Masat e sigurisë të ekzekutuara janë të natyrës ndaluese dhe konsistojnë në “Pezullimin e ushtrimit të një detyre apo shërbimi publik”, në kuadër të hetimeve për veprën penale të parashikuar nga neni 248 i Kodit Penal, “Shpërdorimi i detyrës”.

Të pezulluarit janë:

Komisar Afrim Meçe, në kohën e ngjarjes me detyrë Shef Seksioni për Hetimin e Krimeve në Volum në Komisariatin e Policisë Kavajë dhe aktualisht në të njëjtën pozicion në Komisariatin e Divjakës;

Nënkomisar Edlir Kazazi, Specialist për Hetimin e Krimeve në Volum në Komisariatin e Policisë Kavajë;

Inspektor Rosario Çollaku, në kohën e ngjarjes Nën/Specialist i Policimit në Komunitet në Kavajë dhe aktualisht pjesë e Shërbimit të Trafikut Urban dhe Interurban;

Nënkomisar Saimir Kazazi, Specialist dhe Koordinator për Policimin në Komunitet në Komisariatin e Policisë Kavajë.

Sipas hetimeve të AMP-së, punonjësit e pezulluar nuk kanë kryer kontrollet e nevojshme për parandalimin e kultivimit të bimëve narkotike në zonën e mbulimit të tyre, ç`ka çoi në zbulimin dhe sekuestrimin e 550 bimëve narkotike, të mbjella në territorin që ata ishin të ngarkuar të monitoronin.

The post AMP ekzekuton masa sigurie ndaj 4 efektivëve të policisë për shpërdorim detyre (EMRAT) appeared first on Albeu.com.

Sipas burimeve nga grupi hetimor, hetimet po avancojnë në drejtimin e duhur dhe kanë ndihmuar në hedhjen dritë mbi mënyrën e organizimit të atentatit.

Dy personat e shpallur në kërkim, ku dyshohet se kanë luajtur një rol të rëndësishëm në sigurimin e logjistikës së nevojshme për autorët e krimit, përfshirë edhe mjetin që u përdor për realizimin e atentatit.

Sipas hetuesve, autorët e dyshuar të ekzekutimit janë dy individë të tjerë, ndërsa bashkëpunëtorët kanë vepruar për të krijuar kushtet që vrasja të kryhej pa lënë gjurmë.

Ekspertët e kriminalistikës, kanë arritur të rikuperojnë disa prova nga mjeti i djegur në zonën e Gërdecit, të cilat janë dërguar për analizë në laboratorin shkencor.

Rezultatet pritet të ndihmojnë më tej në identifikimin e autorëve dhe zbardhjen e plotë të ngjarjes.

Pista kryesore e hetimit lidhet me përfshirjen e viktimës në aktivitete të shumta kriminale gjatë viteve të fundit. Ermir Dedja, një emër i njohur për policinë jo vetëm në nivel lokal, dyshohet se ishte objekt i larjes së hesapeve në botën e krimit.

Ngjarja e rëndë ndodhi në orët e vona të së hënës, kur Dedja ndodhej në shoqërinë e dy personave të tjerë. Ai u qëllua me armë zjarri dhe një plumb në gjoks i shkaktoi vdekjen e menjëhershme.

Hetimet vazhdojnë me intensitet për të çuar para drejtësisë autorët dhe bashkëpunëtorët e kësaj vrasjeje të rëndë./BW

The post Ekzekutimi i 29-vjeçarit Ermir Dedja në Durrës/ Policia identifikon dhe shpall në kërkim dy persona appeared first on Albeu.com.

Hajrizi ishte dënuar më herët për vrasjen e një ushtari rus, u arratis një ditë më parë nga burgu, ku edhe vrau policin serb.

Mediat serbe, raportojnë se Hajrizi është vrarë në afërsi të Loznicës.

Daçiç më herët gjatë së premtes tha se autoritetet ishin në kërkim të Faton Hajrizit, i dyshuar për vrasjen e policit dhe plagosjen e një tjetri në Lloznicë, qytet në pjesën perëndimore të Serbisë.

Ministria e Brendshme e Serbisë, po ashtu, publikoi fotografinë e Hajrizit dhe u bëri thirrje qytetarëve për bashkëpunim.

Autoritetet kryen kontrollet në dy anët e lumit Drina, që gjendet në kufi me Serbinë dhe Bosnje-Hercegovinës, pasi dyshonin se personi që kreu vrasjen mund të ishte nisur në atë drejtim, raportoi Radio Televizioni i Serbisë (RTS) më 19 korrik.

Sipas ndihmësdrejtorit të policisë Dragan Vasileviq, helikopterët dhe dronët u përfshin në kërkim.

Sulmi ka ndodhur në orët e para të së enjtes, kur policia ndaloi makinën në të cilën ndodhej i dyshuari, për një kontroll rutinor.

Hajrizi sulmoi me armë zjarri zyrtarët policorë, dhe më pas u largua.

Autoritetet serbe e kanë konsideruar sulmin si terrorist.

“Zyra e Prokurorisë për Krimin e Organizuar do ta konsiderojë rastin si një akt terrorist, sepse është një sulm ndaj zyrtarëve”, ka thënë të enjten ministri i Brendshëm serb, Ivica Daçiq.

Policia ka bërë të ditur se në vendngjarje, është gjetur një pasaportë e lëshuar në Kosovë në emër të Artan Hajrizit (1991) dhe një letërnjoftim i tij gjerman.

Një ditë më parë, Daçiq ka thënë se po verifikohet nëse personi të cilit i janë gjetur dokumentet është vëllai i Artan Hajrizit, Faton Hajrizi, i arratisur nga burgu në Kosovë, ditë më parë.

Artan Hajrizi, ka thënë të enjten për mediat në Kosovë se ndodhet në Gjermani dhe se vëllai i tij, Fatoni, ia ka vjedhur pasaportën.

Ndihmësdrejtori i policisë serbe, Dragan Vasileviq, ka thënë për RTS-në se policia gjermane është kontaktuar përmes Interpolit dhe se identiteti i të dyshuarit ende nuk është “konfirmuar saktë”.

Ai ka thënë se autoritetet e sigurisë në Serbi po bashkëpunojnë “shumë mirë me ato të Republikës Sërpska në Bosnje -Hercegovinë, me ato të Kroacisë dhe me përfaqësues të institucioneve ndërkombëtare në Kosovë.

The post FOTO/ I shtrirë përmbys, dalin pamjet e ekzekutimit të shqiptarit nga policia serbe appeared first on Albeu.com.

Katerina Beqo, e cila mbeti e plagosur, ka folur për median greke, Newsit.gr duke deklaruar se nuk kishte pasur dijeni se Roan Brahimi do të vinte në Athinë pasi nuk i kishte treguar asgjë.

“Nuk dija asgjë, nuk më kishte thënë gjë. Erdhi të Shtunën e Madhe për Pashkë”, është shprehur partnerja e Brahimit.

Në lidhje me ngjarjen ajo u shpreh se ishte e pranishme në makinë por nuk mbante mend sesi ndodhi. Ndërsa shtoi se fëmija i mitur i pa të gjitha.

“Isha bashkë me të brenda në makinë, por nuk e mbaj mend si ndodhi. Pastaj dola nga makina. Fëmija i pa të gjitha. Tani e ka mamaja ime, unë jetoj në shtëpinë time. Nuk jam fare mirë”, shtoi ajo.

Sipas mediave greke, në momentin që është qëlluar Roan Brahimi, partnerja e tij ka humbur ndjenjat, ndërsa fëmija i tyre ka bërtitur “Babi im, babi im”. Më pas në vendngjarje ka mbërritur gjyshja e fëmijës e cila e ka larguar prej andej./albeu.com

The post Ia vranë partnerin para syve, flet për herë të parë bashkëshortja e Roan Brahimit: Nuk jam mirë, fëmija pa gjithçka appeared first on Albeu.com.

Bëhet fjalë për Ilir Beqarajn alias Brahimin, alias Mançellarin, është një nga autorët e dyshuar të vrasjes së Bejtjas më 15 mars në oborrin e shtëpisë në Larushk të Fushë-Krujës.

Beqaraj është kushëriri i Ylli Brahimit, i njohur ndryshe si krahu i djathte i Ervis Martinajt.

Ndërkohë, Edison Haxhiu, është shoqëruar për këtë ngjarje, pasi mjeti i tij rezulton se është përdorur nga Beqaraj.

Ilir Beqaraj

Edison Haxhiu

The post Ekzekutimi i Gentian Bejtjas, dalin fotot e dy të arrestuarve appeared first on Albeu.com.

Raportohet se gjatë natës janë bërë kontrolle banesash dhe shoqërime të personave me precedentë kriminalë në zonë.

Në vendngjarje janë gjetur rreth 50 gëzhoja kallashnikovi që dyshohet të jenë qëlluar nga 2 armë të ndryshme, ndërsa makina “Land Rover” dhe targat e saj, rezultojnë të jenë vjedhur në Shkodër në gusht të 2023-it.

Vrasja e 43 vjeçarit në oborrin e banesës së tij dyshohet të ketë qenë një mesazh i koduar nga autorët. Ndërsa nga ana tjetër familjarët e Bejtjas nuk kanë bashkëpunuar me policinë për të dhënë itinerarin e tij para krimit që tronditi Fushë-Krujën.

Dje, pas ekzekutimit të Gentjan Bejtjas, makina e autorëve u gjet e djegur rreth 5 kilometra më larg vendngjarjes, në fshatin Hasan, ndërsa brenda ishin edhe 4 kallashnikovë të djegur të cilët dyshohet se janë përdorur nga ekzekutorët për atentatin.

The post Ekzekutimi i Gentjan Bejtjas, makina e përdorur nga autorët ishte vjedhur në Shkodër! Në vendngjarje 50 gëzhoja plumbash, shoqërohen në polici disa persona appeared first on Albeu.com.

Skenat që u shpalosën në burgun e Atmores tronditën dëshmitarët okularë, të cilët panë trupin e Smith-it të “përpëlitej dhe të përplasej” për disa minuta në barelë, para se të vdiste përfundimisht nga hipoksia.

Ekzekutimi i Smith, i cili u dënua në mënyrë të parevokueshme në vitin 1996 me burgim të përjetshëm pas gjyqit të tij të dytë, për vrasjen e një gruaje me urdhër të bashkëshortit të saj, ndodhi pasi të gjitha ankesat dhe kërkesat e 58-vjeçarit për lirim me kusht u refuzuan, më e fundit në Gjykatën e Lartë të mërkurën.

Në argumentet e tij me shkrim në Gjykatën e Lartë, shteti i Alabamës shkoi aq larg sa paraqiti hipoksinë nga thithja e azotit, si “ndoshta metoda më humane e ekzekutimit e shpikur ndonjëherë”.

Megjithatë, skenat e përshkruara nga prifti 58-vjeçarit, Reverend Jeff Hood, e kundërshtojnë plotësisht këtë pretendim.

Duke folur për New York Post, prifti foli për skena tmerri që prekën thellë të gjithë oficerët korrektues të përfshirë në ekzekutim.

Ai tha se mund të shihte tronditjen dhe habinë në fytyrat e tyre gjatë procesit 22-minutësh.

“Atyre u ishte thënë se do të ishte e shpejtë, e lehtë dhe anonime… I gjithë procesi ishte thjesht i tmerrshëm. Është një skenë që nuk do ta harroj kurrë”, tha Reverend Hood.

Siç theksoi ai, nëse dikush e futi atë në dhomë dhe nuk e dinte se ishte një ekzekutim i vërtetë, ai do të mendonte se ishte në xhirimet e një filmi, të një eksperimenti të tmerrshëm që kishte shkuar keq.

Hood shpjegoi për gazetën se, nga ku ai u ul në dhomën e ekzekutimit, ai mund të shihte fytyrat e oficerëve korrektues, duke përfshirë atë të Cynthia Steëart Riley, një zyrtare në Departamentin e Korrigjimeve në Alabama.

“Në këto kushte është e vështirë të dish saktësisht se çfarë po ndodh, por e di që pashë terrorin në fytyrat e njerëzve përballë meje. Kur filloi ekzekutimi dhe trupi i tij filloi të shtrembërohej, ndryshimi në shprehjen e zyrtarëve ishte i dukshëm. Ai dukej si një peshk i dalë nga uji, duke luftuar përsëri dhe përsëri. Riley ishte pas barelës në të djathtë të tij. Ajo ishte aq e mërzitur sa vazhdonte të trokiste me nerva këmbën në dysheme, si kur nuk mund të qëndroni pa lëvizur”.

Me kalimin e minutave, tensioni në dhomë rritej, derisa më në fund u konfirmua se i dënuari me vdekje kishte ndërruar jetë.

Kujtohet se një përpjekje e mëparshme për të ekzekutuar Smithin me injeksion vdekjeprurës, më 17 nëntor 2022, u anulua në ekstrem, pasi nuk mund të bëhej brenda kohës së caktuar vendosja e një kateteri, për të injektuar tretësirën vdekjeprurëse në venat e tij, edhe pse ai qëndroi i lidhur për orë të tëra.

Kenneth Smith, u shpall fajtor në vitin 1988 për vrasjen e Elizabeth Dorlin Sennett, 45-vjeç, për të cilën u pagua nga bashkëshorti i viktimës, pastori Charles Sennett, i cili ishte shumë në borxhe dhe kishte një histori tradhtie.

Ai donte të krijonte përshtypjen se ishte një grabitje e shkuar keq.

Edhe pse më pas bashkëshorti vrau veten, policia mundi të kapte autorët.

Bashkëpunëtori i Kenneth Smith, John Forrest Parker, i cili gjithashtu u dënua me vdekje, u ekzekutua në vitin 2010.

Kenneth Smith, gjithashtu u dënua fillimisht me vdekje, por gjyqi u anulua në apel.

Në gjyqin e tij të dytë në vitin 1996, 11 nga 12 anëtarët e jurisë votuan për një dënim të përjetshëm.

Por, si në gjyqin e bashkëpunëtorit të tij, gjyqtari e rrëzoi jurinë dhe vendosi dënimin me vdekje, një mundësi që ekzistonte në disa shtete në atë kohë, por tani është shfuqizuar në të gjitha.

The post Deklarata shokuese e priftit për ekzekutimin e 45-vjeçarit me gaz azoti: Ishte film horror, të gjithë u tmerruan kur ai po… appeared first on Albeu.com.

Por, kush është Sokol Sinomati, babai i të riut që u ekzekutuame armë zjarri.

Në vitet 2000, në moshën 27-vjeçare tronditi qytetin e Vlorës, duke qëlluar me breshëri automatiku ndaj Sokol Nuhos.

I vetëshpallur si anëtar i bandës së Gazment Brrakës, ai zbriti nga makina e tij tip “Benz”, dhe qëlloi në mes të ditës me breshëri automatiku ndaj Sokol Nuhos, në atë kohë 29-vjeç.

Ky i fundit ishte i armatosur, dhe prandaj i është kundërpërgjigjur për vetëmbrojtje duke qëlluar me pistoletë teksa qëndronte i ulur brenda në lokal.

Mirëpo, shënjestra e tij, shpëtoi pasi asnjë plumb nuk e preku. I vrarë aksidentalisht mbeti  Luigj Xhafa, 42-vjeç, i cili po lëvizte me biçikletën e tijn pak metra më tutje.

Ai gjeti vdekjen mënjëherë, duke u goditur nga një plumb në anën e djathtë të krahërorit.

Në atë kohë dëshmitarët okularë, treguan se të plagosur mbetën edhe dy kalimtarë të tjerë, një burrë dhe një grua.

Mjekët e spitalit të Vlorës, deklaruan se askush nuk është paraqiturpër të kërkuar ndihmë.

“Buzderi” ishte larguar në drejtim të Radhimës, ku dhe u strehua në një nga vilat e plazhit.

Ai u rrethua nga forca të shumta policie dhe për plot 3 orë nuk pranoi të dorëzohej, madje kërcënonte se do të hapte zjarr, gjë që nuk e bëri.

Më pas u dorëzua.

Burime për mediat, bënë me dije se ai pranoi se qëlloi në drejtim të Nuhos, për shkak të një sherri të vjetër.

Tanimë, 23 vite më vonë, djali i tij është ekzekutuar pabesisht, teksa rrinte në ballkonin e banesës së tij, në katin e tretë të një pallati në lagjen “Hajro Çakërri”.

The post Njihej me nofkën “Buzderi”, kush është babai i 22-vjeҫarit Gëzim Sinomati që u ekzekutua në Vlorë appeared first on Albeu.com.

28-vjeçari i ekstraduar nga Maroku për t’u përballur me drejtësinë shqiptare, ka qenë i veshur me antiplumb gjatë seancës gjyqësore për rivlerësimin e masës së sigurisë të dhënë në mungesë ndaj tij, ndërsa në deklarimet para togave të zeza ndonëse ka mohuar përfshirjen në ngjarje është shprehur i frikësuar se mund t’i rrezikohej jeta gjatë qëndrimit në Shqipëri.

“Sa më gjatë të qëndroj në Shqipëri jam i rrezikuar”, mësohet të ketë thënë Ruben Saraiva i cili ka refuzuar të japë dhe gjeneralitetet e plota gjatë seancës gjyqësore të ditës së martë.

Pas caktimit të masës së sigurisë arrest në burg pa afat, nën masa të rrepta sigurie, 28-vjeçari portugez u dërgua në Burgun e Reçit në Shkodër, nga ku mësohet se është hartuar një plan masash për garantimin e sigurisë së tij.

Po për eliminimin e biznesmenit Ardian Nikulaj, janë arrestuar në Angli 3 shtetas britanikë dhe Edmond Haxhia si porositës.

Edhe për këta të fundit autoritetet shqiptare, kanë dërguar kërkesë për ekstradimin e tyre nga Britania në Shqipëri, por ende nuk ka një vendim.

Ekzekutimi i biznesmenit Ardian Nikulaj, ishte në vazhdën e zinxhirit të hakmarrjes që familja e viktimës kanë me një fis tjetër, konflikt ky që ndër vite ka prodhuar shumë viktima.

The post Ekzekutimi i Ardian Nikulaj, portugezi Ruben Saraiva në sallën e gjyqit: Ҫfarë thotë ai appeared first on Albeu.com.

Përfaqësues të Policisë së Shtetit dhe Interpolit Shqiptar, ndodhen në Marok dhe Operacioni për vënien para drejtësisë së vrasësit është drejt fundit.

Sipas burimeve, Portogezi është marrë në pyetje nga autoritetet shqiptare, por ende nuk ka detaje mbi deklarimet tij.

Vendimi për ekstradimin e vrasësit me pagesë u dha nga Gjykata e Marokut rreth 10 ditë më parë.

Për të përmbyllur ekstradimin e Ruben Saraivës, ndërhyri Interpol, agjencia e cila bashkëpunoi me autoritetet shqiptare për lokalizimin e portugezit në marok rreth 7 muaj më parë.

Po për eliminimn e Nikulajt, janë arrestuar në Angli 3 shtetas britanikë dhe Edmond Haxhia si porositës.

Edhe për këta të fundit autoritetet shqiptare, kanë dërguar kërkesë për ekstradimin e tyre nga Britania në shqipëri.

Vrasja e biznesmenit Ardian Nikulaj, ishte në vazhdën e zinxhirit të hakmarrjes që familja e viktimës kanë me një fis tjetër në qytetin e Lezhës, konflikt ky që ndër vite ka prodhuar shumë viktima.

The post Ekzekutimi i biznesmenit Ardian Nikulaj, autori portugez ekstradohet nesër në Shqipëri appeared first on Albeu.com.