Sekretariati i Komunitetit të Energjisë, vërën se afatet për të plotësuar disa kërkesa të lidhura me rregulloren përkatëse që mbulon këtë çështje kanë mbaruar prej vitesh tashmë, por përafrimi mbetet ende në faza diskutimi.

“Shqipëria nuk ka transpozuar ende Rregulloren (BE) 2019/941 dhe as ka caktuar një autoritet kompetent për përgatitjen ndaj rreziqeve, pavarësisht se afatet përkatëse kanë përfunduar më 31 dhjetor 2023 dhe 5 janar 2023.

Një version pune i projektligjit për Sektorin e Energjisë Elektrike, i shqyrtuar nga Sekretariati në korrik 2025, synon të transpozojë disa dispozita të Rregullores (BE) 2019/941. Ky projektligj parashikon që ministria përgjegjëse për sektorin e energjisë elektrike të jetë autoriteti kompetent dhe vendos detyrimin që ky autoritet të miratojë një plan përgatitjeje ndaj rreziqeve”, thuhet në raport.

Ky i fundit nënvizon se megjithatë, transpozimi i plotë dhe zbatimi i Rregullores do të kërkojnë përpjekje të mëtejshme për hartimin dhe miratimin e legjislacionit parësor dhe atij dytësor përkatës.

Rregullorja (BE) 2017/2196 gjithashtu nuk është transpozuar ende. Shqipëria nuk ka paraqitur Deklaratat e Sigurisë së Furnizimit me Energji Elektrike pranë Sekretariatit, pavarësisht detyrimit të saj sipas nenit 29 të Traktatit.

“Zhvillimet kryesore në fushën e sigurisë kibernetike në Shqipëri përfshijnë miratimin në vitin 2024 të Ligjit të ri gjithëpërfshirës nr. 25/2024, i cili është pjesërisht i harmonizuar me Direktivën e BE-së për Sigurinë e Rrjeteve dhe Sistemeve të Informacionit (NIS2) dhe pasqyron standarde më të gjera evropiane. Përveç kësaj, është krijuar Autoriteti Kombëtar për Certifikimin Elektronik dhe Sigurinë Kibernetike (AKCESK), për të mbikëqyrur dhe koordinuar përpjekjet e vendit në fushën e sigurisë kibernetike”, vlerëson raporti.

Ky dokument, analizon edhe ecurinë s ai takon sigurisë së furnizimit me gaz dhe atë të furnizimit me naftë dy çështje që mbeten secila në hallka të ndryshme të zbatimit të kërkesave, ku më e avancuar ajo e gazit teksa ajo e naftës me një realizim vetëm 23 për qind të planit të përafrimit./Monitor

The post Siguria e furnizimit me energji, raporti: Shqipëria nuk ka ende një plan përgatitjeje appeared first on Albeu.com.

Ministria e Brendshme e Spanjës ka bërë thirrje për qetësi, duke njoftuar se situata po monitorohet nga afër, ndërsa deri tani mungon një shpjegim zyrtar për shkaqet e këtij defekti të madh në rrjetin energjetik.

Ndërprerja e energjisë ka shkaktuar vështirësi në shumë sektorë të jetës së përditshme — nga trafiku rrugor, ku semaforët kanë dalë jashtë funksionit, deri te vonesat në aeroporte dhe linjat hekurudhore. Problemet me rrjetin Wi-Fi dhe mungesa e ndriçimit në disa zona kanë shtuar pasigurinë mes qytetarëve, të cilët po përdorin rrjetet sociale për të ndarë përvojat e tyre.

Autoritetet janë në terren dhe po punojnë për rivendosjen e plotë të energjisë, ndërsa hetimet për origjinën e defektit janë ende në vijim. Deri tani nuk ka patur asnjë reagim zyrtar ndërkombëtar për këtë incident të rrallë që ka prekur njëkohësisht disa shtete.

The post “Black-out” total/ Spanja dhe Portugalia pa energji elektrike appeared first on Albeu.com.

Një shpërthim mbrëmjen e së premtes, i shkaktoi dëme të konsiderueshme kanalit të ujit të Ibër-Lepencit në fshatin Varragë të komunës së Zubin Potokut, duke rrezikuar furnizimin me ujë dhe rrymë në vend.

Nga ky kanal furnizohen me ujë disa qytete të vendit përmes Liqenit të Ujmanit, si dhe Korporata Energjetike e Kosovës për ftohjen e termoelektranave të saj.

“Ibër-Lepenci, rreth orës 02:00 pas mesnate, në një afat rekord, ka vendosur gjashtë tuba të përkohshme me kapacitet të mjaftueshëm për të siguruar ujë për ftohjen e termocentralit ‘Kosova B’. Kësisoj, presim që furnizimi me energji elektrike të vazhdojë i pacenuar”, tha Rizvanolli në një postim në Facebook të shtunën në mëngjes.

Ajo tha se pas një mbledhjeje të jashtëzakonshme të Këshillit të Sigurisë së Kosovës, është marrë vendim po ashtu që autoritetet e vendit të bashkërendohen me Korporatën Energjetike të Shqipërisë, për të siguruar energji shtesë për të evituar reduktime eventuale.

Rizvanolli shtoi se “nga ky akt terrorist”, është ndikuar edhe furnizimi me ujë.

“Përderisa në Prishtinë furnizimi me ujë do të kompensohet nga Badovci dhe Batllava, furnizimi në Fushë Kosovë, Drenas dhe rajonin e Mitrovicës do të sigurohet përmes autobotëve, duke nisur nga mëngjesi i sotëm”, tregoi ajo.

Shpërthimi në Ibër-Lepenc nuk ka shkaktuar viktima, sipas autoriteteve të Kosovës.

Kryeministri i Kosovës, Albin Kurti, e ka akuzuar fqinjin verior të Kosovës, Serbinë, për “sulm kriminal dhe terrorist”, i cili, sipas tij, ka synuar “ta dëmtojë infrastrukturën mbase më të rëndësishme” të vendit.

Ibër-Lepenci, rreth orës 02:00 pas mesnate, në një afat rekord, ka vendosur gjashtë tuba të përkohshme me kapacitet të mjaftueshëm për të siguruar ujë për ftohjen e termocentralit ‘Kosova B’. “Kësisoj, presim që furnizimi me energji elektrike të vazhdojë i pacenuar”, tha Rizvanolli në një postim në Facebook të shtunën në mëngjes.

Ajo tha se pas një mbledhjeje të jashtëzakonshme të Këshillit të Sigurisë së Kosovës, është marrë vendim po ashtu që autoritetet e vendit të bashkërendohen me Korporatën Energjetike të Shqipërisë për të siguruar energji shtesë për të evituar reduktime eventuale.

Rizvanolli shtoi se “nga ky akt terrorist” është ndikuar edhe furnizimi me ujë.

“Përderisa në Prishtinë furnizimi me ujë do të kompensohet nga Badovci dhe Batllava, furnizimi në Fushë Kosovë, Drenas dhe rajonin e Mitrovicës do të sigurohet përmes autobotëve, duke nisur nga mëngjesi i sotëm”, tregoi ajo.

Shpërthimi në Ibër-Lepenc nuk ka shkaktuar viktima, sipas autoriteteve të Kosovës.

Kryeministri i Kosovës, Albin Kurti, e ka akuzuar fqinjin verior të Kosovës, Serbinë, për “sulm kriminal dhe terrorist”, i cili, sipas tij, ka synuar “ta dëmtojë infrastrukturën mbase më të rëndësishme” të vendit.

The post Sulmi në Zubin Potok, qeveria e Kosovës: Sigurohet furnizimi i rregullt me energji appeared first on Albeu.com.

Pika 2 e vendimit, tashmë që ka hyrë në fuqi parashikon se çmimi i energjisë aktive në orar piku do të jetë, si: Kategoria I – Vetëm Furra Buke/Prodhim mielli që paguajnë 7.6 lekë/kWh në orarin e pikut çmimi i energjisë do të jetë 8.74 lekë/kWh.

Kategoria II – Furrë Buke, produkte mielli shoqëruese, pastiçeri nga 9.5 lekë në orarin e pikut çmimi i energjisë do të jetë 10.93.

Kategoria III – Furre Buke, Produkte Mielli shoqëruese, Pastiçeri, shërbim Kafe (ekspres) çmimi nga 12 lekë do të jetë në 13.8 lekë/kWh.

Sipas vendimit orari pik gjatë të cilit do të aplikohet çmimi për energjinë e konsumuar në pik është: Për periudhën 1 Nëntor- 31 Mars nga ora 18:00-22:00. Për periudhën nga 1 Prill-31 Tetor nga ora 19:00 deri në 23:00.

Prodhuesit pohojnë se tashmë faturat ju kanë ardhur për faturim me dy fusha. Disa furra buke të kontaktuar nga Monitor pohuan se rritja e çmimit të energjisë orarin e pikut rrit detyrimin për faturën mujore të energjisë të paktën 18%. Sipas tyre nëse nis aplikimi pritet të ndikojë te çmimi i bukës.

Për rrjedhojë nga Shoqata e Bukës, Pastiçerive dhe Brumërave nëpërmjet letrave dërguar ERE dhe OSHEE është kërkuar pezullimin e menjëhershëm i tarifës shtesë në oraret e pikut.

“Kohët e fundit në disa furra buke është aplikuar një tarifë shtesë e pagesës së energjisë në ( Oraret e Pikut). Reaguam ashpër me dy letra të nisura Kryetarit të ERE-së dhe Administratorit të Përgjithshëm të OSHEE-së dhe për dijeni Ministres Infrastrukturës dhe Energjisë Znj. Belinda Balluku .

Dje lidhur me këtë problem, Kryetari dhe N/Kryetari i Shoqatës bënë një takim me Administratorin e Përgjithshëm të OSHEE-së, Z. Enea Karakaci ku u kërkua pezullimi i menjëhershëm i tarifimit shtesë në “Oraret e Pikut ” për furrat e bukës. Në takim u mor përsipër trajtimi dhe zgjidhja i këtij problemi me institucionet përkatëse, si dhe u diskutua ecuria e deritanishme e sistemimit të furrave të bukës sipas fashave përkatëse”, thuhet në reagimin e Shoqatës së Bukës, Pastiçerive dhe Brumërave.

Ndër të tjera vendimi i miratuar nga ERE në muajin prill 2024 vendosi aplikimin për tre çmime të ndryshme sipas llojit të aktivitetit që ka subjekti i furrave të bukës.

Në vendimin e miratuar nga ERE për kategorinë e parë ku përfshihen “Vetëm Furra buke/prodhim mielli” çmimi i energjisë elektrike do të jetë 7.6 lekë/kWh.

Për kategorinë e dytë “Furrë buke, produkte mielli shoqëruese, pastiçeri” çmimi do të jetë 9,5 lekë/kWh dhe për kategorinë e tretë “Furrë buke, produkte mielli shoqëruese, pastiçeri, shërbim Kafe” çmimi do të jetë 12 lekë/kWh.

Më përpara, sipas vendimit të miratuar nga ERE në 2018, vetëm furrat e bukës dhe prodhimit të miellit për tension 0.4 kv paguanin një tarifë të subvencionuar prej 7.6 lekë/kWh. Ndërsa për bizneset të në tension 0.4 kv tarifa e energjisë është 14 lekë për kWh. Por pavarësisht vendimit të mëparshëm aktualisht të gjitha furrat në vend pavarësisht shërbimeve që ofronin si pastiçeri apo bar- kafe, energjinë e blinin me 7.6 lekë./Monitor

The post Sa do kushtojë buka? Nga 1 nëntori çmimi i energjisë rritet 15% në orët e pikut të furrave appeared first on Albeu.com.

 “Tani për momentin të gjithë po blejnë rrymë”, tha një tregtar i energjisë elektrike për Montel, duke theksuar se kërkesa për kondicionerë pritet të rritet në Ballkanin Perëndimor.

Çmimet e energjisë elektrike në bursat e Europës Juglindore, sipas Montelnews, variojnë mes 126 dhe 171 euro për megavat orë të martën, me çmimin më të lartë prej 443 euro për megavat orë në Slloveni.

Në vendet perëndimore, të njëjtat vlera në tregtimin e energjisë elektrike janë dukshëm më të ulëta, ku në Gjermani janë 108 euro për megavat orë.

Duke marrë parasysh tendencat e pritshme të temperaturave në Ballkan, Montelnews ndër të tjera tërheq vëmendjen në deklaratat e Shërbimit Meteorologjik Kombëtar të Serbisë se periudha e nxehtë e kësaj jave në të gjithë rajonin mund të sjellë temperatura mbi 40 gradë.

“Operatorët e rrjetit dhe tregtarët e energjisë në Evropën Lindore po përgatiten për kufizime të mundshme të furnizimit dhe rritje të kërkesës të shkaktuar nga temperaturat që mund të rriten deri në 12 gradë Celsius në krahasim me javët e mëparshme,” komentoi Andrea Tura, një ekspert meteorologjik në shërbimin italian të parashikimit Meteo.

Në mbështetje të pretendimit se vala e të nxehtit shkakton shqetësime të mëdha të çmimeve në tregun e energjisë elektrike, portali citon të dhëna nga Spanja.

“Vala e të nxehtit pritet të rrisë më tej çmimet e energjisë elektrike në tregjet rajonale të Evropës Juglindore deri në fund të kësaj jave”, tha një burim nga tregu evropian i energjisë elektrike për Montelnews, duke treguar ndikimin e mundshëm të zjarreve në Greqi te çmimet.

Zjarret në pyje, shtoi Styliani Sarri, inxhinier në operatorin grek të rrjetit elektroenergjetik DSO Hedno, në një deklaratë për portalin e lartpërmendur, përkeqësuan ndikimin e valës së të nxehtit në Greqi.

“Kjo është java me një nga ngarkesat më të larta të sistemit në Greqi, për shkak të pikut të sezonit turistik. Për shkak të kësaj, çmimet mund të rriten dhe rënia e mundshme e prodhimit fotovoltaik për shkak të zjarreve në pyje mund ta përkeqësojë situatën”, Sarri tha për Montelneës.

Lidhja e theksuar e furnizimit me energji elektrike në Evropën Juglindore u tregua nga kolapsi i sistemeve energjetike të Malit të Zi dhe Shqipërisë dhe pjesëve të Bosnje-Hercegovinës, Greqisë dhe Kroacisë më 21 qershor të këtij viti në rrethana që ende janë duke u hetuar.

Hetimi drejtohet nga operatori evropian i rrjetit energjetik Entso-E, i cili në mesin e korrikut dha një raport paraprak për shkaqet e “errësimit” të përmendur.

Raporti paraprak i operatorit europian nis nga informacioni se epiqendra e ndërprerjes rajonale të furnizimit me energji elektrike ka qenë në Mal të Zi, duke paralajmëruar konstatimet e hetimit se në prag të “errësimit” janë shpërndarë rreth 2000 megavat energji elektrike.drejt rrjetit malazez me një kabllo nëndetëse nga Italia, ndërsa në drejtim të kundërt drejt Italisë u dërgua eksporte prej 417 megavat.

The post Vala e të nxehtit, ekspertët paralajmërojnë ndërprerje të mundshme të energjisë në Ballkan appeared first on Albeu.com.

Agjencia e lajmeve Reuters i kushton një reportazh zbulimit të nje rezervuari që përmbante nga 5 mijë deri në 50 mijë ton hidrogjen të bllokuar mes minerës, i cili mund të ndihmojë ne sigurimin e përgjigjeve për reduktimin e emetimeve të gazit në rajon.

Baki Bajraktarit, thotë Reuters, nuk i kishte shkuar kurrë në mendje se prania e hidrogjenit në minierën e kromit të Bulqizës ku ai punon, e ku një kolegu I tij kishte humbur jetën, mund të konsiderohej një lajm i mire.

“Sasia e hidrogjenit këtu është e konsiderueshme sepse që nga shpërthimi i parë në vitin 2011 dhe deri në vitin2024 nuk ka pushuar asnjëherë burimi, prandaj duhet të ketë një sasi të konsiderueshme, përndryshe do të kishte përfunduar 13 vjet më parë”.

Hidrogjeni prodhohet duke elektronizuar ujin dhe konsiderohet i pastër nëse prodhohet duke përdorur energji te ripërtëritshme apo bërthamore. Ndërsa vendet e Ballkanit Perëndimor nxitojnë të përmbushin objektivat e BE-së për emetimet, ato i bashkohen shteteve në mbarë botën që kërkojnë të reduktojnë varësinë nga karburantet fosile për prodhimin e energjisë.

“Ne kemi zbatuar të gjitha masat e nevojshme dhe çdo punëtor është i pajisur me detektorë që tregojnë përqindjen e pranisë së Hidrogjenit. Kur detektorët fillojnë të japin luhatje, minatorët duhet të evakuojnë menjëherë zonën pasi nivelet e hidrogjenit kanë arritur maksimumin. Megjithatë, falë ventilimit situata mbahet nën kontroll. Kompania ka investuar rreth 13 milionë dollarë për ventilimin e minierës, pa këtë investim, puna në këtë zonë do të ishte e pamundur”.

BE planifikon të investojë deri në 470 miliardë euro (510 miliardë dollarë) në hidrogjen të rinovueshëm deri në vitin 2050.

“Zbulimi në Bulqizë shënon rastin e parë që ai konsiderohet si një rezervuar i H2, që përmban 84 për qind të gazit. Kjo është domethënëse në shkallë globale, sepse shkencëtarët nuk kanë zbuluar ende një rezervuar të tillë gjetkë. Si një grup studiuesish, Ne besojmë me vendosmëri se ky përbën një rezervuar, një nocion i përqafuar nga komuniteti shkencor që studion këtë fushë. Shkencërisht, ky zbulim ka një rëndësi të jashtëzakonshme në mbarë botën. Vlera e tij qëndron në atë që H2 konsiderohet si një burim alternativ energjie, pa emetim CO2 dhe ndotje të ajrit,” shprehet Bardhyl Muceku, profesor i gjeologjisë në Universiteti i Tiranës

Ekspertët e energjisë thonë se Ballkani ka shumë potencial energjie të rinovueshme për të rritur prodhimin e energjisë së hidrogjenit, por sfidat mbeten, duke përfshirë rritjen e investimeve private dhe zgjerimin e rrjetit.

Sasitë e hidrogjenit të gjetura në minierën e Bulqizës Shqipërisë janë të vogla dhe do të jenë të kushtueshme për t’u nxjerrë, thuhet në raportin e janarit. Por ata ofrojnë shpresë.

The post Zbulohet hidrogjen në Bulqizë, ekspertët: Është një burim alternativ energjie appeared first on Albeu.com.

Mësoni rregullat e arta për të pasur sa më shumë energji gjatë ditës.

Drita e Diellit

Drita e diellit rregullon orën e brendshme të trupit dhe stimulon qelizat e trurit. Hapni dritaren kur të zgjoheni dhe shijoni dritën që të jeni më vigjilentë gjatë ditës. Studimet konfirmojnë se, nëse shijoni të paktën 30 minuta dritë natyrale në ditë do të jeni më energjikë.

Mëngjesi me Proteinë

Këshillohet të hani mëngjes të pastër me proteinë që t’ju mbajë ngopur për më gjatë. Një mëngjes i tillë përfshin: bukë me drithëra të plota, banane, qumësht ose kos pa yndyrë, fruta pylli dhe arrorë.

Pini Ujë

Nëse jeni të dehidratuar do të jeni të plogësht dhe pa energji. Pini ujë vazhdimisht, por mos e pini me ngut sepse veshkat do ta filtrojnë menjëherë dhe do ta nxjerrin nga organizmi pa i dhënë mundësi trupit ta shfrytëzojë atë.

Kafe në gllënjka të vogla

Kafeja sjell energji të shpejtë por që zgjat pak. Strategjia ideale për një energji të vazhdueshme është që të pini 6 deri në 8 gllënjka të vogla të kafesë nga mëngjesi deri pasdite.

Çajrat

Çajrat përmbajnë amino acide që rrisin ndjesinë e mirëqenies dhe vigjilencës. Në ditë të plogështa, pini patjetër një çaj edhe nëse keni pirë një kafe dhe do të vëreni një energji më të plotë.

Frutat dhe arrorët

Hani fruta të plota dhe arrorë. Mos pini lëngje të gazuara mes vakteve apo ëmbëlsira plot sheqer. Zgjidhni mes mollës, bananes, portokallit, djathit pa yndyrë, arrave, bajameve dhe kosit.

Thuaji jo ushqimeve të shpejta

Pica, hamburgeri, mishi i skuqur i pulës kanë aftësi shteruese të energjisë. Këto ushqime përmbajnë substanca që provokojnë përgjumjen e trurit.

Bëni shëtitje

Një shëtitje 20 minutëshe pas drekës do t’ju gjallërojë, thonë ekspertët. Aktiviteti fizik i jep energji trurit ndonëse ju ngjall ndjesinë e përtacisë. Shëtitja dhe ecja çlirojnë hormonet e duhura për t’u ndjerë energjikë.

Dremisni

Mjafton një dremitje prej 15-30 minutash pasdite për t’u ndierë më mirë. Megjithatë vendosni alarmin që të zgjoheni dhe të mos bini në gjumë të thellë, nga i cili do ju duhet më shumë se një orë të zgjoheni. Nëse flini shumë në drekë, do të ndiheni të plogësht për shumë kohë.

Larja e fytyrës

Njerëzit që lajnë fytyrën pas dremitjes, ndihen më të gjallë dhe energjikë. Një tjetër alternativë është të lani duart në ujë të ftohtë dhe më pas të fërkoni pjesën e pasme të qafës.

Gjumin e sotëm mos e lër për nesër

Një natë e vetme ndoshta nuk mjafton për të rimëkëmbur netë të tëra pa gjumë. Një herë në javë të paktën përpiquni të flini herët, sepse edhe truri e ka të nevojshëm pushimin. Të gjitha punët që keni lënë bërë shtyjini për nesër dhe dhurojini vetes qetësinë e nevojshme.

The post Më shumë energji dhe humor gjatë ditës, zbuloni ushqimet që duhet të konsumoni dhe aktivitetet që duhet të kryeni appeared first on Albeu.com.

1 metër kub dru sot shitet 6-7 mijë lekë. Qytetarët në Elbasan thonë se nuk e përballojnë dot ngrohjen me zjarr.

Ata pohojnë se ngrohen me energji elektrike, pasi është më lirë.

Edhe kur i ndezin burimet me energji i mbajnë me orar të kufizuar.

Më pas të moshuar e fëmijë struken nën batanije.

Bashkia e Elbasanit në prag të stinës së dimrit, ka ndërmarrë nisma sociale në mbrojtje të shtresave në nevojë

Për të dytin vit rradhazi, ky institucion ka ofruar lëndën e parë drusore për familjet me vështirësi me një çmim më të lirë se tregu.

Edhe pse ngrohja me dru zjarri konsiderohet më e shëndetshme, arsyet ekonomike kanë bërë që qytetarët të heqin dorë prej druve.

The post Elbasan/ Ҫmimi i lartë i druve, detyrojnë qytetarët të heqin dorë nga ngrohja me zjarr appeared first on Albeu.com.

Në pranga ka rënë i riu B.S, i cili ishte dënuar edhe më parë për vjedhje.

Gjatë momentit që policia, e ka kapur në flagrancë teksa tentonte vjedhjen, 29-vjeçari ka marrë gurë në duar dhe ka kërcënuar efektivët se do t’i godiste.

Mësohet se ndaj tij rëndojnë akuzat për veprat penale “Vjedhja”, mbetur në tentativë, dhe “Kanosja për shkak të detyrës”.

The post Elbasan, u kap duke vjedhur kabllot e energjisë, arrestohet 29-vjeçari appeared first on Albeu.com.

Stuhia ka këputur telat e disa linjave elektrike duke lënë në errësirë qindra banorë.

Gjithashtu raportohet se shiu i ndërthurur me erën e fortë ka bërë që stuhia në Pukë të sjell dhe probleme të shumta me qarkullimin e mjeteve.

The post Pas Kukësit stuhia godet edhe Pukën, shkëputet energjia elektrike appeared first on Albeu.com.