse këto rënie të lëndëve ushqyese vazhdojnë, disa njerëz mund të jenë në rrezik të lartë për zhvillimin e mangësive në disa lëndë ushqyese ose më pak të aftë për të mbrojtur veten nga sëmundjet kronike përmes ushqimit të mirë, thonë ekspertët.

Ndërsa këto rënie të lëndëve ushqyese prekin të gjithë, disa njerëz kanë më shumë gjasa të vuajnë nga dëmtimi.

“Gruri dhe orizi përbëjnë më shumë se 30 për qind të kalorive të konsumuara në mbarë botën”, vëren Ebi. “Çdokush, dieta e të cilit mbështetet shumë në këto drithëra, veçanërisht popullatat me të ardhura të ulëta, mund të ndikohet nga ulja e konsumit të proteinave, vitaminave B dhe mikronutrientëve. Këto ndryshime dietike mund të çojnë në mangësi, siç është anemia tek gratë dhe vajzat”.

“Rënia e lëndëve ushqyese është një shqetësim i madh në vendet që tashmë po luftojnë me pasiguri të rëndë ushqimore”, shton Chase Sova, drejtor i lartë i politikave publike dhe kërkimit në Programin Botëror të Ushqimit në SHBA.

Rreth tre miliardë njerëz në mbarë planetin, shumica e tyre në vendet me të ardhura të ulëta dhe të mesme, nuk mund të përballojnë rregullisht një dietë të shëndetshme dhe të paktën dy miliardë vuajnë nga e ashtuquajtura uri e fshehur, duke u munguar mikronutrientët kryesorë në dietat e tyre”, thotë Sova.

“Këta njerëz nuk mund të përballojnë rënie shtesë të lëndëve ushqyese në ushqimet me bazë bimore”.

Pavarësisht se kush i ha ato, ushqimeve me më pak lëndë ushqyese mund t’u mungojë edhe një atribut tjetër i rëndësishëm: shija. Shumë komponime mbrojtëse për shëndetin u japin shije ushqimeve, kështu që disa nga ndryshimet në praktikat bujqësore që janë përgjegjëse për nivelet më të ulëta të lëndëve ushqyese janë të njëjtat që kontribuojnë në shijet e tyre.

Toka: Çelësi për rritjen e lëndëve ushqyese

Fatkeqësisht, nivelet e lëndëve ushqyese në prodhim nuk ka gjasa të përmirësohen duke pasur parasysh trajektoren aktuale të ndryshimeve globale.

Duke përdorur modele me përqendrime atmosferike të dioksidit të karbonit të parashikuara deri në vitin 2050, studiuesit vlerësojnë se përmbajtja e proteinave në patate, oriz, grurë dhe elb ka të ngjarë të ulet 6 deri në 14 përqind të tjera, sipas një studimi të botuar në revistën Environmental.

Megjithatë, në pjesën më të madhe, gjëja më e shëndetshme që një blerës mesatar mund të bëjë është të vazhdojë të hajë një sërë prodhimesh.

“Nuk po flasim për një rënie prej 50 për qind të densitetit të lëndëve ushqyese, kështu që nëse jeni duke marrë një shumëllojshmëri frutash dhe perimesh me ngjyra të ndryshme, do të plotësoni ende nevojat tuaja ushqyese,” thotë Kristi Crowe-White, profesor.

Në cdo rast, shumëllojshmëria nuk është vetëm erëza e jetës, ajo mund t’ju ndihmojë të keni një shëndet më të mirë.National Geographic./Si/

The post STUDIMI: Frutat dhe perimet janë më pak ushqyese se sa ishin më parë appeared first on Albeu.com.