Kampioni i botës me Kombëtaren italiane të futbollit dhe fituesi i Topit të Artë, zbarkoi në Shqipëri këtë të enjte dhe mbajti një leksion të hapur për të gjithë pjesëmarrësit në kursin “UEFA PRO”, me temën “Nga futbollist në trajner, nga sukseset në fushë në kampionatet e fituara në pankinë”.

Aktiviteti u drejtua nga Drejtori Teknik i FSHF-së, Fulvio Pea dhe u përshëndet edhe nga zv.Presidenti i FSHF-së, Lutfi Nuri dhe anëtarja e Komitetit Ekzekutiv të FSHF-së, Anila Basha, teksa të ftuar ishin edhe drejtues dhe përfaqësues të klubeve shqiptare, trajnerë, futbollistë, e ish-futbollistë.

Pas përfundimit të leksionit, Fabio Cannavaro dha një prononcim për fshf.org, ku vuri në dukje zhvillimin e Federatës Shqiptare të Futbollit nën drejtimin e Presidentit Armand Duka.

“Rezultatet flasin qartë. Federata po investon shumë, në infrastrukturë, te trajnerët, te lojtarët dhe kjo është një gjë shumë pozitive.

Sigurisht që linja udhëheqëse e Presidentit është një linjë moderne çka i jep shpresë vendin tuaj” – tha fillimisht Fabio Cannavaro, i cili vlerësoi edhe Kombëtaren shqiptare të futbollit.

“Kombëtarja shqiptare që është nën drejtimin e një trajneri shumë të mirë më pëlqen shumë. Disa prej lojtarëve kanë eksperiencë ndërkombëtare dhe në të gjithë Europën.

Luajnë futboll të bukur dhe me shumë pasion dhe me siguri populli është krenar me këta lojtarë” – theksoi ish-mbrojtësi i famshëm italian.

Më tej, Kampioni i Botës dhe fituesi i Topit të Artë dha edhe një mesazh për kursantët e UEFA PRO duke i inkurajuar që të punojnë shumë për të arritur sukses.

“Trajnerët e rinj duhet të studiojnë sa më shumë sepse futbolli është në evoluim të përditshëm dhe nëse nuk studiojnë mbeten pas dhe është një mëkat” – përfundoi Fabio Cannavaro.

Fabio Cannavaro bëri edhe një vizitë në “Shtëpinë e Futbollit”, ku pa ambientet e reja të FSHF-së, dhe qendrën stërvitore të Kombëtares shqiptare të futbollit.

Sakaq, ditën e premte, një leksion për kursantët e “UEFA PRO” do të mbajë edhe Francesco Troise, i cili në karrierën e tij ka punuar me Fabio Cannavaron.

The post Fabio Cannavaro vlerëson Shqipërinë: Me Sylvinhon më pëlqeni shumë, luan futboll të bukur dhe me shumë pasion appeared first on Albeu.com.

Cannavaro ka lindur dhe rritur në Napoli, ku edhe kaloi gjitha ekipet e moshave deri te debutimi dhe luajtja për katër sezone në ekipin e parë, ku pastaj vendosi të largohej te Parma.

Pas një karriere të madhe, ku luajti më vonë me ekipe si Interi, Juventusi, Real Madridi, duke fituar thuajse të gjithë trofetë ekipor dhe Kupën e Botës me Italnë, Cannavero llogaritet si njëri nga mbrojtësit më të mirë në histori.

Së fundmi, italiani është lidhur me postin e trajnerit te Napoli, por edhe përkundër se është gati, ai ka treguar se nuk e kanë thirrur asnjëherë.

“A jam unë trajneri i Napolit? Ka ardhur koha! Mendoj se është kështu, jam gati. Por, është presidenti ai që vendos dhe sinqerisht nuk kam marrë asnjë mesazh për këtë”, ka thënë fillimisht Cannavaro për Tuttosport.

“I vetmi kontakt real, konkret ishte me turqit e Besiktasit. Megjithatë, në fund, vetëm pak ditë më parë, ata zgjodhën Fernando Santos, ish-trajnerin e Portugalisë”.

“Te Napoli situata është shumë e vështirë: pas Spallettit, një trajner jashtëzakonisht i përpiktë, nuk funksionoi. Dhe largimet e mëtejshme të Kim dhe Giuntoli gjithashtu peshuan shumë. Njëzet e dy pikë më pak se një vit më parë janë të mëdha”, përfundoi ish-fituesi i Topit të Artë. /Telegrafi/

The post “Jam gati”, Cannavaro hedh kandidaturën për trajner të Napolit appeared first on Albeu.com.

Mësohet se ish-mbrojtësi është duke negociuar për t’u ulur në stolin e Beneventos, skuadër e cila luan në Serinë B.

Cannavaro do të marrë vendin e Fabio Casertës dhe në ekip do të gjejë edhe mbrojtësin e kombëtares sonë, Federik Veseli./albeu.com

The post Cannavaro gati për eksperiencën e parë si trajner në Itali, arrihet akordi me klubin e Veselit appeared first on Albeu.com.

Në një intervistë për “Fanpage” ai u shpreh:

“Jam duke pritur për mundësinë e duhur që më lejon të zbatoj idetë e mia dhe të shfrytëzoj njohuritë mbi futbollin. Qëllimi im, si ai i trajnerëve të tjerë, është të fitoj. Gjithashtu, përpiqem t’u lë diçka lojtarëve të mi. Trofetë bëjnë dallimin, por sfondi teknik që u kalon lojtarëve të kënaq më shumë”.

Cannavaro i ka befasuar të gjithë  kur përcaktoj sulmuesin që sipas tij do të jetë më i miri në dekadën e ardhshme. Bëhet fjalë për yllin serb të Fiorentinës, Dushan Vlahovic i cili është duke kaluar një formë fantastike në Serie A dhe shumë shpejt pritet t’i bashkohet një ekipi të madh.

“Vlahovic është sulmuesi ideal që të gjithë do të dëshironin. Ai di të shënojë, të luajë me shokët e tij, e bën repartin i vetëm. Do të jetë më i miri në 10 vitet e ardhshme. Haaland është shumë i fortë për golin, sepse është mësuar të luajë në një mënyrë të caktuar. Nga ana tjetër, Vlahovic edhe me shpinë nga porta mund të bëjë diferencën”, u shpreh ish-kapiteni i Italisë. r.t/albeu.com

The post “E mban repartin vetëm”, Cannavaro befason me sulmuesin më të mirë të dekadës së ardhshme appeared first on Albeu.com.