“fast-food” Archives - Albeu.com

Fast Food dhe ndikimi negativ tek fëmijët: Shëndeti në rrezik

D Marku — Wed, 06 Nov 2024 13:30:42 +0000

Konsumimi i fast food-it ka marrë përmasa të mëdha në jetën e përditshme, por ka efekte negative të dukshme, sidomos tek fëmijët. Ushqimet e shpejta janë të pasura me kalori, yndyra dhe sheqerna, që mund të shkaktojnë probleme serioze shëndetësore, si obeziteti, sëmundjet kardiovaskulare dhe diabeti i tipit 2.

Pasojat shëndetësore
Fëmijët që konsumojnë shpesh fast food janë më të rrezikuar për të zhvilluar probleme me tretjen, si dhe për të vuajtur nga mungesa e lëndëve ushqyese të nevojshme për zhvillimin e duhur. Po ashtu, ushqimet e pasura me sheqer dhe yndyra ndikojnë negativisht në funksionin e trurit, duke shkaktuar vështirësi në përqendrim dhe rritur rrezikun për ankth dhe depresion.

Çfarë mund të bëjmë?

Për të mbrojtur shëndetin e fëmijëve, është e rëndësishme të promovojmë një dietë të shëndetshme dhe të balancuar, duke minimizuar konsumimin e fast food-it dhe duke inkurajuar gatimin e ushqimeve të freskëta në shtëpi. Edukimi i fëmijëve rreth ushqimit të shëndetshëm është kyç për një të ardhme të shëndetshme.

Fast food është një zgjedhje e shpejtë, por ka pasoja serioze për shëndetin e fëmijëve. Këshillohet që të kontrollohet konsumimi i ushqimeve të tilla për të parandaluar rreziqet shëndetësore në të ardhmen.

The post Fast Food dhe ndikimi negativ tek fëmijët: Shëndeti në rrezik appeared first on Albeu.com.

Studimi: Pse “Fast Food” shkakton depresion?

D Marku — Wed, 29 May 2024 10:32:51 +0000

Ngrënia e ushqimeve të pashëndetshme është një nga gjërat më të këqija që mund t’i bëni trupit dhe gjithashtu mendjes tuaj. Sipas ekspertëve njerëzit që hanë rregullisht “fast food” që përmbajnë shumë sheqerna dhe yndyrna, kanë më shumë gjasa të vuajnë nga depresioni.

Sa më i lartë indeksi glicemik, aq më i lartë është rreziku i depresionit

Më konkretisht, studimi i kryer nga Departamenti i Psikiatrisë i Universitetit të Kolumbisë synonte të zbulonte nëse ushqimet me një indeks të lartë glicemik lidhen me shanse më të larta për depresion.

Ata analizuan të dhënat brenda pyetësorëve të Iniciativës për Shëndetin e Grave, të kryer për të mësuar më shumë rreth shëndetit të grave përtej menopauzës, një grup i studiuar pak.

Ata përdorën informacionin e rreth 70,000 grave, asnjëra prej tyre depresive në fillim të studimit. Të dhënat treguan se ndjekja e një diete me një indeks të lartë glicemik, duke përfshirë ato të pasura me miell të rafinuar dhe sheqerna të shtuara, shoqërohej me shanse më të larta për depresion.

Nga ana tjetër, disa aspekte të dietës dukej se kishin efekt të kundërt, si fibrat, ngrënia e drithërave, frutave dhe perimeve të freskëta dhe të plota ose laktoza

Në fund të studimit rezultoi se konsumimi i tepërt i sheqernave të rafinuara dhe niseshtesë është një faktor rreziku për sëmundjet inflamatore dhe kardiovaskulare, të dyja të lidhura me zhvillimin e depresionit. Konsumimi i “fast food” çon në zhvillimin e rezistencës ndaj insulinës, e cila është lidhur me defekte njohëse të ngjashme me ato që gjenden tek njerëzit me depresion më të lartë.

Përkthyer nga scientificorigin.com

The post Studimi: Pse “Fast Food” shkakton depresion? appeared first on Albeu.com.

Pas përkushtimit në fenë islame, Fero do të hapë “Fast-food”

Xh — Tue, 07 Nov 2023 11:54:26 +0000

Ish-reperi nga Kosova, Fero Fera kohët e fundit është përfolur shumë për ish-romancën e tij me modelen Arbenita Ismajli, pasi i kërkoi një rikthim por ju refuzua.

Megjithatë ai duket se tashmë ka lënë pas gjithë përpjekjet për t’u bashkuar me nënën e vajzës së tij, Nina, duke u fokusuar në biznesin që ai do të hapë.

Pas largimit nga muzika dhe përkushtimit në fenë Islame, Fero ka njoftuar sot se do të hapë një biznes të ri! Një ‘fast food’ në qytetin e tij të lindjes në Gjilan.

Theksojmë se Fero është aktualisht në procedura divorci me modelen Arbenita Ismajli me të cilën ka një vajzë.

The post Pas përkushtimit në fenë islame, Fero do të hapë “Fast-food” appeared first on Albeu.com.

66-vjeçari i dehur ngeli i pakënaqur nga shërbimi në Fast-Food në Lushnje, plagos punonjësin

E S — Tue, 27 Dec 2022 12:55:17 +0000

Një 66-vjeçar është vënë në prangat në Lushnje, pasi ka goditur me thikë kamarierin e një fast food-i.

Shtetasi A.C mësohet se nuk ka mbetur i kënaqur nga shërbimi dhe ka qenë nën efektin e alkoolit.

Shtetasi 22-vjeçar ndodhet në spitalin e Lushnjës dhe po merr mjekim.

Njoftimi i policisë:

Goditi me thikë 22-vjeçarin, gjatë një konflikti të çastit, vihet në pranga autori.

Rreth orës 12:40, në ambientet e një fast food-i, në lagjen “Xhevdet Nepravishta”, dyshohet se gjatë një konflikti të çastit, për motive të dobëta, shtetasi A. C., 66 vjeç, në gjendje të dehur, ka goditur me mjet prerës (thikë), shtetasin L. M., 22 vjeç, kamarier në këtë fast food.

Menjëherë pas marrjes së njoftimit, shërbimet e Policisë kanë kapur dhe shoqëruar shtetasin A. C., në Komisariat.

Shtetasi L. M. po merr mjekim në spitalin e Lushnjës.

Po kryhen veprimet nga grupi hetimor, për zbardhjen e plotë të rrethanave të ngjarjes./albeu.com

The post 66-vjeçari i dehur ngeli i pakënaqur nga shërbimi në Fast-Food në Lushnje, plagos punonjësin appeared first on Albeu.com.

Studimi: Ushqimet fast-food shkaktojnë depresion

E S — Mon, 15 Aug 2022 18:47:12 +0000

Ushqimet fast-food, mund të shkaktojnë trashje, lodhje në tru dhe depresion, thotë një studim i ri.

Gjetjet rezultuan se yndyra e picave, hamburgerëve dhe e patateve të skuqura – depërton në tru përmes gjakut.

Kjo pasi aty, fast-food prek emocionet tona, hipotalamusin dhe çon në një rritje të simptomave depresive.

Ndërsa hulumtimi u krye në minj, shkencëtarët besojnë se gjetjet mund të shpjegojnë lidhjet ndërmjet depresionit dhe obezitetit.

Anti-depresionët janë më pak të efektshëm për njerëzit e trashë se ato të peshës normale.

Studiuesit sugjerojnë se të qenit i dhjamosur është një faktor shtesë që shkakton depresion, dhe dieta e lartë me yndyrë mund të jetë fajtori kryesor.

Studimi u drejtua nga Universiteti i Glasgow dhe u botua në Translational Psychiatry.

The post Studimi: Ushqimet fast-food shkaktojnë depresion appeared first on Albeu.com.

Dembele, ylli që vonohet në stërvitje, luan video-lojëra dhe ushqehet në “fast-food”

admin — Thu, 06 Jan 2022 22:22:56 +0000

Nëse francezi Ousmane Dembele vendos të largohet nga Barcelona, atëherë tifozët e ekipit të tij të ri do të shpresojnë që sulmuesi i krahut të jetojë në afërsi të qendrës stërvitore.

24-vjeçari është blerja rekorde e klubit nga La Liga. Barça në vitin 2017 pagoi 140 milionë euro për transferimin e Dembeles, çmim të cilin francezi nuk e arsyetoi asnjëherë.

Me gjithë statusin superior, Dembele është larg lojtarëve të tjerë që bëjnë jetë të natës dhe frekuentojnë diskotekat. Në vend të kësaj francezi e ndërron jetën e natës së qytetit me mbrëmjet duke luajtur video-lojëra, përkatësisht “PlayStation”. As restorantet e bukura nuk janë stili i Dembeles, që preferon ushqime të shpejta në “McDonald’s”.

Është kjo mënyrë jetese që nuk duket se përmirëson orientimin e tij në kohë. Dembele zakonisht është vonë për stërvitje.

Dembele ka bërë një rrugë të gjatë nga getot e vrazhda të La Madeleine, një periferi e varfër në Evreux, për t’u bërë një yll i futbollit. Ai te Barcelona e ka marrë me qira një rezidencë që e paguan 20 mijë euro në muaj, e cila është në kodër dhe ka pamje nga qyteti i zhurmshëm. Mirëpo, dritat e ndezura të qytetit, lokalet e natës dhe restorantet e shtrenjta nuk paraqesin ndonjë interes për Dembelen. Preferenca e Dembeles është të qëndrojë në shtëpi, të mbushë tavolinën e tij me ushqime të përgatitura shpejt dhe të luajë FIFA në “PlayStation”, ose të kënaqet duke shikuar deri në mëngjes seritë më të fundit në “Netflix”. Kjo do të thotë se Dembele shpesh harron ta aktivizojë alarmin në telefon për t’u paraqitur me kohë në stërvitje te skuadra e Barcelonës.

Në fund të muajit nëntor ai u gjobit nga trajneri i ri i Barçës, Xavi Hernandez, për vonesat e shpeshta. Kur legjenda e Barçës u kthye në “Camp Nou”, prezantoi dhjetë rregulla të arta që duhej t’u përmbaheshin lojtarët. Njëra prej tyre ishte që ata të sigurohen që të arrijnë për stërvitje jo më vonë se 90 minuta përpara seancës së zakonshme të orës 10:00. Xavi dëshiron që skuadra e Barcelonës të shijojë një mëngjes të lehtë së bashku përpara se lojtarët të kryejnë disa punë individuale në palestër dhe të mbajnë seancën në grup. Mirëpo, Dembele gjithmonë ishte për disa minuta me vonesë edhe pse shtëpia e tij nuk është shumë larg qendrës stërvitore. Gjatë mbrëmjeve kur luan video-lojëra dhe pas stërvitjeve, Dembele është një adhurues i madh i ushqimeve të “McDonald’s”, të cilave nuk u reziston. Duke e parë këtë, Barcelona kishte angazhuar një kuzhinier personal. Bëhet fjalë për shefin Mickael Naya, i cili do të kujdesej për dietën e Dembeles pasi në klub ishin të shqetësuar për obsesionin e tij pas ushqimeve të shpejta.

Megjithatë, Dembele nuk e duroi shumë kuzhinierin të cilin e largoi nga puna pas një periudhe të shkurtër. Ai ka thënë se lëndimet e shpeshta të Dembeles vijnë si pasojë e ushqimeve të shpejta dhe netëve pa gjumë për shkak se luan video-lojëra.

“Ousmane është një djalosh shumë i mirë, por ai nuk kujdeset aspak për veten. Ai jeton me dajën e tij dhe shokun e ngushtë, të cilët nuk e kanë guximin t’i thonë asgjë. Ai nuk konsumon alkool, por nuk pushon fare, sepse luan me PlayStation”, ka thënë kuzhinieri Naya.

Në fakt, edhe bashkëlojtarët e kishin kuptuar se Dembele kishte nevojë për ndihmë që ta kuptojë profesionalizmin. Ata e kishin parasysh se Dembele ishte i ri dhe bënte gabime. Mirëpo, as këshillat e bashkëlojtarëve nuk patën ndikim te francezi.

“Ne u munduam ta ndihmojmë atë të kuptojë se futbolli është një gjë 24-orëshe”, tha Gerard Pique.

Pavarësisht mospërputhjeve, Dembele është lojtar i kërkuar. Shumë skuadra të mëdha të Evropës kanë shprehur interesim për ta transferuar Dembelen, i cili ka refuzuar rinovimin e kontratës me Barcelonën që i skadon në fund të këtij edicioni. Manchester Unitedi, Liverpooli, Newcastle, Juventusi e Paris Saint-Germaini, janë skuadrat që po duan ta transferojnë Dembelen. Këtë edicion Dembele ka një gol dhe dy asistime në nëntë paraqitje për Barcelonën në të gjitha garat.

The post Dembele, ylli që vonohet në stërvitje, luan video-lojëra dhe ushqehet në “fast-food” appeared first on Albeu.com.