Në takim është folur për shumë çështje, ndër to edhe për mundësinë e thellimit të bashkëpunimit mes dy shteteve.

Ajo që bie në sy në postimin e Pecit, është një dhuratë që i ka lënë Krifca, që ishte një shalqi.

“Sot pata kënaqësinë që ta pres në takim homologen time nga Shqipëria, Ministren e Bujqësisë dhe Zhvillimit Rural znj. Frida Krifca.

Ky takim është vazhdimësi e bashkëpunimit dhe koordinimit të aktiviteteve në mes të dy institucioneve tona, pas Marrëveshjes së nënshkruar në mes të dy qeverive në nëntor të vitit të kaluar ku diskutuam për ecurinë e implementimit të marrëveshjes në fjalë dhe mbarëvajtjen e punës së deritanishme të grupeve teknike dhe operacionale.

Bashkëbiseduam për avancimin e mëtejmë të bashkëpunimit ndër-institucional në fushën e bujqësisë, ku bashkëbiseduam edhe për mundësitë dhe potencialin që kemi në këtë sektor për rritje të bashkëpunimit.

??Gjithashtu, i shqyrtuam mundësitë e aplikimit përmes projekteve të përbashkëta në fondet e instrumenteve të para-anëtarësimit në Bashkimin Evropian ku theksuam rëndësinë e projekteve për bashkëpunim ndërkufitar.

Ministres Krifca i potencova se projektet e përbashkëta zhvillimore në mes të Kosovës dhe Shqipërisë do të jenë pjesë e agjendës tonë gjatë këtij mandati.

U pajtuam të dy që shkëmbimet tregtare ndërmjet Kosovës dhe Shqipërisë duhet të jenë shembulli më i mirë i bashkëpunimit rajonal dhe për këtë do të angazhohemi që të ndërmarrim në vazhdimësi masa konkrete që ky shkëmbim të lehtësohet e të rritet në vazhdimësi.

U dakorduam që e rëndësishme për zhvillimin e sektorit të bujqësisë në të dyja shtetet është edhe shkëmbimi i eksperiencave dhe ekspertizës në nivelin teknik dhe administrativ, me qëllim që ta plotësojmë njëri-tjetrin në hapësirat ku kemi vend për përmirësim.

Gjatë ditës, vizituam pikën e agroturizmit në fshatin Bërnicë “Molla e Egër” për të parë nga afër zinxhirin e bashkëpunimit mes fermerëve dhe këtij agro-biznesi si potencial për zhvillim ekonomik.

Poashtu, në kuadër të kësaj vizite, pata rastin që ta njoftoj Ministre Krifca nga afër me punën dhe angazhimin e një ndër bodrumeve dhe eksportuesve më të mëdhenj të verës “Bodrumi i Vjetër” në Rahovec”, shkruan ai./albeu.com

The post Krifca i bën dhuratë një shalqi homologut të saj në Kosovë (FOTO LAJM) appeared first on Albeu.com.

Ngjarja ka ardhur pas debateve që po zhvilloheshin mes tyre në komisionet parlamentare.

Gjithashtu Musliu ka lëshuar një sërë ofendimesh në drejtim të ministrit Peci.

“Ti je rrugaç, rrugaç”, dëgjohet të thotë Musliu ndërsa i drejton gotën me ujë.

Pas këtij incidenti ka ardhur edhe reagimi i ministrit Peci, i cili ka deklaruar se sa të jetë ai në detyrë, askush nuk do të mund të vjedhë në Ministrinë e Bujqësisë.

“Nuk ka me vjedh askush sa të jam unë ministër. Ndaç gjuni me ujë, ndaç me plumba qysh keni gjujt në të kaluarën, nuk ka birë nane që e ndal Faton Pecin. Sa të jem unë, nuk munden me vjedh dostat e Ganes”, deklaroi ai.

E gjithë situata ndodhi gjatë raportimit të ministrit në mbledhjen e Komisionit për Mjedis, Ushqim, Bujqësi, Planifikim dhe Zhvillim. /albeu.com/

The post “Rrugaç je”, deputetja shqiptare i derdh gotën e ujit në fytyrë ministrit të Bujqësisë (VIDEO) appeared first on Albeu.com.