enkeled alibeaj Archives - Albeu.com

Gjykata i dha selinë dhe vulën Sali Berishës, Alibeaj: Skandal

E S — Fri, 25 Mar 2022 10:52:36 +0000

Gjyakta e Tiranës pak më parë mori vendimin për të miratuar statutin e Grupit të Rithemelimit të “11 Dhjetorit”, që do të thotë se Rithemelimi tanimë merr vulën dhe selinë duke drejtuar PD-në.

Menjëherë pas kësaj kryetari i komanduar Enkeled Alibej ka dalë në konferencë duke u shprehur se ky vendim është i skandal.

Deklarata:

Do të jap përgjigje. Jemi njohur nga mediat me një vendim të gjyqtarit Agron Zhukri. Kushdo që njeh edhe nga mediat si zhvillohen gjyqet për mua është një vendim në nivelet e… Gjyqtari ka deklaruar vetë njohjet e vet dhe anësinë e tij në këtë çështje. Partiqa Demokratike ka bërë ankim për regjistrimin e vendimeve të datës 18 Dhjetor. Ne kemi bërë një ankim për regjistrimin e Kuvendit të Partisë Demokratike. Çështja është në apel. Gjyqtari i sotëm nuk ka pasur dosje dhe as prova. Po sqaron procesin ligjor dhe faktik. Gjyqytari ka marrë vendim pa dosje dhe prova. Dhe e dyta pa pasur palë. Duhet të ishim edhe ne si palë në seancë. I lind detyrimi të paraqesë kallëzim për shpërdoim detyre për gjyqtarin që e kam autorizuar. Vendimi i sotëm është një vendim që ne do ushtrojmë ankim.

The post Gjykata i dha selinë dhe vulën Sali Berishës, Alibeaj: Skandal appeared first on Albeu.com.

Bardhi: Rushaj është me Covid, ka patur dakordësi mes tij dhe Bashës që Grupi i PD të kalojë nën drejtimin e Alibeajt

E B — Sat, 15 Jan 2022 18:24:04 +0000

Sekretari i Përgjithshëm i Partisë Demokratike, Gazment Bardhi, i ftuar në emisionin “Kjo Javë” të gazetares Nisida Tufa, komentoi vendimet e Këshillit Kombëtar të PD, për zëvendësimin e disa aktorëve politikë me të tjerë.

Një prej ndryshimeve ishte dhe ndryshimi i kryetarit të grupit parlamentar, Alfred Rushaj me nënkryetarin Enkelejd Alibeaj. Sipas Bardhit, ky ndryshim është bërë me konsensus të plotë dhe është vendosur që në këtë situatë që po kalon PD sot, ky vendim do të ishte i duhuri. Po ashtu ai foli dhe për të pezulluarit e përjashtuarit në parti. Për të përjashtuarit, Bardhi tha se nuk do të kenë asnjë shans, pasi ata një javë më parë në protestën e 8 janarit manifestuan dhunë. Për të pezulluarit, Bardhi tha se ka një tjetër mundësi.

Ata duhet të dëshmojnë se janë distancuar nga dhuna e kryer më 8 janar dhe të vijojnë të besojnë te aksioni politik i lidershipit. Dhunën në selinë e PD, Bardhi e argumentoi si një trishtim. Megjithatë ai shprehu mirënjohjen për demokratët të cilët u larguan, në momentin që mbi selinë e PD, nisën të hidheshin gurë e sende të forta.

Gazment Bardhi: Jam informuar nga kryetari i partisë dhe nga zoti Rushaj për një dakordësi mes tyre, që në ketë moment për sfidat që grupi ka përpara, drejtimi t’i kalojë nënkryetarit tjetër të partisë, zotit Enkelejd Alibeaj

Pyetje: Pra, dakordësi mes kujt?

Gazment Bardhi: Ka patur dakordësi dhe diskutim mes zotit Rushaj dhe zotit Basha. Pra, ka qenë vendim i përbashkët i tyre. Të gjitha vendimet që janë propozuar sot në Këshillin Kombëtar, do të kalojnë më pas edhe në grupin parlamentar të PD Dua të shpreh mirënjohjen time për punën e jashtëzakonshme që ka bërë zoti Rushaj në këto momente të vështira për PD. Si kryetar grupi ka bërë një punë të jashtëzakonshme, edhe pse, njësoj si pjesa dërrmuese e deputetëve, e kishte për herë të parë jeten parlamentare. E ka përballuar në mënyrën më të jashtëzakonshme të mundshme.

Pyetje: Por zoti Rushaj nuk ka qenë i pranishëm për arsye shëndetësore apo jo?

Gazment Bardhi: Zoti Rushaj, si një pjesë e kolegëve, për fat të keq, janë në kushte jo të përshtatshme shëndetësore.

Pyetje: Janë me covid?

Gazment Bardhi: Një pjesë e miqve tanë janë duke kaluar covidin.

Pyetje: Pra, nuk ka një arsyetim tjetër largimi i zotit Rushaj?

Gazment Bardhi: Jo, nuk ka asnjë arsyetim tjetër. Kam patur një bisedë me të dy dhe ka qenë një

vendimmarrje e përbashkët e të dyve./BW

The post Bardhi: Rushaj është me Covid, ka patur dakordësi mes tij dhe Bashës që Grupi i PD të kalojë nën drejtimin e Alibeajt appeared first on Albeu.com.

Tensione në sallë! Demokratët bllokojnë foltoren e Kuvendit, Nikolla detyrohet të shty seancën (VIDEO)

admin — Thu, 16 Sep 2021 15:19:06 +0000

Debate të forta po ndodhin në Kuvendin e Shqipërisë ku opozita kërkon me ngulm ndërprerjen e seancës plenare deri në momentin kur kryeministri të bëhet pjesë.

Pavarësisht kërkesës së opozitës për shtyerjen e seancës plenare, Nikolla ka vendosur nisjen e Kuvendit dhe ka ftuar zv/kryeministrin Arben Ahmetaj të marrë fjalën.

Nën/kryetari i Kuvendit Enkeled Alibeaj është nisur drejt foltores duke penguar fjalën e Ahmetajt.

Arben Ahmetaj: Nuk do bëjmë si kalmajt tani, po ta dha nuk diskutohet. Nuk do bëjmë si kalamaj po them. (u drejtohet gardistëve) Ikni, ikni ju, se nuk do zihem me Alibeajn unë, as ai me ju. O djema, o djema, iknu tani. Po ta dha fjalën kryetarja e Kuvendit, do iki unë. Po ikni tani pra se nuk do zihemi këtu.

Pas lirimit të foltores, Alibeaj e ka bllokuar duke deklaruar se nuk do ta lirojë pa ardhur kryeministri Rama në Kuvend. E gjetur përballë këtyrë debateve dhe tensioneve, kryetarja Nikolla është detyruar të shtyjë sërish seancën me 10 minuta. /albeu.com/

The post Tensione në sallë! Demokratët bllokojnë foltoren e Kuvendit, Nikolla detyrohet të shty seancën (VIDEO) appeared first on Albeu.com.

Ulsi Manja ministër Drejtësie, reagon PD: Provokim ndaj shqiptarëve

E B — Fri, 03 Sep 2021 08:36:10 +0000

Pas shpalljes së qeverisë Rama 3, ka reaguar deputeti i PD-së Enkelejd Alibeaj, i cili ka cilësuar emërimin e Ulsi Majës si ministër Drejësie, provokim ndaj shqiptarëve dhe cënim të besimin në institucionet shtetërore.

“Emërimi i Ulsi Manjës si Ministër Drejtësie, është një provokim ndaj shoqërisë shqiptare. Qytetarët tanë dhe bota mbarë ia njeh krimet që ka kryer në bashkëpunim me Edi Ramën. Caktimi në krye të Drejtësisë të një prej simboleve të pandëshkueshmërisë së krimeve elektorale të Dosjes 184, është një shembull negativ që cënon edhe më shumë besimin tek institucionet kur ato dorëzohen tek individë që duhet të ishin përpara drejtësisë e jo në krye të saj. Ky është një tjetër ilustrim kuptimplotë se si masakra zgjedhore nuk zgjidhi asgjë për qytetarët. Përkundrazi, vota e vjedhur përdoret si imunitet për krimet e shkuara dhe ato të reja në dëm të Shqipërisë dhe shqiptarëve,” shprehet Alibeaj./albeu.com

The post Ulsi Manja ministër Drejtësie, reagon PD: Provokim ndaj shqiptarëve appeared first on Albeu.com.

Operacioni “Shpirti”, Alibeaj: Nga Habilajt te shoqëruesit e Tahirit, faktet vërtetojnë akuzat tona

admin — Mon, 05 Jul 2021 13:13:21 +0000

Partia Demokratike ka reaguar ditën e sotme për të dosjen e SPAK të koduar “Shpirti”. Enkeled Alibeaj shprehet se, Partia Demokratike pretendon se ka patur të drejtë në të gjitha akuzat e hedhura nga Habilajt e deri tek shoqëruesit e ish-Ministrit të Brendshëm Saimir Tahiri.

Teksa po sipas PD vendi është kanabizuar me lejen e kryeministrit Edi Rama.

“Veprimet e tyre dëshmojnë se si, me urdhër politik, i gjithë shteti ishte vendosur në shërbim të trafikut të drogës, nga mbrojta e parcelave, te ngarkimi i gomoneve deri te fikja e radarëve. Fatkeqësisht, ndryshe nga sa deklaroi policia, shoqëruesit e Tahirit Agustin Deda dhe Hekuran Marku, nuk janë nën arrest.

Arsyet për këtë janë të vetëkuptueshme. Arrestimi i tyre ekspozon Tahirin dhe Ramën. Ky mashtrim i kryer për të mbrojtur urdhëruesit e kanabizimit të vendit, nuk është as i pari dhe as nuk do të jetë i fundit. Por përsëri koha do t’i jap të drejtë Partisë Demokratike, sikurse na ka dhënë të drejtë për një tjetër mashtrim publik, atë të radarëve.

Të tre mashtruan për fikjen me porosi të radarëve. Sikurse dëshmon hetimi i antimafias italiane, radarët e një shteti anëtar të NATO-s janë fikur në shërbim të trafikut të drogës dhe fikja e tyre shpërblehej me 15 mijë euro.

Përballë hetimit të nisur nga Antimafia Italiane, Rama hesht. Hesht sepse çdo gjë që ka ndodhur në vitet e kanabizimit të Shqipërisë është bërë me lejen e Edi Ramës. Nëse nuk do të ishte kështu, Rama nuk do të kishte votuar në Parlament për të mos i dhënë leje prokurorisë për të arrestuar Saimir Tahirin në vitin 2017. Nëse nuk do të ishte kështu, Rama nuk do të kërcënonte, transferonte, hiqte nga puna dhe burgoste oficerët e policisë që denonconin lidhjet e politikës me trafikun e drogës, si në rastin e Dritan Zaganit.

Nëse nuk do të ishte kështu, pra nëse kryeministri nuk do të lejonte që me urdhër politik shteti të kthehej në një ndërmarrje të prodhimit të hashashit, Shqipëria e vogël nuk do të renditej e para në Europë dhe e gjashta në Botë për prodhimin e hashashit, sikurse tregojnë edhe raportet e Organizatës së Kombeve të Bashkuara. Nëse nuk do të ishte kështu, Edi Rama nuk do të lejonte pastrimin e parave të drogës në përmasat e tmerrshme që ka marrë në Shqipëri, duke kapur shifrën 1.6 miliardë euro pikërisht në vitet e lulëzimit të kanabisit në mbarë vendin, sikurse tregon raporti i Nismës Globale kundër Krimit të Organizuar Ndërkufitar. Për çdo shqiptar e vërteta është fare e qartë, asgjë nuk ka ndodhur pa lejen e Edi Ramës.”– tha Alibeaj.

The post Operacioni “Shpirti”, Alibeaj: Nga Habilajt te shoqëruesit e Tahirit, faktet vërtetojnë akuzat tona appeared first on Albeu.com.

“25 Prilli nuk kishte lidhje me demokracinë”, Alibeaj: Theksi u vu te patronazhistët, elementët djallëzor të masakrës

admin — Tue, 22 Jun 2021 09:29:16 +0000

Partia Demokratike ka reaguar një ditë pas raportit të misionit të Asamblesë Parlamentare të Këshillit të Europës, lidhur me Shqipërinë dhe zgjedhjet parlamentare të 25 prillit.

Sipas Enkelejd Alibeajt ky raport “dëshmon se Asambleja e Këshillit të Europës pati sy për të parë atë që KAS-i dhe Kolegji Zgjedhor nuk duan të shohin. Ky raport dëshmon se Asambleja e Këshillit të Europës kërkon atë transparencë që KAS-i dhe Kolegji Zgjedhor i mohojnë shqiptarëve”.

Sipas Alibeajt, raporti evidenton “të gjithë elementët që tregojnë se 25 prilli ka qenë një masakër zgjedhore e regjimit Rama-Doshi dhe një proces që nuk ka asnjë lidhje me demokracinë”.

DEKLARATË E PARTISË DEMOKRATIKE, ENKELEJD ALIBEAJ

25 prilli nuk kishte lidhje me demokracinë. Këtë e di shumica e shqiptarëve që panë me sytë e tyre se si regjimi Rama-Doshi pengoi ndryshimin. Këtë e evidenton edhe Asamableja Parlamentare e Këshillit të Europës. E cila, në raportin e saj të vëzhgimit, konfirmon elementët që çuan në masakrën zgjedhore të 25 prillit.

Sepse çfarë tjetër mund të jenë pohime si:

“Zyrtarët abuzuan me pushtetin e funksioneve publike.”

“Keqqpërdorim i burimeve të administratës”

“Raportimet për blerje të votës, për ushtrim presioni ndaj votuesve, sidomos ndaj punonjësve të administratës publike për të votuar për partinë në pushtet.”?

Veçse dëshmi të asaj që të gjithë njohim si masakra zgjedhore e 25 prillit…

Përpos dënimit që delegacioni i Asamblesë bën ndaj këtyre akteve, si dhe thirrja ndaj autoriteteve për t’i dhënë fund këtyre parregullsive për të rritur besimin e zgjedhësve në proceset zgjedhore, raporti vendos theksin mbi një nga elementët më djallëzor të kësaj masakre. Atë të patronazhistëve dhe përdorimin e të dhënave personale të qytetarëve, “i cili, me fjalët e raportit, përbën një shqetësim serioz dhe që i bën votuesit vulnerabël.”

Një vulnerabulitet që bëhet edhe më i prekshëm për qytetarët kur, jo më larg se dje, një hetim që është vetëm në fillesat e tij, zbuloi se zjarrëfikësi i bashkisë së Tirnaës nuk ishte vetëm koka e trafikut të drogës, por edhe një nga patronazhistët e Partisë Socialiste.

Hera e dytë kjo, brenda një jave, ku teksa ndiqet filli i trafikut të drogës, mbrihet pashmangshmërisht te partia në pushtet dhe lidhjet e saj me krimin, të cilin e përdor për blerjen e votave. Sikurse ishte edhe rasti i dy të arrestuarve të operacionit “Lugina”.

Por nuk mbaron me kaq!

Misioni i Asamblesë Parlamentare të Këshillit të Europës nuk ka qenë vetëm dëshmitar i momenteve të shpërndarjes së parave pranë qendrave të votimit. Apo, siç pohohet në raport, të presionit mbi votuesit, ku kanë kanë “vëzhguar se si një person tërhiqej me forcë drejt qendrës së votimit dhe instruktohej si të votonte.” Por ata vetë kanë pësuar presion, pasi kërcënimet nuk kanë munguar edhe ndaj ambasadores së një shtetit partner, takimi i të cilës u mbyll pasi një nga pjesëmarrësit u rrëmbye nga bandat në shërbim të regjimit.

Dhe po kaq i prerë siç është raporti mbi atë që ndodhi në 25 prill, është edhe me atë që ndodhi me shkeljen e marrëveshjes së 5 Qershrit. Për të cilën thueht se “procedura për ndryshimet e njënanshme, ishte e përshpejtuar, u bë me nxitim, pa konsultime, dhe krijoi paqartësi dhe pasiguri, si dhe vështirësi për zbatimin e ndryshimeve të njënashme.”

Dhe se “ndryshimet e njënashme u bënë 9 muaj para zgjedhjeve në kundërshtim me Kodin e Praktikave të Mira të Komisionit të Venecias, ku sugjerohet një periudhë 12 mujore për ndryshimet, sidmos për ndryshimet në sistem.”

Ky raport pra dëshmon se Asambleja e Këshillit të Europës pati sy për të parë atë që KAS-i dhe Kolegji Zgjedhor nuk duna të shohin. Ky raport dëshmon se Asambleja e Këshillit të Europës kërkon atë transparencë që KAS-i dhe Kolegji Zgjedhor i mohojnë shqiptarëve.

Ky raport dëshmon se ne duhet dhe do të bashkëpunojmë me partnerët tanë për të zhbërjen e masakrës zgjedhore të 25 prillit dhe për ndërtimin e një plarforme për të sjellë legjitimitetin dhe demokracinë në Shqipëri.

The post “25 Prilli nuk kishte lidhje me demokracinë”, Alibeaj: Theksi u vu te patronazhistët, elementët djallëzor të masakrës appeared first on Albeu.com.

Pse PD kërkon përsëritje zgjedhjesh në vetëm 9 qarqe? Demokrati: Rezultati do të ndryshojë!

admin — Mon, 10 May 2021 20:05:41 +0000

Kandidati për deputet i Partisë Demokratike në qarkun e Fierit, Enkelejd Alibeaj, ka shpjeguar se përse opozita pretendon për paligjshmëri në 9 qarqe të vendit.

I ftuar në emisionin “OPEN” ai tha se tek votat e shpallura të pavlefshme “flenë” thuajse 8 mandate deputetësh, që mund të ndryshojnë rezultatin e zgjedhjeve parlamentare.

Më pas, deputeti i zgjedhur citoi Kodin Zgjedhor, ku shkruhet se çdo subjekt politik ka të drejtë të ankimojë vendimin në qarqe që beson se mund të ndryshojë rezultatin.

“Me 83 mijë fletë votimi të pavlefshme, kemi së paku 8 mandate deputetësh që nuk i përgjigjen realitetit. Por pse ne po kërkojmë përsëritje zgjedhjesh në këto 9 qarqe?

Sepse në nenin 160 përcaktohet se “ke të drejtën të kërkosh paligjshmëri dhe përsëritje të zgjedhjeve kur masa e pavlefshmërisë e përkthyer në shifra, ndryshon rezultatin e zgjedhjeve.

Ka pasur shkelje në Kukës, Lezhë apo Dibër, por s’na ndryshon rezultati,“- tha Alibeaj.

The post Pse PD kërkon përsëritje zgjedhjesh në vetëm 9 qarqe? Demokrati: Rezultati do të ndryshojë! appeared first on Albeu.com.