Në të njëjtin nivel me ta qëndron edhe një emër i papritur, Klaemint Olsen i skuadrës NSÍ Runavík nga Ishujt Faroe.

Megjithatë, lideri aktual i renditjes është një tjetër dhe vjen nga një kampionat krejtësisht jashtë qendrës së vëmendjes.

Darko Lemajić, sulmues serb i klubit FC RFS në Letoni, ka shënuar plot 28 gola, duke grumbulluar më shumë se dyfishin e pikëve të yjeve si Haaland dhe Mbappé. Me këtë ritëm, ai është në rrugë të mirë për të befasuar Europën dhe për të fituar trofeun prestigjioz.

Karriera e Lemajić, ka kaluar nëpër klube modeste si Indija, Napredak Krusevac, Riga, RFS dhe një eksperiencë të shkurtër me Gent në Belgjikë. Pavarësisht profilit të ulët, 30-vjeçari po shpërthen këtë sezon në mënyrë spektakolare.

Sipas rregullave të “Këpucës së Artë”, golat në pesë ligat më të forta të Europës (Spanjë, Angli, Gjermani, Itali dhe Francë) shumëzohen me koeficientin 2, ndërsa ata të ligave nga vendi i 6-të deri në të 21-tin me 1.5. Të gjitha ligat e tjera, përfshirë atë letoneze, kanë koeficient 1.

Kjo do të thotë se, edhe pse Lemajić ka shënuar më shumë gola se kushdo tjetër në kontinent, për ta ruajtur epërsinë ndaj “gjigantëve” si Haaland dhe Mbappé, ai duhet të vazhdojë të shënojë me të njëjtin ritëm deri në fund të sezonit.

The post Gara për “Këpucën e Artë”, një emër i panjohur lë pas Mbappe dhe Haaland appeared first on Albeu.com.

Sulmuesi norvegjez ka shënuar edhe kundër Arsenalit, në ndeshjen e madhe të vlefshme për javën e pestë të Premier Ligës; tashmë janë 10 gola në 7 ndeshje sezonale (të gjitha të shënuara në kampionat), 100 gjithsej me fanellën e “qytetarëve”.

Një shifër që e bën atë të barazojë një rekord historik, atë të Cristiano Ronaldos, i cili është lojtari që ka shënuar 100 gola në numrin më të vogël të ndeshjeve me të njëjtën skuadër.

Portugezi kishte nevojë për 105 ndeshje, për të shënuar 100 gola me fanellën e Realit të Madridit. Po aq ndeshje iu deshën edhe Haaland për të arritur kuotën e 100 golave.

The post Haaland është një makineri golash, barazon rekordin e Ronaldos appeared first on Albeu.com.

Haaland shkëlqeu edhe një herë, duke shënuar një dygolësh ndaj Brentford në ndeshjen e vlefshme për javën e katërt të Premier League.

Tashmë ka nëntë gola në 4 ndeshje të sezonit, 99 gjithsej me fanellën e City.

Një rezultat që e mban atë vetëm një gol nga një rekord historik, ai i Cristiano Ronaldos, i cili është lojtari që ka shënuar 100 gola në numrin më të vogël të ndeshjeve me të njëjtën skuadër.

Portugezit i nevojiteshin 105, ndërsa Haaland ka 103: do të thotë se, nëse shënon gol në ndeshjen e radhës (kundër Arsenalit më 22 shtator), do të ishte rekordmeni i ri në këtë renditje të veçantë.

Lojtarët që arritën më shpejt 100 gola me të njëjtin ekip:

Cristiano Ronaldo -105 ndeshje për Real Madrid

Luis Suarez – 120 ndeshje për Barcelonën

Zlatan Ibrahimovic – 124 ndeshje për PSG

Ruud Van Nistelrooy – 131 ndeshje për Manchester United

Cristiano Ronaldo – 131 ndeshje për Juventusin

The post Haaland një përbindësh, 9 gola në 4 ndeshje në Premier appeared first on Albeu.com.

Kontrata aktuale e Haaland zgjat deri në vitin 2027, dhe Manchester City planifikon të ofrojë një zgjatje të saj. Sulmuesi 24-vjeçar është i hapur për të zgjatur qëndrimin e tij, por dëshiron të mbajë një klauzolë largimi, raporton Marca.

Me kontratën e re norvegjezi pritet të përfitojë një pagë prej 24 milionë eurosh në sezon, që do ta bënte atë lojtarin më të paguar në Premier League.

24-vjeçari ka shkëlqyer me fanellën e “qytetarëve”, duke shënuar 70 gola në 69 ndeshje zyrtare me skuadrën e Guardiolës. Në sezonin aktual, Haaland ka shënuar 7 gola në 3 ndeshje të luajtura në kampionatin anglez.

The post Manchester City, gati kontrata e re për Haaland appeared first on Albeu.com.

Pasi fitoi Premier League e katërt radhazi në historinë e klubit, një rekord absolut në ligën angleze, Erling Haaland dëshiron të kthehet për të shijuar trofe të tjerë. Dhe fitorja e Champions në Stamboll në vitin e tij të parë me Qytetarët do të mbetet e ngulitur për gjithë jetën.

“Jam përmirësuar në shumë aspekte. Po përpiqem të bëhem një version më i mirë i vetes si në fushë ashtu edhe jashtë saj. Tashmë kam thënë në disa raste se mund të përmirësohem në shumë fusha. Unë jam duke punuar për këtë. Shpresoj që të bëhem një futbollist më i mirë – tha ai Haaland – dhe një qenie njerëzore më e mirë këtë sezon”.

“Duhet të mendoj ditë pas dite, pa parë shumë përpara, sepse do të ketë më shumë se 70 ndeshje nëse i luaj të gjitha, plus ndeshjet ndërkombëtare. Bëhet fjalë për përpjekjen për të bërë mirë në çdo ndeshje, sepse kjo është puna ime”, ka deklaruar norvegjezi për L’Equipe.

The post Erling Haaland: Po përpiqem të bëhem versioni më i mirë i vetes appeared first on Albeu.com.

23-vjeçari bëri lëvizjen nga Borussia Dortmund te City në vitin 2022 për 65 milionë euro dhe menjëherë mori titullin e Ligës Premier duke thyer rekordin për më shumë gola të shënuar në një sezon të vetëm.

Golat e tij ishin vendimtare pasi City arriti një tripletë historike duke u bërë vetëm skuadra e dytë angleze që e bën këtë pas rivalëve të tyre vendas Manchester United.

Në një intervistë ekskluzive me Flashscore, agjentja e Haaland, Rafaela Pimenta ka folur për lëvizjen e tij në Ligën Premier dhe ka dhënë një aluzion për të ardhmen e klientit të saj.

“Ajo që do t’ju them është e trishtueshme. Sepse, nga këndvështrimi im, transferimi i Haalandit kishte shije të hidhur”, shpjegoi ajo.

“Me fjalë të tjera, e ëmbël dhe e hidhur në të njëjtën kohë. Dhe pse ishte kështu? Sepse Mino (Raiola) nuk ishte aty”.

“Do të kisha dashur të isha me të në atë moment, në momentin e transferimit, në momentin e nënshkrimit dhe veçanërisht në kohën e ndeshjes së parë të Haaland”, shtoi ajo.

Pimenta u pyet gjithashtu për të ardhmen e sulmuesit dhe nëse klubet e tjera mund ta bindin atë të largohet nga City apo mund të jetë një ‘njeri i një klubi’.

“Nuk e di, por mendoj se projekti i Erling Haaland është ai që do të zgjasë me kalimin e kohës, gjatë viteve të ardhshme. Do të varet gjithashtu nga tendencat në futboll”, vazhdoi ajo.

“Në çdo rast, një gjë është e sigurt sot, Erling Haaland ndihet si në shtëpinë e tij në Manchester City. Ai është 1000 për qind i përkushtuar ndaj projektit të Cityt dhe tashmë po pret me padurim sezonin e ri me klubin”, ka potencuar më tej Pimenta. /Telegrafi/

The post Agjentja e Haaland e përshkruan transferimin e norvegjezit te Man City si ‘të hidhur’ dhe zbulon synimet për të ardhmen e tij appeared first on Albeu.com.

Sulmuesi norvegjez u zëvendësua në minutën e 82-të, derisa pasi doli jashtë u pa duke shkëmbyer fjalë me trajnerin Pep Guardiola.

Shumë fjalë janë shkruar për këtë përplasje, por ka qenë vet Haaland që i ka dhënë fund duke treguar arsyen pse çoi deri te shkëmbimi i fjalëve me trajnerin e tij.

Sulmuesi norvegjez ka thënë se nuk kishte të bënte fare me zëvendësimin e tij, pasi ai iu gëzua golit të argjentinasit Julian Alvarez.

“Unë isha i tërbuar për shkak të diçkaje krejtësisht të ndryshme, nuk kishte asnjë lidhje me zëvendësimin”.

“Isha shumë i lumtur që Julian hyri dhe shënoi gjithashtu. Sigurisht që do të doja të shënoja më shumë gola, por nuk u tërbova se u zëvendësova me të. Jam i kënaqur për djalin që hyri në vendin tim për mua kjo çështje mbyllet këtu”, tha Haaland.

23-vjeçari vazhdon të jetë bindshëm golashënuesi më i mirë i Cityt këtë sezon, ku në 41 ndeshje zyrtare në të gjitha garat ka realizuar 36 gola dhe ka asistuar në gjashtë të tjerë. /Telegrafi/

The post Haaland thyen heshtjen dhe flet për përplasjen me Pep Guardiolën appeared first on Albeu.com.

“Lëndimi i tij nuk është një problem i madh, por për momentin ai nuk është gati të luajë”, deklaroi trajneri Pep Guardiola.

Haaland u lëndua në ndeshjen e dytë të çerekfinales së Ligës së Kampionëve kundër Real Madridit dhe më pas humbi gjysmëfinalen e FA Cup kundër Chelseat, në të cilën Manchester City fitoi 1-0 dhe kaloi në finale.

Haaland është aktualisht golashënuesi më i mirë i Ligës Premier me Palmerin e Chelseat, të dy kanë shënuar 20 gola.

Manchester City aktualisht është i treti në renditjen e elitës së futbollit anglez, katër pikë prapa liderit Arsenal, por me dy ndeshje më pak.

Liverpooli i vendit të dytë ka një pikë më shumë se kampioni aktual Manchester City, por edhe një ndeshje më shumë të luajtur. /Telegrafi/

The post Manchester City do të jetë pa Erling Haalandin për disa kohë pas dëmtimit muskular appeared first on Albeu.com.

Spekulimet kanë marrë më shumë bazë pas raportimeve të “AS”, i cili sugjeron se sulmuesi norvegjez ka dëshiruar të i lërë vetes një mundësi për t’iu bashkuar “Merengues” duke përfshirë një klauzolë të largimit prej 250 milionë eurosh në kontratën e tij, e cila do të aktivizohet në verën e vitit 2025.

Megjithatë, raporti i “AS” vë në dukje se për momentin Real Madridi konsideron këtë kalim si thuajse të pamundur nga këndvështrimi financiar.

Klubi madrilen është duke u përgatitur për një transferim tjetër të madh, me synimin e transferimit të yllit të Paris Saint-Germain, Kylian Mbappe, gjatë verës së ardhshme.

Një marrëveshje që pritet të përfshijë një shumë të konsiderueshme të parave dhe një pagë të lartë për sulmuesin francez.

Ky çështje për Real Madridin mund të jetë një lajm i mirë për Manchester City, ekipi aktual i Haalandit.

Citizens janë të interesuar për të vazhduar kontratën me ish-lojtarin e Salzburgut dhe Borussia Dortmundit, duke përfituar nga heshtja relative e Real Madridit në këtë çështje.

Haaland, i cili është i lidhur emocionalisht me ëndrrën për të luajtur për Los Blancos një ditë, dhe përfaqësuesja e tij, Rafaela Pimenta, janë të interesuar që të integrojnë një klauzolë të ngjashme edhe në çfarëdo kontrate të re, duke i lënë sërish një mundësi të hapur për një kalim të ardhshëm në La Liga.

Sulmuesi 23-vjeçar ka një rekord të fortë këtë sezon në Ligën Premier, duke shënuar 19 gola në 25 ndeshje deri më tani.

Performanca e tij e jashtëzakonshme në fushë dhe potenciali i tij për të rritur më tej vlerën e tij në tregun e transferimeve bëjnë që të gjithë sytë të jenë të fiksuar mbi të dhe vendimet që do të marrë në karrierën e tij. /Telegrafi/

The post Zbulohet klauzola e Man Cityt “pro” Real Madridit për Erling Haaland appeared first on Albeu.com.

Fabrizio Romano shkroi se sulmuesi francez do të fitojë rreth 20 milionë euro në sezon, njëjtë si yjet më të mëdhenj aktualë të Real Madridit, Jude Bellingham dhe Vinicius Junior.

Tani, tifozët e Barcelonës presin të shohin se si do t’i përgjigjet klubi i tyre me një mega transferimi të tillë.

Mundo Deportivo pretendon se ka mësuar për një plan me të cilin drejtori sportiv Deco planifikon të kërcënojë Real Madridin.

Gjegjësisht, mediat katalanase pretendojnë se Deco dhe Rafaela Pimienta, menaxherja e fuqishme që trashëgoi punën nga Mina Raiola, janë takuar në Barcelonë për të diskutuar për ardhjen e mundshme të Haaland në klubin spanjoll.

Sipas Mundo Deportivo, Haaland aktualisht është i fokusuar vetëm te Manchester City, por ideja e Barcelonës nuk është e pamundur për të në të ardhmen.

“Norvegjezi mund të tronditë të gjithë me një vendim në verë”, thonë spanjollët, të cilët pretendojnë se Haaland mund të shkaktojë vetë një largim nga Man City.

Barcelona dëshiron Haaland si zëvendësues të Robert Lewandowski, të cilin duan ta largojnë sepse është gati të mbushë 37 vjeç. /Telegrafi/

The post “Ai mund të tronditë të gjithë”, mediumi spanjoll lë të hapur mundësinë e transferimit të Erling Haaland te Barcelona appeared first on Albeu.com.