Mujeci, 40-vjeçar është asamblist i Vetëvendosjes në Kuvendin Komunal të Prishtinës.

Të martën, autoritetet shqiptare kanë thënë se Mujeci është në mesin e pesë të arrestuarve, të cilët dyshohen se kanë shpërndarë drogë të llojit ekstazi në lokalet e e natës në zonën e ish-Bllokut në Tiranë, pasi kanë trafikuar lëndë narkotike nga Kosova në Shqipëri.

Ministrja e Drejtësisë në Kosovë, Albulena Haxhiu, ka thënë pas përjashtimit të Mujecit se njerëz të tillë “nuk kanë vend në Lëvizje”.

“Komisioni Disiplinor mori vendim për përjashtimin e Besnik Mujecit nga Lëvizja VETËVENDOSJE! Veprimet për të cilat është arrestuar Besnik Mujeci janë krime të rënda dhe institucionet e drejtësisë duhet ta marrin dënimin e merituar!”, ka thënë ajo përmes një postimi në Facebook.

The post U kap në Tiranë me 11 mijë pilula ekstazi, përjashtohet nga Vetëvendosje anëtari i Këshillit Bashkiak të Prishtinës appeared first on Albeu.com.

Cannabis sattiva, apo siç njihet tradicionalisht, hashashi, kokaina, heroina dhe çdo drogë tjetër, tashmë po shndërrohen në një mit.
Herë pas here jemi përpjekur të paralajmërojmë shpërthimin e një lloji të ri droge, ajo sintetike. Ndër të parët që folëm publikisht, kur sapo kishte nisur të kthehej në trend.

Treguam efektet dhe pasojat. Dhe më e rënda, se si grupmoshat e reja u nisën me vrull ta provonin, e më pas të ktheheshin në përdorues të rregullt.
Janë të vështira për t’u dalluar. Ngjajnë me produkte farmaceutike. Por janë të dëmshme shumë herë më shumë sesa drogërat e tjera, të njohura botërisht, si tradicionale.

Qindra vajza të reja, kanë rënë pre e kësaj droge, duke humbur vetëdijen e duke u kthyer kështu në objekt seksi për grabitqarët seksualë. Mes tyre edhe vajza politikanësh, biznesmenësh e njerëzish të drjtesisë. Histori që flenë në familjet e gjithësecilit, por asnjëherë nuk kanë përfunduar në dyert e policisë. Për një arsye të thjeshtë, ruajtja e nderit dhe moralit.

Por kjo mbajtje në fshehtësi, ka bërë që shumë vajza të tjera të mos kenë dijeni dhe të bien pre e këtyre sulmeve, që mund të konsiderohen nga më të frikshmet, për shkak se nuk mban mend asgjë çfarë ka ndodhur.

Janë me dhjetëra video që qarkullojnë, filmuar nga grabitqarët seksualë, të vajzave të reja, nën efektin e drogërave sintetike, të cilat kanë përfunduar në inbox-et e baballarëve dhe vëllezërve, si forma shantazhi, herë për të marrë para në këmbim, e herë për të përfituar të tjera gjëra.

Madje, një nga videot e bëra, në të cilën abuzohet me vajzën e një punonjësi të drejtësisë, gjithçka është bërë vetëm për ego.

Operacioni i finalizuar një ditë më parë nga seksioni kundër Narkotikëve në DVP Tiranë, nuk duhet parë kaq cekët.

Në gamën e gjerë të analizës, kemi të bëjmë me shpërbërjen e një grupi që më duart e tyre, furnizonin të rinjtë me një substancë që të humbet vetëdijen dhe kontrollin. Pas konsumimit je i aftë të bësh gjithçka, dhe në fund nuk mund të mbash mend asgjë. Duke rënduaar kështu psikozën rinore.

Duke ngritur skuta të errëta, që nuk ndriçohen kurrë në memorie.

Pa shtuar këtu edhe varësinë që krijojnë. Njëmbëdhjetë mijë kokrra ekstazi, është njëlloj si të shpëtosh të paktën 5 mijë të rinj nga përdorimi.

Ndoshta nuk është folur mjaftueshëm për efektet kaq negative dhe pasojat kaq të rënda të kësaj droge, dominuese e shekullit të ri. Kjo sepse herë-herë është si një thikë me dy presa, ti jep inforacion për pasojat, por kureshtarët tentojnë të shuajnë kureshtjen dhe të provojnë këto efekte në trupin e tyre.

Asnjë instancë nuk është e aftë që ta ndalojë njëherë e mirë shpërndarjen dhe konsumimin. Për një arsye të thjeshtë, sepse gjithçka nis nga personalja. Jemi ne ata që vensdosim nëse do ta konsumojmë apo jo.

Dhe nëse vendoset të konsumohet, atëherë do të përdoret çdo mënyrë për ta gjetur. Sado grupe të shkatërrohen, të tjerë do të ngrihen e përhapen. Andaj, në kësisoj rastesh, lufta është me veten… mes të rinjve…

The post Trondit gazetarja: Vajza politikanësh e biznesmenësh janë abuzuar seksualisht pas konsumit të ekstazisë appeared first on Albeu.com.

Shqipëria është kthyer në një parajsë të trafikantëve dhe shpërndarësve të lëndëve narktoike duke u renditur në vendet e para të tabelës për konsumin e kokainës, ndërsa vitet e fundit është shtuar ndjeshëm edhe përdorimi i asaj që duhet “droga e të rinjve” ose ekstazia, e cila përdoret kryesisht gjatë festave, mbrëmjeve nëpër club-e dhe ambiente të ngjashme, raporton AlbEu.com.

Shpesh, nëpër rrjetet sociale qarkullon edhe një legjendë, për tableta që u hidhen vajzave në pije gjatë festave, me qëllim përfitimin prej tyre për të kryer marrëdhënie seksuale.

Bëhet fjalë pikërisht për këtë lloj droge, pra MDMA.

Por, cilat janë efektet e MDMA-së në trurin e njeriut dhe përse thuhet që është droga që çon vajzat në shtrat?

Një fakt i tillë nuk është vërtetuar, por është e vërtetë që mënyra se si ndikon MDMA në trurin e njeriut, e bën atë që të ndjehet më i afërt me personat që e rrethojnë edhe nëse nuk kanë ndonjë lidhje më parë.

MDMA apo ekstazia, rrit energjitë e trupit, e bën personin që e konsumon më të gjallë por edhe shton kohezionin në grupin e personave që e konsumojnë. Studimet kanë treguar se ata që konsumojnë ekstazi, ndjehen më të gjallë dhe shoqërisht më afër me njeri-tjetrin.

Duket se këto nis edhe idea se është pikërisht kjo drogë që përdoret ndaj vajzave për t’i çuar në shtrat.

Ndryshe funksionon Methanmetamina për shembull. Edhe pse ngjajnë njëlloj dhe efekti është i ngjashëm sa i përket energjisë në trup, Methanmetamina i bën përdoruesit më të mbyllur në vete, kurse MDMA-ja, më të hapur ndaj personave që kanë përreth.

Fakt është që ekstazia përdoret gjerësisht tashmë në Shqipëri dhe çdokush duhet të njohë efektet negative të saj në trurin e njeriut pasi studimet tregojnë se MDMA krijon edhe efekte haluçinante në tru. /albeu.com

The post “Droga që çon vajzat në shtrat”! Prindër bëni kujdes, MDMA po shitet si “Paracetamol” në clubet e Tiranës! appeared first on Albeu.com.

Ata shisnin lëndë narkotike ekstazi MDMA, të cilën e sillnin në Shqipëri përmes autobusëve të linjës Prishtinë-Tiranë.

Në pranga ranë Mithat Ramadani 30 vjeç, Besnik Mujeci, 40 vjeç, të dy banues në Prishtinë, si dhe Kalem Picari, 24 vjeç, Ambra Myftari 28 vjeçe, dhe Daniel Avdija 26 vjeç, të tre banues në Tiranë.

Por si sillej droga në Shqipëri?

Nga hetimet ka rezultuar se këta shtetas, duke shfrytëzuar fluksin e sezonit turistik i kalonin dërgesat nëpërmjet linjave të autobusëve Prishtinë-Tiranë.

Pasi dërgesat arrinin në Tiranë, transportoheshin me autovetura të marra me qira në Tiranë dhe në qytete të tjera, kryesisht bregdetare, dhe vendet e shkëmbimit caktoheshin në vende publike me shumë lëvizje dhe fluks njerëzish.

Për arritjen e marrëveshjeve me shpërndarësit e drogave sintetike në Shqipëri, trafikantët kërkonin pagesa paradhënie, ose edhe lënien e automjeteve si garanci.

Gjatë operacionit “Punisher 2” u sekuestruan 11300 tableta  ekstazi MDMA, me peshë 5.093 kg.

AlbEu.com mëson se vlera e tregut varionte nga 350.000-500.000 euro.

Së bashku me tabletat ekstazi u sekuestruan edhe 229.6 gram cannabis sativa, 1 automjet dhe 5 telefona celular.

Materialet hetimore do t’i kalojnë për veprime të mëtejshme Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprën penale “Trafikimi i narkotikëve” kryer në bashkëpunim./Albeu.com.

The post “Trafikantët kërkonin lënien e makinave si garanci”, sekuestrimi i 11 mijë tabletave ekstazi në Tiranë: Droga me vlerë 500 mijë euro appeared first on Albeu.com.

Në pranga ranë Mithat Ramadani, Besnik Mujeci, Kalem Picari, Ambra Myftari dhe Daniel Avdia. Dy prej të arrestuarve janë shtetas të Kosovës.

Ditën e sotme, Drejtori i Policisë së Tiranës, Tonin Vocaj, së bashku me zëvendësdrejtorin e Krimit të Organizuar dhe Krimeve të Rënda, Zëvendësdrejtorin për Sigurinë Publike dhe shefin e Sektorit për Hetimin e Narkotikëve në një deklaratë për mediet ka dhënë detaje nga operacioni.

“Mbi bazën e provave të siguruara gjatë hetimeve disamujore, u organizua dhe finalizua operacioni policor i koduar “PUNISHER 2”, në kuadër të të cilit u vunë në pranga shtetasit Mithat Ramadani 30 vjeç, Besnik Mujeci, 40 vjeç, të dy banues në Prishtinë, si dhe Kalem Picari, 24 vjeç, Ambra Myftari 28 vjeçe, dhe Daniel Avdija 26 vjeç, të tre banues në Tiranë”, tha Vocaj.

Lokalizimi

Shtetasit e arrestuar janë lokalizuar në kryqëzimin e rrugës “Myslym Shyri” dhe “Sami Frashëri”, së bashku me dërgesën me lëndë të dyshuar narkotike, prej 11300 tabletash ekstazi MDMA, me peshë 5.093 kg dhe vlerë tregu rreth 400 mijë euro.

Si transportohej droga

Nga hetimet ka rezuluar se këta shtetas, duke shfrytëzuar fluksin e sezonit turistik i kalonin dërgesat nëpërmjet linjave të autobusave Prishtinë-Tiranë.

Pasi dërgesat arrinin në Tiranë, transportoheshin me autovetura të marra me qira në Tiranë dhe në qytete të tjera, kryesisht bregdetare, dhe vendet e shkëmbimit caktoheshin në vende publike me shumë lëvizje dhe fluks njerëzish.

Për arritjen e marrëveshjeve me shpërndarësit e drogave sintetike në Shqipëri, trafikantët kërkonin pagesa paradhënie, ose edhe lënien e automjeteve si garanci.

Çfarë u sekuestrua

Tabletat e ekstazisë MDMA, së bashku me një sasi lënde narkotike kanabis, një automjet, si dhe 5 aparate celulare, u sekuestruan në cilësinë e provës materiale.

Drejtoria Vendore e Policisë Tiranë mbetet e angazhuar maksimalisht për të parandaluar dhe luftuar veprimtarinë kriminale në fushën e kultivimit, prodhimit dhe shpërndarjes së drogave të lehta dhe të forta./Albeu.com

The post “Tabletat ekstazi dërgoheshin me autobusët e linjës Prishtinë-Tiranë”, policia: Shfrytëzonin fluksin për të shitur drogën në qytetet bregdetare appeared first on Albeu.com.

Burime për AlbEu bënë me dije se gjatë operacionit u sekuestruan rreth 10 mijë kokrra ekstazi ndërsa u shoqëruan 5 persona.

Bëhet fjalë për Mithat Ramadani, Besnik Mujeci, Kalem Picari, Ambra Myftari dhe Daniel Avdia. Droga sintetike sapo kishte ardhur në kryeqytet dhe ishte destinuar për tregun e brendshëm.

Në kokrrat e drogës ekstazi shihet e stampuar logoja e “Louis Vuitton”

Dy nga të arrestuarit janë shqiptarë të Kosovës. Dozat e lëndës narkotike mësohet se shiteshin kryesisht në zonën e ish bllokut dhe në lokalet e natës. Sipas përllogaritjeve, një dozë shitej 30-50 euro dhe e gjithë sasia kapte vlerën e rreth 500 mijë euro.

Sakaq, Policia e shtetit në orën 11:00 do të zhvillojë një konferencë lidhur me detajet e operacionit./Albeu.com.

The post Me logon “Louis Vuitton”, si shitej droga ekstazi në lokalet e Tiranës, mes 5 të arrestuarve një vajzë appeared first on Albeu.com.

Në momentin e arrestimit, ai po i shiste një personi ekstazi, teksa policia i ka sekuestruar edhe 420 euro dhe 28000 lekë dhe 2 celularë.

Njoftimi i policisë:

Specialistët e Seksionit për Hetimin e Trafiqeve të Paligjshme dhe Narkotikëve, në bashkëpunim me ata të Forcës së Posaçme Operacionale, të mbështetura nga informacionet e siguruara prej inteligjencës policore, se një shtetas shiste lëndë narkotike, brenda perimetrit të kalasë së Gjirokastrës, kanë organizuar menjëherë punën për arrestimin e këtij shtetasi.

Si rezultat, u kap në flagrancë brenda kalasë, teksa i shiste një shtetasi tjetër, lëndë narkotike ekstazi, dhe u vu në pranga shtetasi D. Ll., 27 vjeç, banues në Lezhë.

Gjithashtu, u referuan materialet në Prokurori ku nisi procedimi në gjendje të lirë për blerësin e kësaj lënde narkotike, shtetasin K. H., 31 vjeç, banues në Gjirokastër.

Në cilësinë e provës materiale, Policia sekuestroi sasinë e lëndës narkotike ekstazi, 420 euro dhe 28000 lekë që iu gjetën shtetasit të D. Ll., në momentin e arrestimit, të dyshuar të përfituar nga veprimtaria kriminale e shitjes së kësaj lënde, si dhe 2 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

The post U kap duke shitur ekstazi, arrestohet 27-vjeçari në Gjirokastër appeared first on Albeu.com.

Lënda narkotike u sekuestrua në cilësinë e provës materiale.

Njoftimi i policisë:

Morinë, Kukës

Tentoi të trafikonte lëndë narkotike në Shqipëri, vihet në pranga 33-vjeçari.

Shërbimet e Policisë Kufitare Morinë, në vijim të punës për parandalimin dhe goditjen e krimeve kufitare, bazuar në inteligjencën informative dhe në analizën e riskut, në hyrje të RSH-së, kanë kaluar në vijë të dytë, për kontroll më të imtësishëm, një automjet taksi.

Gjatë kontrollit të ushtruar në vijën e dytë, në automjetin taksi në të cilën udhëtonte si pasagjer shtetasi A. B., shërbimet e Policisë gjetën dhe sekuestruan 4 pako me lëndë të dyshuar narkotike ekstazi.

Në përfundim të veprimeve hetimore, specialistët për Hetimin e Trafiqeve të Paligjshme dhe Narkotikëve të DVP Kukës arrestuan në flagrancë shtetasin A. B., 33 vjeç, banues në Zyrih, për veprën penale “Trafikimi i narkotikëve”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme. /albeu.com

The post Droga që po merr më qafë të rinjtë, 33-vjeçari kapet me katër pako në kufi appeared first on Albeu.com.

Njoftimi:

Dhërmi, Himarë

Goditet një tjetër rast i shpërndarjes së drogave të forta në doza.

Finalizohet operacioni policor i koduar “Tablets”.

Operacioni u zhvillua nga Seksioni për Hetimin e Narkotikëve në DVP Vlorë, në bashkëpunim me Forcën e Posaçme Operacionale të DVP Vlorë dhe me Komisariatin e Policisë Himarë.

Sekuestrohen sasi lënde të dyshuara narkotike ekstazi, LCD, MDMA, ketaminë, amfetaminë, kokainë, të ndara në doza gati për shitje dhe një shumë parash që dyshohet se është përfituar nga ky aktivitet kriminal.

Vihet në pranga poseduesi i tyre.

Seksioni për Hetimin e Narkotikëve në Drejtorinë Vendore të Policisë Vlorë, në bashkëpunim me Forcën e Posaçme Operacionale të DVP Vlorë dhe me Komisariatin e Policisë Himarë, në vijim të punës për parandalimin, evidentimin dhe goditjen e veprimtarisë kriminale në fushën e shpërndarjes së lëndëve narkotike, bazuar dhe në informacionet e siguruara në rrugë operative, finalizoi me sukses operacionin e koduar “Tablets”, si rezultat i të cilit u bë arrestimi në flagrancë i shtetasit:

-A. T., 52 vjeç, banues në Dhërmi.

Gjatë kontrollit fizik ndaj këtij shtetasi dhe kontrollit në banesës së tij, në Dhërmi, u gjetën dhe u sekuestruan 4840 tableta të dyshuara ekstazi, doza me lëndë të dyshuar narkotike MDMA, ketaminë, amfetaminë, LCD, një sasi lënde e dyshuar kokainë dhe dhe një sasi parash (euro dhe lekë) e dyshuar e përfituar nga shitja e lëndëve narkotike.

Nga veprimet hetimore ka rezultuar se ky shtetas ua shiste lëndë narkotike personave të ndryshëm, përdorues të lëndëve narkotike, në zonën e Dhërmiut, kryesisht në lokalet e natës.

Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme, për veprën penale “Prodhimi dhe shitja e narkotikëve”./albeu.com

The post Shpërndante drogëra të fortë në Dhërmi, arrestohet 25-vjeçari appeared first on Albeu.com.

NJOFTIMI I POLICISË:

Shkodër / Drejt Malit të Zi me lloje të ndryshme drogash në automjet, vihen në pranga në kufi, 4 shtetas.

Finalizohet operacioni policor i koduar “Ekstazi”, i zhvilluar nga shërbimet e DVKM Shkodër, në bashkëpunim me DVP Shkodër.

Sekuestrohen sasi lëndësh narkotike kanabis, ketaminë dhe ekstazi, të cilat të arrestuarit tentuan t’i trafikonin drejt Malit të Zi.Si rezultat i bashkëpunimit intensiv dhe i një pune të mirorganizuar nga strukturat e DVP dhe DVKM, Shkodër, në vijim të kontrolleve për goditjen e paligjshmërive në kufi, me fokus evidentimin dhe goditjen e veprimtarisë kriminale të trafikimit të lëndëve narkotike, bazuar në analizën e riskut dhe në kontrollet me përzgjedhje, u finalizua operacioni policor i koduar “Ekstazi”, si rezultat i të cilit u arrestuan shtetasit:

A. V., 24 vjeç, banues në Kurbin, Laç;
E. H., 23 vjeç, banues në Kuçovë;
N. P., 22 vjeç, banues në Tiranë;
E. I., 64 vjeç , banues në Shkodër.

Këta shtetas janë paraqitur në PKK Muriqan, në dalje të RSH-së, me automjetin tip “Benz”, me drejtues shtetasin E. I. dhe pasagjerë shtetasit A. V., E. H. dhe N. P. Shërbimet e Policisë Kufitare kanë kaluar në vijën e dytë për kontroll më të imtësishëm shtetasit dhe automjetin me të cilin qarkullonin.

Si rezultat i kontrolleve fizike që shërbimet e Policisë ushtruan ndaj 4 shtetasve, u gjetën sasi të ndryshme, të ndara në pako, lëndësh narkotike kanabis, ketaminë dhe ekstazi, të cilat, nga veprimet hetimore, rezulton se këta shtetas do t’i trafikonin drejt Malit të Zi.

Lëndët narkotike, së bashku me automjetin me të cilin këta shtetas qarkullonin, shuma parash dhe 5 aparate celulare, u sekuestruan në cilësinë e provës materiale

Materialet iu referuan Prokurorisë pranë Gjykatës së Rrethit Gjyqësor Shkodër, për veprën penale “Trafikimi i lëndëve narkotike”, kryer në bashkëpunim, mbetur në tentativë.

The post Me kanabis, ketaminë dhe ekstazi drejt Malit të Zi, arrestohen 4 persona në Shkodër appeared first on Albeu.com.