Erjoni nuk i kishte mbushur 16 vjeç kur u nis me këmbë drejt Gjermanisë. Kapërceu kufijtë maleve nëpër disa shtete. Eci ditë e natë të tëra i frikësuar mes rrezikut nga egërsirat e trafikantët, në acarin e dimrit dhe i uritur. Mundimet e atij udhëtimi i lanë shumë gjurmë dhimbje në jetën e tij.

“Unë jetoj në Itali momentalisht, në Gjermani kam emigruar që në moshën 16 vjeç. Ikëm në të zezë në këmbë nga Kroacia”.

Me të mbërritur në Gjermani, institucionet e kujdesit social e pajisën më dokumente dhe Erjoni nisi shkollën profesionale.

The post Drama e emigrantit: Ika 16 vjeç në Gjermani, kur u ktheva nëna nuk më njohu (VIDEO) appeared first on Albeu.com.

I tillë është edhe Andi Allushi, i riu nga Tirana i cili rrëfeu gjatë emisionit “Opinion” të gjitha peripecitë për të shkuar në Angli.

Allushi u shpreh se ka bërë 5 orë me gomone dhe gjatë lundrimit në det janë shoqëruar edhe nga policia franceze e cila nuk i ka ndaluar, por thjesht i kanë kontrolluar. Ai tregoi se pagesa e udhëtimit iu bëhet sekserëve në momentin që kalohen ujërat detare të Francës. Në të kundërt, Allushi tha se nuk paguhet asgjë.

Ke shpresë të marrësh gruan dhe fëmijën?

Andi Allushi: Të them të drejtën kam shpresë, por me gomone jo është shumë e vështirë. Kam parë tmerr me familjarë me fëmijë të vegjël. Kam parë nënë me foshnje, nuk i kishte 1 vjeç fëmija. 8 orë, ka pasur raste ka shkuar edhe nga 12 deri në 13 orë. Kishte lloj-lloj kombësie, afganë, arabë, iranianë, irakenë.

Allushi u shpreh se pasi zbritën në Britani autoritetet i kanë dërguar në hotele të ndryshme personat që ndodheshin në gomone./tvklan.al

The post “Kam parë tmerr, nëna me foshnje që…”, flet i riu që u largua me gomone në Britani appeared first on Albeu.com.

Për të diskutuar rreth kësaj teme ishin të ftuar në emisionin “Bardh a Zi”, në Abc me gazetarët Ornela Gaçe dhe Erion Kristo ishin sipërmarrësi Gjergji Gjika, deputeti i PS-së Etjen Xhafaj dhe politologu Endri Shabani.

Për sipërmarrësin Gjika Shqipëria është bërë një vend i pabanueshëm, ndërsa për deputetin Xhafaj, puëntorët janë ende aty.

Pjesë nga biseda:

Xhafaj: Nuk kanë humbur, janë ende aty. Po përpiqemi të gjithë që potencialin zhvillimor që kanë mundësi të sjellin t’ia vëmë në dispozicion ekonomisë.

Gjika: Ne vazhdojmë jetojmë një realitet absurd. I kemi dhënë autobusin dhe shtetin njërit që s’ka patentë. Ka thënë më jepni timonin dhe s’kam patentë. Tani po vuajmë pasojat. Ka dalë nga rruga ky autobus.

Shabani: Që në fillimet e organizimit shoqëror anëtarët e një tribuje iknin kur drejtuesit e tribusë i keqtrajtonin. Fakti që njerëzit ikin nuk ka nevojë të jetë domosdoshmërisht një plan por një pasojë e një keqmenaxhimi.

Por pse jemi në këtë situatë?

Xhafaj: Nuk besoj se jemi në këtë derexhe. Ne kemi pasur një diversifikim si të produktit ashtu dhe të industrive. Rrjedhimisht është një përplasje mes pritshmërive të njerëzve nga karriera, kërkesave specifike të bizneseve për ato paga që paguajnë. Rrjedhimisht edhe shembulli i ekonomive më të zhvilluara se Shqipëria, që nuk kanë 32 vite që paguajnë taksa, por 500 vite. Kjo është gara në të cilën Shqipëria e gjen sot veten. Në vija të trasha duhet të kemi një rakordim shumë më të mirë me institucionet publike dhe biznesin.

Shabai: Xhafaj thotë se ky është një problem që ndodh në gjithë botën. Kam studiuar lëvizjen e të rinjve. Mesatarisht 1.1-5 % e të rinjve evropianë lëvizin jashtë. Në Shqipëri nga 14 deri në 25% e studentëve ikin jashtë çdo vit. Këtu nuk po flasim për lëvizje kulturore. Pse ikin të rinjtë? Për shkak të punësimit. Ikin kur bëjnë fëmijë. Në shkolla fëmijët ngrohen me batanije. Problemi që ne kemi është largimi i shqiptarëve dhe kur nuk duan të ikin.

Gjika: E vërteta numër një sot nuk është punë lekësh. Shqipëria është kthyer në një vend të pabanueshëm sot. Zgjedhin bodrumin e Gjermanisë dhe gomonen e La Manshit vetëm që mos rrinë në Shqipëri./Abcnews.al/

The post Pse po ikin të rinjtë? Sipërmarrësi: Sepse i kemi dhënë autobusin dhe shtetin njërit që s’ka patentë appeared first on Albeu.com.

Teksa fluksi i emigrantëve shqiptarë për në Mbretërinë e Bashkuar vijon të rritet vazhdimisht, mediat e huaja i kanë kushtuar artikuj të ndryshëm këtij fenomeni.

Gazeta britanike “Daily Express” përmes një artikulli ka zbuluar një skemë të re, në të cilën tregohet sesi shqiptarët tashmë po zgjedhin një tjetër mënyrë për shkuar në mënyrë të jashtëligjshme në Angli dhe kjo mundësohet duke kaluar nga Dublini i Irlandës.

Sipas “Daily Express” emigrantët shqiptarë kanë nisur të shkojnë në Mbretërinë e Bashkuar përmes aeroportit të Dublinit, një rrugë e cila kushton 2 500 paund më lirë se kalimi famëkeq nëpër Kanalin Anglez.

Kontrollet e buta kufitare pas Brexit-it ndërmjet Irlandës dhe Britanisë së Madhe po shfrytëzohen nga kontrabandistët shqiptarë për të sjellë azilkërkues, shpesh me dokumente false të Bashkimit Evropian drejt Britanisë.

Shqiptarët po punojnë me bandat kriminale irlandeze për të çuar emigrantët në Dublin. Atje, një shofer taksie irlandez është “rregulluar” për të futur fshehurazi emigrantët në Britani me tragete.

Kjo lloj “rruge e re” e zbuluar, iu kushton emigrantëve rreth 2 500 paund më pak për person se rruga tradicionale. Ndërsa rruga nga Kanali Anglez me një varkë të vogël kushton mesatarisht 5 000 deri në 5 500 paund.

Një pjesëtarë i bandës i tha një gazetari të Telegraph se udhëtimet organizoheshin çdo ditë.

Kontrabandisti tha: “Emigranti duhet të shkojë në Dublin. Ne kemi çmimin prej 2500 paund nga Dublini në Angli. Është mënyrë 100 për qind e sigurt”. “Duhet të marrësh një ID false Evropiane që të mund të shkosh lehtësisht në Dublin.”

Nëse emigrantët që përcjellim ne pengohen në Dublin, këshillohen të “bëjnë tepër zhurmë dhe të kërkojnë azil”. Ai shtoi: “Për 12 orë, autoritetet do i lënë të lirë. Më pas vjen taksia dhe emigranti mund të shkojë menjëherë në Angli.”

Burime qeveritare e përshkruan lirinë e shqiptarëve për të lëvizur në kontinentin e Evropës si “një sfidë”. Agjencia Kombëtare e Krimit (NCA) ka shprehur më parë shqetësimin për përdorimin e Zonës së Përbashkët të Udhëtimit si një “rrugë tjetër” për në Mbretërinë e Bashkuar.

Aktualisht nuk kërkohen pasaporta për shtetasit e Mbretërisë së Bashkuar dhe Irlandës që udhëtojnë midis dy vendeve. Transportuesit ajror dhe detar thonë se kërkojnë një formë identifikimi. Sidoqoftë, dokumentet nuk kontrollohen gjithmonë.

Irlanda nuk është në zonën Shengen të BE-së, por pranon ID-të e BE-së si dhe pasaportat. Një zëdhënës i NCA tha: “Krimi i organizuar i imigracionit është një kërcënim kronik, shkalla dhe kompleksiteti i të cilit evoluon gjatë gjithë kohës.

“NCA punon për të synuar dhe penguar dëmin më të madh të grupeve të krimit të organizuar në çdo fazë të aktivitetit të tyre – në vendet nga kanë origjinën, në vendet tranzit, pranë kufirit me MB dhe ato që veprojnë brenda vetë MB.

“Ne gjithashtu punojmë me partnerë duke përfshirë zbatimin e kushteve të sigurisë së imigracionit, policinë, për të mbështetur hetimet”, shtoi ai.

The post Daily Express zbulon skemën: Si kalojnë shqiptarët nga Irlanda për të emigruar në Britaninë e Madhe, i pret taksisti appeared first on Albeu.com.

Media britanike, ‘Telegraph.co.uk’ i ka kushtuar një artikull reklamës së udhëtimit që i bëhen në rrjetet sociale.

Reklamat në TikTok kanë kaluar nga varkat e vogla e deri te minibusët. Në rrjet thuhet se kalime me varka të vogla që “kurrë nuk kanë qenë më të lira”, nga 5,000 £ deri në 3,500 £ për person.

‘Ekspertët e Forcave Kufitare sugjeruan se kontrabandistët e njerëzve mund të ulin çmimet për të hapur tregje të reja, të tilla si shqiptarët që më parë nuk mund të përballonin taksat. Reklamat ofronin minibusë nga Shkodra në veri të Shqipërisë për në Dunkirk. “Udhëtime ditore nga Shkodër në Dunkirk. Për më shumë informacion DM”, tha njëri. “Udhëtoni çdo ditë. 100 për qind i sigurt”, tha një tjetër me një video që tregon një minibus gri.

“Djemtë sapo filluan udhëtimin për në Dunkirk. Faleminderit djema. Zoti ju ndihmofte. Nxito. Mund të marr informacione DM, “tha një i tretë me një video nga prapa sediljes së shoferit ndërsa një makinë ecën me shpejtësi përgjatë një karrexhate të dyfishtë gjatë natës.’- shkruhet në artikull.

“Postimet në mediat sociale të përdorura nga kontrabandistët kriminalë që promovojnë kalime të paligjshme janë krejtësisht të papranueshme. Kjo qeveri tashmë po përballet me këtë propagandë mashtruese në internet me forcat e rendit, kompanitë e mediave sociale dhe qeveritë e huaja”, tha Priti Patel.

“Bandat shqiptare sigurojnë njerëzit dhe lidhen me kurdët, të cilët ofrojnë varkat dhe logjistikën”, Tha një burim shqiptar i emigracionit.

“Shqiptarët po vijnë për arsye ekonomike. Ka një varfëri të madhe në Shqipëri dhe ata duan të shkojnë në MB për një jetë më të mirë dhe punësim të mirë. Shumica përfundojnë duke punuar në tregun e zi, veçanërisht në ndërtim. Disa prej tyre – veçanërisht djemtë më të rinj – përfshihen në kriminalitet, duke punuar në fermat e kanabisit , në mënyrë që të paguajnë 5,000 £ që kanë paguar për kalimin”.

Shkodra, një qytet me nivele të larta papunësie, është përshkruar si Palermo i Shqipërisë për shkak të reputacionit të saj si bazë për bandat kriminale familjare. Një shqiptar nga qyteti që punonte si “kopshtar” në një fermë kanabisi në Mbretërinë e Bashkuar u vra në fillim të këtij muaji.

Rreth 200 emigrantë arritën ditën e djeshme në Mbretërinë e Bashkuar, duke e çuar totalin për gusht në rreth 6,500, totali i dytë më i lartë mujor dhe afër rekordit prej 6,878 në nëntor.

The post Mediat britanike: Shqiptarët po vijnë me minibusa nga “Palermo” i Shqipërisë, si bëhen reklamat në TikTok appeared first on Albeu.com.