Leshterika, një alga deti, është vetëm një shembull. Ndër përbërësit jetëdhënës të algave është taurina, e cilësuar kohët e fundit si “eliksiri i jetës” nga një studiues i ushqimit. Nori, alga deti që përdoret për të mbështjellë rrotullat e sushit, është një burim i mirë i taurinës.

Por Alison Smith, profesoreshë e shkencave bimore në Universitetin e Kembrixhit, thotë se organizmat e vegjël e të pasur me proteina të gjetura në liqenet dhe oqeanet e ujërave të ëmbla, ose mikroalgat, mund të jenë anashkaluar padrejtësisht. Këto mikroalga janë veçanërisht të mira për veganët, pasi shumë dietave me bazë bimore u mungojnë lëndët ushqyese thelbësore të cilat mund t’i ofrojnë algat. Smith tha për Guardian:

Dietat e bazuara thjesht në produkte bimore janë të shkëlqyera në shumë nivele, por ato kanë disa mangësi, dhe një nga më të rëndësishmet prej tyre është mungesa e vitaminës B12. Shumë veganë do të preferonin të mos kishin suplemente kimike dhe do të dëshironin të merrnin B12 si pjesë natyrale të dietës së tyre. Nuk mund ta merrni atë nga bimët, por ne kemi zbuluar se disa alga janë burime të pasura të vitaminës.

Mungesa e vitaminës B12 mund të shkaktojë një sërë çrregullimesh neurologjike, imune dhe inflamatore, veçanërisht te gratë shtatzëna, sipas një raporti European Journal of Nutrition. Përveç B12, mikroalgat janë burime të mira të aminoacideve thelbësore, acideve yndyrore si omega-3, omega-6 dhe omega-7, plus vitamina duke përfshirë A, D dhe E, sipas BBC.

Shumë njerëz të ndërgjegjshëm për shëndetin tani përdorin suplemente të bëra nga mikroalgat, duke përfshirë spirulinën dhe klorellën. Ushqimet dhe suplementet me bazë algat kanë qenë të njohura për shekuj në Azi, ku jetojnë rreth nëntë të dhjetat e prodhuesve komercialë të algave, sipas një studimi të vitit 2019.

The post Pse algat mund të jenë ushqimi i së ardhmes për shkencëtarët appeared first on Albeu.com.

Kur Romuli pa në qiell ardhjen e”12 zogjve të shenjtë” , e cilësoi si një shenjë se duhej të sundonte. Në kohën e Jul Çezarit në shekullin I Para Krishtit, kolegji zyrtar romak i augurëvepërbëhej nga 16 prej këtyre burrave shumë të vlerësuar. Për romakët, gati gjithçka ishte një ogur ose parashikues i mundshëm, një mesazh nga perënditë që duhej lexuar dhe interpretuar nga ata që dinin. Ja cilat ishin 6 nga metodat më të pazakonta të parashikimit të përdorura nga Romakët e Lashtë.

1.Pulat

Në vitin 249 para Krishtit, komandanti romak Klaud Pulsher po përgatitej të luftonte ndaj kartagjenasve në brigjet e Drepanas në Siçili. Kurioz se si do të rridhnin ngjarjet, ai përdori një nga metodat më të njohura të parashikimit në ushtrinë romake:pulat e shenjta. Tëmbyllura në kafaz ato u morën në të gjithë botën e njohur nga ushtritë romake.

Për to kujdesen enkas nga një zyrtar i quajtur pullaris. Disa grushte me grurë shpërndaheshin në tokë dhe më pas lëshoheshin pulat. Nëse ato dilnin me nxitim nga kafazet e tyre dhe e gëlltitnin me lakmi grurin, kjo konsiderohej një ogur i mirë, dhe vendosej të niste sulmi.

Por nëse pulat ngurronin të dilnin, ose tregonin mungesë interesi për grurin, kjo konsiderohej si një paralajmërim se beteja do të humbej ndaj duhej shmangur. Kjo ishte pikërisht ajo që bëri edhe Pulsher, dhe kur pulat e shenjta nuk shkuan të hanë grurin, ai u zemërua aq shumë sa urdhëroi t’i hidhnin anash varkës së tij, duke deklaruar:”Nëse nuk hanë, atëherë le të pinë!”. Në fakt Pulsher dhe trupat e tij u shpartalluan plotësisht nga kartagjenasit në Drepana.

2.Flijimet njerëzore

Në Romën e lashtë, një prift i quajtur haruspeks, kishte për detyrë të bënte parashikime duke analizuar të brendshmet e kafshëve të flijuara, më shpesh mbi mëlçinë e deles. Megjithatë, thuhet se romakët përdornin një metodë shumë më të tmerrshme. Ajo njihej si antropomanci, ose parashikim bazuar tek qeniet njerëzore.

Romakët sakrifikonin herë pas here burra, gra dhe fëmijë për këtë qëllim, megjithëse provat për këtë nuk janë të forta. Zakonisht subjektit i hapej gjoksi ndërsa ishte ende gjallë, dhe organet e tyre nxirreshin sipas një rendi të caktuar dhe ‘lexoheshin’ derisa të vdisnin.

Prifti që kryente sakrificën, përveç studimit të ngjyrës dhe formës së çdo organi, do të vinte në dukje edhe mënyrën se si bërtiste viktima, si përgjakej, dhe mënyrën e spazmave paravdekjes. Ky informacion interpretohej për shenja dhe parashikime. Perandori sadist i shekullit III-të Elagabalus, thuhej se ishte një praktikues i kësaj metode. Julian Apostati, perandor nëvitet 332–363 Pas Krishtit, supozohet se sakrifikoi një grua me duart e tij në një tempull, duke e varur në zinxhirë dhe më pas duke ia shkulur mëlçinë.

3.Urina

Një nga metodat më të pazakonta të tregimit të fatit ishte leximi i urinës. Kjo nuk ishte unike vetëm për Romën, pasi përdorimi i saj ishte i përhapur në gjithë botën antike. Mënyrat e interpretimit ndryshonin. Disa lexonin shenja tek shija apo aroma, ndërsa të tjerët analizonin rrjedhën dhe ngjyrën.

Personi mbi të cilin bëhej parashikimi urinonte në një tenxhere me dhomë përpara se të ekzaminohej përmbajtja. Flluskat e mëdha të vendosura larg njëra-tjetrës nënkuptonin një fat të mirë, ndërsa të voglat ishin një ogur i keq dhe tregues i afrimit të sëmundjes ose vdekjes.

4.Bubullimat dhe stuhitë

Augurët dilnin në majën e kodrave për të parë dhe lexuar qiellin për mesazhe nga Perënditë.Ato mund të ishin në formën e lëvizjeve të tufave të shpendëve, rrufesë ose formës dhe lëvizjes së reve. Një formë tjetër në këtë kategori njihet si brontomancia. Ky është tregimi i fatit duke interpretuar bubullimat dhe stuhitë.

Në Romën e lashtë, augurët e interpretonin si një shenjë të mirë bubullimën në pjesën e majtë të qiellit, dhe një ogur të keq nëse dëgjohej në të djathtë. Bubullima interpretohej edhe si një pararojë e vdekjes, me kuptime të ndryshme në varësi të ditës së javës.

Të dielat zakonisht sinjalizonin vdekjen e afërt të një prifti ose dijetari, të hënat një gruaje, të mërkurat dhe të enjtet të lypsave dhe prostitutave, të premtet për shtetarët dhe gjeneralë. Bubullimat e të shtunave ishin një paralajmërim për goditjen nga murtaja ose zija e bukës.

5.Vezët

Kjo metodë njihet nga romakët si omanci. Parashikimi përmes vezëve mori forma të ndryshme, por më popullore ishte hedhja e të bardhës së vezës në ujë të vluar dhe bërja eparashikime nga format që formoheshin. Një masë e bukur rrethore, tregonte se një martesë në horizont, ndërsa një formë e parregullt si gjarpër lexohej si një paralajmërim për rrezikun që po afrohej.

Sipas një kronikani romak, Livia Druzila përdori një vezë për të parashikuar gjininë e foshnjës së saj të palindur. Ajo e inkuboi vezën midis gjoksit të saj dhe më pas kur ishte gati për t’u çelur, e mbajti vezën në dorë. Zogu ishte i gjinisë mashkull, dhe kjo tregonte se foshnja e saj do të ishte një djalë. Vezët e pathyera fërkoheshin gjithashtu në stomakun e grave shtatzëna dhe më pas hapeshin. Nga veza e papërpunuar nxirren kuptime të ndryshme. Një e verdhë veze e dyfishtë nënkuptonte binjakë.

6.Pasqyra

Në mesjetë dhe në kohët e lashta, ishte shumë i përhapur arti magjik i parashikuesit qëshihnin në një pasqyrë, mbi një top kristali, ujë apo një sipërfaqe tjetër reflektuese për të parashikuar të ardhmen apo për të kërkuar udhëzime nga një burim misterioz. Në Romën e lashtë, ata quheshin specularii, që në latinisht të thotë “pasqyrë” dhe “të shikosh”.

Perandori romak Didius Julianus, që sundoi në pranverën e vitit 193 Pas Krishtit, përdori një pasqyrë për të parashikuar rezultatin e një beteje. Ai pa humbjen e tij dhe suksesin e Severus, një nga rivalët e tij. Ky parashikim doli i saktë. Severus mundi Julianusin dhe e vrau atë në qershorin e atij viti.

The post Gjashtë metodat e lashta romake për parashikimin e së ardhmes appeared first on Albeu.com.

Kontrata e Sarrit me klubin bardhekaltër skadon në vitin 2025, por tashmë duhen garanci nga ana e presidentit Lotito për merkaton, shkruan “Il Messaggero”. Aktualisht Lazio zë vendin e dytë në renditjen e Serie A, por tekniku gjithmonë është ankuar në lidhje me organikën, që sipas tij nuk është e plotë për të luftuar në tre fronte. Sarri kërkon përforcime që të qëndrojë edhe sezonin tjetër, në të kundërt do të largohet nga Lazio.

Janë të shumta skuadrat që kanë shfaqur interes për teknikun, në Itali flitet për Milanin dhe Fiorentinën, por duhet kujdes edhe nga Premier League, ku Tottenham, Everton dhe Aston Villa e ndjekin me shumë vëmendje.

The post E ardhmja e Sarrit e paqartë, refuzon ofertën prej 7 milionë eurosh nga Emiratet Arabe appeared first on Albeu.com.

Një takim ballë për ballë që megjithatë nuk çoi në një marrëveshje përfundimtare. Asnjë formulë për rinovim, asnjë zgjatje e kontratës që skadon në qershor. Siç raporton “L’Equipe”, optimizmi i disa javëve më parë është zbehur.

Gazeta franceze thekson se Messi nuk po nxitohet, duke u përpjekur të kuptojë propozimin e vërtetë të Inter Miami, me klubin amerikan gati ta mbulojë me para për të luajtur në MLS. Ndërkohë, një udhëtim i Jorge Messit po shkakton diskutime, duke ndezur thashethemet për të ardhmen e djalit të tij.

Babai i kampionit të botës, pas takimit me drejtuesit e PSG-së, zbarkoi në Barcelonë. Arsyeja e udhëtimit të tij në Spanjë mbetet e mbuluar me mister. Mediat spanjolle shkruajnë se Jorge po dëgjon të gjitha propozimet e mundshme dhe në fund do të vendosin bashkë me djalin për të ardhmen.

The post E ardhmja e Messit një mister, babai i tij bën lëvizjen surprizë appeared first on Albeu.com.

Duket se më në fund Lionel Scaloni ka marrë vendimin e tij dhe do të vazhdojë të jetë në drejtimin e kësaj përfaqësueseje, për të synuar një tjetër rrugëtim historik në Botërorin e vitit 2026.

Sipas mediave argjentinase, ai do të rinovojë së shpejti kontratën e tij, e cila kishte përfunduar në dhjetorin e vitit të kaluar, pak ditë pasi ngjiti Argjentinën në majën e futbollit botëror.

“TycSports” bën të ditur se rinovimi do të bëhet zyrtar në ditët e para të muajt mars dhe trajneri do të jetë ai që do të drejtojë ekipin që në ndeshjet miqësore të muajit të ardhshëm.

Vendimi i Scalonit për të vazhduar, besohet se mund të shtyjë edhe Lionel Mesin që të qëndrojë më gjatë në radhët e përfaqësueses, ndoshta pikërisht deri në Botërorin 2026.

The post A do të vijojë të drejtojë Argjentinë? Scaloni merr vendimin për të ardhmen appeared first on Albeu.com.

Optimizmin që e zbulon përmes një postimi në Instagram: “E ardhmja është aq e ndritshme sa kam nevojë për syze dielli”, është shprehur sulmuesi suedez, i cili vazhdon ende të ketë besim te performanca e tij në fushën e lojës./ h.ll/albeu.com

 

View this post on Instagram

 

A post shared by Zlatan Ibrahimović (@iamzlatanibrahimovic)

The post Ibrahimovic mendon për të ardhmen: Është kaq e ndritshme sa kam nevojë për syze dielli appeared first on Albeu.com.

“Nuk e di ende nëse do të qëndroj te Juventus, nukl është koha për të folur për këtë.

Unë e di që paraqitjet e mia në Kupën e Botës do më ndihmojnë që të shkoj diku tjetër, por edhe të flas me klubin tim aktual për të rinovuar. Por tani fokusim im është vetëm Kupa e Botës në Katar”, është shprehur Rabiot./h.ll/abcnews.al

The post Rabiot tremb Juventusin: Nuk e di nëse do të qëndroj appeared first on Albeu.com.

Shumë herë është përfolur për një rikthim të tijin në Barcelona, ku Joan Laporta ka reaguar edhe një herë në mënyrë të fshehtë për rikthimin e mundshëm të argjentinasit në Camp Nou.

“Fëmijët gjithmonë më pyesin për rikthimin e tij dhe unë u them që do të shohim. Tani ai është një lojtar i PSG-së dhe nuk dua ta krijoj probleme para kohe”, është shprehur presidenti i klubit për “RAC1”./ h.ll/albeu.com

The post Laporta: Fëmijët më pyesin për Messin, do të shohim appeared first on Albeu.com.

“A do të jetë eventi im i fundit më i madh? Është e mundur! A do të largohem nga Real Madrid? Jo, nuk dua të largohem nga Real Madrdid. Përgjigja është e qartë, por nuk varet vetëm nga unë.

Unë nuk kam patur fatin të tregoj se sa vlej, dëmtimet nuk më kanë lënë dhe mendoj se aventura ime nuk ka mbaruar ende këtu”, është shprehur Hazard./h.ll/albeu.com

The post Real Madrid, Eden Hazard: Nuk dua të largohem nga këtu appeared first on Albeu.com.

Milan shpreson të mbyllë diskutimin lidhur me rinovimin e Rafa Leao, por do të duhet të presë përfundimin e Kupës së Botës për të kuptuar vendimin e tij përfundimtar.

Rinovimi i portugezit është shumë i ndërlikuar, por nuk do të ketë raste si ai i Donnarumma dhe Kessie, ku Milan i humbi me parametra zero.

Nëse Leao nuk rinovon, Milan ka vendosur ta shesë në verë për të fituar para  dhe për të patur më shumë mundësiu të investojë në ndonjë apo disa lojtarë të tjerë gjatë merkatos nga fitimi i shitjes së portugezit./ h.ll/albeu.com

The post Milan nuk dëshiron të rrezikojë si me Donnarumma apo Kessie, nëse Leao nuk rinovon, ai do të shitet appeared first on Albeu.com.