Dhimbja shpesh largohet pa trajtim, por nëse shfaqet me ndonjë nga simptomat e mëposhtme duhet të drejtoheni menjëherë tek mjeku.

Simptomat janë:

-ethe

-inflamacion ose ënjtje në shpinë

-dhimbje të vazhdueshme të shpinës, ku shtrirja ose pushimi nuk ndihmon

-dhimbje poshtë këmbëve

-dhimbje që arrin poshtë gjunjëve

– një dëmtim, goditje ose traumë e fundit në shpinë

– mosmbajtje urinare

– vështirësi në urinim

– mosmbajtje fekale, ose humbja e kontrollit mbi lëvizjet e zorrëve

– mpirje rreth organeve gjenitale

– mpirje rreth anusit

-mpirje rreth vitheve

Një mjek zakonisht do të jetë në gjendje të diagnostikojë dhimbjen e shpinës pasi të pyesë për simptomat dhe të kryejë një ekzaminim fizik. Mund të kërkohet një skanim imazherie dhe teste të tjera nëse:

– dhimbja e shpinës duket se vjen nga një dëmtim

-mund të ketë një shkak themelor që ka nevojë për trajtim

-dhimbja vazhdon për një periudhë të gjatë

-Një skanim me rreze X, MRI ose CT mund të japë informacion për gjendjen e indeve të buta në shpinë.

Rrezet X mund të tregojnë shtrirjen e kockave dhe të zbulojnë shenja të artritit ose kockave të thyera, por ato mund të mos zbulojnë dëmtime në muskuj, palcën kurrizore, nerva ose disqe.

Skanimet MRI ose CT mund të zbulojnë hernie disqe ose probleme me indet, tendinat, nervat, ligamentet, enët e gjakut, muskujt dhe kockat.

Skanimet e kockave mund të zbulojnë tumoret e kockave ose frakturat kompresive të shkaktuara nga osteoporoza . Një substancë radioaktive ose gjurmues injektohet në një venë. Gjurmuesi mblidhet në kocka dhe ndihmon mjekun të zbulojë problemet e kockave me ndihmën e një kamere speciale.

Elektromiografia ose EMG mat impulset elektrike të prodhuara nga nervat në përgjigje të muskujve. Kjo mund të konfirmojë ngjeshjen e nervit, e cila mund të ndodhë me një hernie diskale ose stenozë kurrizore. Mjeku mund të urdhërojë gjithashtu një test gjaku nëse dyshohet për infeksion.

The post Si ta kuptoni që diçka nuk shkon me shpinën tuaj appeared first on Albeu.com.

Ethet nuk janë në vetvete një sëmundje, por thjesht një simptomë se diçka po ndodh brenda trupit. Por, në qoftë se temperatura është shumë e lartë, mund të përdorni disa produkte të thjeshta në kushtet e shtëpisë për ta ulur, vetëm se, në çdo rast duhet të konsultoheni me mjekun.

Një mënyrë klasike për uljen e etheve është duke fërkuar me një leckë të lagur me ujë të ftohtë (jo akull) në zonën e kyçeve, të duarve, ballit dhe këmbëve për të lehtësuar shpërndarjen e ngrohjes. Masazhi këshillohet disa herë, çdo gjysmë ore. Vendosni këmbët në ujë me uthull dhe mbajini për rreth 10 minuta.

Çaji i përgatitur nga bima e sherbelës shërben jo vetëm për qetësim apo për kurimin e disa sëmundjeve; shumë lehtë ajo mund të ulë edhe temperaturën e lartë. Çdo 30 minuta i sëmuri duhet të pijë çaj për të ulur temperaturën.

Mos harroni pra të pini sa më shumë ujë dhe të hani fruta të freskëta.

The post Si mund të ulim temperaturën në kushte shtëpie appeared first on Albeu.com.

Megjithëse shumica e prindërve e kuptojnë se temperatura e ulët ndihmon trupin e fëmijës të luftojë infeksionin, një në tre prindër do të jepte ilaçe për të ulur temperaturën, edhe nëse ajo nuk do të ishte mbi 38°C.

Ky ishte përfundimi nga Sondazhi Kombëtar i Spitalit të Fëmijëve C.S. Mott në Shëndetin e Fëmijëve nga Universiteti i Miçiganit, SHBA. Pyetjeve të studiuesve iu përgjigjën 1,376 prindër të fëmijëve të moshës 12 vjeç e poshtë, të cilët u intervistuan midis gushtit dhe shtatorit 2022.

50% e prindërve do të përdornin antipiretikë nëse ethet varionin midis 38.0 °C dhe 38.8 °C, ndërsa një e katërta e prindërve ndoshta do të jepnin një dozë më shumë për të parandaluar rikthimin e temperaturës.

“Disa prindër mund të nxitojnë menjëherë për t’u dhënë fëmijëve të tyre ilaçe, por në shumicën e rasteve është më mirë të lini ethet të bëjnë të vetën. Sepse nëse e lëshojmë menjëherë temperaturën, kjo nuk ndihmon për të kuruar më shpejt sëmundjen. Ekziston gjithashtu rreziku i dhënies së tepërt të ilaçeve kur nuk është e nevojshme, duke shkaktuar efekte anësore”, shpjegon pediatri i Spitalit të Fëmijëve Mott, Dr. Susan Woolford.

The post Gabimi më i zakonshëm që bëjnë prindërit kur fëmija ka temperaturë appeared first on Albeu.com.

Sëmundja e njohur si “ethet e kuqe” deri më tani ka prekur 103 persona në Skoci, me 53 raste të zbuluar në vetëm 4 javët e fundit.

Nga na tjetër, deri më 30 tetor janë raportuar 93 raste të etheve të kuqe në juglindje të Britanisë. Në Londër janë zbuluar 40 raste, teksa Në West Midlands, u raportuan 34 raste, me vetëm katër të regjistruar në lindje të rajonit.

Kjo sëmundje shkaktohet nga një virus bakterial, i cili shkakton skuqje të dukshme në fytyrën dhe trupin e personit të prekur. Simptoma të tjera të kësaj sëmundje, sipas ekspertëve janë: temperaturë e lartë, dhimbje të fytit, gjëndra të fryra të qafës, skuqje në trup, veshje e bardhë në gjuhë si dhe faqet e kuqe.

Udhëzimi zyrtar thotë: “Simptomat fillestare zakonisht përfshijnë dhimbje fyti, dhimbje koke dhe temperaturë të lartë (38.3C ose më lart), faqe të skuqura dhe një gjuhë e fryrë, e ndjekur nga një skuqje dalluese rozë-kuqe një ose dy ditë më vonë.

Ethet e kuqe flakë zakonisht janë një sëmundje e lehtë, por shumë infektive, duke i shtyrë ekspertët të paralajmërojnë prindërit të jenë të vetëdijshëm për simptomat.

The post “Ethet e kuqe”/ Sëmundja që po alarmon Britaninë e Madhe, prek më së shumti fëmijët appeared first on Albeu.com.

Ndonjëherë, megjithatë, mund të jetë një shenjë e një sëmundjeje serioze që kërkon kujdes mjekësor.

Llojet e dhimbjeve të barkut

Ekzistojnë disa lloje të dhimbjeve të barkut, të cilat bazohen në atë se sa shpejt fillon dhe sa zgjat dhimbja:

-Dhimbja akute që zgjat disa orë ose ditë dhe mund të vijë me simptoma të tjera.

-Dhimbja kronike zgjat më shumë — nga javë në muaj ose më shumë — dhe mund të vijë e të shkojë.

-Dhimbja progresive përkeqësohet me kalimin e kohës dhe shpesh vjen me simptoma të tjera.

Shkaqet e dhimbjes së barkut

Pavarësisht nëse keni një dhimbje të lehtë ose ngërçe serioze, dhimbja e barkut mund të ketë shumë shkaqe të tilla si dispepsi, kapsllëk, një virus stomaku, Sindroma e zorrës së irrituar (IBS),  Sëmundja e Crohn-it ose koliti ulceroz, helmim apo alergji nga ushqimi,  infeksion të traktit urinar, hernie, tendosje ose tërheqje e muskujve të barkut, gurë në tëmth apo në veshka, Endometrioza, etj.

Kur duhet të shkoj te mjeku

Telefononi menjëherë mjekun tuaj nëse keni dhimbje barku të forta që vështirësojnë lëvizjen tuaj, ose nuk mund të qëndroni ulur ose të gjeni një pozicion të rehatshëm.

Kërkoni ndihmë të menjëhershme mjekësore nëse dhimbja shoqërohet me shenja dhe simptoma të tjera shqetësuese, duke përfshirë:

– Dhimbje të forta

– Ethe

– Jashtëqitje me gjak

– Nauze dhe të vjella të vazhdueshme

– Humbje peshe

– Lëkura që duket e verdhë

– Barku i fortë kur e prekni

– Ënjtje e barkut

The post Llojet e dhimbjeve të barkut dhe simptomat që nuk duhet të anashkaloni appeared first on Albeu.com.

Gjethet e rrushit, veçanërisht ato të rrushit të kuq, përdoren në mjekësinë bimore, si çaj kundër diarresë, hepatitit, dhimbjeve të stomakut, reumatizmin, dhimbjet e kokës dhe etheve.

Gjethet e thara të rrushit mund të zihen në ujë dhe të pihen si çaj me mjaltë. Një grusht gjethesh të thata të thërrmuara do të mjaftojnë për një kupë çaji.

The post Përveç japrakut, ja për çfarë mund t’i përdorni gjethet e rrushit appeared first on Albeu.com.

Kalo shkruan se varianti Delta ka simptoma thuajse të njëjta me ato të gripit të verës dhe etheve.

Më tej Kalo shkruan se duhet të kenë kujdes dhe nga turistët e ardhur nga jashtë, ku varianti Delta tashmë mban numrin më të lartë të infeksioneve.

Postimi i Kalos:

Kohë kovidiane…..24.07.2021…..Fundjavë të bardhë, të paqtë dhe shplodhëse miq, të afërt, kolegë dhe bashkëkombas…..RIKUJTESË për pushuesit në brigjet e Adriatikut, të Jonit dhe jo vetëm……”Gripi i verës” apo ethja 3-5 ditore është një virozë, e cila ka shënja klinike pothuajse plotësisht të njejta me shfaqjet klinike të variantit “Delta”, të infeksionit të shkaktuar prej virusit Sars-Cov2/Covid-19, me: temperaturë, dhimbje koke, dhimbje muskujsh e kyçesh, këputshmëri e shpesh dhimbje barku të bashkshoqëruara me të përziera ose/dhe të vjella e heqje barku/diarrhe, POR pa çrregullime të shijes dhe/ose nuhatjes (të cilat nuk vërehen në këtë variant të Covid-19) dhe pa lëndime të rënda të vijave të poshtme të frymëmarrjes (të cilat fatmirësisht janë më pak të shpeshta si në të vaksinuarit po ashtu edhe në ata të prekurit nga Covid-19 i variantit “Delta” të infeksionit prej virusit Sars-Cov2), dhe me “test të shpejtë” ose “PCR-real time” për Sars-Cov2 NEGATIV…..Në mesin e të sëmurëve me shënjat e mësipërme, mundet të ketë pa dyshim edhe të infektuar me variantin “Delta” të virusit Sars-Cov2/Covid-19, sidomos persona shqiptarë ose të huaj të ardhur për pushime nga vënde ku ky virus është mjaft i përhapur si Britania e Madhe, Francë, Itali, Hollandë, Greqi, Spanjë, Gjermani, etj…. Këta persona duhet të jenë shumë lart të VETNDËRGJEGJËSUAR, për t’u vetëizoluar deri në sqarimin e shkakut të gjëndjes së tyre klinike…..Po ashtu edhe personeli i Qëndrave Mjeksore në zonat e pushimeve dhe jo vetëm, duhet të rrisin vigjilencën epidemiologjike ndaj të sëmurëve me shënjat e mësipërme që ata/ato vizitojnë….. Në ndërkohë kur dhe ku është e mundur të MOS hezitojmë të vaksinohemi, që të ulim sa të jetë e mundëshme numurin e të infektuarve nga virusi Sars-Cov2/Covid-19…..”Flama mbarëbotërore” nuk është shuar apo mposhtur plotësisht, edhe pse “pjesa më dramatike” e kësaj Pandemije është luajtur tashmë, dhe VETËKUJDESJA si dhe KUJDESJA ndaj atyre që gjallojnë pranë nesh nuku duhet nënvlerësuar….NE mantelbardhët dhe i gjithë personeli tjetër shëndetsor jemi aty ku duhet të jemi, në vijën e parë të përballjes me Pandeminë nga Sars-Cov2/Covid-19 që me Punën, Profesionalizmin, Përkushtimin dhe Përkujdesjen tonë, t’ju vimë në ndihmë nëse JU do të prekeni nga një infeksion i tillë mjaft jetëlëndues e disa herë jetëmarrës…..Together forever!!!

The post Mjeku Tritan Kalo: Kujdes! Varianti “Delta” ka simptoma thuajse të njëjta me gripin e verës dhe ethet appeared first on Albeu.com.