Sipas mediave vendase ai është gjetur i vdekur brenda makinës së tij në zonën e Via Ugo La Malfa, ndërsa dyshohet se është qëlluar me armë zjarri, nga persona ende të paidentifikuar.

Onorato ishte me profesion arkitekt dhe ishte pronar i një dyqani mobiliesh. Nuk dihet ende nëse krimi ka ndodhur për motive që lidhen me profesionin e tij, ndërkohë autoritetet kanë nisur hetimet për zbardhjen e plotë të rrethanave të ngjarjes.

The post EMRI/ Vritet me armë zjarri bashkëshorti i eurodeputetes kristiandemokrate në Itali appeared first on Albeu.com.

Shefi i Komisionit për politikë të jashtme, David McAllister, raportuesi për Bosnje e Hercegovinën, Paulo Rangel, dhe shefi i delegacionit për Kosovën dhe BeH-në, Romeo Franz nëpërmjet një deklarate të përbashkët kanë kërkuar masa urgjente nga BE-ja ndaj Millorad Dodikut.

“Nuk mund të tolerojmë më secesionistët dhe mbështetësit e tyre që në mënyrë sistematike të rrezikojnë Bosnje e Hercegovinën“, thuhet në deklaratën e tyre.

Ata dënojnë vendimin e Asamblesë së entitetit serb në Bosnje e Hercegovinë për të mos pranuar vendimet e Gjykatës Kushtetuese të BeH-së, të cilin vendim e konsiderojnë sulm direkt nja rendit Kushtetues dhe ndaj marrëveshjes së Dejtonit.

“Në dritën e provokimeve të fundit të presidentit Dodik dhe zyrtarëve tjerë udhëheqës të Republikës Sërpska, nevojiten urgjentisht veprime shtesë nga Bashkimi Evropian. Parlamenti Evropian vazhdimisht ka kërkuar nga Këshilli që të kalojë nga deklaratat verbale në veprime specifike ndaj atyre që qëllimisht rrezikojnë rendin kushtetues dhe integritetin e Bosnje e Hercegovinës. Është koha e fundit për BE-në dhe vendet anëtare që më në fund të vendosin sanksione ndaj Millorad Dodikut, i cili tashmë është i sanksionuar nga SHBA-ja dhe Britania e madhe“, thuhet në këtë deklaratë.

Ata kanë tërhequr vërejtjen se kredibiliteti i Bashkimit Evropian është në pikëpyetje dhe BE-ja nuk mund më vetëm të kënaqet me deklarata verbale në mbështetje të veprimeve të përfaqësuesit të lartë në Bosnje e Hercegovinë, por duhet që në mënyrë aktive të ndërmarrë masa.

The post Eurodeputetët kërkojnë vendosjen e sanksioneve ndaj Dodikut appeared first on Albeu.com.

Gjatë debatit për zgjerimin, që u mbajt më 14 shkurt në PE, derisa mikrofoni i tij ishte ende i ndezur, Varhelyi iu drejtua shefit të kabinetit të tij në gjuhën e tij amtare hungareze me pyetjen: “edhe sa idiotë kanë mbetur?”. Kjo pyetje i referohej numrit të përfaqësuesve që do t’i bënin pyetje lidhur me ndikmin e Rusisë në Ballkan.

After Commissioner @OliverVarhelyi replies to questions by MEPs, he takes his seat, you can clearly hear him saying: “How many other idiots are still there?” pic.twitter.com/TR8xwwc4V0

— Sándor Rónai (@sandor_ronai) February 14, 2023

“Unë sinqerisht shpreh keqardhje për keqkuptimin rreth një komenti që kam bërë gjatë debatit në seancë plenare të Parlamentit Evropian. Ky ka qënë një diskutim privat në hungarisht mes meje dhe shefit të kabinetit tim për një çështje krejt tjetër. Kjo është nxjerrë jashtë kontekstit dhe unë kërkoj falje për çfarëdo keqkuptimi”, ka thënë Varhelyi.

Deputeti nga Hungaria në parlamentin Evropian, Sandor Ronal ka shkruar menjëherë në rrjetet sociale se komisioneri ka fyer deputetët dhe tërë Parlamentin Evropian dhe se ai duhet të japë dorëheqje.

Deputeti nga Kroacia, Tomislav Sokol, i cili ka bërë pyetjen pas së cilës Varhelyi ka bërë këto komente, tha se ai pret “së paku kërkim falje publike ndaj tij dhe Parlamentit Evropian”. Sipas Sokol, edhe më e rëndësishme se kërkimfalja është që “komisioneri Varhelyi të jetë i paanshëm në raportet me Serbinë dhe presidentin Vuçiq”.

Zëdhënësi i Komisionit Evropian, Eric Mamer, i pyetur nga gazetarët se çfarë ka ndërmarrë presidentja e Komisionit Evropian Ursula von der Leyen pas këtij incidenti, tha se “ajo pret nga të gjithë anëtarët e Komisionit Evropian që të tregojnë respekt ndaj të gjitha institucioneve të BE-së dhe të evitojnë sjelljet të cilat mund të shihen si mungesë respekti”.

Për një kohë të gjatë, Parlamenti Evropian e ka në shënjestër komisionerin për Zgjerim dhe Fqinjësi Varhelyi, të cilin e ka kritikuar me dyshime se është “tepër i afërt” me presidentin e Serbisë Aleksandar Vuçiq dhe me liderin e serbëve në Bosnjë e Hercegovinë, Milorad Dodik.

Madje, përmes një Resolute, Parlamenti Evropian ka kërkuar nga Komisioni që të kryejë hetime të brendshme për sjelljen e tij.

Anëtarë të PE-së dyshojnë se Varhelyi ka ndërhyrë për të anashkaluar shkeljen e vlerave demokratike dhe sundimit të ligjit në disa vende që aspirojnë anëtarësimin në BE, sidmos Serbinë.

“Parlamenti Evropian mbetet thellësisht i shqetësuar për raportet se komisioneri për Fqinjësi dhe Zgjerim me qëllim bën përpjeklje që të anashkalohet dhe ulet rëndësia qëndrore e reformave demokratike dhe sundimi i ligjit në vendet që janë në proces të anëtërësimit“, thuhet në atë tekst.

Por Komisioni Evropian është shprehur se “nuk sheh arsye për masa të tilla”./rel

The post Quajti idiotë disa eurodeputetë, Varhelyi shprehet i keqardhur: Fjalët e mia janë nxjerrë nga konteksti appeared first on Albeu.com.

Ligjvënësi spanjoll Adrián Vázquez Lázara shkroi në Twitter se komisioni kishte votuar për fatin e të dy eurodeputetëve me 23 vota pro dhe asnjë kundër në secilin rast. Parlamenti duhet të revokojë privilegjin ligjor që gëzojnë eurodeputetët në mënyrë që Belgjika të hetojë dhe të akuzojë potencialisht ligjvënësit.

Manon Aubry, bashkëdrejtuesi i grupit të Majtë në Parlament dhe eurodeputeti kryesor për të dy dosjet, u tha gazetarëve se votimi i komisionit nuk ishte një befasi dhe se i gjithë Parlamenti do të mbajë një votim përfundimtar të enjten për heqjen e imunitetit të dy ligjvënësve.

Cozzolino dhe Tarabella përballen me një hetim zyrtar nga autoritetet belge sapo votimi të ndodhë të enjten. Prokurorët federalë belgë kërkuan heqjen e imunitetit ligjor të dy eurodeputetëve më 2 janar, duke bërë që presidentja e parlamentit Roberta Metsola të zotohej se do të lëvizte me shpejtësi për këtë çështje.

Kërkesa për heqjen e imunitetit erdhi pas akuzave për ryshfet dhe pastrim parash. 4 të akuzuarit, ish-deputeti italian Pier Antonio Panzeri, eurodeputetja greke, Eva Kaili, ndihmësi dhe bashkëshorti i saj Francesco Giorgi dhe kreu i një OJQ-je në Bruksel, Niccolò Figà-Talamanca po mbahen në paraburgim deri në përfundim të hetimeve.

The post PE nis procedurat për heqjen e imunitetit të dy eurodeputetëve, pas skandalit të korrupsionin appeared first on Albeu.com.

Sipas asaj që shkruan gazeta “Ekathemerini” nëse Kaili shpallet fajtore edhe në Greqi, dënimi i dhënë nga autoritetet gjyqësore në shtetin fqinj do të jetë shumë herë më i rëndë se në Belgjikë.

Në Bruksel dënimet për krimet për të cilat ajo akuzohet janë më të buta, duke filluar nga tre deri në maksimumi pesë vjet.

Në shtetin fqinj , Kaili po hetohet nga prokurorët dhe Autoriteti i Pastrimit të Parave. Ata po përpiqen të konstatojnë nëse ajo ka sjellë para të padeklaruara nga jashtë dhe i ka investuar ato, konkretisht në pasuri të paluajtshme.

Nëse dalin prova që vërtetojnë akuzat dhe ajo shpallet fajtore, Eva Kaili mund të përballet me një dënim prej 15 vjet burg. Sipas mediave atje fokusi tani është tek Elontech, një OJQ e themeluar në vitin 2017 dhe e udhëhequr nga motra e saj mbi të cilën po zhvillohen kontrolle, veçanërisht në lidhje me flukset e parave.

Dyshohet se kjo OJQ mund të jetë përdorur si mjet për të tërhequr programe europiane me vlerë deri në 15 milionë euro.

The post Skandali në Parlamentin Europian, eurodeputetja Eva Kaili mund të rrezikojë 15 vjet burg appeared first on Albeu.com.

Gjithsej 99 nga 100 anëtarë të Asamblesë Parlamentare të Këshillit të Europës (PACE)  votuan në mbështetje të  rezolutës.

Vetëm një deputet turk nga Partia Popullore Republikane abstenoi.

“Përdorimi i vazhdueshëm i armëve me rreze të gjatë veprimi nga ushtria ruse për të goditur qytetet në të gjithë Ukrainën ka shkaktuar shkatërrim dhe viktima masive”, thuhet në rezolutë.

“Me këto sulme pa dallim, Rusia synon të avancojë politikën e saj terroriste për të shtypur vullnetin e ukrainasve për të rezistuar dhe mbrojtur vendin e tyre, duke shënjëstruar civilët.”

Rezoluta i bëri thirrje Rusisë që “të tërheqë plotësisht dhe pa kushte forcat e saj pushtuese”.

PACE është një organ parlamentar  i Këshillit të Europës, një organizatë ndërkombëtare e ndarë nga Bashkimi Europian.

Ajo përfshin vende si Turqia, Ukraina dhe Mbretëria e Bashkuar. PACE përbëhet nga parlamentarë kombëtarë nga vendet anëtare të saj.

The post Eurodeputetët bëjnë thirrje që Rusia të shpallet një regjim “terrorist” appeared first on Albeu.com.

“Shpresoj se do të kemi sukses të ushtrojmë presion mbi Komisionin dhe Shtetet Anëtare për të siguruar që të mos ketë më bllokime në të ardhmen për çështje të parëndësishme”, tha Tineke Strik – eurodeputet.

Derisa Brukseli shpreson se askush nuk do të keqpërdor të drejtën e vetos gjatë negociatave për anëtarësim të Maqedonisë, mundësia për bllokim të brendshëm të procesit mbetet. Lidhur me iniciativat e fundit për referendum nga VMRO dhe E Majta, eurodeputeti Butikofer thotë se referendum duhet të bëhet nëse është në përputhje me Kushtetutën, por edhe të respektohen rezultatet.

“Përfshirja e qytetarëve në një proces demokratik nuk duhet të refuzohet kurrë nga një demokrat. Por ata që e përdorin procesin demokratik për t’u fshehur pas qytetarëve dhe për t’i mashtruar qytetarët duhet të kritikohen. Nëse dikush thotë se duhet të ndodhë referendum, dhe pastaj nuk i pëlqejnë rezultatet dhe thonë se nuk do ta respektojnë vendimin, ai person nuk është i besueshëm”, u shpreh Reinhard Butikofer – eurodeputet.

Eurodeputetët nuk kanë përshtypjen se aktualisht ka shumicë për amendamentet kushtetuese, ndonëse, siç thonë ata, në disa takime me kolegët e tyre, u është thënë se ka shumë gjasa që të arrihet numri i 80 deputetëve. Deri atëherë, siç shtojnë ata, vendi duhet t’u përkushtohet reformave, veçanërisht në sundimin e ligjit dhe luftën kundër korrupsionit. /Alsat.mk

The post Eurodeputetët: Referendumi në përputhje me Kushtetutën, nuk duhet refuzuar appeared first on Albeu.com.

“Në arritjen e marrëveshjes përfundimtare, BE pret njohjen e pavarësisë së Kosovës”, ka thënë Von Cramon për mediumin serb “Nova.rs”.

Por, eurodeputetja tha se edhe Kosova duhet t’i kryejë detyrat e saj, përfshirë edhe Asociacionin.

“Detyrimet ekzistojnë edhe nga pala kosovare – zbatimi i vendimit të Gjykatës për Manastirin e Deçanit, si për të përgatitur një projekt-plan për formimin e Asociacionit të Komunave me shumicë serbe”, tha von Cramon.

Kjo deklaratë s’i ka pëlqyer zyrtarëve serbë.

Drejtori i të ashtuquajturës Zyre për Kosovën në qeverinë serbe, Petar Petkoviq, ka thënë sot se raportuesja e Parlamentit Europian për Kosovën, Viola von Cramon, ka shkuar shumë larg kur ka thënë se Serbia nuk mund të anëtarësohet në BE derisa ta njohë Kosovën.

“Kur Viola von Cramon thotë se Serbia nuk mund të anëtarësohet në BE derisa të njohë të ashtuquajturën Kosovë, a do të thotë BE me Spanjën, Rumaninë, Qipron Sllovake dhe Greqinë”, ka shkruar Petkoviq në Twitter.

Ai gjithashtu pyeti se nga e morën lobistët kosovarë idenë se Von Cramon mund të përcaktojë rrugën e Serbisë drejt BE-së?

Von Cramon po ashtu i ka tërhequr vërejtjen Serbisë së në çështjen e vendosjes së sanksioneve ndaj Rusisë s’ekziston opsioni “ose-ose”.

“Ne i dimë vështirësitë në këtë aspekt (vendosja e sanksioneve ndaj Rusisë), Vuçiq shpjegoi gjithçka, por pavarësisht kësaj duhet të shohim përkushtimin e Serbisë për t’u përballur me sanksionet në fillim”, tha ajo./express

The post Eurodeputetja Von Cramon e ka një kërkesë për Serbinë, dy për Kosovën appeared first on Albeu.com.

Letra, të cilën e ka parë mediumi “European Western Balkans”, kishte firmën edhe të zëvedëspresidentes së Parlamentit Evropian, Nicola Beer, e cila është edhe anëtare e Partisë së Lirë Demokratike në Gjermani. Ndër të tjerët që nënshkruan letrën ishin Klemen Groselj nga Sllovenia, Ilhan Kyuchyuk nga Bullgaria, Petras Austrevicius nga Lituania, Urmas Paet nga Estonia dhe Bart Groothuis nga Holanda.

Në letër, eurodeputetët thonë se Serbia po tregon “një lëvizje të rrezikshme drejt autoritarizmit” që është në kontrast të fortë me aspiratat e saj për t’u anëtarësuar në Bashkimin Evropian dhe se kjo është treguar me refuzimin e Serbisë për të vendosur sanksione ndaj Rusisë në përgjigje të agresionit të saj kundër Ukrainës.

“Kjo është arsyeja pse ne i bëjmë thirrje Komisionit që të ftojë edhe një herë autoritetet serbe që t’i bashkohen qëndrimit të përbashkët të BE-së për Rusinë. Nëse Serbia vendos edhe një herë të injorojë këtë thirrje, ne kërkojmë një ngrirje të përkohshme të bisedimeve për anëtarësim në BE me qeverinë serbe dhe mohojmë mbështetjen financiare të BE-së për të derisa ajo të ndërmarrë veprime të besueshme, të prekshme dhe të qarta për të harmonizuar deklaratat, politikat dhe vlerat e saj me Bashkimin Evropian”, thuhet në letër.

Pavarësisht thirrjes për ndërprerjen e ndihmës financiare për Serbinë, eurodeputetët shprehën gjithashtu mbështetje për shoqërinë civile dhe ndërmarrjet e vogla në Serbi.

Ata theksuan se Serbia ka çdo të drejtë të ndjekë modelin e presidentit rus Vladimir Putin nëse dëshiron, por duhet të jetë e qartë në synimet e saj dhe të mos pretendojë se ka aspirata serioze për anëtarësim në BE./Gazeta Express

The post Eurodeputetët letër Komisionit Evropian: Ngrini negociatat dhe ndërprisni ndihmat për Serbinë appeared first on Albeu.com.

Në një raport mbi bashkëpunimin në luftën kundër krimit të organizuar në Ballkanin Perëndimor, eurodeputetët u kërkuan qeverive në rajon të rrisin ndjeshëm përpjekjet e tyre për të ecur përpara me reformat në fushën e sundimit të ligjit dhe luftës kundër korrupsionit dhe krimit të organizuar. BE-ja duhet, sipas eurodeputetëve, të mbështesë këto përpjekje përmes ndihmës financiare dhe bashkëpunimit praktik.

Përshpejtimi i procesit të integrimit në BE

Raporti, i miratuar nga Komiteti i Punëve të Jashtme të martën me 60 vota pro, 4 kundër dhe 6 abstenime, thotë se vendet e Ballkanit Perëndimor janë vendet e origjinës, destinacionit dhe tranzitit për trafikimin e qenieve njerëzore dhe ato shërbejnë si një korridor tranziti për migrantët dhe refugjatët dhe si vend për pastrim parash dhe trafikim të armëve të zjarrit.

Megjithatë, eurodeputetët theksojnë se lufta kundër krimit të organizuar dhe integrimi në BE janë procese reciproke përforcuese, duke i kërkuar BE-së të përshpejtojë procesin e integrimit. Në këtë kontekst, pasi izolimi inkurajon aktivitetet kriminale, eurodeputetët gjithashtu i bëjnë thirrje Këshillit që të miratojë liberalizimin e vizave për Kosovën pa vonesa të mëtejshme.

Faktorët kryesorë që i bëjnë shoqëritë e Ballkanit Perëndimor të prekshme, thotë raporti, janë mungesa e mundësive të punësimit, korrupsioni, dezinformimi, elementët e kapjes së shtetit, pabarazia dhe ndërhyrja e huaj nga regjimet jodemokratike si Rusia dhe Kina.

Mungesa e vullnetit të mirëfilltë politik në luftimin e krimit të organizuar

Me keqardhje për mungesën e vullnetit të vërtetë politik nga ana e elitave politike lokale për të luftuar krimin e organizuar, eurodeputetët duan që vendet e Ballkanit Perëndimor të adresojnë plotësisht mangësitë e sistemeve të tyre përkatëse të drejtësisë penale, duke përfshirë kohëzgjatjen e procedurave ligjore.

Tepër të vetëdijshëm për raportet dhe akuzat për lidhjet midis figurave të nivelit të lartë politik dhe grupeve të krimit të organizuar, eurodeputetët nënvizojnë nevojën për të çrrënjosur lidhjet politike dhe administrative me krimin e organizuar përmes masave mbrojtëse të qarta kundër korrupsionit dhe ndjekjes efektive të rasteve të korrupsionit të profilit të lartë.

Bashkëpunimi rajonal dhe ndërkombëtar

Lidhjet ndërmjet krimit të organizuar, politikës dhe bizneseve ekzistonin para shpërbërjes së Jugosllavisë dhe kanë vazhduar që nga fundi i konflikteve të viteve 1990, dhe eurodeputetët dënojnë mungesën e dukshme të vullnetit të autoriteteve përgjegjëse në rajon për të hapur arkivat e ish-Jugosllavisë. dhe që dosjet t’u kthehen qeverive nëse ato duan.

Eurodeputetët nënvizojnë gjithashtu se është e rëndësishme që vendet e Ballkanit Perëndimor të bashkëpunojnë dhe të ndajnë inteligjencën me shtetet anëtare dhe partnerët ndërkombëtarë duke përfshirë Shtetet e Bashkuara, Kanadanë, Mbretërinë e Bashkuar si dhe me organizata të tilla si NATO, Grupi i Shteteve të Këshillit të Evropës kundër Korrupsioni ( GRECO ), Organizata për Siguri dhe Bashkëpunim në Evropë ( OSBE ) dhe Zyra e OKB-së për Drogën dhe Krimin ( UNODC ).

Raporti mirëpret përfundimin e marrëveshjeve të bashkëpunimit ndërmjet Eurojust-it dhe qeverive të Shqipërisë, Maqedonisë së Veriut, Malit të Zi dhe Serbisë, si dhe autorizimin për hapjen e negociatave me Bosnje-Hercegovinën. Eurodeputetët i kërkojnë Këshillit që të autorizojë sa më parë hapjen e negociatave për një marrëveshje të ngjashme me Kosovën.

Raportuesi Lukas Mandl (EPP, AT ) tha: “Krimi i organizuar dëmton besimin e qytetarëve në institucionet e tyre publike dhe në njëri-tjetrin. Kjo është arsyeja pse është një pengesë e madhe për përpjekjet e shoqërive në Ballkanin Perëndimor për të zhvilluar shtetet dhe ekonomitë e tyre. BE-ja nuk duhet të përdorë krimin e organizuar si justifikim për të vonuar procesin e zgjerimit, por duhet të qëndrojë në krah të njerëzve të Ballkanit Perëndimor në luftën e tyre kundër krimit të organizuar.”

The post Eurodeputetët: Krimi i organizuar, pengesë e madhe për zhvillimin e Ballkanit Perëndimor appeared first on Albeu.com.