Emma Stone është gruaja më e bukur në botë sipas “Raportit të Artë”! Cilët personazhe të tjerë të famshëm janë në listë?

D Marku — Wed, 12 Nov 2025 18:50:05 +0000

Emma Stone është shpallur gruaja më e bukur në botë, sipas një studimi të ri të bazuar në Raportin e Artë, parimin matematik të lashtë grek që mat përsosmërinë e përmasave. Aktorja dy herë fituese e çmimit Oscar, e njohur për rolet e saj në filmat “Poor Things” të Yorgos Lanthimos dhe “La La Land” të Damien Chazelle, shënoi një Raport të Artë prej 94.72%.

Dr. Julian de Silva, kreu i Qendrës për Kirurgji të Avancuar Kozmetike dhe Plastike të Fytyrës në Londër, shpjegoi se Stone spikati për harmoninë e tipareve të saj. “Ajo ishte fituesja e qartë kur të gjitha tiparet e fytyrës u matën për përsosmëri fizike”, tha ai, duke vënë në dukje se ajo arriti rezultatet më të larta në vetulla (94.2%), nofulla (97%) dhe buzë (95.6%).

Studimi përdori teknikat e hartëzimit të fytyrës për të përcaktuar se cilat gra i afroheshin më shumë raportit të artë prej 1.618, një numër që shpreh harmoni të përsosur në natyrë dhe art, nga Njeriu Vitruvian i Leonardo da Vinçit deri te mjekësia moderne estetike.

Zendaya u rendit e dyta me 94.37%, e ndjekur nga Freida Pinto (94.34%), Vanessa Kirby (94.31%) dhe Jenna Ortega (93.91%). Në dhjetëshen e parë përfshihen edhe Olivia Rodrigo, Margot Robbie, Aishwarya Rai Bachchan, Tang Wei dhe Beyonce.

Sipas Dr. de Silva, teknologjitë e reja u lejojnë ekspertëve të zbulojnë “matematikën pas bukurisë”, duke shtuar se e njëjta metodologji po zbatohet tani në hartimin e procedurave të fytyrës.

The post Emma Stone është gruaja më e bukur në botë sipas “Raportit të Artë”! Cilët personazhe të tjerë të famshëm janë në listë? appeared first on Albeu.com.

‘Oppenheimer’ kryeson mbi ‘Barbie’ fiton 7 çmime BAFTA

D Marku — Mon, 19 Feb 2024 10:29:29 +0000

“Oppenheimer” ishte një ndër fituesit më të mëdhenj në ceremonin e EE BAFTA 2024, me shtatë çmime. Saga historike e bazuar në jetën e fizikanit teorik amerikan J. Robert Oppenheimer u nominua për gjithsej 13 çmime dhe ishte triumfuese në shtatë kategori në ceremoninë e së dielës.

Cillian Murphy u shpall aktori më i mirë për rolin e J Robert Oppenheimer, i njohur si babai i bombës atomike, ndërsa Robert Downey Jr fitoi aktorin më të mirë dytësor.

Ndërsa filmi “Barbie”, me fitimet më të mëdha të vitit, doli pa asgjë nga pesë nominime. Regjisorja e Barbie, Greta Gerwig, nuk arriti të nominohej për regjinë as për çmimet BAFTA, as për Oscar, që u komentua nga shumë si një mohim i madh.

Aktorja më e mirë Emma Stone u shpall për filmin ‘Poor Things’.

Lista e fituesve

Filmi më i mirë: Oppenheimer

Aktorja më e mirë: Emma Stone – Poor Things

Aktori më i mirë: Cillian Murphy – Oppenheimer

Aktorja më e mirë dytësore: Da’Vine Joy Randolph – The Holdovers

Aktori më i mirë dytësor: Robert Downey Jr – Oppenheimer

Regjisori më i mirë: Oppenheimer – Christopher Nolan

The post ‘Oppenheimer’ kryeson mbi ‘Barbie’ fiton 7 çmime BAFTA appeared first on Albeu.com.

emma stone Archives - Albeu.com

Emma Stone është gruaja më e bukur në botë sipas “Raportit të Artë”! Cilët personazhe të tjerë të famshëm janë në listë?

‘Oppenheimer’ kryeson mbi ‘Barbie’ fiton 7 çmime BAFTA