“El Clasico” si gjithnjë ishte tepër e zjarrtë, me të dy skuadrat që rrezikuan nga fillimi – ku epilogu përfundimtar rezultoi të jetë 3-2.

Barcelona fillimisht dominoi në posedim për të krijuar rastet më të rrezikshme, mirëpo që dështonin t’i konkretizonin.

Ishte Raphinha që e zhbllokoi epërsinë me një supergol pas asistimit të Fermin Lopez (36’).

Sidoqoftë, Reali u kthye në lojë falë Vinicius Jr që shënoi një gol të bukur solo (45+2’).

Barcelona megjithatë riktheu shpejtë epërsinë përmes Robert Lewandowskit, që shënoi me një parabolë të bukur pas asistimit të Pedrit (45+4’).

Por, Reali arriti të shënojë prapë. Në aksionin e fundit, Gonzalo Garcia shënoi pas një topi të kthyer nga rivëndja këndore (45+6’).

Heroi i Barcelonës rezultoi të jetë Raphinha, i cili realizoi një tjetër supergol – ku këtë herë goditja e fuqishme iu devijua nga Asencio dhe përfundoi brenda rrjetës (73’).

Barcelona në kohë shtesë edhe mbeti me një lojtar më pak si pasojë e një ndërhyrje të rëndë të De Jong te Mbappe (90+1’).

Sidoqoftë, Reali nuk i shfrytëzoi dy raste të arta në kohën shtesë – ku si Asencio edhe Carreas dështuan nga afërsia.

Kësisoj, Hansi Flick e mban rekordin e mrekullueshëm si të pamposhtur në finale./Telegrafi/

GOLAT:

73’ GOOOL BARCELONA! Rafinja gjuan në hyrje të zonës, sfera devijohet pak nga Asencio, aq sa për të nxjerrë jashtë loje Kurtua i cili sheh sferën në rrjetë. (VIDEO)

45’+4’ GOOOL BARCELONA! Pedri gjen Levandovskin me një asist perfekt, sulmuesi mposht Kurtua me një prekje për të kaluar përsëri ekipin në avantazh. (VIDEO)

45’+2’ GOOOL REAL MADRID! Vinicius merr topin nga e majta, driblon këdo që i del para dhe pastaj mposht portierin e katalanasve me një diagonale. (VIDEO)

36’ GOOOL BARCELONA! Zbritje e shpejtë e katalanasve me Rafinjan nga e majta, gjuajtja e brazilianit mposht Kurtua. (VIDEO)

The post VIDEO/ Barcelona fiton Superkupën e Spanjës në një ndeshje spektakolare appeared first on Albeu.com.

Katalunasit e nisën më mirë ndeshje, kur rrezikuan me anë të Ferran Torres pas vetëm tetë minutash, por që goditja e tij shkoi jashtë.

Një mundësi të artë shënimi e lëshoi edhe Robert Lewandowski (13’), por që portieri kundërshtar bëri pritje bravuroze.

Sulmuesi polak nuk arriti të shënonte edhe pas gjysmë ore loje, ndërsa goditja e tij me kokë shkoi jashtë.

Goli i parë në këtë ndeshje u shënua në minutën e 59-të, kur Lewandowski u asistua nga Ilkay Gundogan, për 1-0.

Barcelona e vulosi fitoren me anë të Lamine Yamal, që realizoi në minutën e 90+3-të për 2-0, për të kaluar në finale të Superkupës së Spanjës, aty ku të dielën përballet me Real Madridin në El Clasicon e parë për këtë vit. /Telegrafi/

The post Konfirmohet El Classico i parë për këtë vit: Barcelona kalon në finale të Superkupës së Spanjës, aty ku e pret Real Madridi appeared first on Albeu.com.

“Këtë të diel kemi një lojë fantastike ndaj ejani dhe mbështesni ekipin më shumë se kurrë. Ne kemi një mundësi të madhe për t’iu afruar objektivit tonë, që është të fitojmë La Ligën. Unë do t’ju shpjegoj se kush, pse dhe si duan ta orkestrojnë këtë fushatë në një datë të mëvonshme. Mos kini dyshim se do të mbrohemi. Dhe jo vetëm kaq, do të sulmojmë edhe ne. Por, tani për tani, ne duhet të përqendrohemi në inkurajimin e lojtarëve tanë,” ka thënë mes tjerash numri një i Barcelonës.

The post Laporta, mesazh të fortë tifozëve të Barcës para “El Clasico”-s appeared first on Albeu.com.