Kremlini e ka quajtur urdhër-arrestimin e Vladimir Putinit “të egër dhe të papranueshëm”.

Zëdhënësi Dmitry Peskov përsëriti se Rusia nuk e njeh juridiksionin e Gjykatës Ndërkombëtare Penale.

Çdo vendim i gjykatës ishte “i pavlefshëm” në lidhje me Rusinë, tha zoti Peskov.

I pyetur nëse Putin kishte frikë të udhëtonte në vendet që e njohën GJNP-në, Peskov tha: “Nuk kam asgjë për të shtuar për këtë temë. Kjo është gjithçka që duam të themi.”/Albeu.com/

The post Haga e shpall kriminel lufte Putinin, përgjigjet Moska: E pavlefshme appeared first on Albeu.com.

Sipas Guardian, Peskov tha se nuk kishte keqardhje që qyteti në Ukrainën jugore u aneksua nga Rusia në një ceremoni luksoze në fund të shtatorit.

Kremlini tha se kishte përfunduar tërheqjen e trupave të tij nga Kherson, duke braktisur të vetmin kryeqytet rajonal që forcat e tij kishin kapur në gati nëntë muaj luftime. Ai këmbënguli se qyteti ishte ende pjesë e Rusisë, raporton Agjencia France Presse (AFP).

“Kjo është një subjekt i Federatës Ruse. Nuk ka ndryshime në këtë dhe nuk mund të ketë ndryshime”, u tha Peskov gazetarëve.

I pyetur nëse Rusia i vinte keq për aneksimin e Khersonit, Peskov tha se Kremlini “nuk ishte penduar” për këtë veprim,  ai këmbënguli se qyteti ishte ende pjesë e Rusisë.

The post Tërheqja e trupave ruse nga Kherson, Peskov: Nuk është poshtëruese appeared first on Albeu.com.

Lajmi për mbledhjen e Këshillit të Sigurimit u bë i ditur nga zëdhënësi i Kremlinit, Dmitry Peskov, shkruan The Guardian.

Mbledhja vjen pas një shpërthimi të shtunën, 8 tetor, që shkaktoi shembjen e një pjese të një ure që lidh gadishullin e Krimesë me Rusinë.

The Kremlin says Putin will hold a security council session on Monday, in the first instance of him actually planning to do anything since the Crimean bridge was struck.https://t.co/GRyMWKF7r0

— max seddon (@maxseddon) October 9, 2022

Ndërkohë autoritete ukrainase kanë bërë me dije se numri i viktimave nga bombardimet ruse në Zarpozhija është 12 dhe jo 17 siç kishin njoftuar më parë.

Menjëherë pas sulmeve, këshilli i qytetit tha se 17 persona u vranë, por më vonë sqaroi dhe tha se viktimat janë 12.

Sekretari i këshillit të qytetit Anatoliy Kurtev tha se raketat goditën qytetin gjatë natës dhe se të paktën 20 shtëpi private dhe 50 ndërtesa banimi u dëmtuan. Të paktën 40 njerëz shkuan për ndihmë në spital dhe dhjetëra të tjerë po trajtoheshin për lëndime mesatare deri të lehta, postoi zoti Kurtev në kanalin e tij Telegram.

The post Putini mbledh nesër Këshillin e Sigurimit, çfarë pritet të ndodhë appeared first on Albeu.com.

“Është shumë e rëndësishme që të zhbllokohen furnizimet me plehra, ushqime dhe drithëra në tregjet botërore”, tha për gazetarët zëdhënësi i Kremlinit, Dmitry Peskov.

“Është një sasi e vogël e drithit ukrainas, por megjithatë është shumë e rëndësishme që ky drithë të arrijë në tregjet botërore”, shtoi ai.

Më vonë gjatë së premtes, Kievi dhe Moska pritet të nënshkruajnë një marrëveshje në Stamboll për t’i rikthyer eksportet e drithërave ukrainase nga Deti i Zi, edhe pse forcat ruse kanë nisur një sulm të ri me artileri në lindje të Ukrainës.

Bisedimet për zhbllokimin e eksporteve të drithërave janë ndërmjetësuar nga Kombet e Bashkuara dhe Turqia.

Peskov tha se ministri rus i Mbrojtjes, Sergei Shoigu, do të përfaqësojë Moskën gjatë takimit në Stamboll.

Ai konfirmoi planet për nënshkrimin e marrëveshjes, por nuk dha më shumë komente.

Gjatë vizitës në Teheran më herët gjatë kësaj jave, presidenti rus, Vladimir Putin, tha se Perëndimi duhet t’i heqë kufizimet ndaj eksporteve të drithërave ruse nëse dëshiron që Moska t’i lehtësojë eksportet e drithërave ukrainase.

Pushtimi rus në Ukrainë ka ndërprerë dërgesat e drithërave nga Ukraina, një prej eksportuesve më të mëdha në botë të grurit dhe drithërave të tjera, duke rritur frikën se mund të ketë mungesë të furnizimeve ushqimore globale./REL

The post Marrëveshja e drithrave, reagon Kremlini: Zhbllokimi i eksporteve është shumë i rëndësishëm appeared first on Albeu.com.

“Udhëheqja e Ukrainës vazhdimisht bën deklarata kontradiktore. Kjo nuk na e mundëson që të kuptojmë plotësisht se çfarë dëshiron pala ukrainase”, u tha gazetarëve zëdhënësi i Kremlinit, Dmitry Peskov.

Presidenti ukrainas Volodymyr Zelensky tha më herët se ishte përpjekur disa herë të organizonte një takim me presidentin rus Vladimir Putin, për t’i dhënë fund luftës, por se Rusia nuk dukej ende gati për bisedime serioze për paqe.

“Ka gjëra për të cilat duhet diskutuar me liderin rus. Nuk po ju them se qytetarët tanë duan të bisedojnë me të, por ne duhet të përballemi me realitetin e asaj që po jetojmë”, tha Zelensky në një fjalim, duke iu drejtuar aktivistëve në Indonezi.

“Çfarë duam nga ky takim …Duam të kthehen jetët tona… Ne duam të rikthejmë jetën e vendit sovran në territorin tonë”, theksoi ai, duke shtuar se Rusia ende nuk është e gatshme për bisedime serioze për paqen.

Sipas tij, rreth 12 milionë njerëz janë shpërngulur për shkak të luftës dhe rreth 5.5 milionë janë larguar nga vendi.

Dihet se bisedimet e fundit të paqes, ballë për ballë janë mbajtur më 29 mars. Kontaktet kanë vazhduar nga distanca për disa kohë, por të dyja palët tani thonë se ato janë ndalur.

Rusia nisi pushtimin e Ukrainës fqinje më 24 shkurt.

Ndërkohë, forcat ruse po fillojnë avancimin e tyre më të fortë në javët e fundit, në rajonin lindor të Donbasit, pasi që në fillim të këtij muaji u tërhoqën nga kryeqyteti Kiev dhe nga periferia e qytetit të dytë më të madh, Harkivit./rel

The post Kremlini akuzon Ukrainën për deklarata “kontradiktore” mbi bisedimet e paqes appeared first on Albeu.com.

“Rusia ka qenë gjithmonë një eksportues mjaft i besueshëm i grurit. Ne nuk jemi burimi i problemit. Burimi i problemit që çon në urinë botërore janë ata që vendosën sanksione kundër nesh dhe vetë sanksionet”, tha zëdhënësi i Kremlinit Dmitry Peskov.

Rusia dhe Ukraina së bashku përbëjnë gati një të tretën e furnizimeve globale të grurit.

Ukraina është gjithashtu një eksportues i madh i misrit, elbit, vajit të lulediellit dhe vajit të rapit, ndërsa Rusia dhe Bjellorusia, e cila ka mbështetur Moskën në luftë dhe është gjithashtu nën sanksione, përbëjnë mbi 40% të eksporteve globale të lëndës ushqyese potas.

Kombet e Bashkuara kanë thënë se 36 vende mbështeten tek Rusia dhe Ukraina për më shumë se gjysmën e importeve të grurit, duke përfshirë disa nga më të varfrat, mes tyre Libanin, Sirinë, Jemenin, Somalinë dhe Republikën Demokratike të Kongos.

Javën e kaluar, Sekretari i Përgjithshëm i OKB-së Antonio Guterres tha se ai ishte në kontakt intensiv me Rusinë, Ukrainën, Turqinë, Shtetet e Bashkuara dhe Bashkimin Evropian në një përpjekje për të rivendosur eksportet e drithërave nga Ukraina, ndërsa kriza globale e ushqimit përkeqësohet.

Presidenti rus Vladimir Putin, tha Kremlini, gjithashtu u pajtua me vlerësimin e Kombeve të Bashkuara se bota u përball me një krizë ushqimore që mund të shkaktonte zi buke./albeu.com

The post Kremlini heq përgjegjësinë nga vetja: Perëndimi e shkaktoi krizën globale të ushqimit appeared first on Albeu.com.

Me qindra ushtarë atje kanë mbetur të bllokuar në fabrikën e çelikut Azovstal.

Një ligjvënës rus, i cili merr pjesë në bisedimet e paqes ka thënë se Rusia duhet të marrë në konsideratë dënimin me vdekje për ata që ai i quajti luftëtarët nacionalistë nga regjimenti Azov i Ukrainës, sipas skyneës.

Në një debat në dhomën e ulët të parlamentit të Rusisë pasi ushtarët në fabrikën e çelikut Azovstal të Ukrainës u dorëzuan, ligjvënësi Leonid Slutsky tha se megjithëse Rusia kishte një moratorium mbi dënimin me vdekje, duhet të “mendojë me kujdes” për dënimin e luftëtarëve të  Azov.

“Ata nuk e meritojnë të jetojnë pas krimeve monstruoze që kanë bërë kundër njerëzimit  dhe që vazhdojnë të bëhen ndaj të burgosurve tanë”, tha ai.

Kjo vjen pasi zëdhënësi i Kremlinit Dmitry Peskov tha se luftëtarët ukrainas që u dorëzuan në fabrikën e çelikut do të trajtoheshin “në përputhje me standardet ndërkombëtare”.

Ministria ruse e mbrojtjes tha më herët se më shumë se 250 luftëtarë ukrainas të strehuar në fabrikën e çelikut në Mariupol ishin dorëzuar pas shumë javësh nën rrethim.

The post Negociatori rus: Ushtarët e regjimentit Azov duhet të dënohen me vdekje appeared first on Albeu.com.

Kremlini ka akuzuar Ukrainën për ndryshimin e qëndrimit të saj për çështjet që tashmë janë rënë dakord në bisedimet e paqes.

Reuters po raporton se zëdhënësi i Kremlinit Dmitry Peskov u tha gazetarëve në një telefonatë konferencë se kontakti po vazhdonte në nivel ekspertësh brenda procesit të negociatave.

“Për fat të keq, pala ukrainase nuk është konsistente për sa i përket pikave për të cilat është rënë dakord”, tha ai.

“Shpesh po ndryshon pozicionin e saj dhe trendi i procesit të negociatave lë shumë për të dëshiruar”./albeu.com

The post Kremlini akuzon Ukrainën për ndryshimin e qëndrimit ndaj çështjeve të bisedimeve të paqes appeared first on Albeu.com.

Dmitry Peskov u pyet nga Sky Neës nëse lufta kishte qenë një “poshtërim”, duke pasur parasysh se Rusia ishte tërhequr nga kryeqyteti, humbi mijëra trupa dhe se Presidenti Volodymyr Zelensky ishte ende në pushtet.

Ai tha se ky ishte një keqkuptim i asaj që po ndodhte.

Por i pyetur sërish nëse Rusia ka humbur mijëra trupa, ai tha: “Po, ne kemi humbje të konsiderueshme trupash dhe kjo është një tragjedi e madhe për ne”.

Ai më pas shtoi se tërheqja nga rajoni i Kievit dhe qyteti verior i Chernihiv ishte një “akt i vullnetit të mirë” për të hequr tensionin gjatë bisedimeve të paqes.

Në intervistë, Peskov përsëriti arsyet e Rusisë për atë që e përshkruan si një “operacion special ushtarak”, duke thënë se Ukraina ishte bërë “anti-ruse” dhe Moska ishte me të vërtetë nervoze pasi NATO kishte filluar të lëvizte drejt kufijve të Rusisë.

Rusia ka thënë më parë se 1351 ushtarë janë vrarë. Numri i plotë i të vdekurve nuk dihet, por një zyrtar i NATO-s është cituar në mediat amerikane të ketë thënë mes 7,000 dhe 15,000, dhe ka vlerësime të ngjashme të SHBA./albeu.com

The post Kremlini e pranon: Kemi humbje të konsiderueshme të trupave në Ukrainë, tragjike për ne appeared first on Albeu.com.