Murphy, tashmë 63 vjeç, i cili u bë i famshëm në vitet e 80-ta, ka shprehur mirënjohjen e tij ndaj Zotit që nuk e lejoi të bjerë në grackën e drogës që i mori jetën John-it dhe që kontribuoi në problemet e shëndetit mendor të Robin-it.

“Në moshën 19-vjeçare, kur isha në ‘Blues Bar’ me John Belushi-n dhe Robin Williams-in, ata filluan të konsumonin drogë, por unë refuzova. Nuk po përpiqesha të tregoja moral, thjesht nuk isha i interesuar. Mendoj se Zoti po më mbikëqyrte atë moment” ka treguar Eddie për revistën “The Interview”.

Murphy gjithashtu ka folur për ngritjen dhe rrëzimin tragjik të yjeve si Michael Jackson dhe Elvis Presley.

John Belushi vdiq nga një mbidozë heroine në moshën 33-vjeçare në vitin 1982, ndërsa Robin Williams vdiq në moshën 63 vjeç në vitin 2014, pas një beteje të gjatë me depresionin dhe varësinë nga substancat.

Michael Jackson u nda nga jeta në moshën 50-vjeçare në vitin 2009 si pasojë e një mbidoze me ilaçe qetësuese, ndërsa Elvis Presley vdiq në moshën 42-vjeçare, të dy viktima të abuzimit me drogë.

Murphy ka thënë për “New York Times” se të bëhesh i famshëm në moshë të re, sidomos si artist me ngjyrë, është sikur të ecësh në një fushë të minuar. “Çdo moment mund të ndodhë diçka që zhbën të gjitha arritjet. Tani, kur mendoj them me vete ‘Uau, kam mbijetuar në këtë fushë të minuar për 35 vjet. Si mund të mbijetosh në këtë fushë të minuar pa të mbikëqyrur dikush?”, ka thënë Eddie.

The post Eddie Murphy thotë se Zoti e ruajti nga kokaina që ia ofruan Belushi dhe Williamsi appeared first on Albeu.com.

Kanë kaluar 23 vjet që kur u shfaq premiera e filmit të parë me përbindëshin e vetmuar dhe tani një tjetër pjesë e ekskluzivitetit të animuar shumë të dashur mund të jetë gati shumë më shpejt sesa mendojnë fansat.

Në një intervistë me Collider përpara publikimit të ‘Beverly Hills Cop: Axel F’, Eddie Murphy – i cili ben zërin e Donkey në filmat ‘Shrek’, jo vetëm konfirmoi se një film i ri është me të vërtetë në punë, por se mund të ketë edhe të jetë një film i veçantë i Gomarit.

“Ne filluam të bëjmë Shrek 4 ose 5, 5 muaj më parë. E bëra këtë, e regjistrova pjesën e parë dhe do ta bëjmë këtë vit, do ta përfundojmë”, tha aktori, humoristi, regjisori dhe këngëtari amerikan. “Shrek po vjen dhe Donkey do të ketë filmin e tij. Pra, ne do të bëjmë një film Shrek dhe ne do të bëjmë një film Gomari”.

https://x.com/DiscussingFilm/status/1805267938276167924

The post Eddie Murphy: Shrek 5 do të publikohet në vitin 2025… appeared first on Albeu.com.