“Rruga e Ballkanit Perëndimor,ku përfshihete dhe Shqipëria raportoi një rënie prej rreth 31%, me rreth 99.000 raste të evidentuara të migrimit të parregullt, krahasuar me vitin 2022 thotë raporti .

Sipas raportit “një pjesë e presionit migrator nga kufijtë serbë u zhvendos në kufijtë e Bosnjë Hercegovinës e cila shënoi një rritje me 80% të kalimeve të parregullta të kufirit në 11 muajt e parë të 2023, krahasuar me të njëjtën periudhë të vitit 2022.

Sipas FRONTEX-it emigrantët e raportuar ,si më të shumtit në numër , në Rrugën e Ballkanit Perëndimor , ishin kryesisht sirianë, turq dhe afganë.

Në përmbledhjen e FRONTEX-it thuhet se në vitin 2024 menaxhimi i kufijve evropianë do të vazhdojë të përballet me një sfidë të madhe karakterizuar nga mundësia për rritje të prurjeve migratore dhe krimit ndërkufitar.

Rreziqet për vitin 2024, thotë FRONTEX mund të pritet të prekin kryesisht rrugët e Mesdheut Qendror dhe Lindor.

Presioni i përforcuar i prurjeve migratore në Mesdheun lindor do të kishte efekt edhe në Ballkanin Perëndimor thotë Frontex në raportin vjetor të 2023.

Shqipëria si pjesë e rrugës ballkanike dhe prurjet migratore gjatë vitit 2023

Edhe Shqipëria si pjesë e rrugës Ballkanike të kalimit të migrantëve pësoi një ulje të prurjeve migratore që vijnë kryesisht nga Greqia në vitin 2023.

Me pak se 9 mijë migrantë të huaj të parregullt sipas të dhënave pararake u evidentuan në brendësi të territorit shqiptar, ku pjesa më e madhe e të cilëve kanë hyrë nga Greqia në pikën e Qafë Botës në Sarandë.

Shqipëria është pjesë e Rrugës së Ballkanit Perëndimor ku migrantët e parregullt që hyjnë nga kufiri jugor dhe juglindor shqiptar me Greqinë kalojnë tranzit për të udhëtuar nga zonat veriore në drejtim të Malit të Zi apo Kosovës me destinacion final vendet e Bashkimit Europian.

Prurjet migratore në Shqipëri u lidhën ngushtësisht gjatë vitit 2023 me situatën në kampet greke të migrantëve, me ritmin e hyrjes së migrantëve të parregullt në Greqi, kryesisht nga kufiri turk por edhe me aktivitetin e rrjeteve rajonale apo kombëtare të kontrabandimit të migrantëve.

Autoritetet shqiptare firmosën mesin vitit të shkuar një marrëveshje bashkëpunimi me FRONTEX që synon të sigurojë shkëmbimin e informacionit në lidhje me pretendimet për shkelje të të drejtave themelore në aktivitetet operacionale të Frontex në territorin e Shqipërisë.

Frontex nisi operacionin e përbashkët në Shqipëri, operacionin e parë të agjencisë në Ballkanin Perëndimor, në maj 2019. Aktualisht janë 162 oficerë evropianë të rojeve kufitare që punojnë së bashku me Policinë kufitare Shqiptare.

Sipas të dhënave nga Agjencia Europiane për Ruajtjen e Kufijve , Frontex, numri i kalimeve të parregullta në kufirin e jashtëm të Bashkimit Europian arriti në vitin 2023 në rreth 380 000, i nxitur nga një rritje e mbërritjeve përmes rajonit të Mesdheut,

Kjo shënon nivelin më të lartë që nga viti 2016 dhe përbën një rritje prej 17% krahasuar me kalimet e parregullta të vitit 2022, duke treguar një tendencë të vazhdueshme rritëse gjatë tre viteve të fundit.

Sirianët përbënin mbi 100 000 kalime të parregullta përgjatë vitit 2023 ,duke shënuar edhe numërin më të lartë midis të gjitha kombësive.

Ata u pasuan nga guineasit dhe afganët.

Këto tre kombësi kryesore përbënin mbi një të tretën e të gjitha kalimeve, sipas FRONTEX./voa

The post FRONTEX: 31% më pak migrantë të parregullt në Ballkanin Perëndimor në vitin 2023 appeared first on Albeu.com.

Ministri Balla e konsideroi nënshkrimin e kësaj marrëveshjeje të përmirësuar, si dëshmia e radhës e vullnetit të padiskutueshëm për të kontribuar në sigurinë e përbashkët të hapësirës së zgjeruar evropiane.

”Ambicia jonë nuk është të jemi thjesht përfitues nga mekanizmat komunitarë për mbrojtjen e kufijve të jashtëm të BE-së, por të marrim rolin e një vendi kontribuues për sigurinë në rajon e më gjerë”, deklaroi ministri i Brendshëm.

Ambasadori spanjoll tha se marrëveshja do të ndihmojë në fuqizimin e bashkëpunimit me të gjithë rajonin e Ballkanit Perëndimor, i cili është një prioritet për BE-në dhe në veçanti, sipas tij për Presidencën spanjolle të BE-së.

“Kufij të përbashkët nënkuptojnë edhe përgjegjësi të përbashkëta. Kjo është filozofi thelbësore e integrimit në BE. Në të njëjtën kohë, kufijtë e përbashkët dhe përgjegjësitë e përbashkëta, ofrojnë gjithashtu mundësi të gjera për ndërveprim konstruktiv, e nëse ne kemi një qasje koordinuese dhe bashkëpunuese, dhe ndajmë praktikat më të mira, mësojmë prej njëri-tjetrit. Një mjet veçanërisht i fuqishëm në menaxhimin e kufirit konsiston në përpjekjet e përbashkëta dhe të harmonizuara prej të gjithë aktorëve, BE, agjencitë e saj, vendet anëtare, por gjithashtu edhe partnerët e saj të privilegjuar, të tillë si Shqipëria, një vend kandidat që në qershor 2014, procesi i integrimit të së cilës ka një natyrë strategjike, jo vetëm për Shqipërinë dhe Ballkanin Perëndimor, por edhe për Europën si një e tërë”, nënvizoi ambasadori i Spanjës në Tiranë.

Zv.drejtori i DG Home tha se operacionet e përbashkëta që vijojnë në Shqipëri që prej 2019 kanë sjellë rezultate vërtet shumë pozitive, sa i përket uljes së migracionit të parregullt e krimit ndërkufitar. Zyrtari i lartë i Komisionit Europian deklaroi se nënshkrimi i marrëveshje është një dëshmi tjetër e fortë e përafrimit gjithnjë e më afër të Shqipërisë me BE-në.

“Migracioni është vërtetë një sfidë, por një sfidë ama, e cila trajtohet në mënyrën më të mundshme duke bashkëpunuar, duke punuar së bashku, duke vënë në zbatim një model të duhur të menaxhimit të kufirit, i cili bazohet tek siguria, tek dinjiteti, tek fakti që ne të gjithë duhet të përpiqemi, që të japim mbrojtjen e duhur atyre që e meritojnë dhe që kanë nevojë për të”, tha z. Luchner.

Ministri Balla tha se për Shqipërinë nuk ka plan B, por vetëm plani A, që është anëtarësimi në Bashkimin Europian. E bashkëpunimi me FRONTEX në këto 4 vite e në vijim ka në thelb edhe transformimin e Policisë Kufitare në një partnere të denjë të Policive partnere europiane.

“Me nivelin e bashkëpunimit të arritur me FRONTEX dhe EUROPOL, Policia e Shtetit ka arritur vërtet të dëshmojë se mund të mbajë barrën e një përgjegjësie të lartë, të denjë për një vend kandidat për në familjen e madhe evropiane. Po ashtu jemi të sigurt se përmes kësaj marrëveshjeje, do të zhvillojmë cilësisht më tej kapacitetet e Policisë së Shtetit në luftën kundër krimit ndërkufitar, por mbi të gjitha, do të rrisim nivelin e besimit reciprok mes Policisë Shqiptare dhe strukturave homologe evropiane”, theksoi Balla.

“Ekspertiza e oficerëve të FRONTEX merr vlerë të shumëfishtë, pasi ata posedojnë njëherësh përvojën dhe mjetet për të kuptuar një dokument të falsifikuar, apo një tentativë për trafik njerëzor. Marrëveshja e sotme e përmirësuar me FRONTEX hedh bazat e një bashkëpunimi edhe më cilësor edhe më të plotë me strukturat policore dhe në besojmë se përmes këtij operacioni të përbashkët, do të mund të adresojmë shumë herë më mirë çështjet e migracionit të parregullt drejt Shqipërisë”, u shpreh ministri shqiptar i Brendshëm.

The post Nënshkruhet marrëveshja mes Shqipërisë dhe Bashkimit Europian për aktivitetet operacionale të FRONTEX appeared first on Albeu.com.

Sipas raportit, numri i kalimeve të parregullta kufitare në kufijtë e jashtëm të Bashkimit Europian u rrit 13% në shtatë muajt e parë të vitit 2023 në rreth 176100, shifra më e lartë për periudhën janar-korrik që nga viti 2016.

Sipas FRONTEX-it rritja u ndikua tërësisht nga numri i mbërritjeve përmes Mesdheut Qendror, i cili mbetet rruga kryesore e migracionit në Bashkimin Europian dhe përbën më shumë se gjysmën e të gjitha zbulimeve në kufijtë e BE-së.

Mesdheu Qëndror kishte 89000 kalime të parregullta të migrantëve të raportuara nga autoritetet kombëtare, në shtatë muajt e parë të 2023, totali më i lartë në këtë rrugë për këtë periudhë që nga viti 2017, me nje rritje mbi 115%.

“Rritja e numrit të migrantëve në këtë rrugë mund të vazhdojë edhe në muajt e ardhshëm me kontrabandistët që ofrojnë çmime më të ulëta për migrantët që nisen nga Libia dhe Tunizia në mes të konkurrencës së ashpër midis grupeve kriminale”, vlerëson raporti i FRONTEX-it.

Fatkeqësisht, kalimet detare mbeten jashtëzakonisht të rrezikshme, thotë raporti.

Raporti i referohet të dhënave të Organizatës Botërore për Migracionin IOM, ku thuhet se më shumë se 2060 migrantë u zhdukën në Mesdhe, midis janarit dhe korrikut, me shumicën dërrmuese në rrugën e Mesdheut Qendror.

Mbërritjet e migrantëve në të gjitha rrugët e tjera migratore shënuan rënie nga një vit më parë, duke filluar nga 2% në Mesdheun Perëndimor deri në 29% në rrugën e Mesdheut Lindor.

Gjatë periudhës janar-korrik, rruga e Ballkanit Perëndimor, rruga e dytë më aktive me më shumë se 52200 kalime migrantësh të parregullt , pësoi një rënie prej 26%, kryesisht për shkak të politikave më të shtrënguara të vizave, thotë FRONTEX-i.

Siaps raportit të FRONTEX-it rreth 2800 oficerë të trupave këmbësore dhe staf janë të përfshirë në operacione të ndryshme që mbështesin shtetet anëtare dhe vendet fqinje në mbrojtjen e kufijve të jashtëm të Bashkimit Europain dhe luftimin e krimit ndërkufitar.

Shqipëria vijon të njohë prurjet e migrantëve të parregullt nga Greqia

Shqipëria si pjesë e Rruëgs Ballkanike të kalimit të migranëtve të parregullt vijon të njohë prurje sidomos nga kufiri grek.

Gjatë periudhës janar-qershor të këtij viti në territorin e Shqipërisë janë identifikuar sipas policisë kufitare shqiptare rreth 3600 migrantë të parregullt, prej të cilëve mbi 1500 kanë hyrë përmes pikës kufitare të Qafë Botës në kufirin greko shqiptar.

Në korrik autoritetet vunë në shërbim Qendrën e Regjistrimit dhe Strehimit të Përkohshëm për migrantët në pikë kufitare duke e parë si nevojë për akomodimin prej fluksit të shtuar të migrantëve të parregullt që hyjnë në Shqipëri përmes kufirit të gjelbër nga Greqia.

Kjo është qendra e tretë e përkohshme që ngrihet në Shqipëri për migranët e parregullt, pas asaj të hapur në Grehot të Gjirokastrës në vitin 2017 dhe asaj në pikën kufitare të Kapshticës në vitin 2019.

Këtë vit janë shtuar incidentet me kontrabandistët e migrantëve ku janë zhvilluar sipas të dhënave policore rreth 68 operacione me bllokimin e qindra migrantëve të parregullt dhe ndalimin e dhjetëra kontrabandistëve.

Rrjete e organizimit të transportit të migrantëve nga hetimet policore rezultojnë se veprojnë në të dy anët e kufirit shqiptaro- grek.

Kundrejt shumave të mëdha finaciare që variojnë nga 500 deri në 1000 dollarë për çdo emigrant këto rrjete realizojnë kalimin e migranëtve nga kufiri jugor dhe juglindor shqiptar me Greqinë drejt kufijve veriorë të Shqipërisë me Malin e Zi dhe Kosvën ku migrantët vijojnë rrugën drejt vendeve europiane.

The post Raporti i FROTEX: Shqipëria pjesë e rrugëkalimit tranzit të migrantëve drejt Europës appeared first on Albeu.com.

Ai bën me dije se kanë nënshkruar Memorandumin e Mirëkuptimit ndërmjet Agjencisë Evropiane të Kufirit dhe Rojës Bregdetare dhe Ministrisë së Brendshme mbi Mekanizmat e Ankesave për veprimet e kryera nga anëtarët e ekipeve të këtij misioni në vendin tonë.

Çuçi: Me drejtorin e FRONTEX, Hans Leijtens, nënshkruam sot në Tiranë Memorandumin e Mirëkuptimit ndërmjet Agjencisë Evropiane të Kufirit dhe Rojës Bregdetare dhe Ministrisë së Brendshme mbi Mekanizmat e Ankesave për veprimet e kryera nga anëtarët e ekipeve të këtij misioni në vendin tonë.

Menaxhimi i kufirit dhe respektimi i të drejtave të njeriut nuk përjashtojnë njëra-tjetrën. Ne jemi maksimalisht të vendosur të garantojmë respektimin e plotë të të drejtave të njeriut. FRONTEX është një histori suksesi në vendin tonë.

Shqipëria si vend tranzit luan një rol të rëndësishëm për t’i prerë rrugën flukseve migratore nga Afrika dhe Lindja e Mesme dhe kontribuon aktivisht në sigurinë e vetë kufijve të BE.

Mekanizmi i Ankesave i agjencisë do të trajtojë ankesat e paraqitura kundër shkeljes së pretenduar të të drejtave themelore të kryera nga anëtarët e ekipeve policore gjatë operacioneve në zonat kufitare për parandalimin e flukseve migratore dhe goditjen e krimit ndërkufitar.

/Albeu.com.

The post Operacionet në kufi, Çuçi nënshkruan marrëveshjen me kreun e FRONTEX appeared first on Albeu.com.

Sipas raportit, në dy muajt e parë të vitit 2023, numri i kalimeve të parregullta kufitare të raportuara nga autoritetet në kufijtë e jashtëm të Bashkimit Evropian ishte 28130, gati sa e njëjta periudhë e vitit të kaluar.

Evidentimi i migrantëve të parregullt në Mesdheun Qendror është rritur në dy muajt e parë të vitit 2023 krahasur me të njëjtën periudhë të një viti më parë.

Rruga e Mesdheut Qendror përbën dy nga çdo pesë kalime të parregullta kufitare në Bashkimin Evropian, vlerëson raporti.

Sipas raportit, 11951 kalime të migranëtve të parregullt u raportuan në këët rrugë për periudhën Janar -shkurt të vitit 2023 me një rritje 118% krahasuar me të njëjtën periudhë të një viti më parë.

Sipas raportit të FRONTEX në periudhën janar – shkurt të këtij viti në Rrugën e Ballkanit Perëndimor ku përfshihet edhe Shqipëria u evidentuan 8.394 kalime të parregullta me një rënie prej 28% krahasuar me të njëjtën periudhë të një viti më parë.

Vetëm në shkurt, sipas raportit u evidentuan rreth 13800 kalime të parregullta kufitare në kufijtë e jashtëm të Bashkimit Evropian.

Aktualisht, më shumë se 2400 oficerë të trupave tokësore dhe staf i Frontex po marrin pjesë në aktivitete të ndryshme operacionale.

Ata mbështesin shtetet anëtare të BE-së dhe vendet fqinje përfshirë edhe Shqipërinë për sfidat me migrimin e parregullt.

Shtetasit e Sirisë, Bregut të Fildishtë, Guinesë, Afganistanit dhe Pakistanit përbëjnë numrin më të madh të migrantëve të parregullt./VOA/

The post FRONTEX: Bie kalimi i migrantëve të parregullt nga Ballkani Perëndimor dhe rritet në Mesdhe appeared first on Albeu.com.

Rreth 145. 600 kalime të parregullta kufitare u raportuan në itinerarin e Ballkanit Perëndimor, ku bën pjesë edhe Shqipëria , të cilat përbënin rreth 136% më shumë se në vitin 2021.

Raporti i FRONTEX-it pohon se ky është numri më i lartë i kalimeve të parregullta të raportuara në këtë rrugë që nga viti 2015.

Sipas raportit të FRONTEX shtetasit e Sirisë, Afganistanit dhe Turqisë përbënin numrin më të madh të migrantëve të parregullt, por u raportuan gjithashtu kombësi që më parë kishin qenë pak në këtë rrugë, si tunizianët, indianët dhe burundistët.

Në vitin 2022, sipas përllogaritjeve paraprake të FRONTEX , rreth 330 000 kalime të parregullta kufitare u zbuluan në kufirin e jashtëm të Bashkimit Evropian nga të gjitha rrugë-kalimet duke shënuar numrin më të lartë të migrantëve që nga viti 2016 dhe një rritje prej 64% nga viti i kaluar.

Sipas raportit sirianët, afganët dhe tunizianët së bashku përbënin 47% të migrantëve të parregullt në vitin 2022.

“Pas nivelit të ulët të shkaktuar nga pandemia në vitin 2020, ky ishte viti i dytë me radhë me një rritje të madhe të numrit të hyrjeve të parregullta, vlerëson raporti I FRONTEX.

Gratë përbënin më pak se një në dhjetën e migrantëve , ndërsa përqindja e të miturve të raportuar ra krahasur me vitin e shkuar në rreth 9 përqind.

Siaps FRONTEX rreth 13 milionë refugjatë ukrainas u llogaritën për hyrjen në kufijtë tokësorë të jashtëm të BE-së nga Ukraina dhe Moldavia midis 24 shkurtit 2022 deri në fund të vitit, të cilët nuk përfshihen në këto shifra. Në të njëjtën periudhë, 10 milionë shtetas ukrainas u raportuan në dalje në të njëjtat seksione kufitare.

Ndërkohë në Kanalin Anglez, sipas FRONTEX u evidentuan gjatë vitti 2022 mbi 71 000 kalime të parregullta kufitare në dalje, duke përfshirë përpjekjet dhe kalimet e suksesshme.

Raporti pohon se mbi 50 kombësi të ndryshme të migrantëve të parregullt u regjistruan në Kanal, shumica prej tyre nga Lindja e Mesme, Shqipëria dhe Briri i Afrikës. /VOA

The post Frontex: 45% e migrantëve të parregullt kaluan nga Ballkani drejt Evropës në 2022 appeared first on Albeu.com.

Lajmi u bë i ditur përmes një raporti të Agjensisë së Rojes Kufitare dhe Bregdetare e BE-së, Frontex, publikuar të premten.

Sipas policisë evropiane të ruajtjes së kufijve rreth 188.200 migrantë janë evidentuar në kufijtë e jashtëm të Bashkimit Evropian me një rritje prej 75% krahasuar me të njëjtën periudhë të vitit të kaluar.

“Ky është totali më i lartë i migrantëve të parregullt për periudhën janar-gusht të 2022 që nga viti 2016”, vlerësohet në raportin e Frontex-it.

Raporti vlerëson se rruga e Ballkanit Perëndimor ku përfshihet edhe Shqipëria si një pikë e përkohshme qëndrimi e migrantëve të parregullt dhe Mesdheu Qendror mbeten më aktive për kalimet.

Vetëm në rrugën e Ballkanit Perëndimor u evidentuan nga janari në gusht të këtij viti 86.580 migrantë të parregullt me një rritje 190% krahasur me të njëjtën periudhë të një viti më parë.

Gjatë muajit gusht në rrugën Ballkanike u evidentuan 15 900 migrantë, 141% më shumë se viti i kaluar.

Numri i lartë i kalimeve të paligjshme kufitare mund t’i atribuohet përpjekjeve të përsëritura të kalimit nga migrantët tashmë të pranishëm në vendet e Ballkanit Perëndimor, pohon raporti i Frontex.

Vetëm gjatë muajit gusht shtetet anëtare të Bashkimit Evroapin regjistruan rreth 32. 800 kalime të parregullta, 35% më shumë se në të njëjtin muaj të vitit 2021.

Ndërkohë, sipas Frontex, shtetasit që ikin nga Ukraina dhe hyjnë në vendet e Bashkimit Evropian përmes pikave të kalimit kufitar nuk janë pjesë e shifrave të hyrjeve të paligjshme të zbuluara. Sipas të dhënave të fundit të Frontex, 8.8 milionë shtetas ukrainas kanë hyrë në Bashkimin Evropian nga Ukraina që nga fillimi i luftës.

Në të njëjtën kohë, pohon raporti i FRONTEX një numër i konsiderueshëm shtetasish ukrainas janë kthyer në vendin e tyre.

Për t`iu përgjigjur presionit të lartë migrator, Frontex thotë se ka më shumë se 2300 oficerë dhe staf të trupave në seksione të ndryshme të kufirit të jashtëm të Bashmit Evropian , si dhe në Shqipëri, Serbi, Mal të Zi dhe Moldavi. Raporti i Frontex pohon se numri i migrantëve të parregullt që kërkonin të kalonin Kanalin drejt Mbretërisë së Bashkuar në tetë maujt e këtij viti me varka të vogla mbeti i lartë me afërsisht 41 067 persona me një rritje prej 80% krahasur me të njëjtën periudhë të vitit 2021.

Vetëm në Gusht u evidentuan mbi 13500 persona , që përfaqësojnë sipas FRONTEX numrin më të lartë të evidentimeve mujore të raportuara ndonjëherë në Kanal që nga fillimi i flukseve migratore në 2019. Shtetasit nga Afganistani, Iraku dhe nga Shqipëria ishin në pjesën më të madhe të migranëtve të evidentuar vlerëson Raporti i Frontex.

Numri i lartë i kalimeve detare në gusht është i lidhur me kushtet e mira të motit dhe ndikimin e mundshëm të planit të ri të migracionit në Mbretërinë e Bashkuar thuhet në Raportin e Frontex.

Prujet e migrantëve të parregullt në rritje edhe në Shqipëri. Policia kufitare e Sarandës tha të premten se bllokoi në një kamioncinë në zonën kufitare afër kufirit me Greqinë 30 migrantë të huaj të parregullt që po transportoheshin drejt kufijve veriorë me destinacion Malin e Zi.

Migrantët u zbuluan gjatë natës në mjetin e mbuluar që ishte i mbingarkuar dhe e bënte udhëtimin të rrezikshëm për jetën e migranëtve thanë burimet policore kufitare. Policia e Sarandës tha se arrestoi dy kontrabandistë, një nga Mirdita dhe një tjetër nga Shkodra që akuzohen si organizatorë të udhëtimit të migranëtve kundrejt përfitimeve financiare. Vetëm në brezin kufitar të Shqipërisë me Greqinë në Qarkun e Gjirokastrës dhe Sarandës janë evidentuar këët vit mbi 2.000 migrantë të parregullt .

Policia kufitare shqiptare ka zbuluar javët e fundit krahas kontrabandistëve shqiptarë edhe të huaj kryesisht nga Pakistani dhe Bangladeshi të përfshirë në organizimin e udhëtimit të migrantëve të parregullt që hyjnë në Shqipëri dhe synojnë të depërtojnë më tej drejt vendeve fqinje si Mali i Zi apo Italia.

Prurjet më të mëdha të migrantëve të huaj të parregullt nga Greqia shënohen në zonë julindore të Korcës për shkak të afërsisë me Selanikun ku arrijnë të depërtojnë më së shumti grupet e migrantëve që hyjnë në Greqi nga kufiri turk.

The post Frontex: Në 8 muaj numri më i lartë i migrantëve të parregullt shënuar në 6 vjet appeared first on Albeu.com.

Sipas raportit, numri i migrantëve të parregullt të evidentuar nga policitë kufitare dhe FRONTEX u rrit gati trefish në gjashtë muajt e parë të vitit 2022, krahasuar me gjashtë muajt e parë të vitit 2021.

Rruga e Ballkanit Perëndimor me 55 . 321 kalime të paligjshme përbën gjysmën e të gjitha ndalimeve të migranëtve të parregullt drejt Evropës, që në total ishin 114. 720 persona.

Sipas FRONTEX kombësitë kryesore në këtë rrugë përfshinin migrantë nga Siria, Afganistani dhe Turqia.

Sipas shifrave paraprake të FRONTEX në gjysmën e parë të vitit 2022, hyrjet e parregullta në Bashkimin Evropian u rritën me rreth 84% krahasur me të njëjtën periudhë të vitit të kaluar.

Vetëm në qershor, Frontex regjistroi 23. 290 kalime të parregullta në BE, 59% më shumë se në të njëjtin muaj të vitit të kaluar.

Personat që ikin nga Ukraina dhe hyjnë në Bashkimin Evropain përmes pikave të kalimit kufitar nuk janë pjesë e shifrave të hyrjeve të paligjshme të migrantëve.

Sipas të dhënave të fundit të Frontex, 7.2 milionë njerëz janë larguar nga Ukraina në BE që nga fillimi i luftës, duke përfshirë 6.3 milionë ukrainas.

Frontex ka më shumë se 2. 200 oficerë dhe staf të trupave të përhershme në seksione të ndryshme të kufirit të jashtëm të Bashkimit Evropain si dhe në Shqipëri, Serbi, Mal të Zi dhe Moldavi.

Rritja e kalimit të migrantëve tranzit në Shqipëri

Trafiku i rritur i migrantëve të paligjshëm drejt vendeve evropiane nga Rruga e Ballkanit Perëndimor rrriti edhe kalimin e tyre tranzit në Shqipëri.

Sipas të dhënave policore kufitare shqiptare vetëm në Qarkun e Korçës u evidentuan gjashtë muajt e parë të këtij viti rreth 2.330 migrantë të parregullt të futur nga Greqia fqinje.

Po sipas të dhënave policore shqiptare rreth 1700 migrantë të parregullt u evidentuan në brezin kufitar me Greqinë në kufijtë jugorë , në Qarkun e Gjirokastrës dhe rrethin e Sarandës në gjashtë muajt e parë të këtij viti.

Autoritetet policore shqiptare i kanë kthyer pas, drejt territorit të Greqisë emigrantët e huaj të parregullt të bllokuar në territorin shqiptar, mbi bazë të marrëveshjes së ripranimit që të dy vendet kanë firmosur vite më parë.

Trafiku i migrantëve të huaj të parregullt ka rritur sipas policisë shqiptare edhe rastet e kontrabandimit.

Vetëm në Qarkun e Gjirokastrës numri i operacioneve të koduara “Road Guard “ ndaj kontrabanduesve të migrantëve arriti në fund të qershorit të këtij viti në 33.

Dhjetëra qytetarë shqiptarë por edhe të huaj janë arrestuar në përfshirjen e dhënies së ndihmës së migrantëve të parregullt kundrejt përfitimit financiar.

Nga hetimet policore ka rezultuar se kontrabandistët i presin me automjete migrantët e huaj në brezin kufitar shqiptar me Greqinë duke komunikuar përmes platformave të rrjeteve sociale në internet apo bashkëpunuar me rrjete e kontrabandistëve në Greqi.

Më pas kontrabandistët i transportojnë migrantët me mjete të ndryshme ,kryesisht të marra me qera , drejt kufijve veriorë shqiptarë me tendencën e kalimit si drejt Malit të Zi dhe Kosovës.

Raste tendencash të kalimit të migrantëve të huaj janë evidentuar nga policia edhe përmes Portit të Durrësit, në drejtim të Italisë.

Gjatë operacioneve policore nuk kanë munguar edhe incidentetet ku kontrabandistët nuk i kanë ndaluar patrullave policore dhe kanë shkaktuar aksidente duke lënduar migrantët e huaj që transportonin./VOA/

The post Trafiku i refugjatëve në Ballkanin Perëndimor: Shtohet kalimi tranzit në Shqipëri appeared first on Albeu.com.

Sipas raportit më të fundit të FRONTEX “Rruga e Ballkanit Perëndimor përbën gati gjysmën e të gjitha kalimeve të paligjshme kufitare drejt Bashkimit Europian me rreth 27 mijë kalime, 130% më shumë se viti i kaluar.

Sipas raportit kombësitë kryesore të migrantëve në këtë rrugë përfshinin shtetasit sirianë dhe afganë.

Edhe raportet e policisë kufitare shqiptare flaisn për këtë periudhë për një rritje të depërtimit të migrantëve të paligjshëm, kryesisht nga kufiri grek, me qëndrim të përkohshëm në Shqipëri dhe me destinacion final vendet e Bashkimit Evropian.

Rritja e kalimit të migrantëve është shoqëruar me rritje të rasteve të kontrabandimit të tyre nga rrjetet kriminale disa prej të cilave janë goditur nga policia shqiptare sidomos në rajonin kufitar të Gjirokastrës me Greqinë.

Janarin e këtij viti Prokuroria e Psosaçme shqiptare (SPAK) urdhëroi në Shqipëri arrestimin e 25 personave të përfshirë në kontrabandimin e rreth 1200 migranëtve nga Greqia në Shqipëri dhe më pas në Itali.

Ndërkohë, sipas raportit të fundit të FRONTEX, numri i përgjithshëm i migrantëve të paligjshëm në periudhën janar- prill të këtij viti që përfshijnë krahas Rrugës Ballkanike edhe Rrugët e Mesdheut Lindor dhe Qëndror ishte 57. 800 persona, rreth 69% më shumë se në katër muajt e parë të vitit të kaluar.

Frontex tha se “ka më shumë se dy mijë oficerë dhe staf të trupave të përhershme në seksione të ndryshme të kufirit të jashtëm të Bashkimit Evropian, si dhe në Shqipëri, Serbi, Mal të Zi dhe Moldavi”.

Sipas FRONTEX refugjatët që ikin nga Ukraina dhe hyjnë në Bashkimin Evropian përmes pikave të kalimit kufitar nuk janë pjesë e shifrave të hyrjeve të paligjshme të gjetura.

Sipas të dhënave të fundit të Frontex, më shumë se 5.9 milionë persona kanë hyrë në Bashkimin Europian nga Ukraina dhe Moldavia që nga fillimi i sulmit rus në shkurt të këtij viti./VOA

The post FRONTEX: Rruga e Ballkanit Perëndimor, më aktivja për kalimet e paligjshme të migrantëve appeared first on Albeu.com.

Më tej ai përgëzon Shqipërinë për luftën ndaj krimit ndërkufitar, trafikimit dhe migracionit të paligjshëm.

Kënaqësi të shohësh bashkëpunimin solid midis Shqipërisë, agjencive të BE-së dhe shteteve anëtare të BE-së përmes FRONTEX. Përgëzime Shqipërisë për përkushtimin e madh në luftën kundër krimit ndërkufitar, trafikimit dhe migracionit të paligjshëm.

Evropa është këtu për të përballuar së bashku sfidat e përbashkëta”, shkruan Soreca./albeu.com

The post Soreca: Përgëzime Shqipërisë për luftën kundër krimit ndërkufitar, trafikimit dhe migracionit appeared first on Albeu.com.