Vendet e Grupit të Shtatë (G7) pritet të shpallin sot një kornizë ndërkombëtare që do të hapte rrugën për garancitë afatgjata të sigurisë për Ukrainën për të forcuar mbrojtjen e saj kundër Rusisë dhe për të parandaluar një sulm të ardhshëm, thanë zyrtarët.

Zëdhënësi i Kremlinit Dmitry Peskov tha se garancitë e propozuara të sigurisë për Kievin janë një gabim, të cilin Moska do të detyrohet ta marrë parasysh në vendimmarrjen e ardhshme.

“Ne e konsiderojmë këtë veprim si veçanërisht të gabuar dhe ndoshta shumë të rrezikshëm,” u tha Peskov gazetarëve.

“Sepse duke ofruar çdo lloj garancie sigurie për Ukrainën, këto vende do të injorojnë parimin ndërkombëtar të pandashmërisë së sigurisë. Duke dhënë garanci për Ukrainën, ata do të cenojnë sigurinë e Federatës Ruse”, tha ai.

Është e pamundur që Rusia të tolerojë çdo gjë që kërcënon sigurinë e saj, tha Peskov, duke shtuar se ai shpreson që politikanët në Perëndim të kuptojnë rreziqet që lidhen me sigurimin e garancive të tilla për Ukrainën.

Një veprim i tillë “është i mbushur me efekte veçanërisht negative në afat të mesëm, afatgjatë dhe madje edhe të shkurtër,” tha Peskov.

“Duke marrë një vendim të tillë, këto vende do ta bëjnë Evropën shumë më të rrezikshme për shumë e shumë vite në vijim. Dhe sigurisht që do të na bëjnë dëm, të cilin do ta kemi parasysh dhe do ta mbajmë parasysh në të ardhmen”.

The post G7 garanton sigurinë për Ukrainën, Kremlini: Gabim i rrezikshëm appeared first on Albeu.com.

Zëdhënësi i Kremlinit, Dmitry Peskov tha se Rusia po përgatitej se si do t’i përgjigjej lëvizjes së G7 dhe aleatëve për të ndaluar vendet dhe kompanitë të merren me eksportet ruse të naftës nga deti, ku çmimi është mbi 60 dollarë për fuçi.

“Rusia dhe ekonomia ruse kanë kapacitetin e nevojshëm për të përmbushur plotësisht nevojat dhe kërkesat e operacionit special ushtarak”, tha Pesov

Kujtojmë se Rusia i quan veprimet e saj në Ukrainë një “operacion special ushtarak”.

Ai shtoi se kufiri i çmimeve do të “destabilizonte plotësisht” tregjet globale të energjisë dhe u tha evropianëve se duhet të përgatiteshin për çmime më të larta.

Siç kemi raportuar më herët, vendet perëndimore kanë filluar të vendosin një kufi të çmimit prej 60 dollarë për fuçi si pjesë e masave të reja që synojnë të ushtrojnë presion mbi Moskën për luftën./albeu.com

The post Kremlini: Kufiri i çmimit për naftën ruse nuk do ta pengojë “operacionin ushtarak” në Ukrainë appeared first on Albeu.com.

Në një telefonatë informuese me gazetarët, Peskov tha se Shtetet e Bashkuara ishin të afta të merrnin parasysh shqetësimet e Rusisë dhe mund të inkurajonin Kievin që të kthehej në tryezën e bisedimeve nëse do të dëshironin.

Peskov tha gjithashtu se Ukraina kishte ndryshuar pozicionin e saj nëse donte të negocionte me Moskën disa herë gjatë rrjedhës së konfliktit nëntë-mujor dhe nuk mund të mbështetej tek ajo.

Presidenti i Ukrainës, Volodymyr Zelensky, më 15 nëntor u tha udhëheqësve botërorë se koha për t’i dhënë fund luftës së Rusisë në Ukrainë është “tani”.

“Jam i bindur se tani është koha kur lufta shkatërruese ruse duhet dhe mund të ndalet”, tha ai, duke iu drejtuar samitit të G20-ës, apo grupit të vendeve më të industrializuara, që po mbahet në Bali të Indonezisë. Ndalja e luftimeve “do të shpëtonte mijëra jetë”, tha Zelensky përmes video-lidhjes. Rusia ka nisur pushtimin në shkallë të gjerë të Ukrainës në fund të shkurtit. /REL

The post Kremlini thotë se nuk mund të imagjinojë negociata publike me Kievin appeared first on Albeu.com.

Fraza “dritare drejt Europës” i referohet Pjetrit të Madh, perandorit të parë të Rusisë që sundoi për më shumë 40 vite deri në vitin 1725. Javën e ardhshme u shënua 350 vjetori i lindjes së tij.

Peskov tha se Presidenti Putin e vlerësonte shumë rolin e Pjetrit të Madh pasi ai kishte njohuri të thella të historisë. Rusia ka kritikuar vendimin e SHBA-së për të armatosur Ukrainën me sisteme raketash më të avancuara, duke akuzuar Uashingtonin se “i ka hedhur benzinë ​​zjarrit” por tha se kjo nuk do të ndryshojë rrjedhën e luftës.

“Furnizimi i Ukrainës me armë nuk i ndryshon të gjithë parametrat e operacionit special. Ne do të përmbushim qëllimet e operacionit tonë special,  por kjo do të shkaktojë edhe më shumë vuajtje në Ukrainë”, tha Peskov.

Luftimet e ashpra vazhdojnë në Ukrainën lindore, ku zyrtarët pranojnë se 80% e qytetit të madh industrial të Severodonetsk tani është në kontrollin e forcave ruse.

The post A do të ndërpresë Rusia marrëdhëniet me Perëndimin, Kremlini jep përgjigjen e prerë appeared first on Albeu.com.

Së fundmi në një deklaratë për mediat zëdhënësi i Kremlinit, Dimitri Peskov, ka paralajmëruar vendet e tjera të Bashkimit Evropian se mund t’iu ndërpresë furnizimet me gaz natyror rus nëse refuzojnë të paguajnë në rubla.

Komentet e tij erdhën pasi Rusia ndaloi furnizimet me gaz për Poloninë dhe Bullgarinë, një lëvizje që liderët evropianë e denoncuan si “shantazh”.

Sipas mediave të huaja mësohet se gjigandi rus i kontrolluar nga shteti, Gazprom, tha se po i ndërpret gazin natyror Polonisë dhe Bullgarisë sepse ata refuzuan të paguanin në rubla ruse, në përputhje me një dekret të lëshuar muajin e kaluar nga Presidenti Vladimir Putin. Gazprom tha se nuk kishte marrë asnjë pagesë të tillë që nga fillimi i muajit.

Duke folur për gazetarët, Peskov tha: Rusia ishte dhe mbetet një furnizues i besueshëm i burimeve të energjisë për konsumatorët e saj dhe mbetet e përkushtuar ndaj detyrimeve të saj kontraktuale.

Ndër të tjera ai shtoi më tej: Kur të afrohen afatet e pagesës, nëse disa konsumatorë refuzojnë të paguajnë sipas sistemit të ri, atëherë sigurisht që do të zbatohet dekreti i presidentit.

Nga ana tjetër i pyetur nëse Rusia ishte gati për humbjet buxhetore që mund të përballonte nëse vendet evropiane refuzonin të paguanin për gazin në rubla, Peskov u përgjigj: Gjithçka është llogaritur, janë parashikuar të gjitha rreziqet dhe janë marrë masat e nevojshme./albeu.com

The post Rusia nuk ndalet, paralajmëron vendet e tjera: Do t’ju ndërpres furnizimin me gaz appeared first on Albeu.com.

Zëdhënësi i Kremlinit, Dmitry Peskov, u shpreh i habitur me faktin që presidenca e vendit fqinj nuk ishte informuar.

“Dëgjuam Presidentin Zelensky që tha se nuk ka marrë asnjë tekst, nuk ka parë asnjë dokument, gjë e cila ngre disa pikëpyetje pse askush nuk po i raporton Presidentit Zelensky për versionin tonë të propozimit”, u shpreh Peskov.

Komentet nga të dyja palët shfaqin problemet serioze në komunikim dhe ecurinë e pakët në negociatat e paqes.

Javën e kaluar, Putin tha se bisedimet kanë arritur në një fund pa krye, ndërsa Zelensky paralajmëroi ndërprerjen e negociatave në çdo moment nëse zbulohen masakra të reja të Rusisë në Ukrainë.

Moska nuk lëshon pe në kërkesat e saj, ashtu si edhe Kievi./albeu

The post Propozimi rus për paqe, Peskov: Si ka mundësi që Zelensky nuk e ka marrë ende letrën tonë ? appeared first on Albeu.com.