Menjëherë pasi doli nga ambientet e fermës, ish-konkurrenti ndau një reflektim të shkurtër për eksperiencën e tij.

“Eksperienca ishte deri diku e bukur, e lodhshme, stresuese, izolimi bëri gjënë e vet… Por që do ta mbaj mend si diçka shumë të bukur”, u shpreh ai.

Tutje theksoi: “Ndoshta më penalizoi euforia. Ky nuk është Akili në jetën reale”.

Edhe pse rrugëtimi i tij përfundoi më shpejt nga sa pritej, nga reagimi kuptohet se e ka përjetuar këtë eksperiencë si një aventurë të veçantë, duke kërkuar njëkohësisht mirëkuptim nga publiku për veprimet që, sipas tij, kanë qenë të ndikuara nga emocionet dhe presioni i izolimit.

I njëjti ka qenë tejet aktiv këtë kohë, ndonëse konsiderohej konkurrent i fortë.

Sidoqoftë, në Ferma VIP ka dinamika të shumta, sfida e lojëra, me të cilat përballen fermerët.

The post “E lodhshme, stresuese”, Akil Varfi reagon pas eliminimit nga Ferma VIP appeared first on Albeu.com.

Por kur u është kërkuar mendim edhe vajzave të tjera të shtëpisë, këngëtarja Soni Malaj, ka deklarur se pas çdo veprimi, referuar atyre të Malborës, duhet gjetur forma e duhur për t’ia komunikuar.

Pas kësaj, mes dy këngëtareve ka pasur një debat dhe akuza të ndërsjellta ndaj tyre.

Jonida: Në jetën reale, unë nuk do i kisha bërë kurrë me mikeshat e mia apo me persona që do kisha relata. Përshtatja është e vështirë në një shtëpi të madhe kafshët jetojnë në fermë, dhe njerëzit jetojnë me njerëzit. Nëse i bashkon këto dhe thua të jetojmë si kafshët, unë nuk kafshëroj.Është e ccuditshme si degradon biseda. Vlerësoj formën si reagohet pas konfliktit. Individ si puna e vajzës (drejtuar Malborës) që përdor termin budallaqe tregon shumë për të. Ne si vajza duhet të tregohemi të kujdesshme si qasemi. Nuk kërkova opinionin tënd fare Soni.

Soni: Ma ka kërkuar Arbana dhe po e vazhdoj.

Jonida: Shyqyr të dëgjova duke folur.

Jonida: Nuk zihesh? Po ti nuk je unë një herë. Ti je Soni Malaj, unë Jonida Maliqi, mos u krahaso të lutem.

Soni: Unë të krahasohem me ty? Larg qoftë.

The post Përplasje mes Jonida Maliqit dhe Soni Malajt në “Ferma VIP”: Unë Jonida Maliqi, mos u krahaso me mua… appeared first on Albeu.com.

Një prej fermerëve më aktivë, Akili, i angazhuar si në punët e përditshme ashtu edhe në diskutime, ka zbuluar se ka nisur të krijojë ndjenja për Gresën. Në një bisedë me Olën, ai ka rrëfyer emocionet e tij, duke pranuar se është i tërhequr prej saj, por njëkohësisht ndihet i pasigurt për shkak të situatës së saj jashtë fermës.

“Kur jam zgjuar sot, pasha Zotin, njeriu i parë që kam dashur të shoh ka qenë ajo. Është shumë e mirë. Frika ime më e madhe është se nëse e bëj të dukshme këtë ndjenjë, mund të prishet raporti ynë, sidomos sepse ajo është e lidhur”, shprehet ai.

Ai nuk është kursyer as në vlerësimet për Gresën, duke shtuar: “Kur dolëm jashtë duke pirë cigare, e kam parë dhe u fika. Kur doli sonte te skeçi, kisha mbetur duke e parë. Isha ngrirë… sa e mirë. Karakteri e ka zbukuruar”.

Më tej, Akili thekson se kur bie në dashuri, ai nuk vendos kufij, duke shtuar se kjo situatë për të është edhe më e papritur, pasi nuk e kishte menduar veten në një lidhje me një vajzë nga Kosova.

Gjithashtu, ai ka folur edhe për raportin që ka lënë jashtë fermës, duke treguar se para hyrjes ishte në një lidhje, e cila përfundoi për shkak të vendimit të tij për t’u bërë pjesë e spektaklit.

“Para se të hyja, isha në një lidhje dhe ajo më vuri kusht: nëse hyn në ‘Ferma’, nuk do të kemi më lidhje bashkë. Unë zgjodha veten time dhe vendosa të jem i lirë këtu brenda”, ka rrëfyer ai.

The post Nisin pëlqimet e para në Ferma VIP/ Akili shpreh hapur ndjenjat: Ajo është e para që dua të shoh kur zgjohem, sa e mirë appeared first on Albeu.com.

Në një deklaratë publike, Lëvizja Rinore Egjyptiane dhe Rome shprehu shqetësimin për ndikimin që kanë këto shprehje në shoqëri, duke theksuar se ato ushqejnë stereotipe dhe paragjykime.

“Edhe kur përdoren pa qëllim të drejtpërdrejtë për të ofenduar, shprehje të tilla vazhdojnë të ushqejnë stereotipe dhe paragjykime që prekin dinjitetin e njerëzve”, u shpreh përmes një deklarater publike, Lëvizja Rinore Egjyptiane dhe Rome.

Sipas organizatës, pjesëtarë të komunitetit egjiptian janë ndjerë të ofenduar dhe kanë kërkuar që moderatorja Osmani të kërkojë ndjesë publike për deklaratën e saj.

Reagimi i Osmanit pas situatës nuk është konsideruar i mjaftueshëm nga organizatat.

“Shfajësimi që u përpoq të bëjë më pas Arbana Osmani duke thënë se ka përdorur një ‘shprehje popullore që tingëllon raciste, për të cilën nuk ishte, nuk ka qenë dhe s’do të jetë kurrë e tillë’, nuk është një kërkesë ndjesë e vërtetë”, thuhet më tej në deklarata.

Në të njëjtën linjë është shprehur edhe Qendra për Advokim Social, e cila lobon për të drejta të barabarta për pakicat kombëtare.

Ndërkohë, organizata Drejtësi Sociale e ka cilësuar shprehjen e përdorur “ke marrë si pushka e jevgut” si problematike, duke theksuar se ajo relativizon një gjuhë që fyen dhe përjashton.

“Pas çdo ‘shprehjeje të zakonshme’ fshihet një histori paragjykimi që ne nuk duhet ta trashëgojmë më. Komuniteti egjiptian nuk është metaforë, nuk është batutë, është pjesë e shoqërisë sonë, me dinjitet të plotë”, thuhet në reagimin e organizatës Drejtësi Sociale.

Reagim ka ardhur edhe nga Komisioneri për Mbrojtjen nga Diskriminimi, i cili dënoi gjuhën e përdorur në transmetim.

“Komisioneri për Mbrojtjen nga Diskriminimi shpreh keqardhjen për përdorimin e gjuhës së papërshtatshme dhe steriotipeve racore, e cila nuk parandalohet në kohë reale dhe kanë mundësi të përhapet në rrjetet sociale duke dëmtuar personat e përfshirë dhe më gjerë”, thuhet në deklaratën e Komisionerit.

Sipas këtij institucioni, platformat televizive kombëtare mbajnë përgjegjësi për promovimin e mesazheve gjithëpërfshirëse “që luftojnë diskriminimin, promovojnë Barazinë, si dhe respektojnë dinjitetin e çdokujt”.

Komisioneri u bëri thirrje produksionit të emisionit dhe televizionit “Vizion Plus” që të krijojnë mekanizma për parandalimin dhe trajtimin e gjuhës së papërshtatshme në transmetimet e tyre.

The post “Merr flakë si pushka…”/ Institucione dhe organizata dënojnë gjuhën diskriminuese e Arbana Osmanit appeared first on Albeu.com.

Në nisje të spektaklit ditën e premte, moderatorja Arbana Osmani, hapi një televotim, për fermerin më të preferuar.

Me shumicë votash, e preferuar doli poetja Mimoza Ahmeti, ndërsa më pak të votuar nga publiku ishin Xhesi Loci, Dj FairFax, Khuba dhe Dona.

Si fermerja më e preferuar, Moza i ndau në dy grupe me nga dy persona: Xhesi Loci dhe Dj FairFax grupi i kuq e Khuba dhe Dona grupi blu.

Pas përballjes në sfidë, grupi blu arritën të parët pranë pikës së “finishit”, duke bërë që Xhesi Loci dhe Dj FairFax të përjetojnë një javë “të nxehtë” e njëri prej tyre do të largohet ditën e premte nga ferma.

Është publiku ai që do të vendosë se kush duhet të vazhdojë garën për çmimin e madh prej 200 mijë eurosh.

Tensioned dhe ethet e televotimit kanë nisur…

The post Votimi i publikut dhe sfida, kush janë dy fermerët që shkojnë në televotim appeared first on Albeu.com.

Që nga nata e parë, ajo arriti të tërheqë vëmendjen e publikut me mënyrën e drejtpërdrejtë dhe humorin e veçantë.

Së fundmi, një video që po qarkullon në rrjetet sociale e tregon Mozën në një moment plot humor, teksa përpiqet të gjejë mënyrën se si të lahet brenda fermës.

“Do të lahem ashtu siç më ka bërë nëna, se plasa. S’po e zgjidh dot gjëegjëzën, e kam në tru si të lahem, si të lahem”? – shprehet ajo, ndërsa banorët përpiqen t’i shpjegojnë se duhet të përdorë rroba banje.

“Po ça me rroba banjo!”, përgjigjet Moza, duke vijuar me batutat e saj: “Po nuk e bëj unë atë kurrë, ajo është liria e fundit e njeriut, të lahet siç e ka bërë Zoti. Të lahem me rroba banje”.

Më tej, ajo pyet me humor: “Mund të lahemi si të duam? Nuk na dënon Agai”? Ndërsa Elvisi shton me shaka: “Siç thua ti, i afrohesh çmimit shumë”.

Kjo situatë ka bërë që Moza të kthehet në një nga personazhet më virale të momentit, me ndjekësit që ndajnë dhe komentojnë pa ndalur momentet e saj plot humor.

The post “Ferma Vip”/ Kërkesa e pazakontë e Mimoza Ahmetit i habit të gjithë: dua të lahem ashtu si më… appeared first on Albeu.com.

Ajo theksoi se Soni spikat për ambicien dhe shpirtin luftarak, duke mos u dorëzuar lehtë përballë sfidave.

“Soni ka ambicie dhe është luftarake”, u shpreh Jonida, duke nënvizuar cilësitë që e bëjnë atë të ecë përpara me këmbëngulje.

Më tej, ajo shtoi: “Soni del gjithmonë për të triumfuar”, duke e përshkruar si një person që përfshihet në çdo sfidë me synimin për të fituar dhe për të dhënë maksimumin nga vetja.

Sipas Jonidës, këto tipare e bëjnë Sonin një shembull të një vajze që kombinon ambicien me forcën për të përballuar çdo situatë dhe për të arritur sukses.

 

View this post on Instagram

 

A post shared by Ferma VIP Albania (@fermavip.al)

The post “Ferma Vip”/ Jonida flet për Sonin: Ka ambicie dhe është luftarake…. (VIDEO) appeared first on Albeu.com.

Për herë të parë, moderimi i formatit i është besuar Arbana Osmanit, prezantuese që ka lënë gjurmë në ekranin shqiptar me “Big Brother””, duke sjellë një frymë të re dhe shumë pritshmëri nga publiku.

Paneli i opinionistëve këtë sezon përbëhet nga tre emra të njohur: Einxhel Shkira, Ermal Mamaqi dhe Armina Mevlani, të cilët do të komentojnë zhvillimet dhe dinamikat brenda fermës, duke sjellë analizë dhe humor për shikuesit.

Ndërsa sa i përket banorëve, edicioni i tretë ka një kast të larmishëm. Soni Malaj ishte e para që hyri në fermë, duke hapur rrugën për emra të tjerë të njohur nga muzika, aktorët dhe rrjetet sociale si Elvis Pupa, Romir Zalla, Mimoza Ahmeti, Jonida Maliqi, Sara Karaj, Vanesa Sono, Adi Pula dhe Rafaela.

Lista e banorëve vazhdon me emra si; Blerina Bajko, Gona Sina, Gresa Sekiraqa, Beni Vacaj, Malbora Gurra, Kuba, Fabiola Elezaj, Xhesi Loci, Akil Vardi dhe Indri Shiroka, duke krijuar një kast të pasur dhe plot ngjyra.

Me një kast të tillë dhe prezencën e opinionistëve, “Ferma VIP 3”, pritet të sjellë dinamika të forta, rivalitete, momente emocionuese dhe konkurrencë të madhe mes banorëve.

Publiku tashmë ka filluar të komentojë hyrjet dhe pritshmëritë për sezonin e ri, ndërsa emocionet dhe surprizat premtues vazhdojnë të mbajnë shikuesit të lidhur pas ekranit.

Në këtë sezon, sfida dhe strategjia nuk kanë qenë kurrë kaq intensive, dhe çdo hap i banorëve do të ndiqet me vëmendje nga publiku.

The post Zbulohen 18 banorët që u bënë pjesë e “Ferma VIP” (EMRAT) appeared first on Albeu.com.

“Besoj se ky është maksimumi që mund të bëhet,” u shpreh Grishaj, duke theksuar se ky edicion “nuk krahasohet vetëm me vendin tonë, por me të gjithë rajonin”. Ai shtoi se “Çdo gjë ka ndryshuar: nga studioja, ndriçimi e deri te kamerat. Shtëpia është katër herë më e madhe dhe numri i kamerave që vëzhgojnë 24 orë është shumëfishuar. Jam shumë i lumtur që producentja Holta Dulaku ma ka bërë punën si ‘autostradë’ që nga fillimi, duke më lejuar të jap maksimumin.”

Regjisori zbuloi se do të dominojë fusha e artit në përzgjedhjen e konkurrentëve: “Janë emra shumë të mirë që publiku i njeh, por nuk i ka parë kurrë në dimensionin e vëzhgimit 24 orë.” Ai shtoi se “99% e tyre hyjnë për herë të parë në një reality show,” duke premtuar surpriza dhe dinamika të reja.

Një nga risitë më të mëdha mbetet transformimi i ambientit: “Shtëpia nuk ngjan më me një fshat tradicional shqiptar, por me një fshat modern në Teksas apo Los Anxhelos,” tha Grishaj, ndërsa shtoi se “pellgu i rosave është zëvendësuar me një pishinë të madhe luksoze.”

Për sfidat dhe përmbajtjen, ai tha: “Filozofia e fermës do të jetë një miks: nga mbiellja e tokës dhe punët e stallës, deri te sfidat fizike. Ka konkurrentë shumë të fortë dhe të palestruar, por sfidat do t’u përshtaten të gjithëve.”

Teknologjia është një element kyç: “Janë kamerat e fundit që përdoren edhe në finalet e botërorit. Me to mund të xhirohet edhe Champions League,” deklaroi ai. Për opinionistët: “Ermal Mamaqi do të sjellë humorin, Einxhel Shkira analizën e showbiz-it dhe Armina Mevlani eksperiencën e saj.”

Produksioni do të zgjasë 100 ditë, me transmetim 24 orë dhe dy spektakle në javë: “Sezoni do të zgjasë 100 ditë, me transmetim 24 orë dhe dy spektakle në javë,” tha Grishaj, duke shtuar: “Do të drejtoj 158 kamera nga kabina e pilotimit bashkë me skuadrën time. Do të kemi katër regji në koordinim.”

Ky sezon premton të jetë një produksion rekord për formatet reality në Shqipëri.

The post Transformimi i madh i shtëpisë së Ferma VIP, Edi: Katër herë më e madhe dhe 158 kamera 24/7 appeared first on Albeu.com.

Lajmi është konfirmuar nga faqja zyrtare e formatit në Instagram, ku është publikuar një video e shkurtër promovuese. Në video është konfirmuar se “Ferma VIP” do të nisë më 27 mars.

Mbetet për t’u parë se cilët emra të njohur të shoëbiz-it shqiptar do të bëhen pjesë e këtij formati këtë sezon.

Deri më tani është zbuluar se prezantuese e spektaklit do të jetë Arbana Osmani.

The post “Ferma VIP” rikthehet shumë shpejt në ekran, zbulohet data e nisjes appeared first on Albeu.com.